افراح ابن سويط

قصيدة مهداة من الشاعر / سعود الطرقي #الظفيري
بمناسبة حفل زواج ابن :
الامير فيصل بن عجمي ابن سويط حفظه الله
شيخ شمل #قبيلة_الظفير
الشيخ / عبدالعزيز بن فيصل #ابن_سويط
جينا نبارك للامير ابن الامير
عبدالعزيز الطيب لطيب سمي
ابوه شيخ الشمل ياعز #الظفير
فيصل سنام المجد والابو عجمي
شيخ يفك ارقاب باليوم الكبير
ومثل البحر لا من زعل يزمي زمي
في مدح ابو بندر ترا فكري يحير
انشهد انه بالليالي محزمي
الطيب والمعروف منه يستعير
عسي عيون ٍ تكرهه تصبح عمي
#زيزوم_ظفرا سيفنا سيفٍ شطير
هو ذخرنا و انكان موقفنا حمي
هذاك غير وباقي الشيخان غير
هذاك تاج الراس رمزي وعلمي
من #اهل_البويت اللي تفدي للقصير
راس الولد للجار يرمونه رمي
اهل البويت اللي يجير المستجير
اللي غلاهم مثل روحي ونسمي
روس الرجال اللي تشار وتستشير
في مدحهم والله ما جف قلمي
ريف الضعيف واليتاما والفقير
لولا غلاهم كان ما سقت قدمي
لشيوخي الغالين عجلت المسير
اللي غلاهم جارين مجرا دمي
﴿#الجهراء﴾﴿#الرياض﴾﴿#الظفران﴾﴿#فخر﴾
﴿#اهل﴾﴿#البويت﴾﴿#شعطان﴾﴿#قبائل﴾
﴿#الصفيري﴾﴿#الكويت﴾﴿#المره﴾﴿#يام﴾
﴿#ظفران﴾﴿#الخوالد﴾﴿#عتيبه﴾﴿#البقوم﴾
﴿#حرب﴾﴿#زعب﴾﴿#سهول﴾﴿#عداوين﴾
﴿#مطير﴾﴿#شمر﴾﴿#العجمان﴾﴿#عنزه﴾
﴿#دواسر﴾﴿#سبيع﴾﴿#هواجر﴾﴿#قحطان﴾