ฝัง
- เผยแพร่เมื่อ 17 ก.ย. 2024
- [真人真事]
記得一次有個學生問左一句：「你讀咁多physics就係為左黎教我地呀？」當中語帶諷刺，頓時令我回想起讀書所謂何事，尤其係讀physics。
好多人都會覺得中學讀既physics九唔搭八，有啲topic同日常生活完全脫勾，唔明白自己既青春點解要俾佢去折磨。啲粒子點震關我乜事？個波跌落黎既時候行得幾快關我乜事？當然，呢啲既topic對普通人黎講真係幾抽象，但係對一個工程師黎講，呢啲數真係救你一命。你而家生活入面接觸既每一個產品，小至一支原子筆，大至一層樓，背後都有一個工程師團隊，「大話怕計數」，有時一啲設計師諗諗下以為OK既設計，最後都要過工程師手，等佢睇下到底可唔可行，呢啲全部都要計一啲physics既數。中學培育既，就係一班科技人材，而唔一個普通人。
然而我並無因為physics既實用去讀engine，讀physics對我黎講有更大既意義，就係好奇。如果你問任何關於現實既問題，最後最根本既，你必定會去到physics。喺大學大一晚同同學討論到哲學問題，如果人係由粒子組成，而粒子只根據物理定律去運行，人又邊有自由可言？的確，如果你不斷發問，一定會問到世界由乜嘢組成？佢背後既運作原理係乜？而佢地都係physics想探討既嘢。
人生之中最完美緊係你有能力做到自己想做既事，而你想做既事又咁啱係呢個社會想你做既事，但係呢個世界邊有咁完美。中學揀科揀黎揀去都係嗰幾科，無你鍾意既之餘，你又無膽無能力離開中學自己去搵新一片天，喺呢個時候，你最可以做既，就係嘗試吓愛上你已經揀左既科。或者你無諗過要從事讀或者做同physics相關既嘢，或者對你黎講physics的確無乜樂趣可言，即使係咁都好，如果你無辦法改變現狀，不如試下搵個理由推動自己，總好過你一直自怨自艾咁原地踏步。
Online補習平台：tutorial.marcy...
Mechanics 力學所有課程：tutorial.marcy...
Electrostatics 靜電學課程：tutorial.marcy...
Circuit and Domestic Electricity 電路和家居用電課程：tutorial.marcy...
![[邊個話要Drop Physics既同我入黎] 四個關於Drop科既錯誤觀念](http://i.ytimg.com/vi/eXX6kvymsuU/mqdefault.jpg)
![[邊個話要Drop Physics既同我入黎] 四個關於Drop科既錯誤觀念](/img/tr.png)
![HIWWHEE | OHM [Official MV]](http://i.ytimg.com/vi/OJJLtTLqLag/mqdefault.jpg)
漏左個 每個讀物理既人都有一個攞諾貝爾物理學獎既夢xd
好...我認...我都有發個呢個夢。
好唔鍾意D人用''讀數學/physics讀黎有咩用?''或甚話數學/physics係垃圾去作為自己成績差既遮醜布, 但其實佢地日日都用緊數學/physics的產物, 你個description完全講出我心聲
其實唔止數學/physics, 此道理同樣適用係其它科目上
你講得啱，其實同樣道理能夠應用喺其他科目上，我教物理先以物理黎做主題。但係我真係聽過人講覺得數學無用係因為買餸唔使計cos sin tan，而講呢翻話既人仲要係為人師表，所以有時「乜乜乜有咩用呀？」呢啲問題真係唔好隨便講出口，人地聽到就知你個人膚淺。
其實個學生冇錯, 個學生應該先學一啲佢認為有用既學問, 學生對學問產快不愉快,有其心理原因,佢學生再次發現數學物理有用時,雖然已經錯過了很多歳月,但起碼不會產生抗拒吧
You Know Who 因為我哋係龍的傳人 xD
Biology is applied Chemistry
Chemistry is applied Physic
*Physics is applied Maths*
Math is the king of science
Yeah
Maths is just a tool for physics.
