ألحان نجد2 ،،، ٥ ،،،،🌹 الأطــــلال 🌹 سفرالدغيلبي🪀خالد آل بريك
ฝัง
- เผยแพร่เมื่อ 24 ธ.ค. 2024
- من إنتاج : القصير الإعلامية
المؤلف : سفر الدغيلبي
الملحن والمؤدي : خالد آل بريك
انتاج : 04-01-2021
℗ كل الحقوق محفوظة للقصير الإعلامية
شركة القصير الاعلاميه (الاولى بالمملكه والخليج في حفظ الموروث الشعبي )
ج/0501662298 ت/0127440046
وش جابني لرسوم الاطلال ياسعود
واوجاع نبش الذكريات الحزينه
سويت في نفسي خطا غير مقصود
كني غشيمً باصبعه سد عينه
عزالله إن الخط واسع وممدود
والهزعه من الخط ماهيب زينه
لاباغيً حاجه ولانيب محدود
مير اللقافه تاليتها غبينه
طبيت جو ٍكن ماطبه الرود
مهجور رغم ان العرب نازلينه
يشرف عليه من العفاريت نمرود
حاميه كنه حاميً له خزينه
دارستن آثاره قبل عدة عقود
من داج به تحرم عليه السكينه
مافيه مَعلم غير سافيه مرجود
بينه وبين الريح رفقه متينه
قوع السلم والطلح يرعابها الدود
كن الخشب ضاربته الغرغرينه
تقول مرشوشً على الارض بارود
أشهب ومسحوقه دقاقً طحينه
وقفت مستوحش وهو يوحش بزود
والمنظر المطبوع فالفكر وينه ؟
هذا مراح البل وذا مسجد العود
باقي من أحجاره على الارض عينه
له مع ملايكته مزكين وشهود
مضارب كفوفه وسجدة جبينه
وهذا مكان اللي بالاطناب مشدود
بارك على العمدان كنه سفينه
خياله آشوفه وباقيه مفقود
شبه الضباب يحول بيني وبينه
جلست فيه اخطط الأرض بالعود
كني من القيعان طلاب دينه
ضاق انسمي بالحيل واحترت النود
غيبوبتي معها جروحن دفينه
نفسية ،، ومزن ٍ بلا برق ورعود
على شليل الثوب حوّل غشينه
ثم وصلت الرحلة ليا درب مسدود
وفارقت هاك الجو زينه وشينه
لايمكن ارجع له ولايمكن آعود
لو تصبح أحجاره كنوزن ثمينه
أفلح براس المال يامدور الفود
مايقبل الرجال شي ٍ يهينه
سفر الدغيلبي"
ياسلام عليك الله يبيض وجهك
ول الله يسمحك ي ابوسعد عزالله انك نبشت علنا ذكرتيني 👌
هذا مراح البل وذا مسجد العود
الله يسامحك يا سفر 😭😭😭
بالله ابي انسخها كتابة القصيدة لاهنت كيف ؟
مات أبوه وماتت أمه ودفنها طفلاً بيديه عاش يتيمًا ثم مات جده ومات عمه وزوجته، عاداه قومه وآذوه ومن بلده طردوه كان مبتلى وكان دائمًا يقول أفلا أكون عبدًا شكورًا؟ اللهم صلِّ وسلم على نبينا محمد
الله يجزاك خير
اللهم صلى على نبينا وحبيبنا محمد
اللهم صل وسلم على محمد وعلى آل محمد كما صليت على ابراهيم وال ابرهيم انك حميد مجيد وبارك على محمد وعلى آل محمد كما باركت على ابرهيم وآل ابراهيم انك حميد مجيد
كلام جميل اللهم صل وسلم على محمد واله
اللهم صلِّ وسلم على محمد وعلى اله وصحبه اجمعين 😭🤍🤍🤍🤍
من أول حرف الي أخر حرف شئ عظيم يابو سعد
تركت الشعار على الجره
وخالد ترك المنشدين على الجره
مليون خلال شهر بإذن الله او اقل من معي؟
