#MM
ฝัง
- เผยแพร่เมื่อ 26 ก.ย. 2024
- #MM #美味道來 // 傳統VS創新 / 糖水店全靠90後阿仔起死回生 / 入行三十多年 / 為啖氣死守:你整我唔死!/
佐敦渡船角食肆林立,雄哥的糖水店卻位於最靠邊、最冷清的文匯街。店舖對面是停車場,旁邊是車房,白天路人也不多,晚上只剩下雄哥店舖的燈火,有誰會刻意走到這不顯眼的一角買糖水?你真的不用為雄哥愁,店舖開下午五時至凌晨一時,每晚約六時開始,店外便會出現長人龍,街坊以外,大把區外人特意駕車前來買糖水,雄哥晚晚做到手軟,誰又知道,這間糖水店在四年前幾乎執笠,全靠雄哥的兒子AA落場進行大改革,將店舖起死回生,守住了父親一番心血和尊嚴。
如今一間店舖;兩位老闆,雄哥堅持傳統,做事公私分明;AA創意多端,愛與員工打成一片。兩代人共事,價值觀碰撞時少不免形成衝突,互看不順眼。但我們從這家糖水店中看到的,是新與舊並列而行,無高低之分,當中磨合殊不簡單。
█ 一人煮十款糖水、十多道小食
糖水店下午五時開舖,雄哥負責早更,每天十一時回店準備。這天氣溫十多度,他脫掉外衣,只穿一件薄T裇便開工。六小時內,他需要準備十款糖水、十多道小食,工作程序早就刻印在雄哥腦海中:先用快火煲好馬蹄沙,再慢慢煲老火糖水;煲糖水同時解凍幾款肉類、浸菜乾,晚點煲粥用;再砌好蒜蓉,待會兒煮雞翼尖,此時喳咋已經煲好了,要洗煲煲下款糖水⋯⋯由十一時煮到下午五時,飯也不吃,雄哥一句「習慣了」帶過。他之所以堅持一人負責全盤工夫,全因曾兩次請來廚師幫忙,但都不歡而散。請來的廚師也做了幾十年糖水,有自己的一套做法。即使自覺對方煲的糖水更好吃,雄哥也不肯更改食譜:「客人跟了我幾十年,他們要吃的是我的味道嘛!你不能將我的味道改變。」那雄哥的味道是甚麼?綠豆沙使用了200元一斤的本地臭草,夠新鮮;紫米露用成本較高的泰國黑糯米,色澤和香味較其他地區來得好;芝麻糊一定要落花生,夠香。入行三十多年,糖水的味道從沒改變:「我希望別人能吃到兒時的味道。」不過說到最重要的,雄哥認為是日日新鮮,糖水賣不完就全倒掉。
█ 兒子「入侵」 食物、裝修改頭換面
負責晚更的兒子AA約下午四時回到店舖工作,樓面、外賣、網上宣傳和客戶服務都由他負責。AA四年前來店舖幫忙,令這裡除了傳統糖水之外,還可以品嚐到其他新奇的小食和糖水:芫荽椰汁皮蛋燒賣、麻辣湯圓、薄荷朱古力西米露⋯⋯連AA本人也自覺騎呢:「雖然(菜式)聽起來好像很古怪,但這都是我的信心佳作。」當中,朱古力燒賣是大熱菜式,口感煙韌,鹹中帶甜,很多人慕名而來。面對兒子不斷推陳出新,雄哥早跟AA劃清界線:「我只負責傳統糖水和小食,其餘的食物我通通不管!」但令雄哥意料之外的是,AA的騎呢新派菜竟然非常受歡迎,銷情理想,他也只好無奈感嘆一句:「現在他做甚麼我也不敢反對了,哈哈!」
兒子AA的「入侵」,又豈止食物?店舖每面牆都貼滿明星海報、搞笑標語、餐桌上擺放了巨型巴士模型,細看下才發現模型間夾雜着招財貓、百菜(財)雕塑,這無疑是一片兩代人互相霸地盤的風景,雄哥兩公婆更曾因此爭吵,奈何這些老一輩人眼中看似不正經的玩具模型,卻吸引到追星族、巴士迷前來,兒子的舉動,再次令雄哥心服口服。
█ 為道氣開舖卻輸到開巷
雄哥早年做製衣業,後來工廠北移,眼見前景不明朗,他便跟大舅合夥頂手一個小販檔,轉行賣糖水。當時腐竹糖水賣1.8元一碗,全檔只賣四、五款糖水,生意好得很,之後更在渡船角開了店。直至約八年前,二人不和拆夥,店子最終歸舅父所有。想到幾十年心血,還有想當年父親墊資開店的幾十萬元,竟一下子化為烏有,雄哥當時氣在心頭,立即在舊舖附近另起爐灶:「我要告訴他,你弄不死我。即使我輸剩一元也好,我也要跟你戰鬥到底!」談起往事,雄哥語氣格外肉緊。自以為在渡船角打滾多年, 到哪個位置開舖都不會輸,結果花光積蓄卻換來另一個低潮。新店位置偏僻,附近更無車站旺舖,人流稀疏。雄哥每月虧損五萬元,持續整整一年。
