Josiana zgjodhi Shqipërinë

Josiana Fullani është e reja e talentuar që ka vendosur të investojë në Shqipëri. Ajo mban rolin e menaxheres së projekteve pranë kompanisë “Commercey” dhe drejton me sukses projekte të ndryshme në fushën e biznesit dhe tregtisë online.
Josiana ka treguar aftësi të shkëlqyera në menaxhimin e projekteve duke kontribuar ndjeshëm në suksesin e kompanisë pasi zgjodhi të kthehet në Shqipëri pas 5 vitesh të studimeve të saj në Paris.
“Mesazhi që unë u jap të rinjve shqiptarë është mos humbni shpresën, njihni veten tuaj, udhëtoni sa më shumë, jetoni sa më shumë dhe mos harroni se potencialin tuaj më të madh e keni në vendin tuaj”, thotë Josiana.