وصفة قلب اللوز (الشامية) الاصلية 🌙🇩🇿🌙جربوها غير سميد وسكر /مشروع ناجح / شاركتكم طاولة اول يوم

السلام عليكم رمضان كريم وصح فطوركم
وصفة قلب اللوز الاصلية جربوها على ضمانتي ودعوة خير لصاحبة الوصفة
‫@اميرةالمطبخالجزائريةالبليدية‬
#رمضان_2023
#قلب_اللوز
الوصفة
كيلة السميد على حسب الصينية تاعك لازم كي دخلي صبعك يكون 1 سم
انا هذي الصينية ترفد 1 كغ سميد( السميد خشن تاع الميزان او ماما او مولا كيس الاحمر ) قسمتها على 3 كيلات ( كل اخت تختار الكيل على حسب الصينية تاعها المهم يكون 3 كيلات) نضيف 2 كيلات سكر ونحك دقائق باليد ثم نضيف كيلة ماء زهر ( او خليط ماء وماء زهر) ونحك من تحت لفوق بلا عجن دقائق
نخلي الخليط تاعنا يرتاح ليلة كاملة ومرة مرة نحكوا باليد من تحت لفوق هذا هو سر النجاح
في اليوم الموالي نحط الخليط تاعي في صينية ( لي تحب تحط حشو نرحي مكسرات نقسم الخليط في النضف نحط من تحت ثم مكسرات ثم الخليط الثاني ) نسقم سطح الخليط لملعقة ونسوي جيدا وندخلها طيب على فرن 180 درجة ( كل اخت حسب الفرن تاعها تقدر أقل من 180 ) كي تحمار من الجوانب نشعل من فوق نخرجها نسقيها بشاربات ونرجعها لفرن طافي ونخليها تتشرب
الشاربات : كيلة سكر ( نفس الكيلة لي كلينا بها الخليط) 3 كيلات ماء وطرونش قارص نحطها تغلي 10 دقايق ونطفي ونضيف نصف كيلة ماء زهر وقطرات من اكستري ماءالزهر
الشاربات نطيبوهم ليلة من قبل لازم تكون باردة وقلب اللوز ساخن
#تحضيرات_رمضان_2022
#مشتريات_رمضان_2022

[@NanaNana-ih3uc]

احسن وصفة جربتها شحال من خطرة يعطيك الصحة

[@قناةمدرسةالحياة]

العفو حبيبتي وبالصحة والهناء وشكرااا نعتز بشهادتك

[@hassibahanis-km9ff]

أختي الكريمة أنا. مجرب. هذه الوصفة ناجحة مئة بالمئة من مطبخ أميرة الجزائرية البليدية. وأنا معتمدا عليها حتي الأن وراني ندخل رزقي في. شهر رمضان المبارك. والله. إجازكم. أختي. شكراً

[@قناةمدرسةالحياة]

ربي يرزقك اختي ولك حسن الجزاء نورتيني ورمضانك بالصحة

[@zebboudjkhemissa7981]

شكرآ اختي الكريمة على الوصفة و توضيح انجربو قبل شهر رمضان المعظم انشالله و نرجعلك الخبر إذا نجحت فيه تسلم ايديكي مسبقاً

[@قناةمدرسةالحياة]

العفو حبيبتي نورتيني وإن شاء الله جربيه ويعجبك مرحباااا

[@MM-ie5iu]

راني جربت الوصفة صراحة خرج ولا اروع بنة وعليها لكلام حتى الزوج عجبو بزاف قالي العام هذا ماراحش نشروه 😂ديراكت جابلي 5 كيلو سميد تاع قلب اللوز 😂😂😂نشكرك بزاف على الوصفة ❤

[@قناةمدرسةالحياة]

يا عمري يعطيك الصحة وبصحتكم وربي يخليك للزوج ان شاء الله وصح رمضانك حبيبتي نثبت تعليقك

[@lilylily9839]

