هاي البرامج التوعويه الزينه مو كله طبخ واكل وقنوات اللي كاعدين بالخارج كله تحديات اكل.. موفق استاذ مهند في هذا الظرف الصعب لازم واحد يوعي الشباب لانهم بدون خبره وطيبين.. شكرا لك والله يرحم موتاكم.
نفس القصة رادت تصير وياي هم دخلتلي بنية من لندن اسمهة ايليا هم نفس الاسلوب أستخدمت وياي بس منصة اسمهة ( سدويب) و انطتني حسابهة تكلي ساعدني اشتغل وياي لان ماعندي وقت اشتغل و يومين اشتغل وياهة كل يوم تنطيني 10 دولار على ساس مكافئة لان ساعدتهة بس ثالث يوم ما انطتني مكافئة كتلهة ليش كالت بعد انتة اشتغل سوي حساب بالمنصة و اشتغل و عندك 20 دولار كافيات ف سويت حساب و بديت اشتغل و صارن 27 دولار و بدة الموقع يطلب مني اشحن حتى اكمل المهمات ف عفتة و سحبت نفسي لان دريت تقفيص كلت خل تروح ال20 دولار ولا اودع فلوس من جيبي
*هواي يدخلون يمي للخاص يكولون نحن نحب ان ندعم الاشخاص الناجحين وانت حسابك مرتب وناجح و نريد ندعمك و نقدملك ارباح ، انا استدرجهم حتى اخذ منهم كلام يكلولي ادخل على الاعدادات روح لهذه الخانة اضغط كذا و ارسلي رقم التعريف ، وبعدين كلت له انا اشتركت مع شخص أخر بنفس الخطوات ، هو انصدم جان يكلي فالتذهب الى الجحيم 😂*
شكرا للاخ امير والمقدم البرنامج انسان محترم حب يقدم خدمه ورساله واكله الف رحمه على والديك يا امير والله يعينك على التفكير والسهر والانتظار الله يعوض وكل شىء خلص وابدا من جديد المهم خلصت
الله يبارك بيك وبجهودك ويرحم أمواتك برحمته الواسعة - لو بس واحد يستفيد من هذي التحذيرات ويخلص من النصب فكأنما انقذت حياته وشكبرها عد رب العالمين - ومن المؤكد أنه عدد المستفيدين اكثر - والله يبارك بيك وبعملك الصالح
والله العظيم نفس البنيه ونفس السالفه صارت وياي خسرت اكثر من ٣٠ ورقه هاي قبل ٧اشهر نفس الشغله حرفيا ولو ما واحد ينصحني ويكلي اوكف والعوض على الله جان نفس العينتين
ليش هيج بسرعه اصدكون والله حرامات .٣٠ ورقه مو قليله لا وهي من غير بلد .هي الناس المنك وبيك صايره اتخوف مو امريكيه بعد ..قبل فتره جيرانه متعرف على ابنيه سوريه على اساس علاقة حب ٥ اشهر هو متزوج وراح ازوجها بالسر بدون علم زوجته .تالي نصبت علي وسرقة فلوسه وشردت وطلعت عدها علاقه وي واحد سوري
عاشت ايدك أستاذ مهند واحسنت استمر يا بطل وجزاك الله خير الجزاء برنامج توعية المجتمع ونسأل الله سبحانه وتعالى أن يعوض الشاب أمير بكل خير اللهم امين يارب العالمين وصلى الله على سيدنا وحبيبنا وشفيعنا محمد وعلى آله وصحبه وسلم تسليماً كثيراً مع تحياتي لكم وبالتوفيق للجميع أن شاء الله تعالى أخوكم من بغداد
واريد انطي نصيحة هم جديدة عن غير موضوع... واللي يريد يشتري سيارة وارد امريكي.. ليدخل مزاد الكتروني.. ولاينطي وينطي ولاااا فلس. عود يكلولك. الشحن والتصليح في دبي... لان راح تدفع اعدال سعرهه في العراق... اتريد... اشتريهه منا من العراق. كامله وامصلحه وبيهه رقم.. احنه صار بينه مثل هذا الرجال. حاليا مطلوبين قرض. 20 مليون. ومديونين للناس 20 مليون علمود سيارة كل سعرهه 15 مليون فقط. بس تم النصب علينه. وحسبي الله على اللي نصب علينه. لذلك انتبهو. وارد امريكي من العراق اشترو مو من الخارج.