眼見父親終日茶飯不思,狀態崩潰,當時23歲,跟朋友經營製作工作室的AA決定回店舖幫忙。那時店舖開張一周年,AA自負盈虧推出一元一碗紅豆沙作推廣,那是店舖首次大排長龍。AA笑說:「我們開張了一整年,街坊才知道我們搬了來這條巷。」但要令店舖重上軌道絕非易事,AA每天自製宣傳單張四圍派,做網上宣傳,但作用也不大。真正救回店舖的,是一杯白果腐竹糖水沙冰。一個炎熱天,AA想到年輕一輩不會願意乖乖坐下來食糖水,碰巧當年台式飲品興起,跟朋友閒聊時一起構想到可以將糖水打成沙冰作飲品。雄哥坦言:「我當時覺得他浪費了我的糖水,但結果又很好賣。」於是,某天雄哥趁未開舖,也悄悄試味:「味道淡了點,但又不太差呀!」現在每逢夏天,他都改喝沙冰了。
█ 徒手送外賣入梅窩
糖水行業當然主攻晚市,自從晚市禁堂食後,AA全力做外賣賺錢,於網上接單,有自己的兼職車手和步兵團隊。兼職上班時間由夜晚至凌晨,所以AA請回來的夥計,全都是熬得夜的年輕人。這天的大單來自梅窩,共三大箱,幾十碗糖水。AA與兩位步兵一人抬一箱,徒步由渡船角行至九龍站,乘地鐵前往中環碼頭,再坐船入梅窩。人人都會問,為何不用手推車?他說路段凹凸不平,他曾試過用手推車,但到埗後糖水倒瀉了,惟有堅持親手運送。三個大男孩就這樣每走一分鐘停下來休息兩分鐘,大汗疊細汗,AA沿途大聲喊加油作鼓勵,看似很傻,但傻得熱血吧。梅窩碼頭前,十數位街坊早在等候,糖水小隊遲到十分鐘也沒人責難,大家有講有笑地把糖水捧回家。AA把每位員工視為朋友:「一間店舖不應太有個人主義的元素,而是要透過團隊去建立。」但在雄哥眼中,AA的管理方式說白了就是無大無細:「做老闆要有做老闆的風範,能壓場,玩過火的話,可能會失去尊重。」兩位老闆,兩種風格。
█ 為了兒子不行糖水路 不教兒子煲糖水
從小到大,AA只知道父親賣糖水,偶爾聽到父親高興地分享糖水賣清光,他也只會毫不在意地想:「也只不過是糖水一碗罷。」但自從投心糖水店後,他便明白到,糖水全部賣清光,是別人對自己的讚許。話說如此,但其實AA不懂煲糖水。雄哥何不把幾十年功力傳受予兒子呢?「不要行我的路了,我只有一個兒子,又要像我這樣嗎?當廚師煮東西很辛苦的!」雄哥說得激動。
另一邊廂,AA心底裡的夢想是跟糖水毫無關係的電影行業,本來打算當店舖重回軌道後便離開的他,如今仍留守店舖。也能想像,疫情下,沒有AA處理網上外賣訂單,定必會少很多生意,平時古靈精怪的AA,娓娓道來心底話:「我那麼辛苦幫家人重新建立店舖的招牌 ,我不想爸爸又像以前那樣,再次失去一切。」
如今生意比舊舖好,笑問雄哥有沒有沾沾自喜,他說:「經過(舊舖)的話我會昂首而行,大搖大擺,好像有點不可一世。」自稱多年來都不愛讚賞兒子的他,說到這裡也藏不住笑容,繞起雙手,自豪說道:「全靠兒子!」
由梅窩回到渡船角已經晚上九時,店外仍有多人等候外賣。眼看今日這條長龍,實在得來不易。
文章:黃曉楓
策劃 / 主持 :黃曉楓
攝影:簡加希、潘志恆、伍永健
剪接:簡加希
糖水雄
電話:2771 4628
營業時間:17:00-01:30
地址:佐敦渡船角文匯街30號文景樓地舖
#佐敦 #佐敦美食 #糖水 #糖水舖
#糖水雄 #燒賣 #禁堂食 #梅窩
#父子檔 #MillMILK
立即成為 MM Member 啦,每月只需 HKD 40 咋!傳送門:
/ @mm.millmilk
*建議使用電腦或手機瀏覽器登記,因為目前無法經 TH-cam APP 登記成為付費會員
____
MM Website: www.mill-milk....
