ไม่สามารถเล่นวิดีโอนี้
ขออภัยในความไม่สะดวก
胡‧說樓市｜實地睇城軒雙大門奇則! 示範單位都要執漏?｜Yahoo Hong Kong
ฝัง
- เผยแพร่เมื่อ 11 ธ.ค. 2023
- 今集我們來到土瓜灣美善同道，因為多年未有推盤的老牌發展商裕泰興，突擊推售土瓜灣新盤「城軒」。這個項目提供只有48伙，主打兩房及三房一套戶型，面積分別510呎及708呎。逆市下要突圍，除了看開價，樓盤質素也很重要，今集我們參觀的示範單位，竟出現雙大門奇則，亦有不少執漏問題!?
新界區以價換量，新地「YOHO WEST」跟隨市況割價促銷，以每呎均價10,888元，相當於全港六年來最平價新盤姿態登場時，「城軒」卻逆市高開，首批30個單位，折算每呎均價17,968元，與同區早前推售的「明雋」18,488元呎價相若，入場兩房單位折實855萬元。扣除發展商代繳3%印花稅後，用光豬價計算按揭，以目前息口4.125厘計算，借盡90%上會，月供37,076元，入息起碼要有77,470元才能通過壓力測試，只是手持這個入息的準買家，又會否放眼這個樓盤?
因為城軒以現樓發售，發展商又開放了示範單位，所以可以望清楚，而且參觀交樓標準也最實際。我們首先參觀的，是位於27樓A室的無改動示範單位，實用面積510呎。
單位為兩房開則，大門旁邊為梗廚，內裡只有單邊廚櫃，外接工作平台，附有廚房基本裝置，如三頭煤氣爐頭、洗衣及乾衣機、嵌入式微波爐、雪櫃等，不過示範單位的手工也值得商榷，除有磁磚崩裂、掃口不均外，最離譜是廚房門上方的位置，有半塊磚覆蓋原有的磚面，但未做好收口，若交樓時維持同樣質素，相信業主亦不會接受。
由廚房走出來，就是客飯廳的主體面積，空間都算分明，外接露台，外望景觀開揚，因為可以避過前方的舊樓，望向北角海景，亦望到翔龍灣及啟德郵輪碼頭，另一邊還可望啟德體育園，但同樣不難發現交樓手工的問題，例如露台天花批盪不平滑，以及露台燈罩泛黃等。
整個單位最有趣的地方是，客飯廳設有兩道大門，一道大門位於廚房旁，主要通往電梯大堂，另一道大門則在露台旁，原來是通往後樓梯的走火通道，此設計令我們想起以往一梯兩伙的鉸剪梯舊樓。雖然這個位置不入契，但發展商卻鋪砌了跟客飯廳相同的木地板，不過業主使用上要小心，若想利用這個位置儲物，則不可以阻塞走火通道，否則有可能違反《消防條例》，而且這道大門用的門鎖並非電子鎖，關上後會反鎖，若戶主忘了帶鑰匙，就會被困在外。
景觀方面，雖然「城軒」外望算頗開揚，但實情並非沒有變數。例如「啟德體育園」的景觀，很大程度會受制於「十三街」及「煤氣鼓」重建的影響。另外「城軒」以西，雖然現時為幾層高的舊式物業，但實情區內已醞釀重建。尤其《施政報告2018及2019》，便公布計劃把「城軒」遠一點的「靠背壟道/浙江街」合作社重建，並預計提供950個首置上車盤。若類近計劃得以推展，前方項目重建時，也會把「城軒」大部份景觀削去，因為前方用地高度限制，跟「城軒」同樣也為120米。
最後還有兩點要留意。第一，「城軒」本身由舊樓併購而成。裕泰興家族早年收購了「美善同道10及12號」業權後，再於2011年透過強拍收購毗鄰6及8號業權，並於2021年以1.85億元完成補地價，以住宅樓面約36,000呎計算，收購價連補地價金額成本約7,900元。正因為屬於舊契項目，不受預售樓花同意書約束，故買家要預備額外查契費用。而且樓盤本身伙數不多，每戶要攤分的管理費也可能會較高昂。
💡 立即追蹤YAHOO HONG KONG TH-cam頻道+開啟推播通知，緊貼最新YAHOO節目影片！bit.ly/3a1jUCG
👉🏻 觀看更多：
胡‧說樓市｜維港滙$1,300萬兩房開箱! 租值頂唔頂到? • 胡‧說樓市｜維港滙$1,300萬兩房開箱! ...
