Bak við tjöldin - sýning verður til!

Í október 2019 frumsýndu Skoppa og Skrítla nýja leiksýningu í Hörpu. Sýningin var sett upp í tilefni af 15 ára afmæli persónanna og byggir á öllu því besta sem þær vinkonur hafa verið að bralla sl ár. Sýningin er sannkölluð stórsýningin því auðvitað eru vinkonurnar í fylgd bestu vina sinna, þeirra Lúsíar, Bakara Svakara, Zúmma, kúrekans og allra hinna. Það eru 28 börn á aldrinum 3 til 13 ára sem taka þátt í sýningunni og þau bregða sér í hin ýmsu hlutverk og láta ljós sitt skína. Sannkölluð gleðihátíð fyrir alla fjölskylduna. Sýningin var gríðarlega vinsæl og til stóð að hún kæmi aftur í Hörpu í nóvember 2020 en vegna Covid 19 var það ekki hægt. Hins vegar er upptaka af sýningunni orðin að bíósýningu og er sýnd í Sambíóunum um allt land í desember 2020.