#شيله_جديد

#مثل_تاجر_جرد
كلمات الشاعر
#ابوزيد_الحنيشي
اداء المنشد
#عبود_العولقي
تسجيل كيدنس
#م_محمد_الحاجر
توزيع
#اسماعيل_الحرازي
اشراف المنشد
#محمد_الحداد
كل موسم نودّع فيه لازم نحاسب..
مثل تاجر جََرد فيها وراجع حسابه..
ياسنه شفت فيها درس من كل صاحب..
كم مواقف وكم ما تحتصي في الكتابه.
كم لبوزيد متوتر وحاير وحانب..
بعد عام انطوا عنّي وقفّلت بابه..
قمت راجع حساباتي وجبت المحاسب..
لازم اجرد وشدّد في الحساب الرقابه..
يوم دقّقت في الحسبات شفت العجائب..
كم من أصحاب عابت في الصحب والصحابه ..
بعض لصحاب له نظره وله رأي صائب..
بالوفاء له ثَقّل باتعرفه من خطابه..
وبعض لصحاب منك بس يشتي مكاسب..
هم شي الماده ذي هي تسيّل لعابه..
كم من انسان بان انه مع الوقت عايب..
خان جملي ومعروفي وقفّا وسابه..
بعضهم ساعة الفزعات تلقاه غائب..
ما معه شي سبب مقنع يوضح غيابه..
بعضهم غير لاخاطبت من باتخاطب..
صنف ذا واجب انّك ترفعه للنيابه..
يامحاسب معي دقّق على حرف كاتب..
كم من اصحاب نفسي من قفاهم مُصابه..
ان جيبك مله بيجوك من كل جانب..
وان جيبك خلي ردوك مثل الذبابه..
عكس صاحب معك قد قام في كل واجب..
صاحبك مانهش لحمك ابد يوم نابه..
الوفاء طابعه زعلان او كان عاجب..
ما يخون الصَحَب له طبع كُلّن درا به..
كم وكم بان لي في العام كم بانعاتب..
كدرو خاطري والراس زادو شيابه..
ما خسرنا سوا كمّن منافق وكاذب ..
ذي اتضح لي مع الايام بعد انقلابه..
والف صلوا عدد مرخت شخوب السحايب..
خاتم الانبياء والرسل هم والصحابه..

[@dbanfty]

يالبى الصوت❤

[@ادريسادريس-ل9ظ]

انته ملك الصوت ❤

[@عبداللهصبري-ل1ظ]

صوت جميل

[@عبدالوهابمحمدالكشميمي]

❤❤❤❤❤مشاءالله..
روعتك ياعبود

[@r7n01]

فخامة كعادتك .. وفقك الله منشدنا العالمي في القريب ♥

[@عبدالوهابالعيشي]

صح لسان الشاعر ويسلم عبود على الاداء الفخم. استمر مبدع❤❤

[@ادريسادريس-ل9ظ]

❤❤❤❤❤❤❤❤❤❤

[@ادريسادريس-ل9ظ]

اناعيد ربك

[@nassemn6335]

لو تسوي شيله انت وعبدالله عبار با نكون روعه