ฝัง
- เผยแพร่เมื่อ 16 ก.พ. 2022
- صريح جدا: المرأة العاملة أم ربّة المنزل.. أيهما يفضل الرجل الجزائري ؟
للإشتراك في قناتنا إضغط هنا goo.gl/as3vlY
"النهار تي في" أول فضائية إخبارية في الجزائر، الأخبار تصلكم حيثما كنتم أول بأول
موقعنا الإلكتروني للجريدة www.ennaharonline.com
موقعنا الإلكتروني للقناة www.ennahartv.net
رابط صفحتنا المليونية على الفايسبوك / ennahartv
رابط صفحتنا على الأنستڨرام / ennahar.tv
رابط صفحتنا على تويتر / ennaharonline
قناة النهار الإخبارية الأولى في الجزائر.. أخبار دون توقف
#صريح_جدا #مجتمع #الزواج_في_الجزائر
#النهار #قناة_النهار #EnnaharTV
غيرو العبارة اي ماكثة في البيت نحن ربات البيوت قاريات ومثقفات وخدامات في بيوتنا .نربيو اولادنا على الاخلاق والعفة وحفظ كتاب الله .نحن لسنا ماكثات بل عاملات
والله غير عندك الحق ربي اقدرك ويحفظلك صحتك انتي وامثالك
والله معك حق نحن النستهلو يعطونا شهريه نستهلوها نحن في سبيل الله وعلى جال الوليداتنا صابرات وفاهمات واعيات وحتى اللي ماشي قريات واعية و فاهمات
عندك الحق
الامومة شيء عظيم جدا و اصلا يجمع قاع مهن و مشقات .... لكن قليل لي يعرف قيمتها
امي عاملة و دكتورة و ام و حفظتنا القران و شئ عادي يجب فقط التوازن بين العمل و البيت
راهم يبعثوهملنا للمدرسة لاقراية لا تربية لا أخلاق .ركزو شوي فالتربية جزاكم الله خيرا .
المشكل ليس في الخدمة ولا في قعدة البيت المشكل في الاخلاق والمبادئ سواءا عند الرجل او المراة
ربي يهدينا والسلام
اغلب الآراء هي استعراض للرجولة وفقط، كلامهم غير واقعي إطلاقا، كان لازم يسألهم:واش تخدم أنت أولا؟ مساكن عايشين في الأحلام!!!
نخدمو جورني بصح عدنا نيف مانبغوهش يطيح
@@boumedienibrahim844و انا نعيش فالهم باش ميطيحش نيفو و وعلاه زعما حا نخدم راقصة ملاهي باش يجو و يقلك أواه لالا ، يقدر يلبيلي احتياجاتي معليه منخدمش بصح الشيء الوحيد اللي يخليني نخدم هو انو الراجل مام واجب عليه فالدين انو يتكفل بزوجتو بصح يحسسها بليك او داير فيها مزية ، ميطيحش بنيفو زعما قدام الناس و انا يمرمدني
@@ayasifour1818 راجل كي ما يخليكش تخدمي اعرفي بلي صح راجل وزعيم وغيار ويحبك بصح نتوما تحبو الخرجات و دخلات علابيها ماتقبلوش مانيش نقدف فيك بصح تسعين بالمئة تاع نساء يحبو كي يخدمو مع رجال واختلاط و لحكايات ومانعرف
أغلبهم حيطيست كي يشوف وحدة خدام بلوطوتها يقعد يريڨ عليها
عاملة في الادارة و الحمد لله .. راجلي تاج راسي واقف معايا و واقفة معاه شهريتو هي شهريتي و شهريتي هي شهريتو .... ربي يخليه لي و يخليلنا وليدنا
ياختي ربي يخليكم لبعضاكم. مكانش كيما تكونوواحد
@@abdsamadanas2651 الحمد لله .خاصة درك كي رزقنا ربي بطفل و الله مارانا نخممو في دراهمي و دراهمك رانا برك نخممو في واش نشريو للطفل و كيفاش نقومو بيه .. و الله بزاف من خطرة يحرم روحو من حاجة باش يشريلي ليا و انا تان ...
@@esperanceonespere1420نسقسيك و جاوبيني هذا راجل لي راكي تحكي عليه جايتك نورمال تحكي هنا في يويتب بلي زاد عندك طفل و تحكي لراجل اجنبي كيفاش واقفة معاه و واقف معاك . ينعل بو خدمتكم و دياثة تاعكم و معيشة زبل تاعكم هذي ڨاع . روحو عاودي روحك اخت روحي وقيلا في بالك دار كوزينة و مصروف. برك. و هو عرضك ڨاع راكي حاكياتو هنا في يوتيوب.
وهل يتقاسم معاك الطياب وشغل الدار ولا غير نتي لي تضحي
@@Khadidja-ne5pq دايما تلقا واحد يحب يخسر ،راهم متفاهمين واش دخلك
ركزت على جمال المكان كتر من الموضوع. نفرح كي نشوف بلادي شابة ربي يخليهانا دايما وردة مفتحة امين 🤲🤲
انا تان بصح واش من ولاية
@@docteurdaha4046 قسنطينة هادي البلاد انا جيت بلاك صوروني 😂😂
@@myworld5215 ههههه عييت نلقا روحي مي ماكانش ههههه
قسنطينة 💕💕
تهبل
عندي 28 سنة خدمة استاذة في الابتداءي والحمد لله .لي لقات خدمة متفرطش فيها
شحال يخلصوكم
@@user-ls2gv5zd9r 3 وشويا صرف
@@khalilbenyakhlef6463 انا بلباس محتشم وبلا مكياج والله مالقيت يخدمو الجسد صح
@@user-jl3dj9zx4n اختي صح رانا فوقت صعيب بصح الخدمة اي ناقصة بزاف مشي شرط ميخدومكش عل جال المضهر و هاذو لي يلقو الخدمة من الاول راهم صحاب المدارس العليا و الطب اما لخرين قليل بزاف وين يلقاو الخدمة
@@rayane3799 لالا كاين خريجي جامعات وتوظفو المعريفة توكل الخبز .هي صح الواحد كون قرا مدرسة عليا ولا معهد يتوظف .بصح مامصير خريجي الجامعات ؟؟؟؟؟؟خاصة فالعلوم الانسانية .
عجبني مول ڤيستا الحمرا هدر في الحق واحد مالزمش يبعبع في الباطل
هاديك لي ڨالت ماشي تاع مسؤولية ، يا خالتي رانا جيل الصاعد و الحمد لله تزوجنا وبولادنا و بخدمتنا و قادين على المسؤولية و ربي كبير 💪💪💪😘
الاكثرية لي سقساهم ماشي مزوجين نهار يتزوجو يعرفوا واش معنتها المسؤلية الهدرة ساهلة
صح عندك الحق، بانولي مشي خدامين أصلا دارهم مزال يوكلوه، ويجيب بنت الناس يمرمدها و الضغط تاع الأسرة تاعو، مبعد كي تكره تروح تتطلق، وكي تتطلق مكاش ليقبلها خاصة إذا بالاولاد ، وهكذا فالاخير تروح تخدم واش جا يا لو كان تنظف.