MM Instagram: / mm.millmilk
MM Facebook: / mm.millmilk
____
CHUCKY|@chuckyching
/ chuckyching
PHOEBE|@phoebe.unprofessional.journey
/ phoebe.unprofessional....
ELAINE|@elaine_wow
/ elaine_wow
京|@phaedruslam
/ phaedruslam
KAREN|@karen__yukiu
/ karen__yukiu
MANYI|@manyishum
/ manyishum
SAM|(付費內容)
阿朗|@mm_longgg
/ mm_longgg
NATALIE |@nataliewwong
/ nataliewwong
APPLE | @apple.hiufung
/ apple.hiufung
後記:呢個故仔真係做得好開心🥰 AA係一位自帶喜感嘅男生,同佢傾計成日都好想笑(我好相信唔係得我一個係咁諗㗎😆)。而雄哥講嘢中氣十足,以為佢好惡啦,其實佢好溫柔。
我哋拍攝當日先知AA接咗張梅窩嘅訂單,由於AA平時太愛9up(AA請願諒我有話直說,我知你唔會介意😝),直到見住佢pack糖水,我先相信佢真係要入梅窩。咁我緊係跟拍啦,以為佢渣車,佢話人手送,以為有手推車,點知佢唔肯用🤔 我哋由渡船角行去九龍站,地鐵坐到中環站,行去碼頭再坐船入梅窩。三個大男生,行一分鐘停低休息兩分鐘,停咗十幾次,大汗疊細汗,真係兄弟先肯陪佢癲❤ AA全程自言自語(真㗎),又拍手嗌加油,令我諗起以前大學ocamp,睇落好傻,但傻得熱血。我諗雄哥真係好難理解到呢份熱血,都幾青春浪漫丫!
同二人分開訪問時,發現佢哋有時互相理解,有時互不明白,甚至互不認同,而我呢位夾喺中間嘅局外人,聽住聽住,真係好想將自己變成一個傳聲筒。我視呢條影片係兩個人嘅一場隔空對話,有時有啲嘢,就算關係幾親密都好,面對面真係講唔出口。好記得訪問時AA一面認真地同我講:「由細到大,爸爸都冇點讚過我。」但當我同雄哥傾計時,佢不下十次讚美阿仔,連我都聽到有啲感動。呢份讚美背後,都唔知經歷咗幾多場爭吵同磨合。
問佢哋,到底邊個先係老闆?兩個都話對方先係。一間舖頭;兩位老闆,兩套做事方式;兩套價值觀。所以呢間舖頭真係好神奇,今日呢條長龍,實在得來不易呀。
好多謝雄哥同AA對我嘅信任,仲有佢哋一班伙記全程配合拍攝❤❤ 祝佢哋繼續生意興隆,AA招親成功!🥰
有冇人想做老闆娘呀?!!請留言!歡迎推介呀~~🙋🏻♀🙋🏻♀
唔小心打咗咁多字😆
超療癒嘅片段! 阿楓楓姐姐! 話時話,人地請"老闆娘"喎? (AA要找個伴!) 諗諗佢再廣傳!
😄
呢條片我睇咗2 次,又溫馨又感動又好笑
呢條片好好睇
有80年代嘅人情味
你會巧慮加入再晉升嗎😆?