الله الله
ابدااااااااع مابعده ابدااااااااع
ياعزتي للامريكان والاجناب ماعندهم مثل سفر .. خذوها ولا خلوها .. بدر الشهراني
شاعر العرب وقل للمستشعرين يريحون / قحطاني واتمنى ان ابو سعد بن عمي والله انه فخر لعتيبه خاصه وللعرب عامه / متنبي العصر الجديد 👍
لاباغي حاجة ولانيب بمحدود
مير اللقافة تاليتها غبينة
طبيت جوُ كن ماطبه الرود
مهجور رغم أن العرب نازلينه
..............................الخ ويستمر
أبو سعد شاعر الوصف العظيم الدقيق ولايشاركه في الوقت الحالي احداً ابدا يذكرني بوصف عنترة بن شداد العبسي
وش جابني لك يبو سعد .. الاكيد ان سفر والبريك ثنائي يقدم شي جديد وساحق بقوه .. الله يوفقهم 🤲🏻
انت والله المميز ❤️
عز الله يا السبيعي
انا اشهد ايوالله
ارححححححححب مليون يا ولد سبيع
الله يبيض وجهك بياض الثلج ياسفيرنا يابن الوطن البار💙
هذا مراح البل وذا مسجد العود
باقي من آثاره على الارض عينة
ليه يا سفر بس 💔 ذكرتني بأبوي جعله ابوي فالجنة وابوك ومن يقرأ واخواننا المسلمين أجمعين
الله يرحمه ويسكنه فسيح جناته ويرحم اموتنا واموات المسلمين
الله يرحمه ويسكنه الجنه واموات المسلمين ❤️
امين
اللهم امين
امين
هذا مراح البل وذا مسجد العود
باقي من احجاره على الارض عينه!
اللي عاش في البر لما كان صغير، ويزور اماكنهم القديمة يعرف المشهد،
اذا جيت اماكننا وشفت مسجد جدي الله يرحمه الذاكرة ترجع وراء 30 سنة، وتعيش احادث تلك الايام والبساطة.
الله يرحم من مات و يطيل عمر الحي ع الطاعة
صدقت حتى كانوا قديماً يرسمون مكان الصلاه بتحديده بالحجر ورسم المحراب كأني ارى هذا المشهد
اي والله صادق المساجد بالحجر الله يرحمك يابوي وجدي
.
﴿إن الله وملائكته يصلون على النبي
يا أيها الذين آمنو صلو عليه وسلموا تسليما﴾
اللهم صل وسلم على نبينا محمد ﷺ
اللهم صل وسلم على محمد وعلى آل محمد كما صليت على ابراهيم وال ابرهيم انك حميد مجيد وبارك على محمد وعلى آل محمد كما باركت على ابرهيم وآل ابراهيم انك حميد مجيد
من جمال قصايد سفر انك لايمكن تستمع لها مره واحده فقط بل عدة مرات فلا يمكن ان تمر عليها مرور الكرام
انت تقوله جميله جدا
خيالي
جلست فيه أخطط الأرض بالعود
كني من القيعان طلاب دينه
خيال واسع شكرا للشاعر سفر على هذا الإبداع والتصوير
الله على التصوير ياشامخ الغامدي
ديِنه هل الشاعر يقصد الفلوس أو يقصد الدْين؟
ارجو التفسير اذا احد يعرف
ومازال الإبداع مستمر . أعظم تحية من مصر لأعظم شاعر بالمملكة
الله يسلمك. وائل العتيبي
ترى سفر نزل شيلة جديدة البارح
اسمها المنظومه 🦌
اللي جاي من مقاطع غازي الشراري بالتيك يصف جنبي😂
انا
ههههههههههههههههههههههههههههههههههههههههههههههههههههههههههههههههههههههههههههههههههههههههههههههہَ .