@@khalidaabadelia5982 خليدة اختي لو كان غير تخدم تنضيف يا امانهم ضعيف راهم يروحو للحرام بعد الطلاق و من تترما في الشارع و لكن لوكان النهار الاول شدت في خدمتها متنغبنش لوكان كاش ميدير و يطلقها
@@user-vn6ir5xt4t علاش تروح للحرام عندها والديها عندها خوتها عندها اهلتها متقو ليش هكذا عيب عليك
@@rachidzaragozazaragoza5370 لا عندها بحق شمال من وحدة تلقت معلقات حتى واحد تعرف زوج سمحو فيهم دارهم ماليهم وخاوتهم رجال سمحو فيهم
عندك حق😐
يعطيككككككك الف صحه يلي لابس لافاست روج هدرة في محلها راجل بمعنى الكلمة الصراحة راحة
عندك الحق
بردلي قلبي لي قالهم انت ما عندكش خدمة و تقولها ما تخدميش 😂
كوني مثقفة واعية حلوتي الفتاة واطلقي لاحلامك العنان لتحلق في السماء في ظل الحدود الانثوية "وهل يستوي الذين يعلمون والذين لا يعلمون "💎🎓
سبحان الله لا يستويان لوكان تساواو كان فهمت معنى الآية و ما حطيتهاش مع تعليقك
@@saoussan9001 معنى الآية واضح ،شئنا أو أبينا طالب العلم له رفعة أختاه دنيويا وٱخرويا واول كلمة نزلت على حبيبنا المصطفى محمد عليه افضل الصلاة والسلام "إقرأ"ومن طلبت العلم وجب عليها تعليمه ونفع به الأمة وأن تترك الأثر الطيب وخديجة زوجة الرسول صلى الله عليه وسلم كانت تعمل في التجارة وعلى كل انثى أن تعقد محل النية في قلبها وتحقق مبتغاها شرط أن يكون منفعة لافسادا وسكون له محل رفعة في الدنيا والآخرة
@@xrfrfxf3571 طلب العلم فريضة على كل مسلم و مسلمه و هنا المراد هو العلم الشرعي بشرح العلماء و له شروطه و ظوابطه و الفيديو ويتكلم عن عمل المرأة (الزوجة)و ليس دراستها و انا ما كنتش راح ندخل في تعليقك لولا اني قرأت الآية في غير محلها و قال الله تعالى :" و قرن في بيوتكن ولا تبرجن تبرج الجاهلية الأولى " عموما ربي يقدر الخير
@@saoussan9001 عمل المرأة اكيد مرتبط بما حصلته من علم في الدنيا ،وبما انها تستطيع أن تكون اسما خالدا في الدنيا ومربية جيل وانثى متعلمة ومتفقهة وذات منصب وفي ذات سياق ام وابنة وزوجة فالعلم يرفع صاحبه درجات خصوصا العلم النافع الذي يستفاد منه الغير💎
@@xrfrfxf3571 👏👏👏👏
انا جامي نسمح في خدمتي ، هي سلاحي الوحيد 👌
ربي يوفقك انشاء الله
@@abdouredmi3194 إن شاء الله هكذا تكتب
ما تفرطش في الخدمة و الحاجة لي ديرها الراجل تفرط فيها ! الاشارة فرق بين الراجل والدكر
سلاح ذو حدين للأسف
عندك الحق
هذو كامل لي قالو بالي نحب المرأة منخدمش تقعد في الدار والله غير هذو لي راهم يحوس على المرأة الخدامه في هذو الوقت قدام الشاشة يبانو الرجال هههه
النهار الاول يقولك ما يخصك والو و من بعد يخصك كلش
والله غير عندك الحق
@@kadimari7850 هذاك لي يقلك ما يخصك والو، هو لي يحرمك من كلش حتى ابسط حقوقك
هههههه والله غير صح
@@touhaminou9237 والله غير عندك حق
المرأة المعاملة ربة بيت مربية و ترعى اولادها و ساهرة على راحة الزوج و الاولاد و سند في الحياة مع الرجل الكريم
سند المرأة بعد أبيها ، مرتبها الشهري
نقطة❤
اين الله ؟؟؟؟ تعرفو غي المادة علابيها مربحتوش
@@ONE_DAY16 نسناوكم يا وجوه الهم تفكرونا في ربي ، عل الأقل كي نخدمو نلمو الصوارد ونديرو عمرة ، ثمة نعتلك شكون يعرف ربي مليح ، يا لي غرتو من وليات يخدمو
على اساس نتا لي ربحت ، كون جيت رابح ماكش ترد على لبنات فليكومنتار تاع اليوتيوب ، قالو المادة ، المادة هاذي هي لي عييت تلقاها وتبكي عليها صباح عشيا ، لاعبها ماغاضاتكش
الله هو السند وحيد الذي لن يخذلك ابدا
باينة عليك ماطاحتلكش وحدة خدامة 😂😂
ختي هذ لكلام تع الفتيات والنسا لي معندهم مايخدمو اصلا اما لي نجحت فقرايتها ب16 متلقايهاش هنا تقولك زوجي سر سعادتي.يعني لي مقراتش طفرت فيها فهاذ العالم
يا عمري على قسنطينة شحال توحشتها من الفيديو شميت ريحتها يا ربي لعزيز كتبهالي هاد الصيف 🤲😭
❤
هادوك أشباه الرجال لي قالو ما نخليهاش تخدم نعطيهالك من لخر المرأة الخدامة و الله ما تشوف فيك أصلا كالي الشمة تاعك بزااف عليك
ولله
ياك انت جايتك نورمال يخليك تخدمي في وسط رجالة وماتكونش عنده غيرة عليك لا اختي راجل ديما تكون عنده حرمة على. مرته ويخاف عليها ويحبها
هههههههه الشمة وماعندوش باش يشريها وكي يروح يخطب يقوللها تقعدي في الدار مايخصك والو...
@@orchidee7910
لي راجل راجل ويقدر على شقاه ماتخميش انت كما قام بوك بأمك وزاد قام بيكم تان كاين راجل في وقتنا يقوم بمرته ويديرها بين عينيه ويخاف عليها وعلى شرفها 😘
@@stevendex21 اوهو كي يخدم وسط النساء عادي في رايك مرتو تاني تغير وتغير كثر من الراجل وزيد كي نقرى انا ماشي باطل باش نحقق حلمي ماشي باش نعيش خدامة تع راجل منستفاد منها والو نخلي دراهمي في جيبي خير مايدور عليا الراجل غدار يهقر المراة الي قاعدة بلاخدمة
أكثر شيئ جذبني هو ثقافة الحوار التي يتمتع بها شبابنا كل واحد و رأيه يعرفوا يهدروا و كل واحد قدم حججه ماشاء الله ربي يحفظ الجزائريين وين ما كانوا
صح ، هذا ما جذب انتباهي ، ما شاء الله.