بصح الشاف على زاد الما ء بعد ما بات زاد 180 مللت من الماء ونتيا مزتيش الما أو ماذكرتيش مقدار الما راكو تحرف فالوصفة

[@faridabellounis2142]

مصحتك 😊❤❤❤

[@meriemkaddari9748]

يعطيك الصحة، والله جربته ماشاء الله، كثرينا من الوصفات المضمونة، تصومي بالصحة

[@قناةمدرسةالحياة]

بالصحة والهناء حبيبتي وشكرااا على الثقة والله يسلمك عزيزتي وإن شاء الله نكون دايما عند حسن ظنكم

[@abdelliomhalim6717]

يعطيك الف عافية جربتو و جا تحفة تحفة تحفة ساعتمد الوصفة طول حياتي اولادي هبلو ا عليه سلمت يداك

[@قناةمدرسةالحياة]

الله يسلمك اختي واهلا بك وبالصحة والهناء ياااا رب على قلبكم وفرحت لفرحتك حبيبتي وإن شاء الله دايما نكون عند حسن ظنكم

[@fati7458]

جاني روعة روعة روعة خرجلي هايل قلب لوز خير من تع برا بنة بنة وعجبهم كامل فدار

[@قناةمدرسةالحياة]

بالصحة والهناء ويعطيك الصحة يا الفحلة شكرااا على الثقة

[@ikramkiki8750]

ة

[@djilalidjilali6360]

ماجاتكش حلوة بزاف كثرت السكر

[@قناةمدرسةالحياة]

لالا اختي تجي نورمال بنتها كما تاع برة وحلاوتها

[@Wardat-Amal]

ختي مدرش ليدام ولا مشفتش

[@Aya_tomorow.is.better760]

يعطيك الصحة..حتى نجربه

[@قناةمدرسةالحياة]

ان شاء الله حبيبة

[@malikanadia8958]

الله يعطيك الصحة اختي عجبني قلب اللوز .جربت شحال من طريقة متجيش مليحة .حابة نديرها متجيش حلوة بزاف

[@قناةمدرسةالحياة]

جربي هذي وإن شاء الله تنجحلك اختي

[@houdaHiba-d8r]

جربتو وراح نزيد نجربو قلب اللوز هايل عجبني يعطيك الصحة

[@قناةمدرسةالحياة]

بالصحة والهناء جمعة مباركة وشكرااا على الثقة

[@kadaabderahman1272]

الله يبارك كنت نحوس عليها قالولي عليها مذا بينا وصفة ساهلة و إقتصادية و عندك الحق الوصفة الأصلية لا لبن لا والو بإذن الله يدخل علينا رمضان المبارك بالصحة والعافية وكل خير

[@قناةمدرسةالحياة]

يبارك فيك اختي ومنورة القناة واللهم امين يااا رب

[@algertransport3880]

يعطيك صحة انا جربته وبلفعل طلع كارثة وبمعني قلب الوز روعة روعة مما يكن سن كلاوه بين ليلة وضحاها يعطيك صحة

[@قناةمدرسةالحياة]

بالصحة والهناء في البداية خلعتني تاع كارثة ههههه منبعد كي شفت رووعة تنفست ههه شكرا على الثقة وشرفتيني

[@afafben2593]

جا يشهي يعطيك صحا نجربو ونردلك لخبر نشالله مزيد منا النجاح،

[@kannerkannar5842]

الله بارك

[@قناةمدرسةالحياة]

يبارك فيك شكرااا

[@imanfarid356]

مشاء الله نجربو ونردلك بلخبر يعطيك صحة

[@قناةمدرسةالحياة]

الله يسلمك شكرا مرحباااا

[@cheuibfarah7674]

شكرا على الوصفة انا جربتها الوصفة ناجحا شكرا اختي على المصداقية

[@قناةمدرسةالحياة]

العفو اختي بالصحة والهناء وشكرا على الثقة نورتي

[@abdodz5015]

