مئة وخمسون من أطفالي ماتوا | بودكاست قصص.
ฝัง
- เผยแพร่เมื่อ 1 ต.ค. 2024
- الفائزة بجائزة صُنًاع الأمل 2024 تروي لجمال الملا قصتها مع أطفالها من محاربي السرطان ومتلازمة داون ورحلتها الطويلة معهم وهي تقاسمهم الم فراق الحياة.. أعطتهم الأمل وأعطوها هم الحياة. كيف عاشت معهم هذه التجربة الصعبة وما هي الصعوبات التي واجهتها لتؤسس أكاديمية المحاربين.. وما قصة التغريدة التي لن تنساها؟ وما قصة زيارة رئيس الوزراء العراقي الأسبق للأكاديمية.. تاله الخليل في حلقة جديدة من بودكاست قصص.
00:09 لم أشارك من أجل التكريم
01:08 فقدت شخصية عزيزة علي بسبب مرض السرطان فبدأت بالتطوع وعمري 16 سنة
02:15 أكثر جملة ظلت في رأسي لما يصحوني نصف الليل ويقول لي أنا خائف فانا كنت لهم الأمان
03:30 في اخر مرحلة بحياتهم أعطيهم الحلويات وبعدها يفارقون الحياة
04:36 أطفال ذوي الهمم في العراق مسلوب منهم الألعاب والتعليم والصديق يتعرضون للتنمر والاعتداء
05:02 بدايتي كانت مع أطفال ذوي الهمم وكنت أدور عليهم في الشارع
06:14 كل ما يتوفى طفل أطلب من الله أن يريني رؤية.
06:46 أنا أم لكل الطوائف والأديان
07:22 السرطان يعلمك الإيمان ويقربك من الله
08:12 محور الدين الأساسي هو التكاتف والتعاون
09:04 عرفت قيمة الحياة الحقيقية وقيمة نفسي
10:12 لما تدخل في عمق الحياة لا تقتنع باي شيء اخر
11:06 وفاة أكبر أبنائي (حسين) أول طفل تعرفت عليه
12:58 كثرت الأزمات في العالم تولد نقص في مسؤولياتنا
14:35 أنت تمنحين الأطفال كل شيء أنت من يمنحك هذه الأشياء؟
15:51 الأطفال الأكبر من الصم والبكم هم سندي في الحياة
16:27 كيف تتعاملين مع شخص بعمرك وأنت ام؟
18:06 تركت مجال الصيدلة ودرست الإعاقة
18:36 كيف تمولين نفسك؟
19:45 كيف تقضين حياتك الطبيعية وتعيشين يومك
20:45 لا أقبل هدية من أي فرد، ولكن أقبل الدعم الرسمي
22:22 وجود رئيس الوزراء بين الأطفال يشكل قيمة معنوية كبيرة لهم
23:36 أول مره في حياتي اسمح بالتبرع
24:22 لازم أبني بيت آمن ومستمر للأطفال
25:18 انفصلت من الجامعه
26:06 غرد أحد السياسيين (تالا الخليل تفقد عقلها و تلتحق بقافلة المجانين)
27:25 أحد السياسيين دخل الأكاديمية وطلب توزيع هدايا فطلبت منه قفل الكاميرات
28:09 لن أسمح بأن يكون أطفالي وسيلة
30:05 أول لحظة أمسكت فيها الكأس جاء في بالي احمد وحسين وتبارك لأنهم كانوا يتمنون مشاركتي
هذه المفروض تشتهر وتطلع ترند ونشجع على هيج امور ...مو شكالت اشتي وشكال حسحس وفهد وشهد شسوو 😢...اللهم غير سوء حالنا الى حسن حالك
اي والله هاي تمثل شرف العراقيين
اي والله والهضيمه بالعراق محد ذكرها ومحد كرمها بس بالإمارات شلون قدروها وانطوها حقها ولهذا السبب كل بلدان العالم تتطور لان تهتم بالنجاحات اما العراق يتراجع الى الوراء لان يهتم بالتفاهات
حبيبتي بل حقيقه شي ثاني وبس جذب اصلا هيه ما تجي تشوفهم
@@nabanabo2990 روحي ذبي سمّج بمكان ثاني حبيبتي 🤍🤍🤍
@@nabanabo2990 شلون عرفتي ماتجي تشوفهم ...مثلا عندج اقارب هناك لو هذا مجرد كلام
إني شكد فخور عدنا هيج أبنية عظيمة ❤😍
تالا أتمنى أكون مثلج 🙏🏼🤍✨
بطل تنتقد المعاقين وبعدين صير نفسها
@@NnnHhhh-xg6kf شوكت منتقد؟
@@NnnHhhh-xg6kfليش اش سوا خطيه
حرفيًا: تالا أتمنى أكون مثلج بهل شي
@@NnnHhhh-xg6kf عيب تقوليني كلام اني ما حاجي
هذه المراءة تستحق جائزة نوبل للسلام.