واه عندك الصح
هذي نتاع يعرفو يهدرو ماقستهاش والله هههههه 🤣🤣لي يعجبني فيهم هو لي وصل ميساج لي يلعب فيها نيف ومنخليش مرتي تخدم
لاَ يُكَلِّفُ اللَّهُ نَفْسًا إِلاَّ وُسْعَهَا لَهَا مَا كَسَبَتْ وَعَلَيْهَا مَا اكْتَسَبَتْ رَبَّنَا لاَ تُؤَاخِذْنَا إِن نَّسِينَا أَوْ أَخْطَأْنَا رَبَّنَا وَلاَ تَحْمِلْ عَلَيْنَا إِصْرًا كَمَا حَمَلْتَهُ عَلَى الَّذِينَ مِن قَبْلِنَا رَبَّنَا وَلاَ تُحَمِّلْنَا مَا لاَ طَاقَةَ لَنَا بِهِ وَاعْفُ عَنَّا وَاغْفِرْ لَنَا وَارْحَمْنَا أَنتَ مَوْلانَا فَانصُرْنَا عَلَى الْقَوْمِ الْكَافِرِينَ
والله غير عجبني كلام المراءة اللي قالت الجيل هدا هو محتاج تربية وهدي هي الحقيقة
حطت النقاط على الحروف يعطيها الصحة
ولكن هي قالت شكون يربي الاولاد نساو بليك حتي الرجل لازم يربي اولادو
و هما لي رباو هذا الجيل 😬
المشكل هوما لي رباو هذا الجيل
ماشي كامل
تهدر برك الشباب الان أغلبهم يحوسو على المرأة لي تخدم
المراة الجزائرية خدامة فحلة قارية مثقفة تحية للجزائريات بنات بلادي❤
معذره الاخت ۔عن ردی القاسی ۔۔کاین تانی خداعات و کذابات ۔حسبیا الله و نعم الوکیل فیها ۔فی لی خدعتنی حطمتنی
@@mouradwahid2199 كاين بنات الفاميلية وكاين بنات الله غالب ربي يهديهم
@@mouradwahid2199 وزعمة الرجال ماشي خداعيين؟؟
@@orchidee7910 کاین خیتی
@@mouradwahid2199 العدد تاع الرجال الي يخدعو ما يتقارنش بالنساء
تحاتي الشعب الجزاير ربي يحفظكم يحفض بلدكم يارب اخوكم من العراق
Se n'est pas des question a' posse'au 2023
بارك الله فيك خويا كلام صواب لي لابس نوادر واش فيها تعاونوا فلمسروف ألمهم تكون خدمة شريفة أو ربي يعيين الجميع
نحبو كلمة قاعد ف الدار راهي لمرا نهار كامل اوهي تتعب ف الدار وينهي قاعده
انا نحب المراة تعمل نحتاج لها في التعليم في الطب نحتاجها ك محامية لتكون إلى جانب اختها ونساء العاملات أولادها موفقين في الدراسة والتربية هذا وش راني نشوف. وتحية للمرأة العاملة
من وين انت
فعلا . شحال وقعت في موقف وين احتجت لممرضات في لاكلينيك و ما لقيتش باغسكو دايرين شباب يخدمو في الليل ..
و شحال احتجت من إمرأة في الإدارة حتى اتفادة التعامل مع احمق يقعد يشوف فيك من فوق لتحت و يديرلك في تحقيق و يطلق في حلاوته
و شحال محتاجين نساء في المحلات . ندخل نشري حاجة خاصة بالنساء نصيب راجل قد الحيط -_-
مستحيل عزل النساء عن المجتمع أبدا هذا امر غير طبيعي ، الا اذا رجعنا للوأد يقتلونا جميعا و خلاص باغسكو ماراحش يخلوك تعيشي هاذ الاوباش مرضى القلوب
@@teyayutta7206 احكمي كوزينتك وصكري فمك
@@blackieboy5668 الكوزينة ندارت ليك فارغ شغل لا دار لا دوار و لسان طويل راك عارف روحك مجرد
Boy
@@blackieboy5668 أي واحد كي توصل للصح يتمنى يلقى مرا هي اللي تخدم مش راجل كيما في مصلحة التوليد أو الانعاش كيفاش تبقى المرأة في الكوما ولغارد يكونو فيها رجال ياو حتى المرأة وتخاف على روحا من الثعالب البشرية بيع الملابس النسائية ليراديو وغيرها من الأمور ..... ماشي غير أرواح وشرك الفم
كي تدي مرتك المستشفى تبغي راجل اولا مرءة باش يفحصلها حجونها ، مدام ماتحبوش كي المرءة تخدم ؟
bravo au bonhomme au blouson rouge, réaliste et correct
المراءة ماكثة في البيت والرجل في العمل
@@mostafachrek9445 ومن قام باعطاىك تقريبا نصف شباب الجزائر قاعدين لا خدمة لا والو او يقولك نجيبلها كلشي او هي تقعد في دار او كي تقعد في دار يقولك مجبتكش باش نصرف عليك اسمحلي مرأة لازم تكون بخدمتها حتا ادا طلقت ولا راجلها مات عندها كيفاش توقف على. رجليها متطلبش ناس
J'allai dire la même chose
المرأة الجزائرية العاملة فحلة قادرة على شقاها ،تستطيع التوفيق بين العمل والعناية بيتها والاهتمام بزوجها واولادها، الله يوفقها
@@samirbenhamed984 maranach netfelsfo.lwekt s3ib o kolich ghla o rajal mohal yikder wahdo mafiha walo yitaawno déjà hna NSA andna Bzf moutalabat bla manahadro drari les couches lbibrons sousette o o o o o o hata w ya lokan rajal ykon là-bas bih Kadar yimred yji nhar tih bih b khedmetha tselek lhala.lazam bnadam yahseb lel b3id o hakda o rajal ymout kifach dir؟ konou logique .tkon khedma mohtaarama o charifa hadak howa sah.enaalou chitan hna madabina manekhdmouch pck chka o miziriya besah ki mra tsib khedma o tetresem fiha o lkhedma fi bladna machi Sahla tsibha majayach lemra thabas khedmetha Ala j'al rajal maalabalhach Ida rah ykon fhal maaha o mayikhda3hach o maydorch aliha o maalabalnach Ida rah tih bih wela lala ombaada Hiya ki thabas khlas matekdrch tweli lkhedma
الا قادرة علي شقاها علاش تتزوج مالا
والله أنا أتحدث عن نفسي وعن نظيراتي ، فأنا متزوجة ولي اطفال واعمل، وبتوفيق من الله سبحانه و تعالى اوازن بين اموري في البيت والعمل. فالعمل الشريف للمرأة ليس بعيب ، بل هي تساهم في بناء المجتمع،
الله يوفق الجميع في هذا الزمن الصعب، والله يثبتنا على طاعته.