صارت وية صديقي وحذرته منها ..بس الطمع هو راس الأفعى.. تالي انطلب ١٦٠٠ دولار ولوما الح عليه يبطل جان دفع فوكاهن ٢٠٠٠ دولار.. اخوان ماكو فلوس حلال تجي بدون تعب والله العظيم
ههههه مرة صارت وي اخوي، نفس الخطوات الاولى، بس اخوي ربح يمكن بس ٦٠٠٠ دينار بعدين طلبوا منه يشحن هو ضربهم بوري گال الهم اكتفيت بعد ما اريد هههه عاد اني اخذت الرقم من اخوي وتواصلت وياهم كلت بلكي احصلي هبرة منهم ما قبلوا ينطوني 😂😂😂 يمكن هسه محتارين بتجميع ال٦٠٠٠
لا إله إلا الله اللهم استرنا فوق الارض وسترنا تحت الارض وسترنا يوم العرض اعوذ بالله من غضب الله استغفر الله العظيم واتوب اليه صلوا على محمد وال محمد -=-==-=-=-
اخذوها قاعده بالسوق كل ربح يأتي سريعا يذهب سريعا ،،يعني معقوله انت خلال هذه الفتره القصيره تربح اكثر من 50% ،،كان الناس كلها بطلت عمل واشتغلت بمثل هكذا اعمال ،،بسم الله الرحمن الرحيم ولا تؤتوا السفهاء اموالكم صدق الله العلي العظيم ،،كلامي بصوره عامه ونصيحه للجميع لان هاي اموالكم وتعبتوا لحد ماجمعتوها وايضا اموال اهلكم الي تعبوا عليكم ف يا اخوانا الاعزاء الحذر ثم الحذر من مواقع التواصل يلي تغري الشخص بالارباح المشبوهه والسريع واستفادو من التواصل الاجتماعي بكيفية تعلم حرفه او صنعه او مهنه محترمه لكسب المال ،،،والحمد لله رب العالمين والصلاة والسلام على سيد المرسلين وخاتم النبين محمد صل الله عليه وعلى اله وصحبه وسلم
للأسف هنالك بعض الناس ممن يصدقون بمسائل الأنترنت والمغريات الكاذبة التي تصادفهم والتي هي عبارة عن برامج نصب وإحتيال ، ننصح الجميع بعدم تصديق هؤلاء وعدم فتح الروابط الغريبة
حتى انا اتصلت عليه بنت من ماليزيا و وقعت في هذا الفخ و بالاخير طلبوا متي اموال رسوم التأخير و عفت كل شي بعد الخساره لكن نفس كلام البنت و نفس التصرف في التعامل الله يلعنه الى يوم الدين 😢😢😢
انا مني واحد الناس لا أشتغل ولا أمشي بطريق مظلمة. ولا اتعامل مع شخص لا يعرفني ولا اعرفه انا احب انا اتعامل على المكشوف. اشتغل خفيف نظيف لا انام بين القبور ولا ارى منامات وحشة
صحيح والله صارت ويايه اكثر من ثلاث مرات ومن توصل لهيج موظوع احضرها ومن تسأل مااجاوب صح انطي معلومات خاطئه هي تسأل بخصوص عمل واني اجاوبها شلابسه عندج علاقه تردين نرتبط بعلاقه وهيج امور لما اخليها تطفر😂
هاي قبل سنتين صارت بيه نفس السالفة مع كل الاسف وربك اباخر لحضه البنك لاني عايش ابرطانيا شافو حركة غير طبيعيه وبرغم كل التنبيهات الي كمة مثل المجنون بس ادوس واعبرهن واخابر قفلو احسابي عاد اتواصل وياية البنك واحد مختص سؤال جواب حصرني كتيت الاول والاخر من كثر الستريس والقهر والدتي هستوه انطتكم عمرها صرت مثل الطفل وضليت بس ابجي كلمة وحدة بعد ما كامت تطلع من عندي سمعتني مرتي والرجال على الخط ايهدي بيه قالي هذولة نصابين ومحتالين ومع الاسف افلوسك راحن الي اندزن هذني الي سويت بيهن تحويل راح ارجعهن للحساب ربك الفلوس الي هينة اخر شي جانت افلوس ذهب المرة رهنت لان همات عبالي بس ارجعهن واولاد الحرام اشكد اتوسلت اشكد حاولت ايرجعون جزء من الدفتر ما رجعو وما رجعهون ابصراحة حلقة توعوية وانشالله توصل للكل
مع احترامي للأخ امير مافكر شويه وراجع نفسه خصوصا هو يتعامل مع عالم وهمي بلا أساس قانوني او اخلاقي . للعلم انا شخصياً تعرضت الى أكثر من ٥ محاولات للنصب لكن الله خلصني قبل الورطه .. الله يعوضك أخويه
السلام عليكم عمو فدوهة احجلينا عن التعيين بشهادة الثالث و هل بي مستقبل يعني اني السنه الجاية بأذن الله تعالى بالثالث و اريد اصير معلمة يگولون يصير من الثالث وادخل معهد ف فدوهة عمو احجيلنا ع الاجراءات و اشرحنا كلشي
لا حول ولا قوة الا بالله العلي العظيم. قبل ٤ ايام خابروني والله بقوا يحجون وياي و سويت نفسي اجي وياهم للدرب و بعدين اكله عيد الكلام بلا زحمه عليك ما افتهمت. وره ما خبلتهم. كتلهم لا ما احب الفلوس تسوي الإنسان متكبر.😂😂😂