#胡說樓市 #胡國威 #城軒 #土瓜灣 #YAHOO節目重溫 #YAHOO自家製 #YAHOOTVHK
時光倒流30年 成個設計裝修都好懷舊
整個屋內格局都偏懷舊，唔講真係以為係翻新多於重建
胡先生，這是重建加翻新盤，起好左好耐，不算是新盤。之前應該係有租客住的。裕泰興手工係差，陣位多，設計懷舊再加實用率低，但梗廁光廁，而家好少有，地點佳，近地鐵，購物方便。如果呎價較平，部分問題是小事，相信容易執修。
起好之後一直丟空
@@Bryannt1 事出必有因，話唔定係條屯馬線通車前已經起好就丟空到而家呢
雙大門，主人房三面窗，又一奇則
HKT 個制面板，HKT 師傅都係求其貨倉拿 d 陳年倉底貨來裝，因為係 HKT 負責，其實又唔關發展商事既 ^___^!!
單位雖然話係全新但係都起好五六年，個單位分分鐘放咗係度曬足五年太陽，黃咗一d都唔出奇...只不過明知係示範單位點解冇人換先搞笑姐
一個雙爐頭咪得囉 完全冇位放嘢
交樓水平 簡直居屋質素，好恐怖。仲夠膽死叫價咁貴。2百萬一間就差不多，😅😂
貨不對辦聽得多，連個辦都要執漏都係奇聞
哈哈好老土特別係廁所，沖涼個企位整到咁寛想整跌人再一頭撞埋牆🤣🤣連啲電制 門柄都老土🤣係米想慳錢 設計得咁業餘
房協樓質素，賣私樓價😂
「胡‧說樓市」加油⛽
介紹仔細。very Pro. 讃
經濟唔好,樓價跌, 連交樓都感到意興闌珊😥
後門鎖脷下面有粒掣可以令到門唔會反鎖的
咩原因要整一間屋有兩對大門係咪消防條例？
開則問題, 唔整個後門用唔到後樓梯
一路睇一路嗌痴根
好離譜，咁嘅質素賣到咁貴
香港人千萬唔好現在買樓呀！等多兩年起碼平超過一半以上都唔駛，樓市正在崩潰，保本保命！😏
煤氣廠無錯喎
示範單位水準都咁差，交樓唔漏水已經執返一身彩
16年都起完，擺足7年
寬頻掣又真係好易黃，唔知點解
呀威，唔係翻新項目咩？
雙大門真的好奇怪
一萬蚊呎差吾多
手工好差
請問800萬左右買邊個屋苑好？現祟山依家入手好唔好？
二手當一手賣，當人傻仔
😂😂😂
睇另一個頻道。。係翻新樓。
文曜先係翻新樓喎
係一手，但已起好4-5年了，一直丟空唔賣，直到上兩個月先進行小型維修，跟手開賣。
如果你年薪過百萬，嚟個質素你自問睇唔睇得上眼😅
手工同設計都好馬虎
香港人就係畀好多新樓盤D所謂室內設計教壞晒 ，淨係最鍾意就咁買傢俱入去就住得，完全唔使用腦，同食殘廢餐冇分別。畀我去買樓，一定會揀乜都冇既吉屋，咁先可以由零開始設計一間自己想要既家居。如果將呢個盤既單位同之前果D盤既 所謂靚裝既樓盤單位比較，我最鍾意呢個，廚房出面露台既欄杆，完全就係半山老牌豪宅既懷舊風格。有人話畀幾百萬買新樓畀D 咁設計人，我真係笑左出黎，如果發展商平一百萬賣畀你地但屋內乜都唔整淨係得塊地板畀你地，你地會買咩🤣。
又係設計師玩死業主系列，有咩理由主人房係三邊落地玻璃，落石屎做窗台好貴? 定係本身設計嗰條牛奶仔以為自己畫緊showroom🤭，片頭計嗰條供樓數係要月入七萬，但原來係私樓價錢房協質素，呢間嘢都係唔好出黎害人害物啦
最驚呢o的唔四正，老連甘長o既則。