واش درتي قياس بلاتو

[@asilsila1999]

سلام يعطيك الصحه جات تسخف وتشهي ربي يبارك وصحا رمضانك تصوميه بالصحة والهناء .. المول تاعك شحال قياس تاعو من فضلك

[@قناةمدرسةالحياة]

شهيتك في الجنة حبيبتي وصح رمضانك
السنيوة فيها 30/40

[@islami3izati180]

شكرا سيدتي على مجهوداتك وعلى الوصفة

[@قناةمدرسةالحياة]

العفو وشكرا لمرورك مرحباااا بك

[@oumasmadz5269]

تدبيرة لما تحبي تطيبي من الفوق ديري سنيوة فارغة بين النار الفوقانية والسنيوة لي فيها قلب اللوز هكذا تتوزع الحرارة ويطيب كامل كيفكيف

[@قناةمدرسةالحياة]

اهلا اختي وبارك الله فيك على التدبيرة

[@امغيلاس-م5ع]

جاك مشاء انشاله راح نجربو ونرجعلك لخبر مشاء الله متواضعة بزاف اول مشاهدة لي ليك بزاف سخفتيني بتواضحك ربي يحفضك وبالتوفيق انشاء الله يارب وشكرا

[@قناةمدرسةالحياة]

يسلمك حبيبتي وشرف ليا كلامك ربي يفرحك ويخليك يااا رب نورتي القناة مرحبااا

[@fatmqelarbi5059]

Machallah ja yhabal llah ya3tik saha ma seour radi nsiyih kin nriyah bientôt ma couchement ramadan karim nchalah tsoumou b saha

[@قناةمدرسةالحياة]

الله يسلمك اختي ومرحبا بك ومبرووك مسبقا وإن شاء الله ربي يعطيك سويعة ساهلة ياااا رب كي تريحي بشرينا حبيبة ورمضانك بالصحة

[@meriemslimani1943]

يطيك الصحة ان شاء الله نديرو

[@قناةمدرسةالحياة]

ان شاء الله اختي

[@chehmachesamira9901]

ختي موالفة نديرو و نزيدلو كاس كاوكاو محمص و مطحون ولا أروع

[@قناةمدرسةالحياة]

مام انا زدتلوا منوورة اختي

[@amira-vx5gb]

الله يعطيك الصحة، صح رمضانكم، ...لي عجبني بزاف طريقة شرحك لأدق التفاصيل.....نتمنى لك التوفيق دايما 😊

[@قناةمدرسةالحياة]

الله يسلمك اختي ربي يفرحك ويخليك ياااا رب منووورة

[@monsif7160]

جربتو اختي خرجلي روعة روعة خير من نتاع برا يعطيك الصحة 🚆🤬🐟😍😍😍😍😍😍😍

[@قناةمدرسةالحياة]

يا عمري بالصحة والهناء وباين عليك فحلة الله يعطيك الصحة ومرحبااا بك وشكرا على الثقة

[@zahrabonjour1911]

هذك ايموجي تاع سين علاش مجكش غيا

[@NabilNabil-vf4lx]

سلام اختي راني دخلت الآن وشاهدت الفيديو وقرأت التعليقات بالتوفيق حبيبتي

[@قناةمدرسةالحياة]

يسلمك حبيبتي ومرحبااا بك

[@نشكيلكيمانشكيلكيما]

نجرب ونخبرك يعطيك صحا

[@قناةمدرسةالحياة]

يسلمك اختي نورتي

[@zaraouazih-nc8zm]

ماشاء الله

[@قناةمدرسةالحياة]

شكرا اختي نورتي

[@bernmarcel2364]

تبزطوا يعني تبسطوا وليس تبزقوا مثل ماقالت الاخت وشهية طيبة وبالصحة والعافية وشكرا للاخت على الوصفة

[@قناةمدرسةالحياة]

اهلا وشكرا للتوضيح لكن حنا نقولوا نبزڨوا عليها

[@فوائدعامة-د1ص]

انا ندير كيلو حرش و700غ سكر وقرصه ملح ونشمخ عيني ميزاني بالماء وماء الزهر عندي شحال وانا نخدم بيها وخطرا نبيتو وخطرا نخليه 4ساعات برك ونطيبو يجي روووعه

[@قناةمدرسةالحياة]

بارك الله فيك نورتي

[@oujdakarima6028]

كمية السكر كثيرة بزااااااف.... وزيد الشربات....