@@basmaamel8396 مرأة عاملة تروحلها انوثتها وقلبها يقسا ويقصاح من اختلاط ومداصرة الزملاء من آلرجال وتصبح تشوف راجلها اقل مستوى بيها وبلا تحرشات الجنسية وممارسات الزنا انا واحد من ناس كرهت حياتي من زميلات في كثير موسسات حتى روحت للصحراء وكذلك نفس الشيء عمري 38 سنة مزال متزوجتش بسبب مسترجلات
طزززز تروح تخدم وتخلي ولادها عند نساء الفحلات يربوهم 😏
أنا معلمة قرآن نخدم وحدي ونقري غير البنات وماذابيا نريح فالدار ،الدار سكينة وطمأنينة والله العظيم.
هذا رايك
وفقك الله فيما يحب و يرضى نسأل الله الثبات على طاعته و حسن عبادته
بارك الله فيك
الف تحية وشكر للمراءة العاملة المجاهدة التي تتعب وتشقى من اجل نفسها ومن اجل اطفالها حتى اذا في يوم من الايام غدر بها الرجل تلقى روحها احنا في وقت لا يرحم خدمتها اظمن لها من كل شخص
👌🏻👌🏻👏
أظن أن المشكل في كثرة مايراه الشباب في المجتمع وليس في العمل.
مام داخل العمل خو صاري عجب العجاب
العمل ماعندو ماخلو
المشكل في الواقع
شاب ولى عندو خوف مسبق من تجارب غيره
تخدم وتخونو مع رجال ومام في طالبة جامعية دير اونكوبل وتخون والدينها الواقع يحكي
صح تلعبها رايحة تخدم وتصيبها خرجت تعطي 🙃
تصبح في طلاق وندمان
وثاني ماكثة في البيت راجلها يخرج تعيط للرجال تجيبهم للدار 🙃
المشكل مشكل أخلاق
لا قلي مش وحدة طول عمرها و هي تقرا باه تحقق حلما و يجي راجل في لخر يقلك ماتحقيش حلمك نقعد بايرة المهم نعيش حياتي مش بابا ربى و كبر و قرا باه بنتو تخرج طبيبة و انت تقولها ماتخدميش انحسهم حيوانات حاشا البعض
@@kamelchamo8846 كي تكون لمرا صاينة راحها واحد ما يڨربلها هوما يحشمو يحكيو معاها انا عمري 17 سنة و نقرا صحاباتي كامل انكوبل غير انا على خاطرني صاينة روحي مخليتهم كامل يشوفوني كي أختهم انا الي نفرض روحي و نفرض وش يصرالي ماتقوليش وش صاير في الخدمة و ماعلاباليش لمرا هي الي تبني حياتها و هي الي تهدمها
مع احترامي لجميع الاراء انا مع المرأة تخدم تبني مستقبلها ماشي تتزوج وروح تقعد في الدار خدامة للنشاق والتخمال والذل تاع الراجل بحجة هو لمعيشها تحت جناحو
انا منيش معاك هذا هو السبب لي خلاني بلا زواج
@@rachidzaragozazaragoza5370 ؟؟
@@imanenz1658 منحبش المرأة العاملة بالنسبة لي انا مقيم في الخارج مشكلة
@@rachidzaragozazaragoza5370 انا محتارمة رايك مي والله مانخليها في قلبي مافهمتش انا لاه ماتحبوش المرأ لي تخدم على روحها ( نتوما تقولو بلي لي تحتاجها نجيبهالها لفمها) نوووو انا عندي ماشي على جال برك الدراهم ولا .... نخدم على جال نبني شخصيتي باش نخلي بصمة في الدنيا ونخدم باش نرد ولو شوي من الفضل لوالديا
وكل واحد ورأيو
وكاينين لي يقولو تحبو الدراهم يكذب عليك لي يقلك مانحبش دراهم كامل نحبو الدراهم سواء الرجال ولا النسا كامل
@@imanenz1658 من تكوني في داركم تخدمي على والديك الله يسهل عليك تعونيهم خاصة إلى كان معندهمش وادا كنت متزوجة و زوجك لاباس عليه احسن تقعدي في البيت كائن لغير على زوجته
عندو حق لقال هو معندوش خدمة ويقول لمرأة ماتخدمش ، دنيا تبدلت وصعابت في زوج يخدموا وياربي
علاقل فقط لا تقولو ماكثة بلبيت "امي ليست ماكثة بل ربة بيت🌼
المشكل ليس في عمل المراة المشكل في الاختلاط
كل شخص و ظروفه و ربي الرزاق...اللهم فرج على كل انسان
نشاء لله نصيب خدمةة يااااارب ويرزقني الذرية الصالحة عاجلا غير اجلا 🤲
اكبر واصعب خدمة للمرأة هي تربية جيل المستقبل وربي يوفقنا انشاء الله
نفس الشيء للرجل
*إن شاء اللّٰه
ان شاء الله و ليس انشاء لأن الانشاء بمعنى الخلق و البناء
مالا لوكان هكا لجيل هادا ولا خرج صالح نشاله ايه كيفاش يتعلم كيفاش يرفد المجتمع نولو جهال هكا
2022 و لا وزالت مثل هذه المواضيع تطرح في الشارع ....هذه القضية تخص خصوصيات كل بيت و ظروفه لا نستطيع الحكم على صحة عمل الزوجة ام لا ....اذا كنت تريدها ربة بيت تقدم لفتاة ماكثة بالبيت.... و هكذا ... و كل شيئ يبنى على التفاهم فلا تتخبطوا في دوائر مغلقة
👏👏👏👏👏
بارك الله فيك.
افضل تعليق 👍
نتقدم للي تعجبني و ليها الاختيار يا الزواج يا الخدمة
اضن الضروف هيا الى تتحكم في عمل المرأة من عدمه اذا كان لاباس عليه علاش تخدم واذا ضروف المعيشة صعبة الأحسن تخدم عمل محترم 👌
حتى ولو كانت الظروف ديالو لاباس به.يقدر يتبدل عليها و كاين الو فاة لي عندها الخدمة متفرطش فيها
@@uur_milaa بالعكس المرأة لازم تقعد فى الدار تربي ولادها.....اذا كان راجلها عنده
انا اختي تزوجت مع واحد لاباس عليه و شرط عليها تقعد في الدار و سمحت في خدمتها الي كانت بمذخول جيد و قعدت في دار و انجبت معه ولدين و في الاخير طلقها و رماها لانه دخل في علاقة مع امرأة اخرى و ختي الان راها تاكل في اصابعها ندم شافت كامل صحاباتها الموظفات لاباس عليهم و ترقاو في منصبهم و شراو مسكن خاص و سيارات و اختي راها شادة حيط و تبكي لا مستقبل و غذر الزوج اولادها حنا نحنو فيهم بصح الى متى هذا ظهر طويل و زيد الي تزوج بيها على اختي موظفة و شرطتله تقعد تخدم و وافق و تروح لعملها 70 كلم كل يوم و تلبس الي تحب و اختي الغبية من اجل الزواج سمحت في كل شيئ نصيحة لكل بنت الي يحب يحطمك ماش تعيشي خدامة ليه و لاهله الله ينعل ابو زواجه و عشرته تقعدي بايرة بدراهمك و لا زواجة الندامة
@@lilabachir7102 قصدك تقعد خدامة ليه و لاهله الرجل يحب مرا قاعدة في دار ماش يتحكم فيها و يذلها لانه يعرف معدهاش مذخول تعين نفسها بيه بصح الي تعيش تحت جناحة تستحمل الذل و تبلع فمها
@@aminagya4464 لا لا هذا راجلى عطيتو شرفى بقات فى خدمتو؟ عادى هو تانى معيشنى ملكة الى نبغيها يديرهالى......تحواس .....لبسه......حتى التحواس كرهته من كثرة الخراج.....و الحمد الله ولادى قدامى انا الى نربيهم مش نجيب مرة أخرى تربيهم......سواء جدتهم أو عمتهم أو برانية حتى.....الوقت صعيب الطفل يحتاج رعاية نفسية و تربية من عند أمه ثم المدرسة ......و تكذب علي إللى تقولى نقدر نوفق بين تربية ولادى و الخدمة.....و اذا اختك طاحت فى واحد خداع مش كيف كيف....و اختك اخرى إللى تخدم 70 كيلومتر على دارها تسما وقتها كامل فى الطريق....على كل حال كل واحد و رأيه
و الله غير الهدرة و اللسان طويل كاين الله ما عندوا لا خدمة لا زدمة و يقول نقيمها و ما تخدمش و الاخ اللي قال نخليها و ما نكذبش هذا صادق الف تحية ليه
المعيشة صعيبة الهدرة ساهلة والله المرأة الماكثة بالبيت تتشهى كل شي الله غال ملحقناش
و المشكل الاكبر كي تولي مسكينة تحوس تخدم ترفد عايلتها . تلقايها تحلل . تجرب تخدم حلويات منزلية . ولا تخيط و لا ملي تنوض و هي تعجن تبيع المطلوع و المسمن . يدوها يشرطو عليها ما تخدمش بدبلومها من بعد يمرمدوها يطيحولها الصحة و النيف .