المرأه
بالحقيقة.. "نوبل يستحق جائزة تالا للسلام"
فعلاااا
@@user-oi5jg5ug1y صح ...اي ؤلله
@@user-oi5jg5ug1yمافهمت يعني شلون؟
حقها لوتمنت التكريم ببلدها لان الأولى يكون التكريم في العراق وحقيقة هذا التكريم عرفنا بهذه الشخصية المؤثرة والفاعلة الله يحفظها وان شاء الله تكون اعمالها في ميزان حسناتها.
فعلا لو لا التگريم لما سُلط الضوء ع تالا رغم الشيء الخيري إللي دتقدمه ولكن القليل من الناس كان يعرفها ويعرف الشي إللي قدمته وأني كنت متابعة لها ع حسابها ع انستا كانت تشارك فيه مقاطع للأطفال المُحاربين وشلون كل مرة تفقد بيه شخص منهم 😢 وللأسف المفروض هيج شخصيات أمثال تالا تكون قدوة في المجتمع وهيَ غيرت نظرات هواي عالم عن هذول الأطفال وصارو يتعاملون وياهم بلطف أكثر وأني اليوم أختي هيَ من مُتلازمة داون وأفتخر بهالشي واعتبرها روحي وكُلشي بالدنيا حتى أول أيام ولادتها أني تعلقت بيها ووقت أخذوها للمستشفى وكانت بصحة سيئة وكانت راح تموت كنت الزم ملابسها واشم فيهم وابجي وادعي ترجع بسلامة رغم هاي أول أيام إلها ويانة بس تعلقت بيها بسرعة وتمنيت انَّهُ تبقى عايشة ومايصير إلها شيء والف الحمد لله الآن هيَ معنا وعمرها صار أربع سنوات واحلى شيء صار هيَ بالنسبة إلي ❤.
صراحة تالا معروفه قبل التكريم ببلدها وخصوصاً بمدينتها
تره معروفه جداً حتى بكأس الخليج خلولها الدولة بصمة
@@zain-ff1999fyما سامع بيهه
كلام غير صحيح هي بسبب الحكومة المحلية أسست مدرسة المحاربين وسووا الناشطين حفلة تخرج اله وهي طلعت ع السطح البصرة كله دعمته بس للاسف ناكرة جميل وتكدر تتأكد من حفلة تخرج اطفال المحاربين
فتاة ناضجة اكبر من عمرها يعجز اللسان عن وصفها ادعوا الله ان يحفظها ويرزقها ويعطيها على گد نيتها
هي عده ولد متوفي
@@رحمتكيارب-ذ6علا هي مامتزوجه هي تقصد الاولاد الي ربتهم
فخورين بيچ كعراقيين هواية
الكثير من النساء العراقيات نفتخر بهم وانتِ الان من ضمن قائمتهم ❤️🔥🇮🇶.
تالة هي نخلة صغيرة لكنها شامخة بشموخ نخيل دجلة والفرات وشط العرب . رفتي راس العراق والعراقيين .. بوركتِ❤❤❤
والله صحيح
يعني تالا طفلة بس تملك عقل وروح ومنطق وتفكير وتخطيط وحنان ناس تعيش 70 و80 سنة ماتملك جزء ولو بسيط منه. والاعلام العراقي مشغول بالتافهات والتافهين بدلا من تسليط الضوء على تالا وامثالها وانجازاتهم. بوركت جهودك ياابنتي وبورك مسعاك 🙏♥️
3:46مجرد كلام وبچيت ونقهرت شلون هيا عاشت الموقف ياالله كم انتِ تالا قوية فخورين بيج ياروحي ❤
منو يتمنى يصير مثلها بس ميعرف شلون ؟؟!
أنا واالله😢
@@جوهرهرشاويانا والله
اكو اهواي طرق .. افضلها انج تكملين دراستج و تتوضفين و تدعميها لانهه لربما امكانياتها بتحمل هلمسؤوليه اقوى من امكانياتج ( النفسيه و الجسديه و العقليه ) فدعمها ماديا جيد جدا لو بدر منج.
