احنا في جيجل كذلك نعملوها كبرنا عليها كانت امي رحمها الله تعملها في ايام البرد لما نرجعو من المدرسة نلقاها ساخنة اللي بحب يحط الزبدة واللي يحب السكر كانت ايام سعيدة رغم بساطة الاكلة ولما كبرت امي كنا دايما نعملوها لها وتشبع بها حتى اخر ايام حياتها رحم الله امي وكل الامهات المتوفيات
أناتعلمتها من يما ربي يطول عمرها كانت تديرهالنا في أيام البردوأثناءالمرض في فصل الشتاء وانامن منطقة تزي وزو وندهنها بزيت الزيتون هذه وصفة معظم المناطق الجزائر تعرفها
حبيبتي شكرًا على الوصفة رجعتينا للزمن الجميل أنا هنا في فرنسا متخطينيش العصيدة خاصة يوم الثلج وبما اني في منطقة فيها غير البرد والثلج alors presque chaque semaine je le fais
شكرا اختي انا من تبسة واحنا صغار يما ربي يرحمها داءما ادرهالنا الصباح نفطرو بها والمساء اديرلنا الزرير يعني السويكة بالعسل والزبدة روعة الله يرحم ايام زمان وخيراتو والبساطة الله الله .
حتى حنافي الوسط كانت ديرها جدة الله يرحمها وحتى امي ديرها لينا الله يرحمها ويغفر لها ويسكنها فسيح جناته للهم امين والله يرحم جميع اموات المسلمين والمسلمات والمؤمنين والمؤمنات
@flowersnow699 والله يا اختي انا قلت جزائري ونتحدى اي شخص يقول مش جزائري و كيما حطيت وصفات وقلت من الوسط وقلت من الصحراء وقلت من الغرب عادي كي ندخلو الناس يلقاولنا متعاركين عالشرق والغرب سبحان الله
فمرتيني بيها ربي يفكرك فالشهادة كانت جدتي الله يرحمها تعملها مع اللخر تزيد لها ثوم مهروس حبة طماطم وتسمقها بزيت الزيتون ولا دهان لعرب كانت تقولي ظيريها لولدك بيبي كنت الكثرة انا الي ناكلها روعة روعة بارك الله فيك
امي ربي يرحمها تزيدلها سنة ثوم كاملة اكي طيب نزيدولها صفار البيض وزيت الزيتون تجي مغذية اكثر كذلك نربيو بها الاولاد الصغار الرضع كي يبداو ياكلو يكبرو ماشاء الله
شكرن علي هذه الوصف الاسطورية دهان و العسل احسن للصحه من المرض تع مرجرين و السكر جدودنا كانوا يكلوا صحي....الدهان احسن مليار مرة من المرجرين الهدرجنة تعها مشي صحية...الزبدة امليح لكن زيت الزيتون انفع للجسم....مع كل الاحترام لعملكم الراءع ....شكرا
@CHAMSNOUDJOUM والله أنا عمري لا نضرت لحديث الناس لانو يا اختي من تحدث عنك اما حاقد او لم يصل لما وصلت له الإنسان المسلم لايتحدث عن غيره بسوء لي يعاير الناس بالشر هو الجيعان حقا حطيها قاعدة في حياتك
حنا في المدية الاكلة الشعبية تاعنا ناكلوها في صباح في بلاصة قهوة جدودنا ونديروها في السخان تع طين على النار ونديروها بالدقيق بكل انواعوا وخاصتا دقيق القمح
بعطيك الصحة احنا كانت الام نتاعي طيبهالنا كيما هاذ ولاكن تحط فيها الفلفل الاحمر كيمن راه ويطلق لحرور نتاعو ناكلوها بزيت زيتون كانت حارة وبنينة تسخف ياحسراه على ذوك ليام ومازتش كليتها من ذاك النهار😂😂😂😂 فكرتينا فيها
نعم انا من كثرة منطيبوها بزاف هنا يعني هنا الشاوية يديروها كل يوم تقريب عليها قلت الشرق بحكم نسكن فالشرق هذا لايعني ان الوصفة محتكرة على الشرق هي وصفة جزائرية 🇩🇿 ولاتهم المنطقة هي تراثنا وموروثنا الثقافي
احنا في جيجل كذلك نعملوها كبرنا عليها كانت امي رحمها الله تعملها في ايام البرد لما نرجعو من المدرسة نلقاها ساخنة اللي بحب يحط الزبدة واللي يحب السكر كانت ايام سعيدة رغم بساطة الاكلة ولما كبرت امي كنا دايما نعملوها لها وتشبع بها حتى اخر ايام حياتها رحم الله امي وكل الامهات المتوفيات
ربي يرحمها ياربي وينعمها ويجعل الفردوس مأواها ويصبركم يااارب 💕
@@aljazairia_kitchen. نديروها في باتنة حنا نحبوها شهيتيني والله يعطيك الصحة حبيبتي غدوى نديرها
احنا نعملوها بالغرس في مكان السكر و الزيت الزيتون.