نعرفها قبل مايعرفها غازي
سجل واحد نفر زياده 😂😂😂
انا😂
سفر وشيلته ذي لاسمعتها جاتني قشعريره الرجال ذا مو طبيعي اظاهر معه احد من وادي عبقر
هذا مراح البل وذا مسجد العود
باقي من أحجاره عع الأرض عينه
😭💔
انشهد انه لعب في جوي ذالبيت الله يسامحه وش جابني لك ي سفر
هذا مراح البل وذا مسجد العود
صورة كاملة لحياة الأجداد ❤❤
شعر نجد العذيه دايماً فارق ❤️،
صح الله لسان سفر الدغيلبي،
ونعم في عتيبه ذباحه الحايل لطامه العايل
ماعليك زود يابعدي
معليك زود
الله يعافيك يا سفر
ماعليكم زود يابني تميم انتم اهل العلوم الطيبه كلها
والله ونعم بعتيبه ماعرفناكم الا وعرفنا العلم الغانم منكم ارفع سلامي لكم من وايله نجران
الى شعار السنابات الله يغثكم كيف لكم وجه تقولون قصيد بعد سفر
سفر يعيشك القصيده وكأنك تسمع لروايه وقعت
شكرا يافضل شاعر مر في جزيرة العرب
جلست فيه اخطط الارض ب العود
كنيي من القيعان طلاّب دييينه ...:-)
جعلك تبطي في الوجود يابو سعد❤️
بيت مجنون وربي
افلح براس المال يامدور الفود
مـا يقبل الـرجال شيء ٍ يهينه . 👏🏻
سفر متربع هذه الفترة على عرش النظم لله درره من شاعر
حرام عليك اللي تسويه فينا يا سفر والله حرام عليك
يا خي انت منجم شعري غريب مستحيل احد يجيب مثله..... من النهاية .... انت متنبي عصرك...
قسماً بالله جيت بأكتب بيت أو بيتين شدتني كأي قصيدة ، ولقيت القصيدة من أولها الي أخرها شئ عظيم يحرك المشاعر ويذكر بماضي الانسان حتى ولو كان قريب
اذكروا الله على شاعرنا أبو سعد وعلى خالد ال بريك
(💙ماشاء الله لاقوة إلا بالله💙)
مشا الله شعر وقصيد من ابو سعد ولحن جميل من خالد البريك
من كان مثلي ينتظر هذا العمل
لنا سنه ننتظره 😂
انا
نفسيه ومزن" بلا برق ورعود
على شليل الثوب حوّل غشينه
شف شلون وصف نزول الدموع لله درك يامتنبي الشعر النبطي جمااال الابيات مع الصوت مع اللحن الحزين
الله اكبر
بكيت لين صفاء راسي
آخر مكالمة مع عمي سعود ليلة العيد
والصباح توفى
هو عقيد ربعة يوم مات كن العائلة كلها ميتة
الله المستعان
الله يرحمه ويتجاوز عنه.
الله يرحمه ويغفر له ويعوضه بجنه الفردوس الأعلى اخير من الدنيا وما فيها
الله يرحمه
هَل من مُستغفر ؟
أستغفر الله العظيم 🤍
استغفرالله
التسلسل فالوصف شيء عجيب ابوسعد يسولف شعر
صلوا على خير البرية ، اللهم صل وسلم على حبيبي رسول الله💙
أي جمال وأي وصف للمكان وأي وصف للحال وأي درر هذه ينثرها هذا الشاعر المتمكن..
أنا أقف حائرا للشاعر سفر ولا أستطيع أمام هذا الجمال من هذه الأبيات سوى أن آقول له
شكرا من الأعماق
كما لا يسعني إلا أن أقول للمنشد خالد أنت خامة صوتيه مخملية نادرة..
شكرا لكما
سفر قصه رجل مكافح
3:19
هذا مراح البل وذا مسجد العود ...