او تصيرين خريجه اختصاص طبي و تشتغلين بلمستشفى و تساعديهم
بس هلاحلام بعيده شويه فبلشي ويه نفسج و عيشي يومج صح و خلي هدف تلاحقيه و تكونين حريصه على تحقيقه و ان شاء الله توصلين لمكانتها و لربما تصيرين اعظم منها
انا
اللهم كثر من هشام الذهبي وتالا خليل لأنهم رحمه ومشروع عظيم للمجتمع
وسيف عباس كطوف اذا كنت ماتعرفه
وعلي عذاب لا تنسوا@@alaahasan6539
وحمزة عيسى
وعلي عذاب كلهم الله يحفظهم
@@JasminflowerFafa
حمزة عيسى نصاب
هذي الانسانة صح مؤثرة
لما تعيش او تشوف الابتلاءات تصبح تؤمن ان لا ملجا ولا مفر الا لله ووتصير تقدر وتستشعر النعم التي عندنا وحوالينا
بارك الله بالاهل الي عرفوا يربون تربية صالحة وانتجت هاي الانسانة البطلة العراقية القدوة
اخلاق وثقافة وحوار وادب وايمان
ربنا يبارك بيك ويكثر من امثالك العراق محتاج هيج جيل
مابطلت دموووع طووول اللقاء😢 اكثر شخص حسيت بكلامها لأن ابني عمره 8 سنوات فقد نظره بسبب الكانسر😭 ..ربي يوفقك منك نستمد القوه تالا بنت ولايتي🌷
شنو كانسر بلازحمه😢
@@7mwdy9a36hmسرطان بس بالانكليزي اسمه سرطان عافنا الله وياكم ويشافي كل مريض 🙏🏻
@@7mwdy9a36hmسرطان
الله يرد بصره ويعافيه ويعطيكم الصبر على البلاء
انت حقا امراة قوية لانو النجاح ليس ان توفر لك جميع الفرص وتبقى تصعد بل النجاح هو ان تستطيع العيش والاستمرار رغم اللابتلاءات
@@7mwdy9a36hm مرض السرطان
أملنا كبير بمستقبل مشرق في العراق مادام في أكثر من نموذج إنساني حر مخلص معطاء شكرا لكل من عمل صالحا و رحم من في الأرض
شكرا للإمارات حكومة و شعبا لإنها الخيمة المعطاء التي جمعت العرب فأعانت و سندت بمبادراتها الفريدة من نوعها
أسئلة مقدم البودكاست ذكية ولطيفة 💕
تالا من القدوات بـ بلدنا 🇮🇶 الله يحفظها
اول مرة اكمل بودكاست نفس هيج كلامها جداً جميل والجواب مناسب للسؤال فخورين بيچ هوايي 🤎🤎
نظرات المقدم لتالا عبارة عن فخر تالا أنتِ ملاك مو انسان 😢
فعلا عراقيه مسلمه اصيله تستحقين منا الدعاء والاحترام والتقدير ونفتخر فيك ابنتنا البطله الصوره الرائعه .بوركتي بوركت جهودك وحفظك الله ورعاك انت واطفالك .كل ماقدمتيه في ميزان حسناتك .واتمنى العراقيين بالسوشل ميديا يسلطون الأضواء على تالا البطله وأمثالها ويبعدون عن الشاذات وأمثالهم اللي دمرو سمعة العراق. والذين لا يمثلون المراه العراقيه الاصيله التي دائما كانت وعلى طوال التاريخ رمز للمراه العربيه الاصيله .مليااااار تحيه لك يا بطلتنا تالا ونتمنى لك التوفيق وتحقيق كل ماتتمنينه لك ولابنائك .❤
اتمنى من رئيس الوزراء السوداني انو تالا خليل وهشام الذهبي ان يجعلو من ضمن برنامجة الحكومي لان هولاء الامل
البصره...
ينكشف وجه أهلها الحقيقي...
الطيبون...المسالمون... الكرماء...
تاله... هي حقيقة الشعب العراقي...
تحيا البصره...
يحيا العراق...
الف الحمدلله
العراق ملتيهين يكرمون بلمشاهير إلي محتواهم هابط ومحد يعرفهم كل يوم جائزه بس تالا لانوو مؤثره ومحتواه إنساني محد يهتمله💔
اذكر من شفتك في بطولة الخليج وكنت هناك فعالية لذوي الهمم وشفت اهتمامك واحطتك باطفالك عرفت كم انتي انسانه عظيمة وتستحقين ان تعرف قصتك لكل انسان لتكوني مثل كبير لكل انسان احترامنا وتقديرنا لكي ياأنسانه
أَللّهُمَّ كُنْ لِوَلِيِّكَ الْحُجَّةِ بْنِ الحَسَنِ صَلَواتُكَ عَلَيْهِ وَعَلَى آبَائِهِ فِي هذِهِ السَّاعَةِ وَفِي كُلِّ سَاعَةٍ وَلِيًّا وَحَافِظًّا وَقَائِدًا وَنَاصِرًا وَدَلِيلًا وَعَيْنًا حَتَّى تُسْكِنَهُ أَرْضَكَ طَوْعًا وَتُمَتِّعَهُ فِيهَا طَوِيلًا بِرَحمَتِيكَ يَا أَرحَمَ الرحَمِين .. 🤍
تالا خليل ملاك بهيئة أنسانة ..هذه الأنسانه المفروض تتقلد بأفعاله وتصرفاته وثقافتهه وتصير ترند بدل من التفاهات الشاغله التواصل الاجتماعي!!!
حلقة ممتلئة وعي وثقافة وفهم الحياة الحقيقية.