@norabara9493 نعم جد صحية وهي الوصفة الاصلية
إحنا في جيجل نعملوها باللبن أو الحليب الرائب ماشي ماء
أناتعلمتها من يما ربي يطول عمرها كانت تديرهالنا في أيام البردوأثناءالمرض في فصل الشتاء وانامن منطقة تزي وزو وندهنها بزيت الزيتون هذه وصفة معظم المناطق الجزائر تعرفها
@@MiraMimi-w9h نعم حبيبتي مرحبا بك 💕
يا اختي فكرتيني في مامة الله يرحمها يجعل قبرها روضة من رياض الجنة كانت ديرها صباح وتعملها بزيت الزيتون وماديرش فيها سكر يا حسرة على الزمن الجميل
ربي يرحمها وينعمها ياربي ويجعل الفردوس للاعلى مأواها ويصبركم على فراقها ياااارب 💕
@@aljazairia_kitchen. جزاكي الله خير اختي على دعيوة ولي جميع المسلمين
انا من عين الدفلى وايضا نطبخوها وأصلي من مستغانم ايضا يطبخوها وهي لذيذة جدا وهي موجودة من الشرق للغرب واسمها العصيدة ،،يعطيك الصحة
نحنا في جيجل نطبخها باللبن بدلا من الماء
@@إسألالمجرب-ق7د بالصحة والهناء
صح تخرج أروع وأبن ❤
@chamsessabah9340 فعلا كانت الطعام المفضل عند أبي رحمة الله عليه رغم انه كان مغترب لأربع عقود
في قالمة ايضا باللبن و زبدة عرب
مام سكيكدة يعملوها بلبن ❤❤❤
احنا ففاس بالمغرب نفطرو بيها بالزبدة البلدية والعسل ذكرى المولد النبوي الشريف
هذي العصيدة عمرها مئات السنين قرأت وصفتها في زمن الحماديين بالجزائر ❤
نعم ثراث قديم جدا جدا جدا شكرا لمرورك 💕
حبيبتي شكرًا على الوصفة رجعتينا للزمن الجميل أنا هنا في فرنسا متخطينيش العصيدة خاصة يوم الثلج وبما اني في منطقة فيها غير البرد والثلج alors presque chaque semaine je le fais
نعم بصحتكم اختي تراثنا مليح نحافضو عليه ولو كنا خارج البلاد نعرفو بيه 💕
عشت في الغرب و نديروها بالزبدة البقري و العسل الحرة
نعم هي وصفة جزائرية 💯
Raki ghalta la3sida mawjuda fi maghreb el 3arebi ,afriqia w italia (polenta)okhti thebti aqbel meta3ti ma3loma ghalta @@aljazairia_kitchen.