讀ug 時我都覺得數學係唯一真理，覺得比phy嚴謹得多，但睇完mathematics the loss of certainty後就覺得半斤八兩，物理最低限度都可以訴諸實驗數據，數學就未必可以。
我都想讀physics啊。無奈文科生頭腦，數學底差，次次物理test都唔合格，睇極都唔明，最後揀social science。😶
小吉 social science 都有佢精彩同好玩嘅地方，既然揀左，唔使諗咁多，努力啦！
唔考慮geography？
講得實在太好，條片都剪得好精彩。其實我地每個人日日都享受緊哩d理論帶比我地嘅好處，如果唔系有班科學家，你地e家有智能電話可以日日打機咁high？真系佩服d人覺得身邊嘅一切都理所當然，d智能電話系棵樹到生出黎嘅？d地鐵、冷氣機系上帝創造出黎比你做聖誕禮物嘅？
的確係，我地無好好咁留意身邊既事物係點黎既，所以先會忽略好多知識既重要性。
多謝你 你講啱咗我嘅心聲 我真係好鍾意天文,物理,同對佢哋有好奇心, 促使我揀科嘅時候毫不猶豫咁揀physics
唔好成日話讀physics冇用，呢科冇用，果科冇用。我冇讀到DSE physics，但我都知道科科都有實際用途，正如我地唔可以話中文同歷史冇用。不過我覺得中學physics syllabus可以再好少少，同埋可以同日常生活有多D linkage. Physics仲同chem bio有連繫，三科互補，你仙至可以了解科學本質。總知唔好理，讀physics啦！勿理什麼是物理！
係呀，所以話乜乜科無用嗰啲人，真係幾幼稚。但係正如片中所講，有啲知識對生活既作用的確不大，但唔代表佢係無價值既，始終知識既價值唔係單單在於應用。
syllabus好唔好就好難一概而論，但phy chem bio夾埋黎讀的確有互補既作用，但始終吾生也有涯，而知也無涯。以有涯隨無涯，殆已。得嗰三年，唔係嗰嗰有能力有時間讀咁多嘢。
而家334學制,DSE真係好難選。
學科本身要可以擴闊自己視野，無論選咩科，都應該著重學習當中嘅思考模式，掌握到思考模式，學科內容都會自然地好，亦會較容易體會當中嘅樂趣，然後有系統嘅思考模式可以擴展至自己其他生活範疇，令自己可以做一個完整嘅人。
個人推薦：物理、化學、生物、地理、經濟、藝術、音樂，視乎個人能力同學校師資。文史科都唔係唔好，而係現時教育制度下，個人覺得自己睇多啲書會學得反而比較透切。
理科就著重邏輯思維、數學思維。呢啲基本上係構成現代社會兩個重要嘅思考模式。個人都係純理科出身，所以私心推薦。
經濟學如果理解得透切，其實都可以擴展到社會嘅各個範疇，係一個可以擴闊視野、理解社會嘅學科。
藝術音樂就睇個人投入程度，如果可以建立一個完整嘅藝術觀同態度，其實都可以提升個人嘅層次。因為香港太唔著重藝術，成日以為只係興趣仔，所以特別強調一下。
多謝你咁用心整既片，幫助到我好多，希望可以keep住update:)
GOOD!!幫到手就好！
落街買餸都要識得同個阿姐講要買幾多Newton嘅菜㗎～
呀姐可能會以為你要買牛
好有道理XDDD
可以既話，我都想geog+physics讀astronomy
其實我覺得最應該講嘅係： *Chem先係最離地嘅一科* ╮(╯▽╰)╭
本人修Bio 、Phy ，中三因為感覺本校Chem老師太雷，唔想做化兵。😂咁所以3X寧願揀其他都唔修曬phy , chem , bio XD
BTW，我好鐘意你啲片㗎🙆，請你繼續加油出片，打救下我地呢班DSE考生 😢（平時上堂/做練習發現有唔明嘅concept上嚟睇返啲片真係幫咗我好多😭THANKS A LOT ）
邊科最離地呢啲真係好睇人既性格既，我當年都好鍾意讀Chem呀。
@@MarcYam 認真咩😱 好啦，唔該你😂 加油啊 🙆
@@y.yeeeeeee +1最鐘意chem 最唔鐘意bio
我form 3 Phy 幾好，上到 form 4 跌得好勁。我到依家 form 5 都鍾意 Physics，但一直諗唔到咩方法讀好。老師又叫我 drop，唉