[@قناةمدرسةالحياة]

لالا اختي ماهيش كبيرة في العادة ديروا 3 كيلات سميد بكيلة ونصف سكر و2 كيلات ماء وكيلة ونصف سكر بعني 3 كيلات سكر وانا درت نفس الكيل

[@missmiss6423]

بصح ختي ماتفسدش كيديري ماء مع ماء الزهر ٠اناماء الزهر لي عندي بزاف قاطع الدوق تاعو وخفت نزيدلو لماء

[@قناةمدرسةالحياة]

كي قاطع بزاف ديري معه الماء انا كييكون الذوق تاعو خفيف نديروا وحدوا بصح كي قاطع نخلط ماء وماء زهر

[@abadliaaminaamina620]

جاى روعة وين راهي 50غرام تاع سمن ذايب و بارد ولا نحيتيها

[@قناةمدرسةالحياة]

من ذوقك اختي وانا مدرتش السمن ما درت حتى مادة دهتية

[@OumRomaissaBenhergal]

معنديش الميزان باش نوزان سكر قوليلي بالكيلا

[@samiadzitalia7322]

شكرا على الوصفة راح نجربها ان شاءالله برك شربات زوج ماء ووحدة سكر ولا ثلاثة ماء؟😙😙

[@قناةمدرسةالحياة]

العفو حبيبتي ان شاء الله جربيها وتعجبك والماء في للشاربات 3 كيلات بكيلة سكر

[@swordsword6400]

تسما ما نقدرش نقص من كمية السكر؟؟
يعطيك الصحة

[@ahmedghouini2910]

اللهم صل وسلم على نبينا محمد وعلى آله وصحبه أجمعين بارك الله فيك

[@معاذايوب-ع4س]

انا جربتو جاني روعة😋😋😋😋😋

[@قناةمدرسةالحياة]

بالصحة والهناء اختي منوررة

[@karimabezari9631]

يعطيك الصحة هذي هي الوصفة الي قتلك عليها في رمضان العام الي فات قتلك ساهلة اجي روعة بلاك تكوني نسيتي

[@قناةمدرسةالحياة]

أكيد نسيت بصح كي قلتيلي تفكرت اختك كبرت هههه يعطيك الصحة

[@bousidsabrina3816]

عدي ندرها دروك غيرتني وغدوة صباح ندرها نشالله😊

[@قناةمدرسةالحياة]

يا درا جربتيه واش النتيجة

[@samihasamiha5839]

جربت الوصفة من عند مطبخ اميرة الجزائرية البليدية ناجحة 100/100

[@omarlaouar1099]

يعطيك الصحة يبان يشهي الله يبارك من فضلك ختي ممكن طول السنيورة تعيشي

[@قناةمدرسةالحياة]

يسلمك اختي نورتيني
السنيوة 30/ 40

[@omarlaouar1099]

@@قناةمدرسةالحياة ربي يحفظك اختي المزيد من النجاح أن شاء الله

[@AmineAmine-ol1ey]

اللهم صل و بارك على سيدنا و حبيبنا و نبينا و رسولنا و شفيعنا محمد و على اله و صحبه اجمعين

[@Sisou0]

بنات غير ديرو هذي الوصفة وما تندموش انا درتها جا هااايل . درت بالدقيق تاع الميزان و لعبار تاع الماء مع المازهار جا مشمخ بزاف على تاعها يعني يشرب كتر و يتعسل كتر و خليتو حتى لغدوة من داك في الليل باش طيبتو جا رووووعه