المقدم المحترم جدا واضح متعجب على اخلاق ضيفته الملاك لو خليت لقلبت
هذا إنسانه بمعنى وبجميع الاانسانيه صراحه لايوجد كلام بحق هذا الانسانه. اتمنى لو الشعب العراقي يتصدر وينشر هذ الانسانه العظيمه. احسن. من ماملتهي با اشتي حديد وخطوبته. والعلام العراقي يسلط الضو عليه
بجتني هواي وكسرتني هواي انا فقدت اعز انسانه على قلبي بمرض السرطان وجانت اعز ما املك ولليوم من اشتاقلها ادعي ربي يدزلياه بروية او يطمني عنها وبالفعل تجيني وتطمني عنها اسال الله ان يرحمها ويغفر للجميع
لما تدخل في عمق الحياة ما راح تبدأ تقتنع في اي شيء بالحياة 10:30 👏🏻👏🏻
حرفياً من تشوف تالا والي قدمتة للاطفال والمحاربين والجهد وشلون تخلت عن حياتها حته تسعد الاطفال تتدرك انك ماقدمت شي بهاي الحياة انك ماعندك فائدة بهاي الحياة اذا متفكر بغيرك شكراً تالا انتِ مثال للمرأة بكل العالم مو بس عراقية وعربية ❤
والله صح
جميل جدا انك رأيت قيمتك الحقيقية في صناعة الأمل وليس بالذهاب للسينما.. انتي فعلا مربية فاضلة.. الله يسخر لك زوج صالح وابناء مصلحين يارب..
تالا خليل وهشام الذهبي قدوتي بهاي الحياة اتمنى يجي يوم اسوي نفس انجازاتهم للاطفال حلمي ❤❤😢
❤❤ عاشت الامارات الي وجهت الضوء لأصحاب القضايا الانسانيه وملهمين المجتمعات العربيه ليكونوا قياديين في بلدانهم ❤ تستحق تالا خليل التكريم وبكل جداره ❤❤فخورين بها كعراقيه صابره ومثابره
وتتجسد الملائكه على هيئة بشر!🤍
مثل هذه الشخصيه تستحق الشهره والتقدير والدعم المادي والمعنوي لانها تمثل الانسانيه بمعنى الكلمه
احمد وحسين وتبارك والعراقيين اجمع فخورين بيج انتِ قدوة ونعم القدوة النا اباوع واني عيوني موكفن دموع اي شخص يعرفج ومتابعج اني متأكدة تركتي أثر بداخله وأثر جبير لان اني وحده منهم ام المحاربين وأم الجيل الجاي نحبج هواي 👈🏻👉🏻🤍
حتى لمعه عيونه من بدايه الحلقه حتى النهايه مليانه حنيه واسئل ربي يوفقج ويحفضج ويديمج على فعل الخير وكلنا فخر من نشوف هيج ابنيه عراقيه♥️♥️♥️♥️♥️♥️
والله العظيم ذهلتني بنضوجها وثقافتها وردودها الرائعه ثقتها كلها مغلفة بخجل وانوثه وإيمان لا يقابلها احد مثلها بحياتي .. انا جدااا جدااا فخوره فيها وكل شي عملته هل الملاك ....اتوسل الى ان يشرفني لقائها يوم ما مع الرائع والبطل استاذ هشام الذهبي ..❤❤ فخوره بيكم ورعاكم واثابكم الله
اختنا العراقية فخورين بيج كلش هواية انتي مثال حيّ للانسان العراقي صاحب الجوهر النقي
ححححححرفيا
بارك الله بك يافخر
العراق وفخر العرب
وفخر الإنسانية على
جهودك العظيمة في
مجال الطفولة وحمايتها هذا المجال
الصعب حتى على الأم الحقيقية للطفل
المعوق الواحد فكيف
بك وأنت الفتاة اليافعة وتحت روايتك هذا العدد من
ذوي الهمم بارك الله
بك في الدنيا والآخرة
ونطالب الدولة أن
تنشأ في كل محافظة
مراكز للاهتمام بهذه
الشريحة وتكون الست تالا خليل هي
المشرفة عليها٠٠والله
عيب على دولة مثل
العراق وهي غنية
تفتقد هذا الاهتمام
ويعتبر لزمة وماخذ
عليها من الله ومن
البشرية جمعاء لتقصيرها وصرف
المليارات على امور تافه اتقوا الله يامن
يهمه الأمر ٠٠نداء من
أهل بغداد والعراق٠٠
كلامها أثر بيه وبكيت ماكنت اعرفها من قبل الا لما تكرمت
ادعولي بالشفاء
الله يشافيج ويعافيج ويشافي كل مريض
٣٢ دقيقه دموع فرح وفخر بأعظم انسانه ..اكثر شي اوجع گلبي هو كلامچ عن حسنيه لان چنت متابعه هالتفاصيل وعايشتها وياچ وحسيت بكل حرف حچيتي عنه 💔 فخر البصره انتي
انتي ؤياهاا بالمركز
احلا لقاء تلفزيوني شفته بحياتي 😢
هذه الانسانه نحتاج مثلها ب كل العالم و ان شاء الله تكون هيه سفيرة الامل و الأنسانية في العراق ❤
تالا خير مثال للفتاة العراقية القوية البطلة التي تسموا بمبادئ الخلق والرقي الفكري وتستحق التكريم لكونها لم ولن تستغل عملها للحصول على الشهرة شكرا تالا شكرا لاطفالج الاقوياء ونسئل الله ان يمدك بالصحة ولعافية والعمر المديد
شكد مثقفة شكد طريقة كلامها حلوة و تحس بكل المشاعر إلي صارت وياها الله ينطيها الصحة و العافية و يوفقها❤
زين شلون كملت صيدلة وهي بهل مجال شلون طلعت معدل بسادس ولله ضيم صيدلة حتى سبح بالكوه نلحك من وره متحانات زين هي تعوف البيت ترجع لليل هاي شون ؟؟
ومنيلها مادياا سوت هل مشروع وهي عمرها ١٩ سنه ودكول افتر بسيارتي ادور عليهم؟ ماكو انسان بطل يصير هيج اكيد دعم عدها مادي (فلوس )واهل وياه اكيد منفتحين وعادي عدهم تطلع ....