雄哥的修辭風格係咁樣:
- 「我唔鍾意佢放巴士出來,但是 (又係讚仔仔的話)」
- 「腐竹沙冰太淡,但是(又係讚仔仔的話)」
阿仔,我老豆早逝,無得玩你哋呢種父子情仇,但你老豆有幾愛你,旁人都睇得出口。
快攬住老豆,講句 I love you 啦。
🥺❤️❤️❤️❤️
兒子保護糖水店,同時保住爸爸,也同時保住整個家庭。雖然父子在吵架,至少爸爸還健在。如果那時爸爸跳下去了,現在連吵架的機會都沒了。
重申一次:圍頭話也是廣東話。所以香港人為何不說粵語圍頭話,反而抄襲偷竊盜取粵語廣州話。
茶樓、點心、腸粉、冰室及煲仔飯全是廣州美食。香港本地菜只有元朗菜,香港人抄襲廣州美食。
雖然同為廣東話,但是廣州話歷史遠比圍頭話悠久。香港人放棄了圍頭話,抄襲廣州話。
重申一次:圍頭話也是廣東話。所以香港人為何不說粵語圍頭話,反而抄襲偷竊盜取粵語廣州話。
香港人抄襲廣州話。香這個字圍頭話(香港話)讀Hong,廣州話讀heong。
地豆係圍頭話,花生係廣州話。Hack飯係圍頭話,食飯係廣州話。去先處係圍頭話,去邊度係廣州話。可憐,香港喱抄襲偷竊盜取廣州話來講,而且一句圍頭話(香港話)都不敢講。
圍頭話是深圳人發明的廣府話分支。圍頭話怎會不算廣東話。廣東話由廣府話、潮洲話同客家話組成。圍頭人是起源深圳的廣東人,圍頭話也屬於粵語廣府話的分支,廣州話也是廣東話中廣府話的分支。圍頭話也是廣東話。所以香港人為何不說粵語圍頭話,而要抄襲偷竊盜取粵語廣州話。
香港喱最鍾意偷來講的 撚 這個粗口都是廣州話粗口,圍頭話係冇架。香港人講圍頭話啦,我地澳門人一個字都唔識聽
香港人講返圍頭話啦 自卑唔講圍頭話真可憐
香港人崇拜廣州話,所以抄襲了廣州話。香港本土語言係圍頭話,但係你叫香港人講圍頭話,香港人會唔肯講。因為香港人崇拜廣州話覺得廣州話高雅,厭棄香港話(圍頭話)難聽老土唔入流。
茶樓、點心、腸粉、冰室係香港人抄襲偷盜廣州嘅嘢 我澳門人真係睇唔慣。冰室,又叫冰廳,廣州話用以稱呼冷飲店。其是南粵地方一種主要售賣冷飲、雪糕及沙冰等冷凍食品的飲食場所,起源發跡於廣州。在香港流行於1950至1960年代,被認為是茶餐廳的前身[1][2]。過往廣州的冰室會經營雪糕、凍奶、冰水,兼營咖啡、奶茶等熱飲和西餅麵包
茶樓雲吞早茶腸粉炒粉全部都係香港人抄襲廣州
澳門人香港人說的廣東話學術上最準確定義
叫作廣州話(澳門官方政府文書也寫作廣州話)廣州話英文叫Cantonese
Canton就是廣州英文舊稱
當然現在你也可以看到許多痕跡
譬如廣州機場代號是CAN
廣州塔英文叫Canton Tower
我係澳門人 澳門一直係廣府話/廣州話地區
但香港唔係 香港一百年前還在講圍頭話(香港話) 一百年前澳門和廣州影響力遠遠高過香港
香港人放棄圍頭話學我地講廣州話 香港人講廣東話口音非常難聽好多懶音(畢竟係抄返黎)
廣東話本身係錯誤名稱
魯迅講過:一直如此 便是對嗎
潮州都係廣東 梅州又係廣東
唔通潮州話梅州話都係廣府話?
呢個語言係名副其實嘅廣州話
我作為澳門高質大學生鍾意講求學術
希望啲ON9⃣唔好介意
澳門開埠500年,廣州開埠2200年。香港人抄襲廣州話。
兩父子示範出咩係「和而不同」
各有各意見但又唔會反對大家,難得!