تحياتي لك استاذ مهند وربي يحفظك طبعا هسه عرفت شنو غاية الاتصال الاجاني من بنت رايتك تستفاد وهم اجنبيه وعفتها وكتلها اني كلشي مااعرف شلون هاي الشغالات .كالت اني أعلمك كتهله اتعبج اني دجه لواظلين سنه كامله تشرحين مااعرف . وصدك اني دجه بالموبايل وحتى إذا اعرف ادري بيهم نصابه لأن ماكو شخص ينطي فلوس ابلاش. هاي قبل يومين مو اكثر
حسبنا الله ونعم الوكيل بيهم هذه عصابة من دول شرق اسيا تسوي منصات وهميه ربحيه وهميه للنصب والاحتيال صارت وياي وخسرت منهم كنت مااعرف شنو هذه منصات ولااعرف شنو okx ولااحد رشدني وكلي اوكف ماجنت اعرف بحثت عن الموضوع مالكيت شيء باليوتيوب عسبالي اكو هيج ارباح حقيقية وراحن الفلوس ونغلقت المنصة وضليت مطلوب دين
الله يرحم والديك والله ينقذك مثل ما نقذتني من هاي المصيبه حجي هاي دخلتلي وسحب فلوس ولله اليوم رد اسوي مثل ماطلبت منعدي وسبحان الله وانت طلعت كبالي واذا تريد دزلك الرسائل وصور
حسبيا الله على هيج شركات وهميه والله انا مثل حال الاخ هم شفت اعلان على الانستا وكبل حولني على الواتساب وهم نفس شرح الاخ بس الشركه بدون برنامج رابط على الكوكل والشركه اسمها سينما وهم انجز مهام اول مهمه صرفت 5 دولار وربحت 10 دولار وغرني هل اموال وبقيت انجز لما وصلت 700دولار وغلقو شركتهم من عندي وقفصو علي حسبيا الله عليهم
استاذ مهند اني اجتني رساله من الواتساب. نفس هذا الولد. كالولي انوفر عمل ونتي في البيت. والرقم اجاي يتصل عليه من بنكلادش. كتلهم شكرا اني ممحتاجه العمل. لان اني خاليا. موظفه. الحمد لله ماوكعت بلمصيده❤
والله العظيم استاذ مهند صارلي نفس الموضوع اتصالات دولية من بنات دخلت عليه نفس الموضوع انت رجل طيب وكذا بس آني الله الهمني بعدم الرد وكل مسج منها تطلب رقمي عالواتساب بس آني ابد مجاريها ولا رديت عليها تقولي هي كاعدة بلندن وكذا بس ابد مارديت و وحدة ثانية من ماليزيا و وحدة ثالثة من كوريا يمكن بس ابد مارديت ولا أعطيت رقمي خصوصا اجت معلومات ان الواتساب يمكن اختراق وجزاك الله الف خير استاذ مهند انت وصاحب القصة
راسلتني بنية على الماسنجر فهمتني عندها ورث من زوجها يقدر بثروة طاىلة وكبيرة وتريد ان تتبرع بها كبناء دور للايتام وغيرها وكما كانت تكتب برسائلها انني الرجل المناسب لهذه المهمة 😂😂😂 وتم حظرها بامتياز اخواني لاتغركم الغرور النصب والاحتيال عالمي قبل ان يكون محلي وتحياتي لكم ولصاحب البرنامج المحترم
هاي البرامج التوعويه الزينه مو كله طبخ واكل وقنوات اللي كاعدين بالخارج كله تحديات اكل.. موفق استاذ مهند في هذا الظرف الصعب لازم واحد يوعي الشباب لانهم بدون خبره وطيبين.. شكرا لك والله يرحم موتاكم.
عاشت ايدك اخي مهند كل المواضيع التطرحها جداً مهمه والناس لازم تتعلم من هاي التجارب
هاي نفس المجدية السورية طبت علينة للبيت جان ظحكت علينا بس الله خلصنا منها رادت تاخذ فلوسنا وذهبنا الحمد لله كان الله لها بالمرصاد ديربالكم ياناس
شلون طبت الكم
خطار@@mankef8831
@@mankef8831احنه هماتين اجتنه سوريه ورادت تنصب علينه بس اني ما اتقشمر طردتها
سالفتك مو واضحة
شون
والله هظيمة احنة ب ٢٠٢٥ وبعدها الناس ينصب عليهه بالنت ...
هذه عصابات إلكترونيه اكثرها في نيجيريا وتصطاد المغفلين .
الهند وباكستان بكثرة
دول افريقيا وآسيا
ودول المغرب والجزائر وتونس وليبيا
ودول أمريكا الجنوبية
نفس القصة رادت تصير وياي هم دخلتلي بنية من لندن اسمهة ايليا هم نفس الاسلوب أستخدمت وياي بس منصة اسمهة ( سدويب) و انطتني حسابهة تكلي ساعدني اشتغل وياي لان ماعندي وقت اشتغل و يومين اشتغل وياهة كل يوم تنطيني 10 دولار على ساس مكافئة لان ساعدتهة بس ثالث يوم ما انطتني مكافئة كتلهة ليش كالت بعد انتة اشتغل سوي حساب بالمنصة و اشتغل و عندك 20 دولار كافيات ف سويت حساب و بديت اشتغل و صارن 27 دولار و بدة الموقع يطلب مني اشحن حتى اكمل المهمات ف عفتة و سحبت نفسي لان دريت تقفيص كلت خل تروح ال20 دولار
ولا اودع فلوس من جيبي
انت واعي تعرف تقفيص المنصات
اني هم دخلتلي بنيه بنفس الصيغة على التيك توك وحضرت حسابها 😂
نفس السالفة صارت معايا وخسرت 1300$
الله يوفقك هذا الولد طيب رغم الخساره يضحك ويقدم نصيحه ..الله يوفقك .