تعملوها نحن في تونس. حلوة ونعملوها حمراء حارة
يعطيك الصحة فكرتينا بايام زمان حنا في المدية نقولولها المحركة نديروها للنافسة وناكلوها وبازبدة الحرة بنينة شكرا
الله يسلمك غاليتي انا نطيبها ونورثها لاولادي ههه🥰
ايه انا تان مالمدية وهدي نموت عليها
الله يعطيك الصحة وصفتي المفضلة ❤❤❤❤
حنا لقبايل. بجاية تاني نعملها وخاصة في المولد النبوي الشريف. كانت ياما لله يرحمها تديرها تربينى عليها
@@MhdKacha ربي يرحمها وينعمها يااااربي ايه حتى هنا كاين لي يديرها فالمولد
مرحبا بك اختي 💕
Merci beaucoup rabi edjazik. C une très bonne recette .Rabi yehefdek inchallah ❤❤❤❤❤
العفو حبيبتي مرحبا بك عندي🤩💕
شمال سطيف نعرفوها ونحبوها عصيدة وزرير .. ماشاء الله عسل يعطيك الصحة ❤
نعم الزريرة حنا ثاني نديرها خاصة النافس نموت عليها شكرا حبيبتي💓
حنا فالبويرة نديروها تاتي يمممممم نموت عليها
عندي نهارين ملي درتها ❤ وكل ما نشوفها نزيد نسخف عليها ونديرها نموت عليها
حتى حنا نديروها بالدهان الحر الله الله تحية من المدية
نحبو نتبادلو والدهان الحر صحي جدا شكرا غاليتي
انا من الغرب من زمان نطيبوها ياحصراه على زمان
زمان نرجعوه ههه بحلاوة ايام وتقاليدة
تبارك الله
نخدموها تهبل بليرني ولبن وزبدة تاع بقر تهبل❤
ختيتو لعزيزة الله يعطيك الصحه والعافيه ربي يحفظك
شكرا ربي يحفظك
❤❤❤❤❤❤❤احنا من الجزائر 🇩🇿 العاصمة نديروها ونحبوها بالعسل كانت ايام زينة فيها الخير والبركة ❤
صح
وندروها بالغرس شكون يديرها كيما حنا بالغرس
شرق الجزائري كله يعرف العصيدة
انا شخصيا من قسنطينة تربينا بيها
نعم فالبرد تقريبا نطيبوها ديما 💓💓
علاه هيا وش قالت 🙄🙄🙄 المهم تهدرو باش تهدرو برك
شكرا اختي انا من تبسة واحنا صغار يما ربي يرحمها داءما ادرهالنا الصباح نفطرو بها والمساء اديرلنا الزرير يعني السويكة بالعسل والزبدة روعة الله يرحم ايام زمان وخيراتو والبساطة الله الله .
@@kosaykousa8705 صح الزريرة انا ثاني جامي تخطاني خاصة فالشتاء بالصحة والهناء حبيبتي
حنا في تيارت نديروها نسموها العصيدة او تشيشة.يديروها الكثرة لذراري صغار
نعم تاع لولاد صغار تجي شوي خفيفة على هذي نسميها الحريرة تختلف فقط التيكيات لكن نفس المضمون شكرا💕
حتى حنافي الوسط كانت ديرها جدة الله يرحمها وحتى امي ديرها لينا الله يرحمها ويغفر لها ويسكنها فسيح جناته للهم امين والله يرحم جميع اموات المسلمين والمسلمات والمؤمنين والمؤمنات
نديروها في كامل ربوع الوطن درتها البارح انا وولادي نموت عليها تحياتي14
تحية نتبادلو اختي ربي يحفظك 💕💕💕
@@aljazairia_kitchen. تحياتي ختي خطأ كتابي ههه موفقة إن شاء الله😊
نحنا في صحراء تان نديروها جدة الله يرحمها كانت تعملها بدهان الحر والعسل حرة ولا معا مرقة بالحم الجمل ❤❤😊😊😊
طريقتك رائعة. حبيبتي. وكلامك يسخف....
