Anak adam versi lengkap bagian 1 | Nadzom sunda

Terimakasih untuk selalu mendukung channel ini! Jangan lupa tinggalkan jejak ya.
Semoga video nya bermanfaat, do'akan juga semoga Risma dan pembaca sehat-sehat dan di lancarkan urusan baik dunia maupun akhirat. Aamiin.
Follow : @rismayunita07_
Anak adam anjeun di dunia ngumbara
Umur anjeun di dunia teh moal lila
Anak adam umur anjeun teh ngurangan
Saban poe saban peuting di contangan
Anak adam anjeun paeh teh nyorangan
Cul anak cul salaki cul babarangan
Anak adam paeh euweuh nu di bawa
Ngan asiwung jeung boeh anu di bawa
Anak adam pasaran teh lolongseran
Saban poe saban peuting gegeroan
Anak adam anjeun kaluar ti imah
Di garotong dina pasaran nu geunah
Aduh bapa aduh ibu abdi keueung
Rup ku padung rap ku lemah abdi sieun
Anak adam di kubur teh leuwih poek
Nu nyaangan di kubur teh maca qur’an
Anak adam paeh anjeun di takonan
Malaikat munkar nakir nu nakonan
Anak adam mun teu bisa ngawalonan
Ka malaikat nu dua nu nakonan
Anak adam tangtu keuna eta gendir
Pangeunggeulna malaikat munkar nakir
Anak adam lamun amal urang alus
Eta tangtu di kubur teh leuwih mulus
Anak adam sing garetol maca qur’an
Pidamareun di kubur teh maca qur’an
Anak adam kaluar ti alam barzah
Waktuna teh dina saba’da qiyamah
Nyaeta dina tiupan nu kadua
Nu di ngaranan paniup ba’ats tea
Anak adam urang sanggeus dihirupan
Tuluy digiring kana tempat landeuratan
Pirang-pirang aleutan nu rupa-rupa
Sakumaha waktuna hirup di dunia
Anak adam aya anu rupa bagong
Waktu hirup di duniana teh bedegong
Anak adam waktu anjeun keur ditimbang
Mun beurat ka kenca tangtu kana jungkrang
Kitu deui lamun beurat ka katuhu
Eta meunang kabungahan anu tangtu
Dulur-dulur abdi sakieu wasiat
Pamugi ieu nadzoman janteun hikmat
Anak adam ari maot eta lawang
Sakabehna jalma-jalma pada nyorang
Anak adam ari maot teh inuman
Sakur-sakur jalma pada ngaraosan
Anak adam dawuh Allah maneh dijieun
Taya lian pikeun ibadah lakonan
Anak adam maneh ulah katungkulkeun
Kana dunia sabab bakal ditinggalkeun
Anak adam maneh ngalakonan dosa
Saha anu nyalameutkeun tina siksa
Maneh lamun ngarep-ngarep rohmat kami
Kudu pisan netepan bakti ka kami
Reujeung maneh mun sieun tina siksaan
Eta kudu tina doraka jauhan
Reujeung maneh sok era ku pada jalma
Henteu sieun ku Allah sakama-kama
Anak adam ulah poho kana maot
Karena ari maot ka anjeun pogot
Geuning maneh ayeuna keur mapay jalan
Tangtu anejun nepi kana panungtungan
Anak adam pek pigawe amal hade
Karena nu jadi konci surge engke
Reujeung ninggalkeun sagala kagorengan
Sabab jadi konci naraka siksaan
Anak adam gedong-gedong nu di dunia
Nu ku anjeun di jieun di reka-reka
Pasti pisan ku anjeun teh ditinggalkeun
Jadi ka anjeun matak nganalangsakeun
Anjeun pindah ti dunia ka pakuburan
Dina pakuburan tangtu di sampakaeun
Mun boga amal sholeh tangtu bungah
Lamun mawa dosa tangtu ge susah
Pakuburan mungguh ka jalma nu sholeh
Kasebutkeun roudoutumminal jannah
Hartosna teh patamanan surge
Mungguh kanu doraka ruang naraka
Anak adam ari nu ngawungkul dunia
Tangtu hirupna di dunia bakal hayang lila
Ari jalma nu resep ka akherat
Di duniana tangtu sono kana maot
Ieu nadzom pepeling reujeung wasiat
Nu kadua rek disambung deui mapat
Anak adam anjeun kudu daek tobat
Karena tobat jadi konci ibadah
Lamun jalma henteu ngalakonan tobat
Moal baker ka Allah migawe to’at
Ari ngarah bisa tobat kudu di pikat
Nyaeta ku loba eling kana maot
Anak adam urang ulah kajongjonan
Hirup di dunia kun gurus kaduniaan
Masing eling kana banggana hisaban
Di akherat komo mun nyorang siksaan
Jeung elingkeun kana siksa pakuburan
Kanu boga dosa henteu di tobatan
Saha-saha jalma anu daek tobat
Eta tangtu di akheratna salamet
Reujeung tangtu moal salah pangbalikan
Nyaeta ka surga tempat kani’matan
Sing di sebut kebo mulih pakandangan
Baheula urang di dunia kadudukan
Mun teu kitu tangtu balikna ka sarung
Ka tempat siksaan tangtu kaduhung
Dawuh Allah saha nu eling ka kami
Sarta dibarengan ibadah ka kami
Tangtu kami miasih ka eta jalma
Jeung di rohmat ku kami di dama-dama
Anu eling ka Kami bari doraka
Ku Kami di bendu asup ka naraka
Prak geura bakti ka Kami rejeung tinggal
Tina sakabeh dosa bari tawekal
Anak adam anjeun geura babahanan
Pikeun balik nyaeta amal-amalan
Dunia anjeun geura hutangkeun ka Allah
Kurupa sidekah rejeung amal jariyah
Rejeung ikhlas dibarengan ridho manah
Supaya ditarima ku Gusti Allah
Engke katampa ku anjeun di akherat
Bayaran ti Gusti Allah manglipet-lipet
#Pupujuansunda #nadhomsunda #syiiransantri #syairansunda #santrisalafy #siksa #sholat #adzab #qur'an #maot #ajal #ngaji #maot #ajalgeusdatang #dunia

[@FadliFaika77]

Nyari yg nadom nya anak cowok dewasa gk ada ya,, yg gk pke musik,, buat di stel di mesjid waktu sahur

[@rismayunita]

Pasti ada beberapa pak, coba cari judul nya aja di youtube..

[@jamilpunya2118]

Nadzoman bagus, anak adam

[@MamahSaqila-o1z]

Lama kelamaan akan bosen semuanya sudah terlambat datan

[@MamahSaqila-o1z]

Sabar dong kalau bacabaca. Jadi aku ketinggalan

[@ekonova88]

Assalamualaikum, maaf teh mohon izin untuk mempergunakan lirik2 nya, apakah di bolehkan,?

[@Manjirio.MAYKI.S]

Muhun

[@sitifauziah2604]

Boleh ini mah nadzom biasa di pesantren

[@احمدالزعبي-ح5ث]

🤍❤🌹⚘🌷🌼🌻🌺💚🤍❤