*هواي يدخلون يمي للخاص يكولون نحن نحب ان ندعم الاشخاص الناجحين وانت حسابك مرتب وناجح و نريد ندعمك و نقدملك ارباح ، انا استدرجهم حتى اخذ منهم كلام يكلولي ادخل على الاعدادات روح لهذه الخانة اضغط كذا و ارسلي رقم التعريف ، وبعدين كلت له انا اشتركت مع شخص أخر بنفس الخطوات ، هو انصدم جان يكلي فالتذهب الى الجحيم 😂*
ههههههههههههه
ذاك اليوم وحده دمرتهة😂😂 كل شوي اطبلهة من حساب عبالهة ما نفتهم
الاخ صاحب القناة المحترم اقترح تسوي رابط تبرعات للشاب المتضرر حتى الناس تساعده كل حسب مقدرته
صح كلامك ❤
بعد ياهو يتبرع يخوي نخاف الرابط يطلع نصب 😂😂
الله يوفقك انت هم اخذ الحذر
المايخطر بالبال يصير😢
اني صارت وياي راسلتني بنيه أمريكية بشخصية ضابط وكالت اني متابعتك واحب اتعرف عليك وبقت تراسلني اسبوع بعدين كالت اريد افاتحك بموضوع سر عندي مليونين ونص دولار أمريكي لكيتهن بالمصارف من جنت بالعراق وما اقدر اوصلهن لأمريكا ومالكيت غيرك اثق بي بس اريد تدزلي مستمسكاتك والرقم السري للماستر كارد مالتك طبعا جماعتي كالو يلله هاي فرصه اني خفت وانطيتهه حظر وحذفت كل شي
نفس زوجي حتى جانت دز صور جنط فلوس دولارات وزوجي مصدك بعدين كالت الا انته تدفع فلوس التحويل وتركها😂
احسنت
اكو تبرعات وهميه للاميرات السعوديه ولسعد البزاز..وبعدين يردون 450 تنطي المصرف ..واذا كلت ماعندي يحضروك.بحجه يساعدون الفقراء...وين الرقابه
بس اسمها
@@msm_4R والله صدك بس نسيت اسمها يعني مواصفات فول شقراء
خير الناس من نفع الناس،،كلها اجر في ميزان حسناتك،،وفقك الله ورفع قدرك اخ مهند صالح،،ادعيلك،بالخير
امين يارب العالمين
يجزيك الله بالخير اخ مهند،،،والله احتيالات،تمرد القلب
🌹🌹👆
الف رحمه الوالديك
والله عمي اني تعبت من مجريات هذه القصة ساعد الله هذا الرجل المنكوب.
ربي يحفظكم
@@mohanad_saleh ويحفظكم يارب.
@@mohanad_saleh
ممكن تشوف هذوله الي ينشرون على يعطونك شهاده محترف فيها وتستطيع الدوام فيها بالجامعه
الحمدلله عدت ع خير ورجعت احسن من قبل
عسى ان تكرهه شئ وهوه خيرا لكم وعسى ان تحبو شيء وهوه شرا لكم
@@اميرعواد-س5غ يعني انت صاحب القصة كان الله بعونك وسدد دينك .
زين انت شلون صدگت قضية انتهت بسرعة ؟؟!! القضايا عندهم تطول سنين ؟؟! واضح انها شركة نصب واحتيال تابعة للنصابة الاولى؟؟!!!