ابداع غير مستغرب يابو سعد
الى يعجبني في سفر ان قصيده صعب والمفردات جديدة وتوضيفها ابداع صح لسانك وال بريك مبدع
فعلا أفكاره غير مسبوقة الله لايضره
إبداع لاينتهي نبع يتجدد باجمل المفردات🌹🌹🌹
عزالله ان اللي ما يتابع سفر وخالد ولا يتحرا جديدهم انه ما يععرف شي 🤎👌🏻
الشيلة هاذي حزينه ل ابعد درجه💔
سفر دايم جزل ومبدع ماشاءالله ليته كل شهر يسوي قصيده ولا هي غريبه ع قبيله عتيبه الإبداع والشعر 👍
وانتم مبدعين وطيبين يامطير
قبايل نجد هم أهل الشعر الحقيقي وخاصةعنزةوعتيبة
ههههههههه
له مع ملايكته مزكين وشهود
مضارب كفوفه وسجدة جبينه
تذكرت مسجد ابوي الله يرحمه وبكيت ياسفر
ياسلاااام من أجمل القصيد اللي سمعناه وتحاكي الواقع لأغلب الناس اللي عاشو الفتره اللي مر فيها سفر
ممكن تقول لي عن ايش تتكلم هالقصيده
@@سبحاناللهوبحمده-ح3ع يقصد انه راح لديرته وتذكر ذكريات ويوصف شعوره ويوصف حال الديره
*ثقافة سفر الدغيلبي تعجز وأنت تحاول أن تضعها في فن واحد* ^
*هو جامع من كل فن ومن كل عِلم إن صحّ القول* ^
*ما شاء الله تبارك الله* ^
*تابعتُ قصائده في النظم منذ البداية فلا أجد أفضل منه في الوصف والابتهال وخاصةً في توحيد الله والثناء على الله سبحانه جل وعلا* ^
*ثم تجده يتطرق لأمورٍ تخصنا نحن من الوجدانيات والذكرى بأسلوبٍ قلّ أن نقرأ مثيله* ^
*لله درُّكَ يا سفر* ^
*ولا تسَل عن العاطفة وعن التاريخ وعن الجغرافيا وعن شتى العلوم أنت باختصار أمام عقلٍ قد منحهُ الله ذكاء وفطنة مع عِلمٍ ودراية ما شاء الله* ^^
*الله يحفظك يا شاعرنا العملاق* ^^
والله يابونايف لو تابعت المدح انه مصيبه بعد
صدقت ورب الكعبه ،،عندما تستمع لما يقول سفر كانك تتذوق اجود انواع العسل ،وهو الشهد ، واحاسيسك وعاطفتك وعقلك تختلط لا تعلم ايهما يستمتع اكثر ،،ولكن نستغرب انه لم يكرم من دولته حتى الآن بعد هذا العطاء المتميز شعرياً (البعض يهمس في الخفاء انها العنصريه ضد ابناء البلد الاصليين) والله اعلم ،،،،
بكيت الله يرحمك يا جدي ويجمعني بك في جنة عرضها السماوات والارض 😔😔
الله يرحمه ويرحم جميع اموات المسلمين
اللهم امين يارب
كلمة الهزعة جميلة جدًا واختيارها في هذا السياق معبّر وتدل على معاني كثيرة جدًا.