الافضل المرأة تخدم لنفسها ، ڨاع اذا كان الرجل لاباس بيه . راهي تتصدق من مالها خاصة النساء لازم يكثرو الصدقات . يا سيدي تفرح والديها تعاون اهلها. لانه الرجل يعاون اهله ما يديش مشورة المرأة . بصح المرأة يحرموها من هاذ الشي .
المرأة لي تقعد عايشة على ڨوسطو الرجل و الله ما تصيب صحتها و تضيع حياتها
انا عندي 23 سنة وش تتمنى ما لي قادر عليها تحضر ونورمال
الدراسة والعمل سلاح المرأة لقوله صلى الله عليه وسلم "طلب العلم فريضة على كل مسلم ومسلمة "
@@letoiledemer1725 طلب علم شرعي و ليس علم العلمانيين
الرزق على ربي
انا كنت خدامة، كي تزوجت جبت الاطفال حبست خدمو و لكن زوجي دارلي شهرية. كل شهر يطيلي ما يبخلش عليا الحمد لله.
انا مع المرأة تخدم الراجل مفيهش لمان غدوة من غدوة يرميك تقدي تطلبي
صح الراجل كالذءب الماكر غير خوك او باباك
عندك صح
عجبني الي هدر على الواقع صح الام واجبها في بيتها ولكن الظروف الي رانا عايشينها تحتم المرأة لازم تخدم ما يلحقش الراجل
واش قصدكم زعما لي قاعديين فالبيت عفيفات طاهرات ولي يخذمو حاجة اخرى. لالا لا لقذف المحصنات. كل شخص وله ظروفه الخاصة. عيشو حياتكم وماتعيشوش حياة الناس
نصيحة لكل البنات ضمني مستقبلك ثم زواج
واش من مستقبل تع الشعر نتوما واقيلا ماش مسلمين
@@user-bz2ou7tw5e تديقلكم من المرأة الناجحة بيسك متقدرش تطلقها تحبو العبيد تع تقوللها دوك نطلقك تخاف
@@user-ls2gv5zd9r المرأة الناجحة هي لي تقعد في دارها وتستر زوجها وحاكمة في دينها اما لي خدامة هدفها الوحيد هو أن تلقى واحد دمو بارد لي تحكم فيه وبختصار القول المرأة لي حابة تخدم وتموت على الشهرية انا نقولها اتزوجي بخدمتك ماتتزوجيش بالراجل يلا راكي فحلة وديري حبة خيار ولا جزر تونسي بيها طول حياتك 😂
عرة الرجال 🤢 @@hadjmeslem1423
المعيشة فوقتنا هذي صعيبة بزاف
انا بابا قراني وصرف عليا كيفاه نتخرج ويجي واحد يقلي متخدميش علاه مالا قرينا ؟
المهم هو الستر والاحترام
المهم واش قال ربي ماشي واش تقولي انت والإختلاط حرام لايجوز
@@yacineyasar7068 تحيا نساء متوسطات تعليم ماكثات مكانش تكسار الراس
@@yacineyasar7068 وعلاش اختلاط حلال على الرجال فهم روحك
انا كملت قرايتي مي مالقيتش الخدمه راجلي اللي يصرف على الدار مي مكانش منها الراجل يديرلي شهريه تسمى هذا بروفيتاج الدار مسؤوليه ماش كل واحد يقول جيبي والحمد لله وقتنا هذا. وينهي الخدمه بقرايتي ومالقيتش حتى من المنحه وماعندناش الحق اللي فوق 40 وزيد الشباب مايخدمش ويحب يدي وحده تخدم عليه رانا نشوفو فيهم الا من رحم ربك
هههه نقرا نقرا يشيب راسي من القراية و والدية ماتو باه وصلوني يجي راجل لانعرفو لا يعرفي يقولي ما تخدميش يروح يقود من الأخير نقعد ما نتزوجش خيرمن هذا الذل
اللهم في يوم الجمعة بشائر خير تُزهِر القلب..♥️
🌸🎋🌸🎋🌸🎋🌸
Pour celui qui ne veut pas que sa femme travaille ,quand elle accouchera , ca sera un homme qui s'occupera d'elle, imaginez la scène
ههههههه ils parlent facil à dire mais pas à lhomme de dicté à la femme ce qu'elle doit faire
Ça va être catastrophe, j'ai déjà vécue cette scène et toute seule au Canada😪
بعض النضر علي غلاء المعيشة .يعجبني الراجل لي يحترم رغبة زوجته في العمل خاصتا ادا كانت قارية و لكن مع احترام شروطه
اذا اجبرها ان تنفق معه فلا شروط له ، الشروط عندما يكون مالها لها
نصيحة الفتيات الاتتركو عملكم فهو سند لكم
حكمة اليوم
" إذا لم تكن قادرا على الوفاء فلا تنطق بكلمة وعد "
CASA 02🐸😂🐸😂🐸😂🐸😂🐸😂😭😭
يتبع
الله يعطيك الصحة صحيح
كلمة في الصميم، لانني عن تجربة الراجل لي تطيح كلمته،واش من ثقة تمنحهاله امراة
احنا ربات البيوت تحية وتقدير لهن على خاطر هي المعلمة والطباخة والممرضة المسيرة تقوم بكل شىء
قولي والله
اكيد هي المعلمة و الممرضة@@RisTila-jn9sc
@@ks7gamingx844 زعما راك تقول هكا باش ترفع شانها 🤣🤣🤣🤣🤣🤣🤣🤣
@@RisTila-jn9sc اكيد شأن المرأة مرتفع
@@ks7gamingx844 كي تمرض روح عند ربة البيت تداويك 🤝🏻
في عقد الزواج لازم نفرضو عليهم توفير شهرية خاصة، و زيد كي نطلقوا ولا لازم يبقى يصرف عليها حتى تزوج مرة أخرى و لا حتى تلقى خدمة