Agree to disagree的精神
但係唔係佢個仔既話其他人俾意見就BAN左
@@Hh-nf8nk 廢話 三唔識七 做咩都接受你意見
@@Galiogalio0804 請個師傅返黎都叫3唔識7呀? 仲要自己都承認人地整得好食D
意見係好既, 邊個人俾有咩所謂, 正係識以人廢言咪固步自封囉, 廢話
@@Hh-nf8nk 係人都有弱點缺陷,反正佢哋依家撈得點
都幫襯過幾次,好欣賞AA既態度同禮貌,無論對客人定對自己班同事都係一樣,同佢相處我相信會幾舒服,加油。
呢間嘢我都成日去嘅,佢哋啲人都唔錯㗎
重申一次:圍頭話也是廣東話。所以香港人為何不說粵語圍頭話,反而抄襲偷竊盜取粵語廣州話。
茶樓、點心、腸粉、冰室及煲仔飯全是廣州美食。香港本地菜只有元朗菜,香港人抄襲廣州美食。
雖然同為廣東話,但是廣州話歷史遠比圍頭話悠久。香港人放棄了圍頭話,抄襲廣州話。
重申一次:圍頭話也是廣東話。所以香港人為何不說粵語圍頭話,反而抄襲偷竊盜取粵語廣州話。
香港人抄襲廣州話。香這個字圍頭話(香港話)讀Hong,廣州話讀heong。
地豆係圍頭話,花生係廣州話。Hack飯係圍頭話,食飯係廣州話。去先處係圍頭話,去邊度係廣州話。可憐,香港喱抄襲偷竊盜取廣州話來講,而且一句圍頭話(香港話)都不敢講。
圍頭話是深圳人發明的廣府話分支。圍頭話怎會不算廣東話。廣東話由廣府話、潮洲話同客家話組成。圍頭人是起源深圳的廣東人,圍頭話也屬於粵語廣府話的分支,廣州話也是廣東話中廣府話的分支。圍頭話也是廣東話。所以香港人為何不說粵語圍頭話,而要抄襲偷竊盜取粵語廣州話。
香港喱最鍾意偷來講的 撚 這個粗口都是廣州話粗口,圍頭話係冇架。香港人講圍頭話啦,我地澳門人一個字都唔識聽
香港人講返圍頭話啦 自卑唔講圍頭話真可憐
香港人崇拜廣州話,所以抄襲了廣州話。香港本土語言係圍頭話,但係你叫香港人講圍頭話,香港人會唔肯講。因為香港人崇拜廣州話覺得廣州話高雅,厭棄香港話(圍頭話)難聽老土唔入流。
茶樓、點心、腸粉、冰室係香港人抄襲偷盜廣州嘅嘢 我澳門人真係睇唔慣。冰室,又叫冰廳,廣州話用以稱呼冷飲店。其是南粵地方一種主要售賣冷飲、雪糕及沙冰等冷凍食品的飲食場所,起源發跡於廣州。在香港流行於1950至1960年代,被認為是茶餐廳的前身[1][2]。過往廣州的冰室會經營雪糕、凍奶、冰水,兼營咖啡、奶茶等熱飲和西餅麵包
茶樓雲吞早茶腸粉炒粉全部都係香港人抄襲廣州
澳門人香港人說的廣東話學術上最準確定義
叫作廣州話(澳門官方政府文書也寫作廣州話)廣州話英文叫Cantonese
Canton就是廣州英文舊稱
當然現在你也可以看到許多痕跡
譬如廣州機場代號是CAN
廣州塔英文叫Canton Tower
我係澳門人 澳門一直係廣府話/廣州話地區
但香港唔係 香港一百年前還在講圍頭話(香港話) 一百年前澳門和廣州影響力遠遠高過香港
香港人放棄圍頭話學我地講廣州話 香港人講廣東話口音非常難聽好多懶音(畢竟係抄返黎)
廣東話本身係錯誤名稱
魯迅講過:一直如此 便是對嗎
潮州都係廣東 梅州又係廣東
唔通潮州話梅州話都係廣府話?
呢個語言係名副其實嘅廣州話
我作為澳門高質大學生鍾意講求學術
希望啲ON9⃣唔好介意
澳門開埠500年,廣州開埠2200年。香港人抄襲廣州話。
@@ほしのみやこ中國香港人應該咁點解中國大陸唔全國講廣東話?而要講國語?
希望AA快啲招親成功🤣
AA真係我既一個好朋友,我都有幫佢做外賣步兵,希望大家多多支持
講個員工編號嚟聽吓先😆~
@@apple9982 201
@@apple9982 我好鍾意睇你哋片,Nice to meet you
加油💪
系咩地址呢?想食红豆沙啦
有個咁乖及有創意的仔,真係心滿意足。
好鬼正😭 要支持 2條友 好玩得 表面上唔爽大家 其實大家好撐大家
佢地既紅豆沙我由細食到大,祖父早年健在既時候都超鐘意食佢地既喳喳
中間分鋪做果時,我以為雄哥無做仲keep住光顧舊鋪幾次,但d食物水準真係差到我光顧唔到落去...
後來知道原來雄哥去左後面條街開鋪都唔知幾開心,一星期起碼食足3 4次
即使依家搬走左無再住附近,但耐唔耐都要call下外賣支持佢地
熟客仔!
舊鋪响邊度架?
轉彎點點心隔離 其實只係隔幾個舖位
好欣賞爸爸嘅鬥志同埋意志🙌🏼🙌🏼 同埋佢勁開通!!就算有自己嘅堅持 但係都好接納新一代嘅意見👍
AA勁幽默 希望你招親成功😂😂😂都希望你地捱得住呢波疫情!