شكرا للاخ امير والمقدم البرنامج انسان محترم حب يقدم خدمه ورساله واكله الف رحمه على والديك يا امير والله يعينك على التفكير والسهر والانتظار الله يعوض وكل شىء خلص وابدا من جديد المهم خلصت
اكثروا من الصلاة الابراهيمية
أللهم صل وبارك على محمد وعلى آل محمد كما صليت و باركت على إبراهيم وعلى آل إبراهيم إنك حميد مجيد ❤
اللهم صلى على محمد وال محمد
اللهم صل على محمد وال محمد
اللهم صلى على محمد وآل محمد وعجل فرجهم ولعن عدوهم من الأولين والآخرين
الله يبارك بيك وبجهودك ويرحم أمواتك برحمته الواسعة - لو بس واحد يستفيد من هذي التحذيرات ويخلص من النصب فكأنما انقذت حياته وشكبرها عد رب العالمين - ومن المؤكد أنه عدد المستفيدين اكثر - والله يبارك بيك وبعملك الصالح
تحية لك استاذنا الفاضل على برامجك التوعوية الهادفة جزاك الله خيرا استمر اخي الكريم 🌹
ربي يحفظكم
اللهم صل على محمد وال محمد اللهم عجل لوليك الفرج
بارك الله فيك استاذ مهند ورحم الله والديك ، ربي يعوض هذا الشاب صاحب هذه المشكلة
اللهم بحق العزيز المصطفى تعوض هذا الشاب / وابعد عنا اولاد الحرام يارب 🤲
عاشت ايدك اخ مهند على هاي القناة التوعية تحتاح بهذا الوقت ❤❤❤
بارك الله بيكم على توعية الناس
لن يحمينا الا الله والحل الوحيد الرجوع الى الله...والله خير حافظ
والله العظيم نفس البنيه ونفس السالفه صارت وياي خسرت اكثر من ٣٠ ورقه هاي قبل ٧اشهر نفس الشغله حرفيا
ولو ما واحد ينصحني ويكلي اوكف والعوض على الله جان نفس العينتين
چا شتريد بعد قاطتك ب٣٠ورقه 😂
آنه كلما يجيني رقم عالواتساب دولي مباشره أحضرة
ليش هيج بسرعه اصدكون والله حرامات .٣٠ ورقه مو قليله لا وهي من غير بلد .هي الناس المنك وبيك صايره اتخوف مو امريكيه بعد ..قبل فتره جيرانه متعرف على ابنيه سوريه على اساس علاقة حب ٥ اشهر هو متزوج وراح ازوجها بالسر بدون علم زوجته .تالي نصبت علي وسرقة فلوسه وشردت وطلعت عدها علاقه وي واحد سوري
صدك تحجين @@امونه-ف7ل
@@allawisdiary2245 اي نعم
عاشت ايدك أستاذ مهند واحسنت استمر يا بطل وجزاك الله خير الجزاء برنامج توعية المجتمع ونسأل الله سبحانه وتعالى أن يعوض الشاب أمير بكل خير اللهم امين يارب العالمين وصلى الله على سيدنا وحبيبنا وشفيعنا محمد وعلى آله وصحبه وسلم تسليماً كثيراً مع تحياتي لكم وبالتوفيق للجميع أن شاء الله تعالى أخوكم من بغداد
استاذ مهند اريد تحجيلنه على الشغل من البيت والارباح الخياليه اللي يحصلوها... معقوله هاي
كلها كلاوات صدكني
اكوشغل وبي ارباح هواي لكن مو من البيت
اكوشغل وبي ارباح هواي لكن مو من البيت
السلام عليكم
في رواية منقولة اللي يخاف يحتال عليه او احتالو عليه يسبح هذه التسبيحة،
،وافوض امري الى الله ان الله بصير بالعباد،🎉
احسنت استاذ مهند شكرا لهذه البرامج التوعوية ❤
واريد انطي نصيحة هم جديدة عن غير موضوع... واللي يريد يشتري سيارة وارد امريكي.. ليدخل مزاد الكتروني.. ولاينطي وينطي ولاااا فلس. عود يكلولك. الشحن والتصليح في دبي... لان راح تدفع اعدال سعرهه في العراق... اتريد... اشتريهه منا من العراق. كامله وامصلحه وبيهه رقم.. احنه صار بينه مثل هذا الرجال. حاليا مطلوبين قرض. 20 مليون. ومديونين للناس 20 مليون علمود سيارة كل سعرهه 15 مليون فقط. بس تم النصب علينه. وحسبي الله على اللي نصب علينه. لذلك انتبهو. وارد امريكي من العراق اشترو مو من الخارج.
ليش أكو عالم بالاردن ثقه دائما يدزون سيارات وارد وهيبرد وعادي ليش تعمم
الله يرحم والديك انت انسان شريف وطيب اسال الله يوفقك
بارك الله فيك وجزاك الله خيرا اخي العزيز مهند صالح المحترم الطيب على توعية الناس حتى ينتبهو من هائولاء ٥٦❤❤🎉🎉🎉❤❤
صارت وية صديقي وحذرته منها ..بس الطمع هو راس الأفعى.. تالي انطلب ١٦٠٠ دولار ولوما الح عليه يبطل جان دفع فوكاهن ٢٠٠٠ دولار.. اخوان ماكو فلوس حلال تجي بدون تعب والله العظيم