lawrence Zimmermann 你有試過啲咩方法？睇下我可唔可以俾啲ideas你？
Marc Yam
多謝您呀
我其實一直好鍾意天文學，所以我Form 3果陣打算讀Physics 學d天文嘢
Form4 學mechanics, 上堂完全聽唔明,之後揾私補,但有補冇補的分數差唔多,所以冇補
其實我依家上堂都聽唔明，唔明就睇下您d片
我Form 4 half yearly 我考7X 分，最勁的考 9X 分（我的班主任叫我趁早drop Physics，向學校求情睇下可唔可以轉科。我唔開心一排之後都照讀）
直至依家form 5，我都係用以下方法温書:
1. 做哂書入面的 example
2. 攞練習（Mastering Physics, Aristo ）做下d數
3. 唔識睇 solution，抄底d數落 notebook
其實我Phy 老師一直都冇轉，教我Form 3~5，但我的成績就好差
Phy 老師每星期都要迫我同d同學做50題數，（我不斷操數，但考試都唔識做），老師仲成日印練習，Paper，日日都好多數做。
我諗自己係咪讀書太死板，但諗諗下又唔係，我Chem 同Math上到中四、中五都冇跌到插水，成績OK。我唔明自己 chem 唔差，但Phy咁廢，兩樣都係理科……
我見你溫書既方法入面，好似漏左少少嘢。
好多人讀physics都有呢個情況，就係明明做左好多數，係咁操，但係到測驗考試又係唔識，大部分既死因其實都係漏左一個步驟，就係從個solution，搵返個misconception出黎。
做錯通常兩個原因，一係唔小心睇錯嘢，二係有misconception。前者小心謹慎返啲就ok，但後者就難啲去處理。當你做錯左唔識之後，睇完solution，你要問自己兩個問題：
1. 點解solution咁做？(呢個好多人都會做)
2. 點解我唔係咁做？(呢個就少啲人問)
當你答到呢兩個問題，你就知道自己錯concept錯左喺咩位，張呢個錯concept位抄低佢，留返黎溫書，咁樣比起抄solution好好多。當然，如果你唔識去睇自己錯咩concept，咁就要請教下其他人，呢個位就係老師其中一個專業喇。
Marc Yam
想問下您高form點讀Physics 㗎？
除左揾 misconception 之外，您會唔會操數？
Thank you
一定要操，我主力操past paper，我會先做一次，將錯既圈低佢，然後隔幾個月後再做錯既一次，再錯再圈低，幾個月後再做再錯嗰啲，咁樣就做過三次，而且唔會浪費時間去做自己一早已經識嗰啲。
最緊要係我每次錯，都會寫低死因，唔係寫solution，而係死因。例如F=ma個F我唔記得左係net force，我就會寫低「F=ma中既F係net F，要考慮晒case入面所有既Force既sum。」
棒😂👍🏻
其實f3 phy係咪伏黎，睇落好易但聽人講一上f4就仆到了
利申：f3仔就黎選科，打算phy
其實公道啲講，乜嘢科都係將最基本最簡單既嘢放喺F.3教，所以乜嘢科都好，上到F.4就仆倒了一啲都唔出奇。
Marc Yam 唉 香港就係今，危機四伏 btw Thx a lot
WingTung Kwong 想揀就揀啦 冇一科唔伏 鍾意就得
Marc Yam Chem 都係
我覺得phy算最伏
如果我讀書個陣有睇呢段片就好
Phy chem bio m2全修好爽
其實係唔明其他人唔揀全文全理全商，好多九唔搭八嘅組合，升u時就知揀曬同一樣嘅好好多
有嗰人文理商三全嘅話，你限死佢全文全理全商嘅話，其實係局限咗佢，但係呢種人只係少數。
但係大學又冇乜要曬三科嘅嘢。。。
不過有人三科都咁勁時讀乜就佢喜啦😂
本人想揀 Phy, Hist, Econ, 因爲文理科成績同興趣差不多
唔諗住第時死喺港鐵站，所以想讀Physic做Engineer。
到時你已經唔會搭港鐵......