[@fatisalah1020]

مفهمتش يشرب اكثر ويتعسل اكثر ،كفاه السيرو نتاعها بزاف!؟؟

[@همساتأمأمير]

اختي مكاش قاع زيت ولا زبدة حتى سنيوة ماندهنوهاش؟؟

[@قناةمدرسةالحياة]

اهلا اختي لالا ماكان والو واذا حبيتي ديري مغرف كبيرة سمن ماديري لا زيت لا مارغارين لازم سمن

[@خالدفطوش]

يعطيك صحى ياختى جتني ماشاء الله توب روع

[@قناةمدرسةالحياة]

الله يسلمك اختي ونورتيتي وبصحتكم وفرحت كي نجحت معك وكنت عند حسن ظنكم

[@malikanadia8958]

اعطيني مقادير صينية مدورة صغيرة السميد والسكر والشاربات

[@قناةمدرسةالحياة]

اهلا اختي شوفي منقدرش نمدلك العبر سواسوا مي نمدلك تدبيرة ديري بها العبر احكمي سنيوة تاعك فرغي فيها السميد كي دخلي صبعك يتغطى 1 سم ثما احكمي السميد اقسميه على 3 متساوي والعبر لي كيلتي به واحدة هو تكملي به باقي المكونات ان شاء الله فهمتني ولي سؤال انا بالخدمة

[@malikanadia8958]

@@قناةمدرسةالحياة شكرا حبيبتي ربي يحفظك

[@assiadaoudi962]

Svp hbiba mandirch sman ml fog 9bal mandakhalha f four

[@قناةمدرسةالحياة]

اهلا اختي أولا مرحبا بك نورتيني
شوفي انا منديرش مي اذا حبيتي ديريلها عادي وكما تقدري ديري مغرف كبيرة معمرة تحكيها مع السميد

[@assiadaoudi962]

Sayi smid Darth kima darti

[@assiadaoudi962]

Esq ndhan plat w chamiya mlfog b sman rani mbytath l gadwa inchallah

[@fethidifalah-rx6ej]

بصحتك على لخوسة

[@halima9256]

يعطيك الصحة ختي ربي يحفظك جربتو لاول مرة في حياتي يعطيك ماتتمناي حمرلي وجهي قدام راجلي وعايلتو😍😍😘

[@قناةمدرسةالحياة]

يا عمري بالصحة والهناء حبيبتي ويعطيك الصحة على التطبيق والثقة نورتيني

[@jalassatenissaiya3358]

هي وصفة صحيحة لكن الشاف علي شمخ القلب اللوز بالعسيلة قبل الطياب يعني كي كان يسبط فيه و زاد السمن بعد ما ارتاح القلب اللوز 24 ساعة شكرا على الوصفة المبسطة

[@soraya3479]

شمخ بالماء

[@oumnoussaiba3773]

دري ورق الطبخ في وسط من تحبي تحمري جوانب

[@lavierose4809]

اختى سميد مولة او ماما سميد متوسط ؟؟؟؟ moyen
ولا demi gros شكرا

[@قناةمدرسةالحياة]

اختي مولا الشكارة الحمراء وماما الخشن

[@lavierose4809]

@@قناةمدرسةالحياةسامحينى اختى اكديلى مكتوب خشين ؟؟ gros شكرا

[@قناةمدرسةالحياة]

وي اختي في ماما مكتوب خشن ومولا والله غير نسيتةاذا مكتوب خشن ولا demi gros غدوة ان شاء الله نشوفلك ونقولك

[@lavierose4809]

@@قناةمدرسةالحياة شكرا اختى

[@rimmaryoula1169]

روعة ماشاء الله تبارك الله عليكي اختي الغالية

[@lina__ll9118]

الله يبارك يعطيك صحة ولله شهيتها 😍

[@قناةمدرسةالحياة]