البنت بتحكي ان البنك بالبصرة اعطوها المبنى و الناس تتبرع
متل هاي البنت اللي لازم تنشهر انتي فخر و قدوة النا كلنا ❤
«إِنَّ اللَّهَ تَعَالَى إِذَا أَحَبَّ عَبْدًا ابْتَلَاهُ» ❤
تجنن الله يحفظها... الشي الوحيد الي استغربتله هي تتذكر كل الاطفال ومابجت الله يرزقني قوتها اني لهاللحظة اتذكر والدي الي توفى بالسرطان وابجي...
ياعيني الف الحمد لله
الله يرحمه ويغفر له ويسكنه فسيح جناته يارب العالمين
@@313llx ياعيوني تسلمين ويرحم موتاج گلبي
كوني قوية وأكثر الناس اللي فقدت ناس تحبهم بهاذا المرض وبغير أمراض وخليج مؤمنه لان بالنهاية كلنا نموت والله يرحم ابنج والله يدخلج الجنه بسببه
@@حرة-ظ8ر ياعيوني اني من الخارج قوية وشايلة مسؤلية جبيرة بس وجع الفقد جبير كلش عليه ودائما اتمناه يكون موجود
@@sarahshyail6620 الله يرحمه ويغفر له واصبري فالحياة فانيه والملتقى بالجنه ان شاء الله
مااكولج شي .بس اكولج انه انتي صحيتي بداخلي انسانه ميته من زمان خليتني ابچي 😢من بعد مافقدت التأثر بأي شي حتى ولو كان حزين
انتي انسانه عظيمه والعظمه لله يارل نشوفج باعلى المراتب .شكرا لانج عراقيه ونفتخر بيج وهنيئا الكم يااهل البصره على هذي الولاده العظيمه.العراق يبقى ولاد حتى ٱخر نفس باذنه تعالى❤
عدد المصابين بهذا المرض كبير بسبب كثرة الحروب ....وفي منطقة شمال العراق اكثر بكثير بعد الأحداث الأخيرة وكثرة القصف والدمار
في جنوب العراق البصره تحديدا اكثر بكثيررر اعداد المصابين بالسرطان بسبب الملوثات الناتجه عن عمليات استخراج النفط المبالغ بيها فوق احتمال الجو واحراق الغازات الناتجه.. اكثر نسبة اصابه بالسرطانات بالعراق هي في البصره تحديداً وازدادت اكثر مؤخرا بسبب ازدياد ابار النفط الغير مدروسه واللي سببها حكومتنا الموقره اللي مايهمها ارواح الناس وتعتبر البصره مجرد صندوق اموال بدون اهتمام لأهلها اللي مامستفادين منها بس الامراض.. جرب تجي من كوردستان العراق للبصره بطيارة ولاحظ الفرق بين السماء عندكم وعندنا..بس توصل للبصره رح تشوف السماء عندنا رماديه مو زرقه وهذا اللون هو دليل على ان الهوا عندنا ملوث والجو مسرطن مو صحي.. ان شاء الله بيوم من الايام نصير مثل كوردستان ونترك حكومة المركز ونسوي اقليم البصره بحكومة بصرية اللي تجيبلنا حقنا منهم ونأمن على حياة اطفالنا واحفادنا بعيد عن حكومة المركز الحر*اميه اللي همهم الفلوس والسر*قه وتهر*يب النفط واستغلال اهل البصره
بنت العراق العظيمة الله يوفقها و يمدها بالصبر، و القوة حتى تستمر بمشروعها تستحق كل الاحترام و التقدير
حسيت عن جد اعجز عن اكتب تعليق يناسب هيج شخصية عظيمة عظيمة
قامة حقيقية وانسانة حقيقية وام حقيقية . لها كل الحب وكل الاجلال . هنا نساء العراق