احسنت
نصيحة اخويه لا تشتغلون ويه ناس ما تعرفوهم الا اذا عدهم مكتب و ناس حقيقيين ابد لا تامنون لمحد حتى لو الراتب او الربح ١٠.٠٠٠$
عاشت ايدك على النصيحه
وحفظك الله... وفي ميزان حسناتك
❤❤❤❤ أستمر حتى تتعلم الناس بآرك الله فيك اخي
ربي يحفظكم
صارت وياي نفس الشي ونفس الموقع مال مهمات
ههههه مرة صارت وي اخوي، نفس الخطوات الاولى، بس اخوي ربح يمكن بس ٦٠٠٠ دينار
بعدين طلبوا منه يشحن
هو ضربهم بوري گال الهم اكتفيت بعد ما اريد هههه
عاد اني اخذت الرقم من اخوي وتواصلت وياهم كلت بلكي احصلي هبرة منهم
ما قبلوا ينطوني 😂😂😂
يمكن هسه محتارين بتجميع ال٦٠٠٠
بارك اللّٰه بيك على هاي توعية
لا إله إلا الله اللهم استرنا فوق الارض وسترنا تحت الارض وسترنا يوم العرض
اعوذ بالله من غضب الله استغفر الله العظيم واتوب اليه صلوا على محمد وال محمد -=-==-=-=-
المثل يقول ،،،المرأ لاينلدغ من جحره مرتين،،،،للتصحيح فقط،،،،
الاخ ملدوغ ب(٦٩) ورقة....ويكَول المؤمن لايلدغ مرتين....خوية انت غير ايدك صايرة (منخل)😂😂😂
الله يحفظكم.❤
خطيه الله يعوضك يا رب😢❤
اخذوها قاعده بالسوق كل ربح يأتي سريعا يذهب سريعا ،،يعني معقوله انت خلال هذه الفتره القصيره تربح اكثر من 50% ،،كان الناس كلها بطلت عمل واشتغلت بمثل هكذا اعمال ،،بسم الله الرحمن الرحيم ولا تؤتوا السفهاء اموالكم صدق الله العلي العظيم ،،كلامي بصوره عامه ونصيحه للجميع لان هاي اموالكم وتعبتوا لحد ماجمعتوها وايضا اموال اهلكم الي تعبوا عليكم ف يا اخوانا الاعزاء الحذر ثم الحذر من مواقع التواصل يلي تغري الشخص بالارباح المشبوهه والسريع واستفادو من التواصل الاجتماعي بكيفية تعلم حرفه او صنعه او مهنه محترمه لكسب المال ،،،والحمد لله رب العالمين والصلاة والسلام على سيد المرسلين وخاتم النبين محمد صل الله عليه وعلى اله وصحبه وسلم
حبييي اكو منصات هاي مال استثمار بس،اكو مشاريع حقيقيه تكدر تسفاد منه أإأذأإأ تحب راسلني
احسنت النشر بارك الله بيك استمر حبيبي مبدع ❤
ربي يحفظكم نورتووو
بارك الله بيك. والف رحمه لوالديك..
للأسف هنالك بعض الناس ممن يصدقون بمسائل الأنترنت والمغريات الكاذبة التي تصادفهم والتي هي عبارة عن برامج نصب وإحتيال ، ننصح الجميع بعدم تصديق هؤلاء وعدم فتح الروابط الغريبة
هاي قبل أشهر
هماتين نفس الموضوع بس يمكن 40 مرحله
كلتله اي وقت يطلبون منك $$$ اتجاهلهم وانسه الموضوع اخذ الكلام الحمد لله وتخلص من مشكلت كبرى…
احسنت
الحمد الله وشكر طبولي هواي من هيج نماذج 56 نصب وحتيال فورا احضرهم وتخلص منهم لان اعرفهم نصب وحتيال
دخيلك يارب سترنا دنيا واخره ..وعينك ربي علينا ديره وكفنا شر .الانس وجن يالله
وحق القرأن نفس القصه صارت وياي. هم وحده اجنبيه من امريكا وعلاقه حب وكذا وكالتلي اريد اجي للعراق وخليك الدليل مالتي وبعدين دزتلي الرابط بس من البدايه عرفتهه تقفيص وكتلهه انتي قفاصه. وحظرتهه
الف رحمه على والديك على هذا المقطع والتوضيح
يشهدالله دخلو عليه والوليد عدنه أموال مجمده ونريد نجي للعراق وانت انسان محضوض ونريد انسلمهه الك وعندي كل الادله والمراسلات بس الله الحافظ سحبت نفسي واعطيتها حظر
اووو شكد دخلولي بنات بس اشوفها اسمها وشكلها اوربي قبل متكمل احضرها
ربي يحفظكم
حسبي الله ونعم آلوكيل عليهم 😢 الله يعوضك بالأحسن إنشاء الله يارب
حتى انا اتصلت عليه بنت من ماليزيا و وقعت في هذا الفخ و بالاخير طلبوا متي اموال رسوم التأخير و عفت كل شي بعد الخساره لكن نفس كلام البنت و نفس التصرف في التعامل الله يلعنه الى يوم الدين 😢😢😢
انا مني واحد الناس لا أشتغل ولا أمشي بطريق مظلمة.
ولا اتعامل مع شخص لا يعرفني ولا اعرفه
انا احب انا اتعامل على المكشوف.