يبارك فيك وشهيتك في الجنة

[@shdhdusvsusbs3097]

تبارك الله عليكي وصفة رائعة وشرحك اروع ومفصل ورائع يسلمو يديكي

[@قناةمدرسةالحياة]

ومرورك الاروع حبيبتي نورتي شكرااا لكلامك الجميل يا جميلة

[@ZahraElMaarifa]

صح رمضانك ماشاء الله

[@amelikram441]

يعطيك صحة وصفة مبسطة تهبل ان شاء الله نجربها بتوفيق ليك حبيبتي

[@قناةمدرسةالحياة]

الله يسلمك اختي نورتيني لمرورك وإن شاء الله جربيها وتنجحي فيها

[@amelikram441]

@@قناةمدرسةالحياة ربي يحفظك حبيبة

[@nanagigi3171]

هاااايل هاذ الوصفة نديرها 🤗🤗🤗🤗🤗🤗

[@قناةمدرسةالحياة]

منووورة

[@محمدمحمود-ح9ر9غ]

ممتاز

[@rihanisadjou823]

واو

[@tahirotahiro4740]

ختي هءا العبر شحال سني فيه من سنتيم

[@قناةمدرسةالحياة]

اهلا اختي فيه 30/40 يرفد كيلو سميد

[@AichaAicha-ln9oz]

ممكن مقياس البلا اللي درتي فيه كمية المقادير بالميزان مشي بالعبر شكرا ارجو الرد

[@قناةمدرسةالحياة]

كيلو سميد و700 غ سكر في بلا 30/40

[@soifaynekaka738]

اختي انا درت قلب اللوز اكسبراس لكن يتحجرلي من الاسفل معنى ييبس ايه الحل ووين الغلط اختك ام اسامه تحياتي

[@قناةمدرسةالحياة]

مرحبا بك اختي التحجار سببه أنه السكر مذابش مليح كي تخلط في البداية ولا راه نخليها طول في الطياب

[@gameknax7143]

شكر اختي نجربو انشاء الله

[@nacerhanachi1563]

صلى الله عليه وسلم 🇩🇿❤️🕋🇩🇿 ن ح

[@groundmasse476]

اقسم قريب يشهي ويبرڨ الله يبارك غدوة نجربو

[@قناةمدرسةالحياة]

شهيتك في الجنة اختي نورتيني مرحبا
وإن شاء الله جربيه ويعجبك

[@naimaa1989]

مشتركة جديدة في القناة عجبتني الوصفة يعطيك الصحه

[@قناةمدرسةالحياة]

الله يسلمك اختي ومرخبا بك نورتي

[@nawnaw6430]

السلام عليكم ورحمة الله وبركاته اختي راني جديدة عندك في الأول قلتي كيلو سميد مع 750 gr سكر والكيلة تع ماء زهر شعال من غرام انا نستعمل الميزان وشكرا

[@قناةمدرسةالحياة]

اهلا اختي واسمحيلي منقدرش نفيدك لأنه موزتتش كيلت ماء زهر

[@قناةمدرسةالحياة]

ومرحبااا بك معنا

[@tahrchrir5789]

شكران كثر💗💗💗💗💗💗💗💗💗💗💗💗💗💗💗💗💗💗💗💗💗

[@SalahSalah-qe9nk]

راءع يطيك الصحة ان شاء الله نجربو في اقرب وقت

[@قناةمدرسةالحياة]

الله يسلمك والف مرحباااا

[@danimoka7943]

متحطولوش سمن ولا زبدة

[@taiebbakria3138]

شكرا جزيلا دمتي متألقة معكي ،أم نائل،

[@قناةمدرسةالحياة]

شكرا حبيبتي منوورة

[@LyndaMerahi]

3كيلات سميد خشين +2كيلات سكر +1كيلا ماء زهر نخلطه مليح ونغطيه ونخليه يبات
شيربات
1كيلة سكر+3كيلات ماء +قارص
الحشوى
كاوكاو او لوز محمص ومرحي خشين