جنت اتريك واباوع الفيديو ترست البيض دموع من كمية الفخر والقهر على الي توفو بالسرطان لان يذكروني بجدي الله يرحمهم ويكفينا شر هاذا المرض ويشافي المصابين بيه يارب❤
احسها واصة لقمة الوعي انو خلص متكاملة والكمال لله... ربي يوفقج ويسعدج وقويج انتي اخت لكل العراقيين
اجمل ماسمعت واصدق ماقيل انسانه محترمه بمعنا الكلمه هسه اكدر اكول الدنيا بعده بخير مابين الناس الي ادور اترند بشياء تافه لاكن هاي الانسانه الراقيه يعجز الكلام عنه كانت تكدر تستغل هاي الامور وتصير اترند على مستوى العالم لكن رفضت بورك حجر ربيتي فيه والله سبحانه وتعالى ماضيع تعبج وان شاءلله مااضيع انتي مثال للرقي ولادب والفخر اول مره اسمع كلام من القلب بدون كذب صافي كصفاء روحك ربي يحفظج لهاي الاطفال والله انه جنت اسمع فقط من ابنتي عنج لان ماعندي تواصل وي النقال هسه من شفت اللقاء صدفه حبيت اسمعه واجمل واصدق ماسمعت ونزلت ادموعي استمري يابطله كون عدنه الاف مثلج بلعراق انتي مو بس رفعه راس اهلج انتي فخر كل العراقين نساء ورجال ❤
امتحاناتي قربت طالبة سادس
ومن اهم اهدافي اكون مثلچ
الله والله من طريقة كلامها حتى شعري جسمي وكف ماشاءالله تبارك الله الله يرزقنا قوتج وايمانج وشخصيتج واهم شي طيبة كلبج احيج وامشي بطريقج واحنا وراج فدوة لروحج طيبة❤😢
انتي تأثيرج مو فقط على الاطفال احنا كبار ومن شفنا اللي دتسويه خليتينا نعيد النظر باولوياتنا الف مرة ..
صح والله
ثلاثين دقيقة من القصص والعبر والدروس الانسانية البحته الي تخلينه فخورين بيج وتزرع امل بداخل كل انسان ان يتمنه يكون تاله او يصير مثل تاله بووركتي اختصرتي الانسانية وحنان الام كله بهاي المقابله ♥️
افتخر بكُل لحظة بحياتي انهُ انتِ عراقية و تنتمين لهالأرض… اذا كان هُناك فخر للنساء في زمننا الحالي فَهوَ تاله..
شعورنا بالفخر لوجود ملائكة الرحمة أمثال تالة و هشام الذهبي في العراق .... الدنيا بعدها بخير والرحمة بعدها موجودة
فخررر العراق ثم فخرر البصرة هنيئا لكم اهل البصرة بهذا البنت الكبيرة والعضيمة افخروا بها لانها جائت من رحم المعانات 🇮🇶🤍
من سنتين متابع أخبارها... رهيبة هاي الوردة عطرها فوّاح
للأبد أنتِ أعظم أنسانة ما راح يكون أحد مثلج♥️♥️♥️♥️✨
اذا وعينه نفسن7 وبطلنه نركض وره لهو ولعب صدكيني راح نصير افضل وفضل طبعا هي قدوه النه ك نساء عراقيات ان شاء الله ربي يوفقنه لخدمه الاسلام والمسلمين
تالا البطلة فخورين بيج كُلش هوااااي❤️🔥❤️🔥
جنت اتمنى لو وقت البودكاسات اكثر حتى نسمع ونفهم اكثر عنها وعن أبنائها ونستفاد من هاي المرأة الناجحة
حرفياً متلازمة دارون قمة الرحمة.
عمي مريض بمتلازم دارون فجنت اخلص المجلس بمحرم وهو ينطوه ثواب فيرجعة الأكل للبيت حتى ينطيه لأمة.
