شيلة | الرواجح البقوم | آلاد راجح مروية حد الحدب عوق الخصيم |كلمات : سلمان شباب| اداء : فهد بن فصلا

إشترك في قناة سالم السلطان الرسمية .
‏ / @user-ko3vt3qn5l
‏Snapchat : if.pd
/ if.pd
‏Twittwr : ifdp3
‏Instagram : if.pd
قناتنا على التلجرام /
‏t.me/joinchat/...
سالم السلطان ( حصريا ) 20١9
_______________________________________________________________
كلمات : سلمان بن شباب
اداء : فهد بن فصلا
تصميم : سالم السلطان
الابيات :
هبّ البراد اللي مواعيده مع الليل العتيم
كنّه يخاطبني يقول اللي على بالك قله
وش يمنع الهاجوس ما ينظم و فكري ما يهيم
البال دوب انه صفا و الليل توّه بـ أوّله
يسوقني للشعر هاجوسٍ ورى صدري مقيم
شعرٍ يجمّلني و أنا لا من وقفت آجمّله
أمدح به فعول الكفو و ألطم به عيون الغشيم
ولا بعد نصّيته ألا واحدٍ يستاهله
محشوم يا شعري وأنا راسي عن الهزله حشيم
عليك باللي دونها الشعّار صايبها وله
قدامك اللي لـ اسمهم هيبه و تاريخٍ عظيم
قومٍ عزاويهم لها فوق البسيطه زلزله
ربع الحشيّة مزبن اللي لحقه من الوقت ضيم
شيخٍ سلايل شيخ و شداده على ظهر جمله
آلاد راجح مروية حد الحدب عوق الخصيم
كسّابة الناموس تيجان الفخر و المرجله
اللي يعاديهم يضدّونه بـ نارٍ من حميم
و اللي يصاحبهم عن الدنيا و دورتها دله
أهل السيوف اللي مضاربها توقّع في الصميم
يوم إن للفرّيس من فوق الأصايل جندله
في ساعةٍ يرقص على ميعادها ابليس الرجيم
كم من عقيدٍ في نحاهم ضاع بطشه و جهله
تنشّدو عن عايش الطيّور في الوقت القديم
تلقون ميقافه و فعلٍ دون الأدباش فعله
صميدعٍ ما زهملنّ بـ مثله بطون الحريم
يستدركون رضاه عدوانه و يدرون زعله
يابو علي والله و من يحيي العظام و هي رميم
إني حزامٍ تحتزم به لـ الأمور المعضله
في لازمك ماهي بلحية حرف سين وحرف جيم
دوك الكلام اللي تصاريحه ما تحتاج أسئله
يا مرحبا و عداد ما هبت ذعاذيع النسيم
في محفلٍ هيبة حضوره كنّها هيبة هله
خلّك من اللي ما يولّع ناره ألا في الهشيم
واقلط على اللي ما بعد غاب الشحم عن منزله
شروا علي راس الكريم اللي تسلسل من كريم
شيخٍ على كسب العلوم الغانمه فيه عجله
بنك المعرفه و الرجوله مصدر الراي الحكيم
اللي جمعها رايةٍ بيضا و رفعة منزله
يابو عمر عقّبت شبلٍ طلعته طلعة عديم
حرٍ ليا منّه تهقوى عالي الرجم وصله
طيّب و أنا مع كل طيّب راس طيبي مستديم
ولا الردي والله ما تلقى بيني و بينه صله