لله درك يا سفر
لهجه جنوبيه
هزع من الخط
اهزع من الخط
سفر الدغيلبي شاعر استطاع في وقت وجيز بعد ان اسخى الجهد فالنظم ان يكتسح الساحه ويتربع على عرش الشعراء بل أنا بدينا نقارنه في بندر ابن سرور وسعد ابن جدلان لأن للاسف لانرى شاعر بالساحه في حجم سفر الدغيلبي الله يمده بالصحه والعافيه شاعر عتيبه ابي اعطيكم من قصايده لحون نجد👇🏻👇🏻👇🏻
عليك السلام ورحمة الله ياهاك البيت
احييك والك العذر لو ماتحييني
ياليتك بعد شدو هلك مع هلك شديت
على شان ماتقعد بقربي. موازيني
سفر الدغيلبي
تبارك الله والله. احسن الخالقين
يامرحبا بالجمال الحوري اليوسفي
الا ان قال
من ذواق العشق لابده يعاود بحين
الحب. ولعه ونار. الحب. ماتنطفي
سفر الدغيلبي
عقب اتساعة خاطري صرت حساس
حتى الرفيق. الكفو ماقبل منه شي
اخفقت واجد.في التعامل مع الناس
مدري البلا فالناس والا "البلا في
سفر الدغيلبي
ياجارنا الي نزلت ديارنا شرق عرق النفود
جيرتك.ماهيب.قشرى مير ماجت على حينها
بعد دعيناك للواجب ومسفوطنا للفهود
حقً علينا. من الله والكرامه. مسوينها
دعيتنا دعوتن. في ليلةً. جعلها ماتعود
والصدفه الي جرت في غيبتك ويني ووينها
سفر الدغيلبي
ياشبه من توقا في الزوالي عن الحفا
من خيول الامير خزام والا. العقايله
الا ان قال
اتعزم على. الحفلات والفكر. ماصفا
اتحرى اتصاله واتحرى. رسايله
سفر الدغيلبي
ان شاء الله وفقت في طرح شي بسيط من مايسعني حفظه🌹
سفر الدغيلبي و خالد البريك .. ثنائية عظيمة ♥️
شئ عظيم شئ فخم من الآخر فلا غرابة كلمات أبو سعد ياحبيب عتيبة💙
وخالد ال بريك الفخم العذب ....الخ
(ماشاء الله لاقوة إلا بالله)
اتوقع سفر هو الشاعر الوحيد الي يخليك تنسى ابداع المنشد من يتفق معي 😅.
صدقة👍🏻
عزالله انك جبتها
اتفق معك. وانا اسمع القصيدة أعيش في خيال وعالم آخر إلى آخر بيت
نعم اتفق معك وبقوة بعد
يا حظك ياسعود اللي جاء اسمك بشيلات سفر وخالد🏃🏻♀️
اخوه سعود
كان معطي وقته ل شعر المحاوره التفت ل النظم شاف نفسه مقصر ضرب الساحه بشعر نظم صح وكثر يازينه ماشاءالله عليه شاعر كبير
الله درك يا سفر
سفر اذا بيسوي قصيده فهو ياخذ عزبته كامله وكل شطر بيت ياخذ من ديره
لذالك تطلع القصيده تعزف على وتر كل متذوق والغير متذوق
مهما كتبنا فيه لن نوفيه حقه سفر ملك للحميع ماهو بس للقبيلته فقط
مضارب كفوفة وسجدة جبينه 💔 يالله العفو والعافيه تصوير ماينوصف من جماله
اجرم فينا الدغيلبي ؟ امنعوه ياحكومتنا الرشيده لايكتب
سفر فالنظم اسس له مدرسة خاصة فيه اثبت شاعريته واطلق عليه لقب خليفة النابغة الذبياني
والله والمحاورة له بصمه
كلمات يعجز عنها الوصف يابو سعد بُوركت وسلم لسانك ياشاعر عتيبة ، الله يسعدك سعادة الدارين أنت وخالد ومن يقرأ كلامي💙
وصوت فخم هادئ وجميل وفصيح ينطق الكلمات كما كُتبت من شاعرها وبلهجة قبيلته ليس مثل بعض المنشدين الي يحوسون القصيدة نعم هو خالد ال بريك الدوسري لله دره💙
عز الله أن الخط واسع ومدود
والهزعة من الخط ماهي بزينة
أبداع وفخامة وجمال أبو سعد وخالد ال بريك 💙
سلمت يابو سعد ياسنايد عتيبة 💙
(ماشاء الله لاقوة إلا بالله)
على قوله محمد ال جميح
الله يعز الكفو لو كلامه ترجمه
وأبو سعد كفو وخالد كفو وانتو يا عتيبه كفو
سفر الدغيلبي، خالد آل بريك ، ثنائيه اجتمعت فيها قوة الكلمة، وجمال اللحن ، سفر الدغيلبي انت شاعر فوق العاده ، اتمنى تبتعد عن شعر القلطه ليس لشيئ ، لكن إن تفرغت لشعر النظم فأراهن انك ستاتي بمعجزات شعريه يسير بها الركبان، ويخلدها التاريخ ، كل التوفيق لك أيها الظاهره الشعريه .