呢一集好好睇 父子情好溫馨,自己一個睇到笑咗^_^
阿仔有創意 有諗頭 又有親和力 又識鼓舞士氣 咁正既年輕人 呢間野點會死
阿仔有創意,衝勁,可愛,值得欣賞啊,爸爸其實好錫個仔,唔想個仔步佢後塵,希望你哋係呢個疫情,一定要撐住
AA好搞笑,睇到最後招老闆娘笑左出聲,好好睇既訪問👍🏽
爸爸最後嗰句全靠呀仔聽到有啲感動。
搵日去幫襯下先😆
點鬧都好,佢地兩父子都好錫大家
看完真是想哭,好感動,爸爸希望阿仔不用像自己辛苦,阿仔不捨得爸爸的店鋪荒廢😭沒出鏡的媽媽其實也有巨大的壓力吧!一家人都好有溫度🎉
超級孝順有想法的兒子
跟一個傲嬌 愛念 卻非常喜歡兒子在旁邊的爸爸😆
睇到雄哥能夠理解到兒子既做法,相當難得。雖然經歷多番磨合,兒子以實積說服了爸爸,爸爸都願意比兒子嘗試。其實幾感動...
可以想像到雄哥做左幾多既爭扎,捨棄傳統接受現實,再到思想改變,不再守舊,就算心有不服,依然願意去接受新一代既思想。實在令人佩服。
拍得好剪得也好,兩代矛盾,輕鬆認真,多謝MM。
谢谢你们的节目 让我这个生活在香港十多年的大陆人 看到了香港人细微之处的坚守 坚持 和坚强。
AA 好有趣,為鋪頭注入活力,爸爸都係口硬心軟😂好有愛嘅兩父子
其實兩父子思維唔同咁樣都幾好,最少老豆覺得阿仔啲新嘢唔得但都唔會即刻ban佢,會由得佢試吓,等啲客自己揀到時就會有答案知道得唔得,唔會擺出一個老豆款
不單是糖水,更是父子的情
送糖水去梅窩﹐大癲🤣
「夏天我都飲沙冰」一句我覺得幾關鍵, 要靠做外賣為皮時, 出杯裝對部份食客真係方便啲, 加上香港依家冬天好似越來越短...
呢條片真係嚟得好合時~
啱啱好我篇dissertation就係寫呢類型嘅topic (when tradition meets innovation in hk)
好慶幸呢條片可以做reference
多謝晒mm🖤🖤
看的出AA的创意和执行自己创意的行动力为老店注入了新的活力。同员工一起行动、跨区外卖、食物创新、店铺装饰和品牌设计。有想法又有行动,无论做什么都可以成功!!
雄哥既堅持非常之唔容易,相信呢啲事發生係自己身上既話,我早早就放棄了。
去到依家,每日開舖仲要咁多功夫都一個人做,實在係好敬佩。同時要去接受AA既idea,中間個過程一定會好唔舒服,因為佢做左咁耐,有自己既諗法,想將重心放係做好街坊生意,唔想轉變太多係正常不過既事。
去到依家見到個仔咁幫得手,咁俾心機,佢一定好安慰,但同時又唔想佢咁辛苦。
至於AA,之前去佢地舖頭時有見過佢,佢當時就係廚房煮野食,仲一路睇住手機覆客人查詢,超級踢腳。但再忙,佢都會對客人超有禮貌,好熱情咁多謝客人幫襯。
同時亦好欣賞佢既創新,一來係糖水同小食,二來係外賣服務。
我相信好多餐廳都想做到跨區外賣,但一定計過數係賺唔到幾多錢所以唔做。但AA就跳出左呢個框,成日會見到佢地FB做$10跨區外賣優惠去指定地方,仲要聯同其他餐廳一齊搞,係咁艱難既環境下同佢地一齊堅持落去。
佢既心思、服務態度、對爸爸既支持,造就到佢地到今日都係咁多人鍾意糖水雄呢間充滿人情味、傳統與創新共融既店舖。
支持你地!❤️
阿爸唔識做生意,今次真係靠個仔翻生
一路睇一路笑, 因為雄哥好掂
一路睇一路喊, 因為兩父子好正
佢哋個故事好勵志,好有香港精神,上一代嘅刻苦耐勞同新一代嘅創意活力並存
聽日開始唔好咁蠢啦,三個人喺渡船角坐的士去尖沙咀碼頭,再坐船過中環碼頭仲平啲。又唔使行咁遠行上圓方,仲要落去搭東涌線,落咗地鐵仲要行餐死先去到碼頭。下次黎支持💪💪
好欣賞,爸爸雖然很傳統很口硬,但他一定比咗好多愛先有個行動上咁撐自己咁錫自己嘅仔,好感動🥹
AA 有創意, 勤力, 愛爸爸,又有幽默感 ❤️👍👏
2:10 老闆講呢句好有90年代嘅味道😂
佢個仔絕對係一個人才😂..風格好啱做startup風格..大膽創新..小弟正經營一間startup..希望仔仔看到留言 😂
呢一集好好睇,另外一方面,我十分欣賞AA嘅大膽同對自己嘅肯定同埋堅持,我以前都同過自己老豆一齊工作共事,係有好多意見嘅分歧,唔係一兩次嘅溝通就可以解決到,雄哥又願意放手放低一D所謂嘅身段。二人先至有今時今日嘅成果。放低身段真係一件非常唔容易唔容易嘅事,以前我稍為講嘢大聲咗,我老豆就會話:你而家係咩態度呀?到最後我火都嚟,意氣用事,所有粗勞工作都差唔多獨自咩晒上身。之後當工作出事故嘅時候,佢又指摘你,你又喺一班員工面前冇面。你又會唔開心,所有都墮進一個惡性循環。所以真心欣賞雄哥嘅放手,講得呢句“你而家係咩態度呀?”真係唔洗做可以收皮。
睇到𣎴一般的父子情,
雖然交流不多,性格不同,
但大家緊張大家
CLS
呢間糖水真係好好食!