سعيدة وفخورة جداً بأن مدينتي البصرة تحتضن مثل هكذا طاقة شبابية عظيمة
تـالا من أشجع البنات اللي شفتهم بحياتي وتركت هواية أشياء تحبهم في سبيل
ترسم الابتسامة وتخلق نوع من ألأمان والطمأنينة بقلوب اطفالها وتكون عنصر فعال في المجتمع
عندي أيمان قوي بتـالا على أنّ بعد 100 سنة حيكون الج أثر حلو ولطيف وحاسة حتوصل
رسالتج لكُـل العالم ,أتبنيتي موضوع يحتاج وقت وصبر وطاقة تحمل واللـه سبحانه
وتعالى أختارج أنتِ لان يعرف شنو امكانيات تالا وفعلاً جنتِ كدها وجنت لامعة
لان ببساطة انتِ بالمكان الصح
سوال هيه شنو دراسه لانو ماوصلت هل مكان اله عده شهاده يربي لو اكدر اني هم اساعد
الاعلام العراقي ليش ماطلعه
العراقية الفرات العهد الشرقية دجلة هولاء القنوات العراقية ليش مكرمته؟
لأن مو بلوگر وتسوي شغلات مثيرة للجدل
ذولي همه اللي يستاهلون الشهرة واللقاءات ويكونون قدوة وعاشت ايدهم عرب كاست ع هاي المبادرة 🌹🌹
يادكتوره السياسيين العراقين مافارغين يكرمون الناس المجدين والمجتهدين واللي يقدمون شي مفيد وخيير لشعب ويفيدهم فراغين يكرمون الناس اللي تنشر السقوط والاشياء اللي تضر المجتمع مثل (اشتي حديد، وغيره) هذني يجوز عدهم فخر الهم احب اگول يادكتوره لاتنتضرين شي من احد مثل ماوصلتي لهاي المرحله وحدج راح تكملين وحدج وانتي قويه وصدگي الشعب العراقي يفتخر بيج واتمنالج التوفيق وطولة العمر وإن تستمري بهذا الطريق 🇮🇶🤞🏻
ترى هي ماوصلت الا بعد ما أصبحت مديرة مدرسة المحاربين ومحد كان يعرفها الا بحفلة تخرج المحاربين وأهل البصرة كلهم وكفوا وياها بس مااعرف هي لويش ناكرة جميل
@@SaraSara-lr5tj ما نكرة شي بالعكس كالت اهل البصره وگفوو وياي بس گالت مالگيت احد يكرمني في بلدي ولگيت التكريم بغير بلد بالعكس هيه انسانه خلوقه جدا جدا وتعليق مالتي يخص التكريم مايخص منوو وگف وياه!!
@@ka_th18 اشلون ماكرموها الي كرمها د.ضرغام التجويد باحتفال تخرج المحاربين وتكدرين تتأكدين من الاحتفالية الي صارت والدعوات الي اتوزعت وناس راحت من البصرة حتى ما الهم علاقة بالموضوع بس مجرد دعم لا غير ولو كان المحافظ موجود كان هم راح الاحتفالية بس الرجال كان مسافر راح بداله د.ضرغام
@ka_th18 اشلون ماكرموها الي كرمها د.ضرغام التجويد باحتفال تخرج المحاربين وتكدرين تتأكدين من الاحتفالية الي صارت والدعوات الي اتوزعت وناس راحت من البصرة حتى ما الهم علاقة بالموضوع بس مجرد دعم لا غير ولو كان المحافظ موجود كان هم راح الاحتفالية بس الرجال كان مسافر راح بداله د.ضرغام
@@SaraSara-lr5tj تكريم شعبي هذا ليس تكريم دولي مثل التكريم اللي حصلت عليه في دولة الامارات وهدف التكريم هو تشجيع اله وشهاده اله وعلمود الناس تعرفه واغلب الناس متعرفه الا لمن حصلت على هذا التكريم اني اتحدث عن مستوى العراق مو فقط بالبصره +ليش شايله بگلبج تجاهه دكتوره لازم ندعمه ونسانده موو ننتقص منه 👍🏻
عظيمة انتِ يا تالة حتى لو ماتكرمتي بالعراق كوني على ثقة انو احنا فخورين وممتنين الج❤
والله هذي البنت بنت خيالية في هذا الزمن الله يحفظك يابنتي ربي يحفظك ويجعل مكانك الجنةيارب ويرضى عنك ويحفظك
هيه هاي الماجدة العراقيه الي نفتخر فيها ونعم التربيه ❤
هذا هو الانسان اللي يشتغل ويجد ويجتهد على فطرته بدون اي مقابل في سبيل ان تضع الحياه والامل في كل طفل دمت فخراً للعراق يا بنت بلدي العراق وشعبه الطيبين يرفعون رؤسهم بين الدول لوجود هكذا اشخاص ترفع رؤسهم استمري يادكتوره على هذا المنوال الله يوفقج في مسيرتج هذه 🇮🇶✊🏻
انسانة راقية بمعنى الكلمة .. تعيش حياتها بعمق بعيدا عن السطحية.. تستحق كل التكريم فعلا
@@HudaAhmed-t6g فعلاً صدقت القول الله يوفقه بمسيرته 🤲🏻❤
ليش جاي تتصدر الترندات الي كابيها بس التفاهات
وعدنه هيج برامج وهيج ناس ترفع الراس😢
ورا ما خلصت اللقاء احس روحي انولدت من جديد
الحلقة تبجي كلها مشاعر كلش فخورين بيج تالة والله يقويج ويساعدج ويارب تكدرين تبنين الارض مالتج وتفيدين اطفالج بيها اكثر واكثر . الله يرحم اطفالج اللي توفو والله ينطي الصحه والعافيه الج ولاطفالج اللي بقو
أنسانة بهيئة ملاك ...يعجز اللسان عن وصفها بصراحة...رفعة راس بنت ولايتي ❤
الاطفال من كل الديانات والطوائف لا يعذب بإن الله
لأنه لن يبلغ الحلم
وخاصة اذا كان مريض او من ذوي الاحتياجات الخاصة فهم عند الله طيور في الجنة
جاي اعيده للمره الثانيه ست تالا عظيمه مستحيل اكدر أوصفها الله يجازيها الخير ويرزقها الجنه ويا اطفالها🤍🤍
نحتاج اكثر من هل بشر
اذا جان عندك طموح تصير مثلها
بلش و الله يوفقك
بلش من منطقتك
كون عون الهم و الله سيكون عون لك
I was tearing up the whole episode; I can't believe I didn't know about this girl until now. She's amazing and serves as a spectacular role model in our society. I hope more celebrities like her become famous among people.