ياله من ابداع ويا لهذا الشاعر العلم العملاق ، لايمكن ان تمل الاستماع عندما يكون الشعر عذباً متماسكاً والمنشد ثقه.
نعم كلامك صحيح وابو سعد شاعر ماهو بسيط شاعر نظم ومحاوره كلاهما قوي فيهن ومبدع وبالنظري انا انه الان هو افضل شاعر نظم
صح الله لسانك يشاعر قصيده جزله
فن وأداء راقي وجميل مشاءالله عليكم ياسلام
التعمق ف الوصف الدقيق صفه نادره وابوسعد ابدع في هالصفه
لحون وطواريق وبحور شعر جديدة يا شيخ شكراً لك انت خدمت الشعر ♥️
تراها مسحوب
نعم مسحوب، اشهر بحور النبط
والله انهم مبدعين كلّهم لا سفر ولا خالد لكن المسحوب اعتقد انّه اكثر استخادمًا في القصائد النبطيه وهذي على المسحوب
إبداع غير مستغرب من العملاق ومتنبي هالعصر سفر الدغيلبي ، هالشاعر في كل قصيدة جديدة يبحر في الصور الجمالية والجزالة الشعرية ، زاد هالإبداع ثنائيته الرائعة مع المنشد المبدع خالد آل بريك 👍
لله درك يا أبو سعد
خيالة آشوفه وباقيه مفقود
شبه الضباب يحول بيني وبينه
ياسلام👍🏻👍🏻
هذا الوصف الدقييق والتمكن ماينطقها الا شخص يعاني وعاش الوصف انشهد انك شاعر طنطق الالم نفسه.
سفر شاعر متمكن مفردا ته ومعانيها تتغلغل الي عمق مشاعر المتذوق
في كل سلاسة لذلك انا اقول هذا الشاعر سبحان الله تنسجم المشاعر الى فنونه الشعرية السحرية لله درك شاعر
الله يسعد ايامك ياسفر ويطول عمرك دام فيه شعار مثلك على وجه المعمورة فإن الشعر لازال بخير ولاأنسى منشدنا الجميل صاحب الصوت العذب خالد البريك ومن التوفيق إن يجتمع مثل هاالقامات الفذه في عمل الله يسعدكم جميعاً
تألق وابداع شعر ؛ شيله
سويت في نفسي خطاء غير مقصود
كأني غشيم بأصبعة سد عينة 💔👌🏻
وصف عظيم
اللهم صل وسلم وبارك على سيدنا محمد وعلى آله وصحبه أجمعين
سبحان الله وبحمده سبحان الله العظيم اللهم اني استغفرك واتوب اليك
أستغفر الله الذي لا إله إلا هو الحي القيوم وأتوب إليه
لم يمضي اربع وعشرين ساعه وكم تعليق سجل..مبدع ومساير افكاراغلب الناس.
هذا مراح البل و هذا مسجد العود
باقي من احجاره على الأرض عينه
يا ناس سفر كل قصيدة قوي و يكلم القلب على طول يعني اذا سمعته اما انك بتضحك و لا بتبكي و لا و لا .