[@قناةافراحبلدنا]

تسلم ايدك🌹🤞👉👉✌👉😋👉😋😋

[@قناةمدرسةالحياة]

الله يسلمك اختي نورتيني

[@soobour7225]

ماتدهنيهش من فوق بالسمن دايبة؟

[@قناةمدرسةالحياة]

لالا حبيبتي واذا حبيتي تدهني مافيها باس ونورتيني

[@MKG.Shop.EnLigne.khawla2024]

ممكن كتابة المقادير لي سنية دائرية قطرها 30

[@قناةمدرسةالحياة]

حبيبتي حطي فيها سميد وديري صبعك كي يلحق 1 سم اعرفي أنه هذيك هي الكمية تاع سميد قسميها على 3 كيلات متساويين وكملي بالكيلة باقي المكونات

[@adiroubenameur-4659]

ختي الله يرضى عليك انا تجيني يابسا ومشلڨا مناش واش لحل

[@قناةمدرسةالحياة]

اختي يابسة يا اما متحكيش السكر مليح حتى يذوب يا اما تزيديلها الطياب يا اما الشاربات قليلة
والتشقاق راكي تعبزي عليها بزاف

[@GateauxFacile]

يعطيك الصحة حبيبتي بالتوفيق صح رمضانك

[@قناةمدرسةالحياة]

يسلمك حنونتي منووورة اختي

[@saradirin7968]

يعطيك الصحة و صحا رمضانك ام التوام المختلف

[@قناةمدرسةالحياة]

مرحباااااا منورة حنونتي والله يسلمك

[@cocochanel5714]

الله يبارك

[@قناةمدرسةالحياة]

يبارك فيك اختي نورتي

[@azoran2230]

جاتني هايلة و طريقتك ناجحة حبيبتي

[@قناةمدرسةالحياة]

بالصحة والهناء وشكرا على الثقة وشهادتك اختي نوراي

[@yamina7185]

اختي بلا زيد او زبدة ماتيبسش؟استفسار

[@قناةمدرسةالحياة]

اختي انا ميبستليش واقراي التعليقات بزاف جربوها وجاتهم روووعة واذا خفتي ديري مغرف كبيرة سمن

[@yamina7185]

@@قناةمدرسةالحياة شكرا اثق فيك...فقط حسبتك نسيتي...تهنينا من الزيت والزبدة😅😅😅👍👍👌

[@simsim6864]

يا ريت تعطيني قيس البلا نتاعك
بصح جاك فووور انا موالفة نخدم نتاع البرا لحق يجيني هايل وحبيت نجرب نتاعك ونقارن بين نتاعي ونتاعك ههههه

[@قناةمدرسةالحياة]

هههه مرحبا اختي
البلا فيه 40/30 ويرفد كيلو سميد بالضبط
ان شاء الله يعجبك

[@samihasamiha5839]

من فضلك الوصفة نتاع برا

[@oumrayanoum44]

Smid rah recherche 🤣✌️👌👌💯

[@قناةمدرسةالحياة]

ههههه هه يعطيك الربح هههه

[@khouloudadouane8922]

باينة جاك هايل دورك نديرها في رمضان خيز من الطريقة لي كنت نديرها بصح خسارة كي تحرقتلك بصح يعطيك الصحة

[@قناةمدرسةالحياة]

الله يسلمك اختي منورة
وهذاك لي تحرق مبانش كي تعسل وهو جا البنين اكثر هههه

[@issraamouhamedadem5473]

يعطيك الصحة حبيبتي

[@قناةمدرسةالحياة]

يسلمك اختي

[@mamatinnes5607]

قناة مدرسة الحياة
3كيلات سميد 2كيلات سكر كيلة ماء زهر نخلطهم ونغطيهم يباتو ليلة كاملة
الشربات كيلة سكر 3 كيلات ماء برج قارص يغلي 10د ونطفي ونزيد ماء زهر

[@قناةمدرسةالحياة]

بارك الله فيك نورتي

[@lilalila9625]

ليوم نجربها و نردلكم لخبر

[@قناةمدرسةالحياة]

منورة اختي ان شاء الله جربيها وتعجبك

[@asmaamouaici3810]

هدي وصفة خالو

[@safiaMeneceur]

Est-ce-que vous ne mettez pas d'huile ?