大家要多啲支持
撐住香港良心小店
最尾好正🤣🤣🤣
以前聽D老人家講過父母同仔女的緣份,有些仔女是回來報恩,有些是攞債,這個兒子肯定是前者,為你一家開心,加油~
我以前住過喺渡船角,成日夜晚OT完去買佢碗菜乾粥做late dinner,好足料好味!
當時都覺得有d奇怪,點解老闆咁大年紀,但係menu同菜單風格一睇就係後生整嘅
原來係父子嘅crossover,都幾得意
街坊叫雄哥做契爺,佢真係一個好人…嗰時佢俾人呃咗間舖,真係唔抵,而家有返間舖,真心欣慰!佢仔仔都算學以致用,所以契爺係真開心和恩慰!
呢集播出之後AA應該要諗下點再接多d單😂😂30萬人睇過!!d單多到接唔停手,做廣告果然有創意,仲要加埋孝順,行動力👍👍
老豆成日口是心非,明明知個仔錫佢又唔肯認,老人家真的好別扭但又有點可愛。
加油呀阿仔!連梅窩都送真係佩服到五體投地!
認同!雄哥係q嘅🥰
係愛呀❤加油💪🏻
阿仔又孝順又鬼馬 老懷安慰啦雄哥
拍得好好!不單只故仔好,訪問都好好,好好睇! Thanks
其實我覺得全條片,兩個人講嘅野都係無錯
多謝Chihangc !
呢兩父子真的好頂癮,一脈相承,子承父業兼能發揚光大,好難得,雄哥應該老懷安慰!
👍👍👍由市區手捧外賣送到離島,難以想像!超抵讚!🤗🤗🙏🙏
呢D真係父愛 接受唔到老師傅改自己味道
但接受兒子 將整間鋪改頭換面👍👍
正正爸爸就係上一代嘅管理思想,但依家嘅一代真係唔會接受,如果仲係擺老闆款🤣,同埋尊重係無分階級嘅。亦都因為個仔嘅工作係同人合作,先真係明白合作嘅意義。同埋個仔本身做創作,先會用創意幫爸爸解決問。
相比上次糕品店嗰條片,呢間太子爺明顯好樂意咁幫舖頭同佢屋企人
好喜歡呢D父子情故事
阿仔marketing 同管理也好叻💪🏻
好正的片.🙏🙏🙏🙏兩仔爺不同方針.但互相交流和尊重,爸爸照顧舊人客喜愛. AA夠創新,對客戶服務有禮,值得支持讚賞👏👏👏👍👍👍👍👍f🇺🇸
雄哥,好似粗聲粗氣咁說話但內心善良愛錫老婆兒子❤老一輩的❤好男人
呢對父子同之前點心鋪條片嘅父子好唔同,但兩對父子其實都好有愛🤍好真誠待人🤍
MM d片?好睇!
平時並不留言的我今次一定要“LIKE" AA. 非常有前途的年輕人!
有创意,有行動,有隊形!愛父母!非常難得!
好希望可以食你哋嘅糖水!祝 做大D!
好掂呀👍🏻👍🏻
希望你快D搵到你個老闆娘啦😊
時代轉變,舊派有心血歷史文化,可以懷舊。新派有創意多元化空間,起碼肯做。两者不用計較,互相離補包容。多些笑容、多些休息、多些陽光😊😊
老闆仔好搞笑, 有頭腦又肯捱, 希望生意愈做愈大
再次證明鳩事要認真做,幽默感戰勝一切
阿仔好有創意,結尾招親廣告好得!