شكرا والله راهي في خاطري .كانت ما تنقطعش من المايدة واحتى صغار.
مشكورة عى القناة واصلي❤❤❤
شكرا ربي يحفظك ويباىك فيك يارب
شحال بنينة 😊
غير لي مذقهاش سرتو بزيت الزيتون
ايه تجي تحفة 💕💕💕
رائعة تعطينا الدفء 💕💕
جامي كليتها وجامي طيبناها في بسكرة مهم بصحتكم
جربيها فالبرد هايلة
👍💐🌹
فكرتني في يما ربي يرحمها كانت تموت عليها ربي يحفظك ❤❤❤❤
ربي يرحمها ويصبركم على فراقها يارب
زيديلها فلفل عكري وتجي هايلة
حتى حنا في الغرب نديروها فالليل ما هيش برك تاع الشرق
@flowersnow699 نعم اختي بحكم انا من الشرق قلت بلي تراث جزائري واكيد نعتز بتراثنا في كل ربوع الوطن بالصحة والهناء💕
هاذوا تاع الشرق قسموا البلاد بالجهوية. حتى الطبخ عالمي رجعوه جهوي. فالغرب فقط لي ناسها. متفتحين ماشاءالله
@@aljazairia_kitchen.
مادابيا ندخل في فديو ما نسمعش شرق و غرب و بحر و صحرا نسمع بس عندنا فالجزائر نديرو هادي ......و بصحت الجميع
@@videogameswithLokman يا اختي راني نعرف بطبخ بلادنا ومناكقو واش دخل الجهوية يهديك ربي ههه
@flowersnow699 والله يا اختي انا قلت جزائري ونتحدى اي شخص يقول مش جزائري و كيما حطيت وصفات وقلت من الوسط وقلت من الصحراء وقلت من الغرب عادي كي ندخلو الناس يلقاولنا متعاركين عالشرق والغرب سبحان الله
فمرتيني بيها ربي يفكرك فالشهادة كانت جدتي الله يرحمها تعملها مع اللخر تزيد لها ثوم مهروس حبة طماطم وتسمقها بزيت الزيتون ولا دهان لعرب كانت تقولي ظيريها لولدك بيبي كنت الكثرة انا الي ناكلها روعة روعة بارك الله فيك
شكرا حبيبتي ربي يفرحك
البيبي ديريهالو شوي خفيفة على هذي
Ça me rappelle mon enfance
J'adorais ça surtout avec du beurre de vache
Nous a médea,on préparait ça aussi surtout avec le vrai beurre
نعم بالزبدة الاصلبة تجي تحفة مرحبا بيك اختي 💕🥰
امي ربي يرحمها تزيدلها سنة ثوم كاملة اكي طيب نزيدولها صفار البيض وزيت الزيتون تجي مغذية اكثر كذلك نربيو بها الاولاد الصغار الرضع كي يبداو ياكلو يكبرو ماشاء الله
ربي يرحمها ياربي وينعمها 💕💕💕 شكرا ليك
يعطيك الصحة ❤
الله يسلمك يارب
احنا ثاني انديروها وانا من وسط الجزائري وهي اكلة تقليدية تورثناها أعلى اجدادنا وهي اكلة لبنينة بزاف
مرحبا بك اختي في قناتي
نعم وصفة رائعة 💓
يعطيك الصحة نحنا ثاني من الشرق نطيبوها كيما تاعك ❤❤❤❤
نعم ربي يحفظك 💕
أحنا نديرها مزنة حتى ضرك نديرها وندهنو بزبدة تاع البڨرة أما ألأن ندهنوهابزيت الزيتون
❤❤❤❤❤❤❤❤
يعطيك الصحة❤❤❤❤❤
الله يسلمك
يعطيك الصحة فكرتيني فيها حنا فلبليدة ندروها بزيت الزيتون فالبرد
نعم ضحية جدا مرحبا بك اختي 💕
الله.يبا،ك.اختي.اكلة.ما.تتشبعش.صحية.وبنينة.ماما.ربي.يطول.فعمرها.كانت.تديرها.باللبن.وزبدة.بقراة.تجي.تهبل.بصحتكم.😋😋🤩👍👌