[@قناةمدرسةالحياة]

Non madertch

[@bitibeauty1366]

راني بليتها ليوم غدوة نردلكم بالخبر💙
تعديل:جاات ولا اروووع بنينة تهبل خير على تاع برا يعطيك الصحة حبيبتي♥️♥️😋😋😋😋
تعديل : راح تزيد نزيد نعاودها ليوم ❤❤❤❤

[@قناةمدرسةالحياة]

متنساش مرة مرة حكيها بين يديك تسلمي اختي ونورتيني

[@bitibeauty1366]

@@قناةمدرسةالحياة نشاله مرسي حبيبتي♥️

[@lavieestbelle8004]

أنا قلب لوز 🥰

[@anouchatmamaha413]

بصح ختي نقدرو نديروه ومنخلوهش يبات نخلطوه ونطيبوه تم تم ممكن رد من فضلك اختي وربي يقدرك في قناتك

[@قناةمدرسةالحياة]

اهلا حبيبتي لالا ماتقدريش لخاطر لازم السكر يطلق عسله كما نقولوا شفتي هذا مافيهش حليب ولا لبن ولا زيت يعاونوا السكر يذوب هذا بالخلط والحكان مرة على مرة باش يصبح ذايب
وبارك الله فيك على مرورك ونورتي القناة

[@anouchatmamaha413]

@@قناةمدرسةالحياة انا طيبته مخليتهش يريح عجب العائلة بصح انا معجبنيش حتى لتم ولي درتيه وزدتي فيه ملون غذائي تاع الكرمال خرجلي يهبل درته وخرجلي روعة شمية مي بغيت ندير وصفة اقتصادية ومفيهاش ايضافات باش نبيع علا روحي كامشروع ولازم متديش الوقت توجد بالخف راكي فاهمتني عليها درتها وطيبتها تم تم خصني وصفة نخدمها بيها مشروع نعاون روحي بيها اختي

[@fjdiehehpdhz4285]

والله صدقوني 4كيلات سميد خشن و2سكر 1ماء زهر 1زيت ونخلط ومديرها تطيب روععععععة

[@قناةمدرسةالحياة]

مي هذي اقتصادية فيها 3 كيلات سميد ومافيهاش الزيت شكرا لمرورك نورتي

[@fjdiehehpdhz4285]

😊😊😊😊😊

[@fjdiehehpdhz4285]

مزيد من النجاح إن شاء الله

[@hichamblidi8668]

شحال طول وعرض صينية

[@قناةمدرسةالحياة]

مرحبااا 30/40 ترفد كيلو سميد

[@halimhalim9802]

خرجت شابة مشاء الله

[@نورميمي-م2ك]

اروع قلب اللوز وساهل جربتو نتيجة روعة يعطيك الصحة

[@قناةمدرسةالحياة]

يسلمك حبيبتي وبصحتكم نورتيني وشكرا على الثقة

[@abdodz5015]

واش درتي قياس البلاتو ختي

[@قناةمدرسةالحياة]

30/40 اختي

[@eimadeimad9145]

🥰🥰🥰

[@missguzel6090]

يعطيك الصحة لحبيبة

[@قناةمدرسةالحياة]

يسلمك حبيبتي نورتيني

[@lotfilotfi-qx8on]

هايل

[@قناةمدرسةالحياة]

من ذوقك

[@مريااسماء]

الله يعطيك الصحة

[@قناةمدرسةالحياة]

يسلمك اختي