أعمال سفر والبريك تستحي حياء إنك تشوف جزء منها ولاتكملها (فإذا سألوك عن العمل اللي يفرض نفسه بلا إعلانات ولا تسليك قلهم تابعوا أعمال سفر والبريك) شي فااااااااااااااااااخر من الاخير 👌❤️
انشهد
ولد روق صدق ياسلام يابو سعد ياسلام يارمزنا
ماشاء الله لاقوة إلا بالله عليك أنت وخالد المبدع الفخم💙
الله يسامحكم ياثنين منشد وشاعر مبدعين لكن اوجوعتونا رحمة الله عليك يابوي الله يرحم امواتنا واموات المسلمين
الله أكبر عليك يابو سعد تلامس كل قلب ومقرب الله يسعدك سعاده الدارين اقسم ب الله ابدااع وزاد الابداع خالد ال بريك
من اجمل الالحان والقصايد.. جميلة جدا
الله عليك يابو سعد قصيده تحكي معاناة مرت على عيوننا كلنا وواقع مشهود . مايجي من سفر غير الجزل الله يطول عمره . ولاهان المنشد المبدع بصوته . لحن الشيلة من ابداعات أسطورة الفن الشعبي عيسى الاحسائي رحمه الله في اغنية الحلم يجمعني بكم كل ليله
اترقب لي وقت لمثل هذا العمل شعر ولحن وابداع من سفر وخالد اطال الله بعمارهم وعماركم
سفر كل قصيده ابداع ومفردات جديده ممكن اول مره تسمعها وتوظيفها جداً ممتاز هذا الابداع بعينه
أفلح براس المال يامدور الفود
مايقبل الرجال شي يهينه
صح لسانك
مبدع 👍🏻
شي اكبر من المدح ومن الوصف اللي ودك تقوله وفي خاطرك ومنت قادر تكتبه خوفاً م يوفيه حقهه ... ابدعت يبوو سععد وابدعع الصوت العذب البريكي
(وذكر فإن الذكرى تنفع المؤمنين ) - سبحان الله .. - الحمد لله - لا إله إلا الله .. .. - الله أكبر .. - أستغفر الله .. - لا حول ولا قوة إلا بالله .. - سبحان الله وبحمده . - سبحان الله العظيم .. - اللهم صل وسلم على نبينا محمد ..
هذا الشعر الحقيقي يسلم بوح الشاعر الكبير سفر الدغيلبي أشهد بالله
سبحان الله و الحمد لله
الله الله ياسفر قمة فوق القمه نذر 😌👏🏻.
جلست فيه اخطط الارض بالعود.... كني طلاب دينه ..ابداع وتصوير فوووق الخيال ...
الله الله فتحت علينا جروح💔💔رحم الله من فقدناهم وجمعنا بهم في جنات الخلد
افلح براس المال يامدور الفود
مايقبل الرجال شين .. يهينه 👍
ابدداع 🌹
جعله تبطي سنينك يابو سعد 🌷
خلص الكلام فيك يابو سعد اسطورة النظم الاول حاليا
افلح براس المال يامدور الفود 🔥🔥نصيحة ذهبية 👍👍
له مع ملايكته مزكين وشهود
مضارب كفوفه وسجدة جبينه
👏🏼👏🏼👏🏼👏🏼👏🏼👏🏼
ماشاءالله شاعر كل تركيباته عجيبه و رهيبه فعلا موهبه قويه انشهد انه اسطوره فالنظم والمحاور ه
ارويتنا شعراً أبا سعد
وأرويتنا ياخالد شجن وفخامة
الله يحفظكم لنا جميعاً
وصف رائع جدا صحيح نشوف باقي مساجدهم في ديارهم ومكان بيت الشعر وكل شي ابداع
لاحول ولاقوة إلا بالله
ابوسعد والدوسري ابداع منقطع النظير 👌🏻
سبحان الله وبحمده ، سبحان الله العظيم💙
اللهم صل وسلم على سيدنا محمد
اللهم صل على محمد
مليونيهه ي ابوسعد
القصيده قدامك ك ان سفر يتكلم عن مكان زاره ، ولكن هي ابعد من ذلك .. الاحجار بالقصيده انقالت مرتين وهذا ماهو من باب الصدفه
كل بيت من ابياته مليي بالشعر ووصف صعب جداً وفي مكانه🥺♥️♥️😴♡
في الشعر والأدب : سفر الدغيلبي وكفى 👍 وفي الاصوات الفخمه : خالد البريك وكفى 👍