اشتغل خفيف نظيف
لا انام بين القبور
ولا ارى منامات وحشة
وما ظلمناهم و
كانو لانفسهم يظلمون....الله انطانه عقل لنفكر...كيف تثق بنصراني
صحيح والله صارت ويايه اكثر من ثلاث مرات ومن توصل لهيج موظوع احضرها ومن تسأل مااجاوب صح انطي معلومات خاطئه هي تسأل بخصوص عمل واني اجاوبها شلابسه عندج علاقه تردين نرتبط بعلاقه وهيج امور لما اخليها تطفر😂
هاي قبل سنتين صارت بيه نفس السالفة مع كل الاسف وربك اباخر لحضه البنك لاني عايش ابرطانيا شافو حركة غير طبيعيه وبرغم كل التنبيهات الي كمة مثل المجنون بس ادوس واعبرهن واخابر قفلو احسابي عاد اتواصل وياية البنك واحد مختص سؤال جواب حصرني كتيت الاول والاخر من كثر الستريس والقهر والدتي هستوه انطتكم عمرها صرت مثل الطفل وضليت بس ابجي كلمة وحدة بعد ما كامت تطلع من عندي سمعتني مرتي والرجال على الخط ايهدي بيه قالي هذولة نصابين ومحتالين ومع الاسف افلوسك راحن الي اندزن هذني الي سويت بيهن تحويل راح ارجعهن للحساب ربك الفلوس الي هينة اخر شي جانت افلوس ذهب المرة رهنت لان همات عبالي بس ارجعهن واولاد الحرام اشكد اتوسلت اشكد حاولت ايرجعون جزء من الدفتر ما رجعو وما رجعهون
ابصراحة حلقة توعوية وانشالله توصل للكل
مع احترامي للأخ امير مافكر شويه وراجع نفسه خصوصا هو يتعامل مع عالم وهمي بلا أساس قانوني او اخلاقي . للعلم انا شخصياً تعرضت الى أكثر من ٥ محاولات للنصب لكن الله خلصني قبل الورطه .. الله يعوضك أخويه
ربي يحفظكم هاي الناس متعرف لان مسامعين قصص نصب
السلام عليكم عمو فدوهة احجلينا عن التعيين بشهادة الثالث و هل بي مستقبل يعني اني السنه الجاية بأذن الله تعالى بالثالث و اريد اصير معلمة يگولون يصير من الثالث وادخل معهد ف فدوهة عمو احجيلنا ع الاجراءات و اشرحنا كلشي
بارك الله بيك ياطيب الاصل ❤❤
اللهم صل علئ محمد وال محمد. الطيبن. الطاهرين. انكه حميد مجيب. يا الله 💙💚💙💚💙💚💙💚💙💚💙💚💙💚💙💚💙💚💙💚
قسم بالله العظيم قبل ٤ ايام طبتلي وحده ع خاص مال تيك توك ونفس الكلام الي انحجه بالفيديو وكبل حضرتها
ستاذ مهند اني عندي اقوه من هاي هم سالفه تداول ونصب عليه ب 1200 دولار يشهد الله وتمنى اتواصل وياك حته نبه العالم وحجي قصتي وصارت هواي تفاصيل
t.me/mohanan_saleh
اشترك بالقناة راح تلكة تعليق مثبت راسلني علية
وعلي نفس الي صار بيه واني رقمي محد يعرفه رقمي بس اني كتله لا ماريد شغل كلي راح اصيرين عندج افلوس وتتمنين كلشي تشترينه وبقه يتوسل كبل حظرته ❤خلي يولون كلها قفاصه اني اهلي ماثق بيهم انوب اله غريب 😂😂😂😂😂😂❤
والله يا اخ مهند. هواي تمر عليه مثل هاي الامور بس صدكني اضل اتسلى وياهم فترة وبعدين احضرهم
ربي يحفضكم
الله يحفضكم بحق محمد وال محمد وسلم وعجل فرجهم الشريف احسنتم اخي العزيز الغالي ❤
لا حول ولا قوة الا بالله العلي العظيم. قبل ٤ ايام خابروني والله بقوا يحجون وياي و سويت نفسي اجي وياهم للدرب و بعدين اكله عيد الكلام بلا زحمه عليك ما افتهمت. وره ما خبلتهم. كتلهم لا ما احب الفلوس تسوي الإنسان متكبر.😂😂😂
بارك الله فيك
تحياتي لك استاذ مهند وربي يحفظك
طبعا هسه عرفت شنو غاية الاتصال الاجاني من بنت رايتك تستفاد وهم اجنبيه وعفتها وكتلها اني كلشي مااعرف شلون هاي الشغالات .كالت اني أعلمك كتهله اتعبج اني دجه لواظلين سنه كامله تشرحين مااعرف . وصدك اني دجه بالموبايل وحتى إذا اعرف ادري بيهم نصابه لأن ماكو شخص ينطي فلوس ابلاش. هاي قبل يومين مو اكثر
الله يعوضه بحق محمد وال بيت محمد الله لا يوفقهم رحم الله والديك مهند❤
ولله عمي لله ينطيك الصحه والعافيه ❤استاذ مهند الغالي❤
خطيا والله الولد لا من ساحب الفلوس ولا مخلي الحجية تروح للعمرة
الله يعوظه
صارت بيه و لا اليضحك رقم يمني و تكول اني من لندن😂😂😂😂😂
هههه شلون صارت هاي
اني سنغافورية والرقم المملكة المتحدة السعودية 😂
عاشت ايدك على هاي النصيحة❤❤