كي تلقاي الراجل افرضي عليه ههههههه
مسكينة
ههههههههههه
@@aminguettaa2655 ما كاش رجال كاين أشباه الرجال مع الأسف، و علاه كي نلقا ههههههههه راني لاقية 😌😊
ههههه نتوما أصلا هذا راجل راه يبنلكم صراف ألي كيما شاك نهار تسلكلك شهرية تجبدي اك حاب يقول دين نتعنا ميقولش المرأة كي طلقها تقعد تصرف عليها حتى تتزوج وقبل ما تتزوج شكون لي كان يصرف عليها مالا يا حنونتي نتي نسوية من لخر
نصيحة لكل امراة فحلة وبنت رجال خدمتك ثم خدمتك ثم خدمتك لا الراجل فيه الامان ولا ماليك وخاوتك دايمين ليك
لي كانو يقولو ما نخليهاش تخدم أغلبيتهم يهدرو هكذاك برك .. ماشي واعيين كامل
الاخت كش متعرفي طبيبة صيدلية عندها رخصة فتح صيدلية ضروري الرد
نعم نعرف .. علاه ؟؟
@@Habiba3ph عندى محل حاب نفتح صيدلية شركة مع ناس تع ثقة
وين المحل تاعك؟
اه انا نهدر على الجزائر في البويرة ما نعرفش
الرجال كامل يحبوها قاعدة في الدار ونساء من لي راهم يخدمو!؟!؟!؟
هههه من نيتك صدقتيهم كيما راهم يزيدو عليها وهاهو وجهي اذا ماجابوهاش خدامة
لي راهم يخدموا زوجات ديوثين و العانسات
انا والله حابة نحقق حلمي ونخدم وش حابة ماشي علاجال الدراهم بصح عندي شغف لحاجة من حقي كإنسانة نديرها وتكون في حدود الشرع بحجابي الشرعي ونسيي نبعد على مخالطة الرجال قدما نقدر وربي يقدرني نلحق لحلمي ولي حاب وحدة قاعدة فدار ماشي عيب كل واحد ووجهة نظرو انا نحترم كامل الٱراء وبلا قذف فالعاملات كاين بزاف نساء عاملات ويخافو ربي وقايمين بولادهم وديارهم فنفس لوقت وكاين قاعدين فدار ثاني ماشاء الله ربي يقدرهم ويوفقنا كامل وربي يرزق كل واحد وش راهو حاب في هاذي الدنيا 💕
أنشالله يارب
دمتي افضل
@@user-cp6fx8rv1c شكرا
غدوة عندي باك واش جابني هنا لاحوة ولاقوة ياربي نجحني
يقولك متخدميش متقرايش وهو تلقايه حاكم الحيط ، الحليب وتشتاقيه باش تشربيه تلقاي روحك ضايعة لا مستقبل لا حياة
اذا شروطي منتنازلش عليهم على جال الزواج
خلي منتزوجش المهم خدمتي وقرايتي منسمحش فيهم
3andak lha9 5ti ana wahd manas n5ali Marti ta5dam
يعطيك الصحة متسمحيش في قرايتك و خدمتك انا ضد المرأة لي قرات و تعبت و بقات في الدار
في الحقيقة المرأة تفضل البقاء في البيت مع توفر متطلبات الحياة
لو كان لقينا متطلبات الحياة منخرجوش للخدمة .نبقى في الدار و نربح صحتي بصح مع هذا الوقت كل شيء غالي زوج شهريات ميكفيوش
كلامك خاطئ
الأغلبية لا يفضلن البقاء في البيت 🙃
والله لي حكا بالمنطق هو لي لابس الاحمر عندو الحق يجيك مش خدام ما عندو والو و يزيد يقولك ما تخدميش كي شغل نعدمك فالحياة و ما نخدمش وادا قلتي نخدم مكيش مربية و مكيش بنت فاميلية
رسالة للبنات عملك يجب أن يكون الأولوية في حياتك لاتتخلي عنه مهما صار واجتهدي في دراستك ثم يأتي بعده الزواج وكل شيئ آخر تريدينه💜💜💜💜💜💜💜💜💜💜💜💜💜💜💜
💜❤️♥️
صح نهار بوركايب يقرر يبدل ما تلقاي غير خدمتك ..
حاجة باينة ختي سلاحنا علمنا و ثقافتنا و عملنا و مستقبلنا رانا نشوفو فهادو كامل لي يقولك تقعد فالدار نديرلها وميخصها والو ام شفنا نتائج مليح ....
@@info25ing ياسيدي معليش يديرلها واش تحب و لوكان يقدر ربي سبحانه يموت و لا يمرض كيفاش رايحة تدير لروحها و لولادها
@@info25ing هذاك لي يقولك مايخصك والو اعرفي بلي رايحة يخصك كلش👌👌
ليعندو دراهم يديها عندها دراهم وليمعندوش يدي لمعندهاش لماشي شباب يديها ماشي شابة ولقاري يدي القارية ولي ماشي قاري يدي القارية والحديث قياس ماشي تروحو تخطبو وحدة عايشة فالجنة وتقولو خلاصو بنات الفاميليا
السلام عليكم ورحمه الله وبركاته
تحيه طيبه لكل الشعب الجزائري 🇪🇬🇩🇿🇪🇬🇩🇿 حقيقه محزنه جدا جدا اقدم محتوي ولا أجد من يشجعني 😥😥😥😥 اللهم وفق من يشجعني 🤲🤲🤲 اللهم احفظ بلادنا وبلاد المسلمين 🇩🇿🇪🇬🇩🇿🇪🇬
مع إحترماتي لكل مرأة والرأي ديالها أنا نحب مرأة تخدم و الخدمة عمرها إذا كانت حرام الدنيا صعابت
@@serena7393 ههههههه جايب جملة من القرآن و حاطها ماش في بلاصتها
هذيك ربي قصد زوجات الرسول محمد صلى الله عليه و سلم ماش اي مرأة
@@akramy2464 هاهاها ضحكتني 😑😑
إذا كان قاصد زوجات النبي صلى الله عليه وسلم - وهنّ الطاهرات العفيفات - فما بال نسائنا اليوم ؟!!