Marc Yam 嗯～
iBank入面搵得好多錢班人,佢地反而唔係讀Finance出身,係Physics/數/CS
六年後揀科問題依然俾唔同中三學生傳承落去
我就係其中一個 （長文慎入）
學校要求從phy ict bio hist econ 中揀一科
但係我對依啲科其實冇乜興趣
我覺得比較可以揀嘅係phy bio
但係中三呀嘛
正如你所講 2：26
啲卷真係唔難
feel到伏伏地
講下對唔同科嘅感覺
Bio
有啲悶
對住啲專有名詞覺得好多嘢背
但肯讀都覺得還可以
（劏老鼠最正）
但每次考試我都覺得好似比得太多時間嚟溫bio
，理解concept
成績唔差 無太大興趣
Phy
有啲似2：32
個啊sir支mic勁細聲
佢又唔理人傾計打機
結果phy 功課好似自學咁
但係啲功課睇住你啲片又好似識做（lens）
考試成績唔差（又伏味濃）
但真係覺得有少少興趣
數底一般
唔差但冇特別好
但上到高中好似好多都係計數
唔知啊sir對高中phy有咩睇法
而家糾結緊要bio定phy
求啊sir俾個解答
唔知六年後仲覆唔覆呢
上到高中好多計數係真。
因為我好鍾意physics，咁一定會覺得高中physics有趣好玩又唔難，但個人睇法一啲都唔可以作準，事實上physics好講理解，佢比起chem bio都黎得抽象，抽象思維弱既人會覺得好伏，但能理解既人會覺得好簡單，所以呢科唔係一科死讀就有回報既科。
我中六先知Physics嘅重要，請問可以點做？
諗住讀Engineering但無修Physics
讀asso hd上囉, 我文科>ive engine, 今年拎左poly me同city ee engine offer了
F.6 Physics, DSE等肥 ^^
香港engine係咪真係無前途🌝
其實都唔係呀，我都見到有啲朋友撈到風山水起。
如果係講「錢」途，讀engine絕對係好既。
唔信你可以比較一下engine fresh grad 同 art / bba fresh grad
我唔係溫緊書咩 點解睇到呢條片嘅
我宜家中三 就黎揀科 唔知揀唔揀phy 我細個對宇宙d野幾有興趣 宜家對phy都幾有興趣 但成日驚自己讀唔掂 因為聽人地講phy唔似chem bio咁背好哂d野 肯做多d練習就高分 佢地話phy d concept唔明就係唔明點努力都冇用 雖然我中三physics幾好 但我唔知高中會點 所以我想問下阿sir physics係咪真係好講天分?
每一科都有適合讀既人，同唔適合讀既人，Physics都一樣，但我唔會叫呢個做天份。
有啲人一讀就明，有啲人讀極都唔明，個分別好可能係喺個方法上面，唔係讀書既方法，而係思考既方法。Physics入面有啲抽象既concept，所謂抽象係因為佢都幾違反直覺，如果你唔能夠好理性同仔細咁分析個現象，而係俾自己既感覺帶住，咁就會讀極都唔明。呢種思考既方法係可以慢慢培養到，所以唔係點努力都無用，希望幫到你。
Marc Yam 明白 咁點樣知到自己有冇果種思維?
呢啲要睇你係點解決問題，通常我會叫我啲學生解釋個答案俾我聽，從佢講既嘢，就會知佢喺咩位出現問題，通常讀緊都唔明既人，係因為佢不經意用左直覺去解決問題。
@@MarcYam 學到嘢
其實最重要係數學，大學physics全部都係pde 。中學 既 algebra based physics當係故仔書睇就好。
啱啦
I LOVE PHYSICS!!!!!
你係補習老師定日校老師？好想比你教啊
暫時仲係日校老師，未來既嘢就無人知喇！
Marc Yam 你D學生就好la xd
其實今時今日, 邊科都好, 學邊樣都未必做番個樣的...
阿SIR,但物理都唔易讀, 數底差既人, 上堂係畀你咁幽默教學會有心聽, 但一見到咁多數, 真係會直接放棄DROP 啦..
唔好諗咁多，我啲學生一樣無心聽。
@@MarcYam 都真係幾難明
想讀但係數底麻麻點算😢唔諗住讀m1 m2🙏🏻會唔會好影響
唔諗住讀m1 m2唔會好影響。(我都係讀General maths only)
但數底麻麻就影響。
有得簡我真係寧願係屋企臭仔買餸lol
我幾時都話你係有志氣既！！
我自己就簡單啲，剩係想留喺屋企食瞓屙，湊仔買餸留返俾其他人做。
唔知點解你條片又彈返上推薦我又睇多左次
我對天文有興趣，但數學唔得，讀唔到理科
我成日以為如果要學天文, 中學時係要讀地理...
好多人都以為係咁......