ربي يطول عمرها يارب وانتم شابات اليوم تهزو علينا نحنا الكبار التقاليد وتنشروها في الاجيال المقبلة شكرا حبيبتي لمرورك 💕💕💕
شكرن علي هذه الوصف الاسطورية دهان و العسل احسن للصحه من المرض تع مرجرين و السكر جدودنا كانوا يكلوا صحي....الدهان احسن مليار مرة من المرجرين الهدرجنة تعها مشي صحية...الزبدة امليح لكن زيت الزيتون انفع للجسم....مع كل الاحترام لعملكم الراءع ....شكرا
نعم اختي الوصفة الاصلية بالدهان والعسل الحر او الدخان والغرس أصلا جدودنا وقتهم مكانش السكر
واولادنا الان للأسف الشديد ميحبوش الدهان
شكرا لمرورك الطيب
سبحان الله اليوم درتها لكن باللبن نديروها في جيجل
نعم قالولي تجي هايلة باللبن بصحتكم💕
احنا بولاية الطارف نسميها لبسيسة
ma tante au Bled nous fesait ya longtemps 😊😊 avec du paprika piquant c'était un délice,,sa fait très longtemps que j'ai pas mangé ca😊😊😊
طيبيها فالغربة وشمي ريحة لبلاد
نديروها في الغرب الجزائري نسموها الرغيدة ومانديروش السكر نموووت عليها سيرتو للبيبي
ايه خفيفة وصحية 💕
احنا في الغرب نديروها ونديرو فيها الزبدة لكانت ماندبروش السكر ولا العسل نسموها الرغيدة وربيت بيها ولادي ومزالو هما كبار يبغوها
الله يعطيك لصحة علي لوصفة
شكرا حبيبتي ربي يحفظك
بارك الله فيك
وفيك بارك الله غاليتي
نموووت عليها
نعم تجي روعة
يعطيك الصحة حنا تاني نديروها في قسنطينة ونديروها بزيت الزيتون
بالصحة والهناء
احنا نديرها بزبدة الحر ونذوب فيها الغرس تجي تهبل وندروها كما لي درتيها بزبدة والسكر يعطك الصحة على الوصفة
ايه الإصابة بالزبدة غرب والغرس لانو بكري مكانش كاين السكر شكرا حبيبتي 💕
كي ربيت ولادي بلعصيدة شبعوا ضحك عليا وانا نعشقها مين نطيبها نبكي عايروني بلي كبرت فشر
ماشاء الله عليك .تمنيت لو كان تنجحلي كي كان وليدي يتربى عيييت نديرها ما جاتنيش مليحة.او بالاخص كي تربيت ببنة عصيدة جدتي ربي يرحمها
@SISSI.MAMATI رب يرحم جميع امواتنا رب يهنيك
قلهم كون مش لعصيدة اكم مكمش رجال ربي يبارك ههه
@aljazairia_kitchen. والله ناس مريضة وكل واحد يوكل كما يحب غييحبو يتدخلو برك
@CHAMSNOUDJOUM والله أنا عمري لا نضرت لحديث الناس لانو يا اختي من تحدث عنك اما حاقد او لم يصل لما وصلت له
الإنسان المسلم لايتحدث عن غيره بسوء
لي يعاير الناس بالشر هو الجيعان حقا حطيها قاعدة في حياتك
نموت عليها خاصة نحط عليها زيت الزيتون الأصيل في الاخير حتى يومنا هذا وانا في بلاد الغربة نخدمها خلااااص مادام شفتها لعشية ان شاء الله نديرها 😅
ياعمري بالصحة والهناء تحياتي ليكم 💕💕💕
😇❤️❤️❤️
نديرها ساعة ساعة ..في جيجل باللبن والزبدة والسكر ..راءعة ...