يعني هوما من باب أولى
@@serena7393 وش راكي تخلطي
نتيا جبدتي جملة من كتاب ربي و قتلك المعنى تعها على زوجاتو و دركا تقولي واش نقولو على نسا تعنا ههههههه
@Lamou Lamou المشكل ماشي ف لمراة ولا ثقة مشكل فرجال لي يخدمو معاها اتخايلي انا راجل نروح لخدمتها نلقى رجال مداصرينها ولا يفطرو معاها هي بالاك راهي بنيتها بصح انا راجل و نعرف الرجال سلام خويا وصح رمضانكم
هذو الي معمرين الادارات والسواق منعرف منين يخرجو
الله يعينكم في هاد الدنيا ويسعد كل عايلة محتاجة
تحية كبيرة لناس قسنطينة ،مدينة العلم والعلماء ،ياحسراه على يامات لافاك.
لي قالو متخدمش وش تحب نجيبلها راكم غالطين انها تكون عاملة و مستقلة ماديا مش غير على الدراهم هي تحب تخدم تبقى كرامتها محفوظة و تكون امرأة ناجحة من كل جيهة مش غير الخدمة تا الدار
انا بعد 15 سنة زواح قالي راجلي نوضي حوسي على خدمة واش نجاوبه ربيت الاولاد وصحتي راحت ربي وكيله ❤
المرأة عندنا عاملة وربة منزل فنفس الوقت تدير كلش الله يبارك
انا قريت ترجمة لغات اجنبية و عندي دبلوم فرملية و الزوج تاعي معندهش مشكل في الخدمة و لكن انا اخترت دار باش نربي ولادي حمد لله على كل حال
حتى انا مثلك عندي ماستر في اللغة الالمانية و جوزت الكونكور تع الاساتذة و ربحت و جاوني حتى للدار و ماحبيتش نخدم علاجال تربية اولادي
نحير في لي تخدم و تخلي ولدها يتربى في روضة يتربى طفل دون حنان و حضن للام
ربي يهدينا و يهديهم
@@user-js6zc4zo4u الله يبارك
@@user-js6zc4zo4u هههه مالا جاو ليك للدار ورديتيهم 😂😂😂 كي رحتي تندبي تجوزي نسيتي وليدك نتي ربحتي تفكرتيه 😂وواش قولتي جاو ليك للدار علاش نتي تبون 😂يعزيك في راسك
علاه يترباو بلا حنانة الحمد لله خدامة وولادي ما منقصا عليهم والو الحنانة الحب نخرجهم...
@@Bouchrakbb.03 راكي تشوفي 😂
والله نحن العاملات نتعب في الخارج ونؤدي واجبنا في البيت أي تعب مزدوج من أجل مساعدة أزواجنا
يا ودي راكم مسترجلات
تحية لينا العاملات ختي نشالله نلقاوها عند ربي سبحانه . لمخير من لي جى يشرك في فمو هنا مايلحقناش 😘 و لي قالك مسترجلات نقولو كون جيت راجل نتا مانسترجلوش حنا 😏 و الحديث قياس .
@@anytanani2066 انا راجل وولد مرا فحلة ما خدمتش برا في وسط الرجال، انتم
يضلوا يكحلوا عليكم ويغازلوا فيكم، ومخلية راجلك وتزوقي َوتتعطري لغيره، ربي راه غاضب علينا بسببكن... والحديث قياس. نص
@@moimeme5440 باين عليك تعرف ربي و تعرف حكم جاي تتبلى في المخلوقة و تقذف في عرض اللي راهم خير منك 🙄🙄 باين مستواك و باين دينك .رانا شبعنا و روينا من المنافقين أمثالك و لمعلوماتك خدامة برى و بقدري و بشاني و مستورة بحجابي و نخدم مع زوجي و الناس كامل تحترمني . ولي يهدر على الغزل راه أول واحد يتبلا في نساء الرجال .في عوض ماتتلهى في حياتك عس النساء و عس لمزوقة و المتزينة .لاكان ماتعرفش نقولك ثاني ربي قال غض البصر للمرأة و الرجل . و كاين مآت الآلاف من النساء لي ما يلحقهم لا رجل لا مرأة 😉 شرف و عفة لكن كل واحد يشوف الناس كيفو و الفاهم يفهم 🙄
@@anytanani2066 يا ودي انت باينة مسيطرة عليه مسكين وذالاته لأنك من النوع السلفع وسليطة اللسان. ربي قال :قرن في بيوتكن.... روحي نحي هذه الآية من المصحف، انا ماني امام ماني مفتي، بصح متربي ونحترم المرا ماشي اللي كيفك يا لطيييف من اسلوبك و هدرتك باينة بللي انت عود، وموسطاشة. ومن النوع اللي يكرهه ربي والعبد. قال دايرة حجاب هههه طز وهي دايرة العجب، باو بمجرد تتزيني وتتعطري لغير زوجك راكي زانية. نقطة انتهى.
ليس كل ربة بيت معناه امرأة جاهلة و مهملة.. و ليس كل عاملة معناه خائنة و زانية ...
و قرار عمل المرأة من عدمه يخص الزوجين فقط و ليست قاعدة عامة ..
فأنا شخصيا لا احب العمل خارج البيت لأنني أرى أن تربية اولادي اهم ..زد إلى ذلك زوجي الحمد لله يوفر لي كل متطلبات الحياة المستقرة و لكني لست ضد عمل المرأة أبدا فكل واحد و ظروفه
هدا ماكنت سأقوله شكرا أختي عندك الحق باسكو بزاف حوايج نديرهم في الدار
لكن المرأة تختلط بالرجال وتقول غير زانية واعرة شوية
لما يلعب بذيله ويخونك ستعرفين ان عملك هو سندك وكفاكي تفاهة
من المفروض استعمال عبارة ربة بيت او مديرة بيت لانها افضل رسالة تقدمها المراة لاسرتها و الله نحن مثقفات و بشهاداتنا الجامعية فضلنا تربية الاولاد و العناية بهم و الراحة النفسية و الجسدية لانفسنا و لازواجنا ارحم بكثير من ضغوطات العمل خارج البيت
افضل وظيفة للمراءة هي تربية الابناء هي اللي راح تربي الجيل الصاعد هي اللي راح تخرج جيل مربي مثقف و صالح تحية لكل امراءة ماكثة في البيت
يشوفو شكون لي تقبل بيهم قبل، ممبعد يتشرطو :)
اي وحدة عندها حلم وحابة تحققو وتلقاها تعبت باش توصل وتخدم وبعد يجي واحد معندوش خدمة يقولها متخدميش يا خويا يا رحم باباك ولادكم وشكون ويوكلهم
بعض الذكور يحيرو هو ماتلقاهش خدام و يزيد يقولك مرتي مانخليهاش تخدم 🤦🤦🤦🤦 وولادك واش توكلهم لحجر متلا ماتغلبوناش صبحت ربي
و تحياتي لولاد قسنطينة ولاد ولايتي 😂😂😂😂
دوخوني صحاب شعر هذوك لي قالك منخليش مرتي تخدم وماتخرش لمخير فيهم خواتتهم راهم في شارع يطايشو خلونا من الكلام الفارغ جيل نتاع الفوخ زوخ