I have no idea what he's saying, but I like the pictures.
he is talking about the importance of modern physics
大學主修物理路過
升中五，phy係學校考頭幾名，但學校啲卷真係超超超易，我睇過dse 相關topic 都唔係好識，可以點做
搵past paper黎做，最standard！
啱啱考完dse physics 黎睇😂😂
數學先係king of science吓哇？
唔緊要，都係名一個，不過好似多啲人會話Physics 係king of science ，而Maths係queen of science。
我唔知你地係唔係，我學校d同學讀physic的目的係因為唔想好似history，bio咁背好多野咁辛苦XDDD
Physics的確無乜嘢背，不過有好多嘢要理解，反而因為佢無得背，所以都有另一種辛苦。
不過唔好怪我溫physic方法古怪，有時候的physic小小D地方都要靠背同記一記。當然前提係我明左先。
我揀呢科嘅原因好簡單，因為除咗數學之後其他科都好垃圾所以就揀咗理科，點知物理同數學差好遠救命…
都係嗰句，數學廢物理唔會好，數學勁物理唔一定好。
唔落街買餸點吃飯啊
俾你睇穿晒嗰重點添~
想問下讀物理在社會可以有什麼出路？
你指中學定大學？
想問問可以找什麼工作和出路
@@貓隱物語 我意思係指中學讀物理定大學讀物理？
大學讀物理
其實好多時中學讀乜同大學讀乜同出黎做乜都無乜關係，但係如果講有關嗰啲，中學同物理同將來做科學家/工程師就最有關，科學家可能大家諗到既都係啲大學教授，但係其實好多企業都要科學家，尤其而家係科創既世代。工程師就好明顯啦。
另外就係啲醫療行業，例如視光師/醫院入面既物理學家等等。
當然，因為讀得物理都數口精啲，好多時我地識一啲高深既數學工具，所以都有啲人畢業後會從事金融行業。
飛機師、天文台.....其實仲有好多數唔晒。
我係一個教書佬，對job market認識唔夠深，以上都係一啲朋友/同學既經歷，唔夠全面，但希望幫到你。
點呀 咁而家我究竟揀唔揀？
呢個真係要你自己先可以決定到。
Chem都係個trap 黎，以為唔洗讀上去的calculus 同physics…
讀physics 喺香港聽乞食
後悔讀錯科人已中年請問如何解決?
1. 返回過去，從新再揀過科。\
2. 唔好再諗以前。
@@MarcYam 重新再選科畢業, 僱主六嫌你老, 浪費了時間學費, 請問如何處理?
其實我最唔明選修天文有咩用🧐
2:37 i want to aSK
其實我都一直都好中意phy.....點知當時傻天真無撿到,一直好後悔......如果我中學無讀phy 大學可唔可以讀??
h a 我唔敢講唔得，路係人行出黎嘅，如果你真係鍾意，努力去爭取自己嘅幸福啦！不過我都可以同你講，好多人睇physics個外表都好鍾意呀，但真係相處落呢，好多人都好後悔、入到大學先換畫，你要諗清楚呀。
Marc Yam 唔該！我會好好考慮的
我想問英文唔算好要點讀physics🫠
我嘅建議係盡量唔好估，平時做題目時一定要keep住查字典。到考試時無得查字典先去估題目講乜。答題就盡量背marking scheme or solution 嘅字眼，唔好用自己嘅language。
Physics算係除數學外對英文能力要求最低嘅科，但仍然有一定要求，加油呀。
@@MarcYam 好的！！！！！！多謝晒！🫣
個人認爲中學絕大部分科目都有用，除左通識同中文，通識係真心唔知成科有咩用，中文係考評局範圍弱智。
其實通識都幾有用呀，你睇社會上有啲人不斷妖魔化通識就明白，佢地就係好怕通識既用處。
Mr.Yam, D片真係你拍ga ?
係咪唔似？
+Marc Yam 把聲唔似
把聲係無真人咁型。
I want to ask if I shd drop hist
I am studying PHY CHEM HIST
And my result in S4 is not gd because of poor result of history
Drop定唔Drop，就睇你Drop左既話係咪真係會拎多啲時間去讀其他科，咁樣Drop先會有意思。
thx for ur opinion Mr Yam
我覺得讀咗phy之後駁嘴爽好多😂
我有讀physic但係M0係咪無用
M0係乜嘢黎？
@@MarcYam 但係讀M0數學
睇吓你第時想做乜，不過唔會無用嘅，我當年入CU PHY都係M0，問題不大。
我說服自己讀書的其中一個理由
訓練邏輯思維 , 幾乎所有科目都可以用簡單的邏輯組合而成 , 就好似砌lego .
訓練邏輯思維就如同訓練大腦 , 唔會生草 , 講野思考有理有據 .