اللبن اللبن او الحليب ؟
@@aljazairia_kitchen. اللبن
تسلم ايدك
الله يسلمك
انا من الوسط الجزاءري نديرها تجي هايلة خصوصا ب سميد القمح و زبدة البقرة
أقدر وأستمتع بفيديوك، أعجبني!! 👍👍💯
أتمنى لك يومًا رائعًا واعتني بنفسك يا صديقي! 💕💙💛🧡
🙋💛❤ تحياتي من إسطنبول - تركيا 🇹🇷 💛🤗🙋🥰😍35
@@WalkingTours-TV تحية نتبادلة مرحبا بك في قناتي
اختي احنا في باتنة نديرو في الدقيق عرق لصفر و في الزبدة الغرس اجي روعة بنينة متصوريش
@@HaddaDida-v7l تجي روعة بالصحة والهناء
احتي انا من مدينة مداوروش ولاية سوق اهراس نديرها بلغرس كما انتم ويحيرو فينا كيفاش نكلوها بلغرس
حنا في المدية الاكلة الشعبية تاعنا ناكلوها في صباح في بلاصة قهوة جدودنا ونديروها في السخان تع طين على النار ونديروها بالدقيق بكل انواعوا وخاصتا دقيق القمح
ونسموها المحركة
يعطيك الصحة اختي احنا نديروها في الوسط في بومرداس نديروها كما درتيها انتي
@@OuvasMavie-pb6pt بالصحة والهناء تراثنا أكيد لازم نحافظو عليه 💕
@aljazairia_kitchen. 🌹
ياااس فكرتيني بيها كنت نبغيها😂❤❤❤
طيبيها ههه
كيما حنا فالقبايل ...❤❤❤
بالصحة والهناء💕😀
@aljazairia_kitchen. Wallah je vis en France ,je la prépare avec l'huile d'olive et ça me réconforte même mes enfants l'apprécient.hamdoulah ❤️🇩🇿❤️
@@aljazairia_kitchen. Allah iyhenik khtitou 👍👍😘😘😘
@@inesassirem1047 الحمد لله حبيبتي ربي يسعدك ويهنيك انت واولادك ويحفظكم ياااارب💕
يعطيك الف صحة
الله يسلمك يارب
اخوانونا اليمنيين يديرها بالتمر ويسموها العصيدة الحضرموتية يعني تنتمي إلى مدينة حضرموت
بعطيك الصحة احنا كانت الام نتاعي طيبهالنا كيما هاذ ولاكن تحط فيها الفلفل الاحمر كيمن راه ويطلق لحرور نتاعو ناكلوها بزيت زيتون كانت حارة وبنينة تسخف ياحسراه على ذوك ليام ومازتش كليتها من ذاك النهار😂😂😂😂 فكرتينا فيها
علم الجزائر من فضلك 🇩🇿❤️❤️🇩🇿❤️🇩🇿🇩🇿🇩🇿🇩🇿🇩🇿🇩🇿
كانت أمي ربي يرحمها ديرها.دوام الحال من المحال.
من مسيلة تاني نديروها عصيدة
يعطيك الصحة ❤😊تحية من سوق اهراس نموووت على العصييدة سيرتو نشوفو شوي برد نوضو طول نطيبوها
@@KoukouKoukou-do5ij تحبو نتبادلو من سوق اهراس ايضا💕
À Bejaia aussi , on la prépare !
بالصحة والهناء🥰
Ma mère Allah yarhamha elle l'a préparait de la même façon par contre moi j’aime ajouter un peu de cherchem et c’est très très bon..
