عمر وكضيته توسل || امين ابو غربان

الشاعر السيد أمين ابو غربان
قصيدة : عمر وكضيته توسل
النص :
إزعل أريد أتوسلك
عمر وگضيته إتوسل
ما ماخذ اعله الشمخره
جايبها ثق ذل ابذل
من يومي متعلم الجفه
ماعندي گلب اليجفل
تزعل تظل مو مشكله
عمري وگضيته ابلا خل
هذا اني من يومي انكتب
لسنين عمري تعلعل
كلش قديمة بلا ذنب
روحي الاشد هم تحمل
دولبني ياما هل وكت
وطلابة ما ظنها تفل
اغرگ ولا واحد يذب
شصه عله مايي وينتل
اوگع ولا واحد يمد
ايده اعله ثوبي وينشل
شصبر اذا حتى الصبر
مل گبل ما غيره يمل
أدحلب جبتها وي القهر
روجح لعب وتحنجل
لكنه لو مره الوكت
اهاته عن روحي تحل
تلگاني من حضن الزعل
اضحك بوجه المجبل