الله يوفقك دكتورة تالا
اكثر فئة مهمشة في العراق هم ذوي الإعاقة لايوجد لهم مدارس تأويهم و تعلمهم التعامل مع الحياة لايوجد لديهم اندماج مع المجتمع صح إن الحكومة تخصص راتب لذوي الإعاقة لكن لم تفكر في نفوسهم و حياتهم المركونة على جنب
الله يوفقج عمري تالة تستاهلين كل خير بنتي كانت تحبج ومن تجين للمستشفى جانت تفرح بشوفتج وتنسى مرضها اخر مرة شفتيه جانت تعبانه واجيتي حضنتيه بكل حنان وعطف ولهسة الصور موجودات محتفظة بيهن ❤وارجع ذكريات مؤلمة عشناها سوة والحمد لله اختارها ربها الى جوار رحمته (ام الطفلة نرجس )😔
بنت ونعما البنات🌷...البنت الواثقه الطيبه المنا ضله من اجل الطفل والطفوله ...حسنتي واثابكي الله في الدنيا والاخره ..تستاهلي منصب رفيع في الامم المتحده ..اختك من سوريا💟
تالا عظييييمة جدا تستحقين هذا الفوز واكثر واكثر
رفعتي راسنة❤❤❤❤❤
ملابسك البيضاء كبياض قلبك🤍
انتي عظيمه ياتالا لقد سخرتي عمرك وحياتك وعملك مقابل خدمه هؤلاء الملائكه الصغار هنيئا لك لقد اخترت الاخره قبل الدنيا..الله سوف يعوضك خير ويعجز الكلام عن وصفك ياملائكه الله في ارضه
اعظم نص ساعه بالحياة🥺❤️🩹🕊️🕊️
😢ربنا حطك قدام هل الاطفال حتى تهونين عنهم ربي يسعدك ويحفظك
ياربي انسانه بمعنى الكلمة لبقه كلامها جوهري مرتب بشكل متناسق وافي وكافي لكل سؤال تم طرحة في المقابلة... بودكااست رائع ومراح يصير مثله ❤️❤️
تاله قدوتي وفخر النه وللنساء العراقيات وفخر للعراق وللبصرة عظيمة انـتِ فراشة تترك اثرها الحلو بكل مكان وبكل شخص 💜💜💜💜.
احلى بودكاست مع اعظم انسانة 🕊🤍❤️🩹
حلقه مبكيه جدا جدا جدا مبكيه
اني فخور بيج لانج عراقيه وانسانه
نتمنى من دكتورة تالا انو تفتح مدرسة لذوي همم في بغداد 🤍
اني شفت اللقاء بالكامل واحس بالتلقائيه الموجوده والصدق في وقت انه اصبحنا كل مانشاهد شي مو انه نسمع عنه وانما نشاهده باعيننا ونقول كذب فوتوشوب الحمد لله نحس بعد اكو خير كبيييير بهذه الدنيا وبعدها ما خليت لقاء يستحق الفخر ورفعة الراس بالوقت الذي ٩٨بالميه من البرامج مغنيات واستعراضيات وفنانات لقاء يخلو من الملل شاهدته كله بدون تسريع كل ما اقوله لكم وين كانت مثل هذه الانسانه ليش الان نسمع عنها ومتأكده اكو مثلها الكثير في بلدنا يستحقون مثل هذا التكريم والى الان مغبون حقهم ومغيبين ولكن الله ينظر لعباده ويحكم وهو خير الحاكمين شكرا لكم
تشوقت كلش للبودكاست حتى اشوف هاي العظمة ، مشاءالله ربي يكثر من امثالج ويرزقج من خزائن الارض ما تشائيين والاهم يرزقج الجنة ياحبيبتي وتشوفين كل اطفالج وهمَ عايشين بأحلا اللحظات تالا انتِ الام الي كل ام تطمح تكون مثلها وانتي قدوتي بالامومة والحب 🫂 ❤️❤️❤️❤️❤️❤️❤️❤️❤️❤️❤️❤️❤️❤️❤️❤️❤️❤️❤️❤️❤️