PAPUR GIRJASINGAN ANUMRENGKIN || SAMAGAITA RANUKKU BAPTIST CHURCH, SUKUI AREA
ฝัง
- เผยแพร่เมื่อ 8 ต.ค. 2024
- PAPUR GIRJASINGAN ANUMRENGKIN || SAMAGAITA RANUKKU BAPTIST CHURCH, SUKUI AREA || SAMAGAITA YOUTH Official Channel || SAMAGAITA RANUKKU
Part - 2
Kani ambrij aganangkil baranji lumle ayerrai, Ateng badloyem maranji kan singan saring agarberlilenanji batte aur anabsittan ahanglai,
Ruanglingan D. Suranto Nayak
Rev. Luko Nayak
H. John Nayak
H. Elagonto Nayak
Kani murda abmanggod maranji dunglinaiji. Aninji a bangsa taniybir hanang hangan batte janggarda lingan ateng anumengan ahanglai bar janang aninji anabumanganji batte do mandran do singan atenglin batte manan,
72 si’ngan adanisaman
370 mandran adanisaman adelin asan bar gerjanaben asan garobgoban Er-hadab adelin asan Tariko 27-01-2014 Sallon Sumbaran adinna Ranukku lingan Gupamaran, Hanghangmaranji, Baramaranji, Komittinji bar ateng mayang maranji ampara alberan deli. Tambe sarebasingan ajagaling labo maranji ganudingan deli Manan,
Smt Hibari Nayak
Late Sirmi Bhuyan
Smt Kolmi Gomango
Late Babiloni B.Raito
Kani unji tonananji alabo dakuli do aninji ado’ng ranukku dane maranji batte anoalan deli, Kani ajagalingan anlen sarebasingan asabjaben aitsumtai do aordilenden tankan atiytaben gamle auppunglaiji, bindo unji tonananji gamleji kani ajagalingan kitungan asarebasingan asabjaben asan amben aitsumlenden anlen tangkan appange asuyum taniyan atiytai amben sabjaba gamle manoihan do Dernan batte kani ajaga tiylilenji. Bar janang kani ajaga amaneng Jabanu Nayak alabo janang dakuli anin janang sarebasingan apsele manoih do dernan batte dajinganti jagan tiyetin. Do ganarberan deli , Odisha paper lingan anidolan deli bar janang santokoleji.
Kun atiki Tariko 14-02-2014 Sallon Ganugudam Rev. Luko Nayak batte Paundasan sanabjan deli.
Sarebasingan asanabja baran apsele :-
Secretary - Mr. Dilip Mandol
Tresure - Mr. Apolo Nayak
Kan aninji sanedan deli.
Bar mestri baramaranji :-
Doipa Mandol
Kaliya Nayak
Junesh Mandol
Piliman Nayak
Siponiya Nayak
Ajaniya Nayak
Prapulo Nayak
Jitendra Bhuyan
Samsan Nayak
Tiyaphil Nayak
Jissi Bhuyan
Diel Bhuyan
Mattiu Nayak
Kani dijne migalboi mandranji mestri baralingan sanedan deliji singan asabjaben asan.
Taniyber komittinji :-
Ajit nayak
Emanto Nayak
Amit nayak
Hibaru Bhuyan
Gonita gomango
Kani dijne monloy mandra sanedan deliji.
Ranukku lingan baramaranji :-
President - Esiyo Bhuyan
Secretary - Dilip Mandol
Tresure - Andriya Nayak
Kani dijne yagi mandra baramaranji kun ayam dakuliji ajardinna kan ajinji Gamangtungan ajanggardan batte ganalam lingan banuddi lingan , Ranadu tanu’llingan barij tardange dele baran susuleji do baran tabkudleji.
Baran susule baran atanakudan sikoija :-
8 Mihum 3 anggai sikoija dingle
Kani singan agadellin akuddub karson :-
Lebaranji badin taniyan adeadji
Mestrinji badin taniyan adeadji
Sattan material karsan anisaban deli
Kuddub karson :-72,48,746/-
Gannasingan bujjin akarson :-
Nami singan daku :- 74
Mandran adanisam :- 385
Tabbubda maranji :- 192
Er tabubda maranji :- 193
School hangna pasijanji :-127
Sakri maranji :-24
Gupamaran :- 1
Hanabgmaranji -2
Daku E ganugudam kitungan abadloyim boanta boantinji kani ranukkulen apsele aggarber lenba.
Yante gamle kani singlingan abo je’ele anumengan batte kuddub ganankil saninpur baranji lumle janggarda lingan amarangtenaiy bar janang kani si’ngan timyimle araptitai kan apsele aygarberrenba. Amen.
👌👌👌 nice song.......Prabhu tama samastanku bless karanthu......
Thank you
love from Rg
Thanks
Super song bro 👍👍
Thank you
Very Nice.. superb Song...
Thanks
Love from Alaida Musical..😍😍😍😍
Thank you