طبعا صدك هذا الكلام لأن اني والله شكد تجيني رسائل ع الواتساب دوخوني منين يعرفون رقمي وكله تجيني ارقام من باكستان ومن الهند راسن انطيهم حظر لان اخاف 😂 خو مره وحده امريكيه على ماسنجر كالتلي اكو واحد يشبه اسم عائلتك ميت وعايف اموال طائله وماعنده وريث راح اسةيك انت الوريث ونتقاسم الأموال كتله تدللين گبل سويتله بلوك بطعم اليمون هههههه والله العظيم حقيقه قفاصه 😂
حسبنا الله ونعم الوكيل بيهم هذه عصابة من دول شرق اسيا تسوي منصات وهميه ربحيه وهميه للنصب والاحتيال صارت وياي وخسرت منهم كنت مااعرف شنو هذه منصات ولااعرف شنو okx ولااحد رشدني وكلي اوكف ماجنت اعرف بحثت عن الموضوع مالكيت شيء باليوتيوب عسبالي اكو هيج ارباح حقيقية وراحن الفلوس ونغلقت المنصة وضليت مطلوب دين
شكد الفلوس
يمكن تلاثين مرة دزولي هيجي موضوع بكل المواقع احظرهم اخوان اي رقم غريب يدك عليكم لتفتحون الخط بكل المواقع
شكرا استاذ مهند على هل فيديو المفيد
خطيه والله انقهرت عليه الله يعوضه بحق محمد وال محمد
ماعرف أبجي لو اضحك 😂😂😂😂
صارت وياي 😂 ههه وتالي من شفت اني ما انغلب حظرتني 😂
الله يرحم والديك والله ينقذك مثل ما نقذتني من هاي المصيبه حجي هاي دخلتلي وسحب فلوس ولله اليوم رد اسوي مثل ماطلبت منعدي وسبحان الله وانت طلعت كبالي واذا تريد دزلك الرسائل وصور
بارك الله بيك اخي الكريم مهدي الله يحفضك
حسبيا الله على هيج شركات وهميه والله انا مثل حال الاخ هم شفت اعلان على الانستا وكبل حولني على الواتساب وهم نفس شرح الاخ بس الشركه بدون برنامج رابط على الكوكل والشركه اسمها سينما وهم انجز مهام اول مهمه صرفت 5 دولار وربحت 10 دولار وغرني هل اموال وبقيت انجز لما وصلت 700دولار وغلقو شركتهم من عندي وقفصو علي حسبيا الله عليهم
يبين الاخ جدا ذكي عقله عقل أنشتاين المفروض تستعمل عقلك من اول لحظه
بارك الله بيك ياطيب تحياتي لك
والله صح اني كم مرة تدخل علية ارقام دولية ويرسلون رسائل
اني رئساً احضر الرقم
ربي استر علينة بحق محمد وال محمد امين يارب العالمين
رحمها والديكم وآلله صار كم يوم وحده لزكه بيه على واتساب هم أجنبيه الحمدالله شفته مقطع هسه راح احظره
استاذ مهند اني اجتني رساله من الواتساب. نفس هذا الولد. كالولي انوفر عمل ونتي في البيت. والرقم اجاي يتصل عليه من بنكلادش. كتلهم شكرا اني ممحتاجه العمل. لان اني خاليا. موظفه. الحمد لله ماوكعت بلمصيده❤
احسنت النشر!
يعني احنا ب2025 وبعدهم يصدكون بهاي الشغلات 😮😮😮😮
اني هم صارت وياي وحده اعتقد عراقيه بس ساكنه بأمريكا دخلتلي خاص وكالت اكو شخص هنا بأمريكا وعنده فلوس ماذكر شكد كالتلي لفلوس بس هوايه وهوه متوفي وفلوسه بالبنك وماكدر اسحبهن اله شخص عراقي يساعدني علساس من كرايبه كتلها اي عادي شنو المطلوب مني واني اعرفها جذابه بس اريد اشوف وين توصل كالت محتاجه الماستر كارد مالتك يعني الرقم والرمز ومدري شنو ولازم بي فلوس حته اقل شي 10 ورقات كتلها اي دللي بس ثواني وطكيتها بحظر وماعرف وين راحت بعد ههههههههه
استاذ مهند برنامج سنتات هم نفس الطگه بلكي ترد عليه
الله يساعد هاذ الرجال
والله العظيم استاذ مهند صارلي نفس الموضوع اتصالات دولية من بنات دخلت عليه نفس الموضوع انت رجل طيب وكذا بس آني الله الهمني بعدم الرد وكل مسج منها تطلب رقمي عالواتساب بس آني ابد مجاريها ولا رديت عليها تقولي هي كاعدة بلندن وكذا بس ابد مارديت و وحدة ثانية من ماليزيا و وحدة ثالثة من كوريا يمكن بس ابد مارديت ولا أعطيت رقمي خصوصا اجت معلومات ان الواتساب يمكن اختراق وجزاك الله الف خير استاذ مهند انت وصاحب القصة
هههه اني هم صارت ويايه نفس البنيه الله شاهد بس لعبت نفسها 😂 متدري بيه شرطي قديم اوكلهن طاكات جوايه
شكد اخذت منك ياشرطي ههههه
راسلتني بنية على الماسنجر فهمتني عندها ورث من زوجها يقدر بثروة طاىلة وكبيرة وتريد ان تتبرع بها كبناء دور للايتام وغيرها وكما كانت تكتب برسائلها انني الرجل المناسب لهذه المهمة 😂😂😂 وتم حظرها بامتياز
اخواني لاتغركم الغرور النصب والاحتيال عالمي قبل ان يكون محلي وتحياتي لكم ولصاحب البرنامج المحترم
ماشاء الله اموري شكثر زوج وكچه ،،مره طرحته زوج وظحكة عليه
🌹