另外,想讚下Apple 嘅主持功力,年紀輕輕,難得談吐淡定,咬字非常清晰,同時繼糕品店後再次捕捉到家人間那種既矛盾又關心對方嘅細位,還有結尾獨有嘅round up, 好精彩!
我都好鐘意APPLE做主持,睇得好舒服。
AA真係個好人嚟㗎
值得我幫佢賣命😁
so sweet
父子情深 阿仔好幽默 人品又好 又有諗頭 父母應記一功 一定取到好老婆
幫襯過 AA好有禮貌好nice
加油! 繼續同爸爸拍住上!
好尊重老豆咁聽阿仔意見
希望快啲搵到老闆娘,同心協力做好糖水鋪💪💪💪
AA真係好犀利,佩服,好敬佩
心入面好欣賞佢哋兩個 各有長處 加油AA💪
勁鐘意每次你地做嘅訪問! 每次窩心又平實自然!順帶俾個 credit #糖水雄父子😂💯
啱啱幫襯完!呢集訪問剪接都係代表作!#MM 👍🏼👍🏼👍🏼
睇到香港年青人成功最開心!
搵日過尼食,糖水雄👍🏻
近排無意中發現到呢個channel,估唔到啲片嘅內容都幾好,support💪
睇呢個故事睇得好開心
好有愛❤️
有機會我一定會嚟試你哋間糖水舖!
加油
AA 每日同食物玩命咁
但唔玩命創新大膽又點會殺出個新血路👍🏼👍🏼
尤其燒賣俾你咁玩法 真係佩服 😏
雖然雄哥唔係太 like 睇嚟佢都心血唔少
但唔試過又得唔得 起碼 AA 家下帶旺返間鋪
好戥佢爸爸高興
仔仔真係千方百計幫爸爸
雖然爸爸嘅糖水係好好食
但係都要諗計仔買㗎嘛
祝佢哋全家一齊成功
最後好正😂
糖水舖背後嘅故仔好有趣同感人!下次幫襯吓先❤️ 兩父子都要加油 💪🏻💪🏻
竟然見到336號步兵! 多謝你之前幫我由中環為食龍送一人份壽司去旺角,辛苦曬~
雖然嗰次唔係訂糖水雄,AA仍然仗義幫忙搵步兵,感謝!
AA同爸爸嘅經歷已經可以拍成電影,好感人好精彩,希望他朝一日AA可以圓夢啦。
糖水雄+叻仔,無得輸!睇見好想食。希望疫情快啲過,可以返香港 ,試哂全個 menu, yummy 😋 😍 糖水雄好勁,多謝你將糖水承傳下去。仔仔加油,多謝你將糖水發揚光大👍🏻🙏😍
阿仔真係有天份拍電影,仲要係搞笑果隻😄
一個很孝順既乖仔
有拼勁 有堅持
做邊行都會成功 加油❗️
自從賣左車 無跟車會玩後就沒再去糖水雄
現在才知道有誇區外賣咁又可以繼續光顧🤤
上陣不離父子兵真係冇錯💪🏻💪🏻👍🏻
偶然睇到MM呢個channel,啲片好好睇,好有香港嘅文化,香港人加油!!
呢集好好睇!主持做得好好👍🏻👍🏻👍🏻,由細食到大原來有咁多故事!apple做主持好好睇呀!做多啲!👍🏻👍🏻
多謝❤️❤️
由舊舖幫趁到依家,雄哥、AA,努力、加油💪🏻💪🏻💪🏻
他的仔一定会成功,思想创意,又有坚持和各方面的能力,两父子一起上一定掂
好欣賞AA既態度😂最後個到好搞笑好有創意😂有意應徵🤣🤣
有意就唔好諗咁多喇~gogogo🥰
呢條片睇到我好感動呀~~希望有一日AA都可以做到佢想做既野~~加油呀~
佢地個狗仔粉同腐竹白果沙冰好食呀!
繼續支持💪🏻
阿仔招親廣告有創意,funny
親友合資經營通常都會意見分歧🤐不歡而散😭
原來有人同我一樣鍾意整啲「創新食物」🤣同路人
AA 可以試吓寫個劇本sale俾人喎
闔家辣都係真人真事提材,係吳君如鐘意個故事所以先拍到
既然想做 不妨一試😜 搵日落order叫外賣糖水
Good job... 好好睇,有笑有淚嘅一集,MM 加油
良心小店一定支持
幫襯過幾次 朋友帶路 真心抵食 D小食又多選擇又惹味
阿仔好孝順,有福氣!