ربي يرحمها وينعمها يارب 💕
حتى في بجاية نديروها، الله
يرحمها جدّتي كانت تديرهالنا بصح تجي شوية جارية
@@fatiaaya330 هذيك اختي اسمها حريرة💕
ان،من،خنشلة،نديروها،يعطيك،الصحة
الله يسلمك
كل مناطق الجزاءر كانو يديروها حتي في الصحراء والغرب وانا شخصيا كانت عجوزتي طيبها لولادي لما يكونو رضع
مليح اذا هي وصفة تاع ربوع الوطن 🥰
نعم نديرها للرضع ايضا لكن بزيت الزيتون شكرا لمرورك الطيب 💕
هذه طبخة موجودة في كل انحاء الجزاءر
انا ولاية عين الدفلة و كي كنا صغار كانت أمي تعملها و تسقيها بالسمن و العسل
نعم تجي هايلة بصحتكم
كبرنا بيها لعصيدة بالعسل والزبدة 😂
حنا في سيدي عيسى ناكلها بة خرافية🇵🇸🇩🇿 0:41
نديروها للبيبي كعود تسعة اشهر عشرة اشهر
ماما ربي يرحمها كانت ديرهالنا 💔
ودروك انا راني نديرها لبنتي وناكلوها مع بعض ❤
على فكرة درتها قبيلا😊
بالصحة والهناء غاليتي 💕 وربي يرحم ميمتك ياربي
@@aljazairia_kitchen. امين
في شمال مسيلة اسمها العصيدة او الدشيشة وتكون حمراء
والله حنا في الغرب ربينا ولادنا بيها
ربي يحفظهم ويعيشهم يااارب
شكرا فكرتينا فيام السغر
العفو غاليتي مرحبا بك 💕
نعملوها في تونس بابسمن. وزيت الزيتون
بالصحة اختي ومرحبا بك
في الغرب ،جداداتنا كانوا يديروها
نعم تعلمناها عالاجداد
نخدموها في جيجل باللبن فبلاصة الما ، لكن منحطوش السكر
الدهان الحر والعسل
كانت ميمتي ربي يحفظها يطول في عمرها ديما دير هالنا فشتاء سوق هراس
السلام عليكم حتى في الوسط نديروها 😊 وأنا نحبها بزيت الزيتون و السكر وأمي ربي يرحمها كانت تحبها بالعسل و الدهان الطبيعي، يعني ما راهيش غير في الشرق 😅😅😅
نعم انا من كثرة منطيبوها بزاف هنا يعني هنا الشاوية يديروها كل يوم تقريب عليها قلت الشرق بحكم نسكن فالشرق هذا لايعني ان الوصفة محتكرة على الشرق هي وصفة جزائرية 🇩🇿 ولاتهم المنطقة هي تراثنا وموروثنا الثقافي
مطبوخة الغرب 🇩🇿✌️👌
نعم تختلف فقط التسميات 💕
حتا حنا في وسط العاصيمة نطيبوها بنفس الطريقة تربينا بيها كونا نكلوها بسكر وزيت زيتون ولا بزبدة الحرة يعطيك الصحة
بالصحة والهناء شكرا حبيبتي لمرورك الطيب💓💕
العصيدة كل الجزارين يغيروها حناناس الوسط كنا نديروهابكري في أيام البرد
نعم وصفة جزائرية مليار 💯
حنا في جلفة نطيبوها❤❤❤❤
مرحبا بك 💕💕💕
بسم الله احنا من نواحي ولاية الطارف مدة طهي العصيدة ساعة اما لطيب باللبن نسميها لبسيسة
مدة الطهي اختي حسب الكمية انا درت كاس حكملي ربع ساعة
ولبسيسة عندنا في سوق اهراس هي الزريرة
تحياتي لاهل الطارف 💓
يعرفوها لبنات في الاقامة الجامعية ، يستعينوا بها على هم اكل الاقامة
@@aissawiouliya3723 نعم كنا قبل طبختنا المفضلة فالاقامة