كل واحد يحكي على روحو، القذف حرام
علاش كي ما تخدموش في دياركم والديكم دايرينلكم شهرية تع 3ملايين ياو زواج لزم تكون فيه حسن النية و تكون فيه ثقة دنيا ماشي دراهم و شهريات كي تكون ثقة بين الزوجين هذيك راهي اكبر فائدة لي تربط العلاقة
آه يا قسنطينة وش راكي رافدة ...شباب لي في ربورتاج راحت الحشمة والأدب والظرافة وجوهم تعدست المشكل مش في الخدمة المشكل تربية أخلاق دين وثقافة وحسب الشوفة والأشكال لي راهم يهدرو ما توفرت فيهم حتى شرط الرجال لي يعولو عليهم يديرو الدار ويصونو المرأة هم في حاجة الرعاية بكلهم آفات مخدرات ممنوعات حباس والله ياو من فمو يلقا مرأة خدامة تصرف عليه و بنات خدامات الله يهديهم تلقاهم التخلاط والطيرة والطلاق عندها كي صباح الخير ...التصحيح يبدا من القاعدة للقمة المجتمع لازمه تطهير من الآفات باه تصلح الأسر
العمل للمرأة حرمة وسلاح في وقت عجز فيه الرجال عن توفير سكن وسيارة وعجز عن توفير مستلزمات الزوجة الخاصة لهذا ان اتخلى عن عملي حتى من اجل اولادي لان هدفي هو اسعاد والديا
العمل للمرأة مهوش حرمة حبيتي ولي كرهتي
وعلاش ماش راجل الي يخدم
انا خدامة. خدمتي قبل كل شيء 😍😍
تقعدي بايرة ولي يجي يشوف مع الترمة
بايره
نتوما الزوج هوايش من جماعة المرأة ماتخدمش على هاذيك طيحو لهدرة هوايش
لي لابس نواظر و فيستا حمرا فاهم الحياة صح صح الله يوفقه
المرأة العاملة مكافحة ربي يقدرها خدمة في الدار وعمل برا والله بزاف وهو لكان المرأة تلقى راجل مسؤول يقدر يكفيها ويهنيها ويعيشها اماذا بيها تقعد في دارها معززة مكرمة وعلاه تتعب روحها لكن الواقع شيء اخر لازم المراة ما تفرطش في خدمتها ما ينفعها لا باباها ذركا لا خاوتها لا راجلها لكن المرأة الي تخدم لازم تحترم راجلها روحها وما تحكي مع حتى واحد في الخدمة تخدم خدمتها وتروح واحسن عمل استاذة او طبيب والله اعلم الخدمة اكل اتعب خاصة إذا كانت بعيدة من رايي الي. تخدم و بعيدة تبطل احسن وتخلي راجلها يدبر راسو اذا هو ما رضاش يراعي ظروفها ويلقالها حل وربي يفرج على كل امرأة جزاءرية ماكثةفي البيت او عاملة
👑التيجان السبعة👑
👑تاج الذكر :
"لاا إلٰه إلا اللّٰه وحده لا شريك له ، له الملك و له الحمد و هو على كل شيء قدير."
👑تاج التسبيح :
"سبحان الله و بحمده عدد خلقه و رضا نفسه و زنة عرشه و مداد كلماته."
👑تاج الدعاء :
"ربنا آتنا في الدنيا حسنة و في الاخرة حسنة و قنا عذاب النار."
👑تاج الاستغفار :
"اللهم أنت ربي لا إله إلا انت خلقتني و انا عبدك و انا على عهدك و وعدك مااستطعت أعوذ بك من شر ما صنعت و أبوء لك بنعمتك علي و أبوء بذنبي فاغفر لي فإنه لا يغفر الذنوب إلا انت."
👑تاج التحصين :
"بسم الله الذي لا يضر مع اسمه شيء في الارض و لا في السماء و هو السميع العليم."
👑تاج تفريج الكرب :
"لا إله إلا أنت سبحانك إني كنت من الظالمين."
👑تاج راحة البال :
"لا حول ولا قوة إلا بالله العلي العظيم."
🎀اجعلوها تيجانا تزين رؤوسكم و ترطب بها ألسنتكم
ألا بذكر الله تطمؤن القلوب . بارك الله فيك وألبسك تاج الستر و النجاح فدنيا والاخر
@@user-mk5ps9yg2t امين بارك الله فيك
@@rakikosrafikonoki6883 وفيك بارك الله
اللهم لا تحرمنا من هذه التيجان
@@Bionature2024 أمين يارب
معظم الرجال يحوس المرأة لتصرف على روحها وعلى دارها بصح ما تخدمش وهذا ما لاحظته أيام الحجر عاجبتهم الشهرية وكعيطولها على الخدمة ما يعجبوش الحال
ايه واي ماتخدمش يطمعو تجيب من دارهم وتصرف عليه
انا كنت محامية ونخدم مليح بصح كي جبت الاولاد والله قفلت و مانيش نادمة خلاص
وندمت قعدت فالدار ندامت عمري المرءة لقاعدة ولات مع الراجل تاع درك ماعندهل حتى معنى
ربة المنزل ,,, لن أقبل أن تختلط زوجتي بالرجال في العمل طبعا إذا تزوجت ولكن هذا الاحتمال مستبعد
زوجتك في دارك كي تحب تختلط. تختلط
@@ThePhoenixExo ماذا تقصدين ؟
@@wezo_89
زوجتك تقدر دير كل شي و هي في دارك. الا اذا هي كانت ثابتة و عندها مبدئ قوي.
قالوها قبلك
@@ThePhoenixExo ثابته وعندها مبدأ قوي للعمل إذن قبل الزواج نتفق معا إذا كانت تجلس بالبيت أو تستمر في العمل إذا رفضت الجلوس بالمنزل فلن اقبل الزواج . كل واحد حر
انا عجبني لابس الاحمر هدر هدره صوتي وواقعيه اما هادوك راهم ايام ا اعلينا وموقفلي شعروا ويدور فالزنق ويلعبها رجله وهو ايجيب ربي
ليسوا ماكثات بالبيت بل عاملات بالبيت تربية واطفال
كاين عمل من عمل وخاصة كاين أعمال لازم لازم لازم تقوم بها المرأة مثل طبيبة نساء وتوليد .... الخ يقولك مرتي متخدمش ونهار يتزوج وتروح تولد يقولك أها لازم مرا هي لي تولدها والدراسة هي سلاح كل فتاة الدنيا صعيبة بزاف غدوة من غدوة عزيزتي الفتاة يموتو والديك بعيد الشر وتكوني مزوجة شكون يضمنلك بلي حتعيشي كيما لعباد لازم تكوني بديبلوم تاعك في كتافك الناس بولادهم مساكن راهم فالزنق لا عمل ولا مأوى لكان عندهم مدخول وديبلوم لوكان راهم أحسن وبالتالي لازم أي فتاة تقرا وتخدم وتكون قوية الدنيا صعابت بزاف بزاف
بصح الاخت مش معناها تروح تخدم وسط رجال لوكان خدمة مع نسا عادي جدا
قوية ههههههههههه اااه يا نسوية اااه افكار هدامة خدموهالكم . معليش يا قوية اخدمي بصحتك . 😂😂😂