Top Channel/ Kush ishte Alain Delon, aktori i madh francez. Profili i një ylli me jetë të trazuar

Ikona e kinematografisë franceze dhe asaj botërore, Alen Delon, ndërroi jetë në moshën 89-vjeçare. Ai kishte një stil aktrimi të veçantë që shpesh quhej i mistershëm ose dhe i errët, por duke e mbështjellë atë me një pamje që i dha atij pseudonimin "fytyrë engjëlli". Protagonisti i filmave të njohur si “Fytyrë Engjëlli”, “Eklipsi”, “Borsalino”, “I paemër” etj, lindi më 8 nëntor 1935 në Sosho, në veri të Francës. Alen Delon ishte djali i menaxherit të një kinemaje të vogël, ndërsa nëna e tij ishte shitëse dyqani. Prindërit e tij u ndanë kur Alen ishte katër vjeç dhe djali i vogël iu besua një familjeje birësuese. Ndarja ishte shumë e dhimbshme dhe ndoshta ishte baza e temperamentit të vrullshëm që shfaqi Delon në rininë e tij. Pasi la shkollën në moshën 14-vjeçare, ai luftoi mes punëve të ndryshme. Deri në fillimin e karrierës së tij filmike, suksesi i të cilit është i lidhur pazgjidhshmërisht me regjisorin Lukino Viskonti."Le Samurai" është filmi më i mrekullueshëm i karrierës së Delon, fama e të cilit mori ngjitjen në vitet 1960 kur konsiderohej si një nga burrat më të bukur në botë. Lukino Visconti e mori në filmin në “Rocco and His Brothers”, i cili u kurorëzua edhe me çmim në Festivalin e Filmit në Venecia. Dy vjet më vonë, Michelangelo Antonioni, e mori Delon në filmin Eclipse, duke fituar një tjetër çmim të madh të jurisë, këtë herë në Festivalin e Filmit në Kanë.
Një nga momentet më kritike për Delon ishte kur më 1968 truproja i tij, Stevan Markoviç u gjet i vdekur dhe më pas u zbulua një letër nga Markoviç drejtuar vëllait të tij, duke thënë se "nëse vritem, është 100 për qind faji i Delon dhe kumbarit të tij Fransua Markantoni" - ky i fundit një gangster në Korsikë. Megjithëse policia dyshonte prej kohësh përfshirjen e tyre në vrasjen e Markoviçit, Delon dhe gruaja e tij e atëhershme, Natali, nuk u ndoqën kurrë penalisht.
Në vitin 1991, presidenti i atëhershëm francez, Fransua Miterrand e bëri atë një Kalorësi të Legjionit të Nderit. Katërmbëdhjetë vjet më vonë, Zhak Shirak e ngriti atë në gradën e komandantit për "kontributin e tij në artin e kinemasë botërore". Në maj 2019, ai bëri paraqitjen e tij të fundit të madhe publike në tapetin e kuq për të marrë një Palmë të Artë nderi në Festivalin e Filmit në Kanë. “Kur fillova karrierën time, e dija se gjëja më e vështirë ishte të zgjaste dhe zgjati 62 vjet. Tani e di që gjëja më e vështirë është të largohesh, sepse e di që këtë do të bëj”, tha aktori mes lotësh.
Delon ishte nacionalist dhe një mbështetës i flaktë i politikave të De Golit. Ai njohej edhe për miqësinë që kishte me ish-udhëheqësin e Frontit Kombëtar Jean-Marie Le Pen. Dhe Afërsia me "Frontin Kombëtar" i kushtoi atij humbjen e reputacionit duke i dëmtuar edhe karrierën. Jeta e tij e dashurisë ishte veçanërisht plot ngjarje. Pati në jetë shumë partnere, me disa prej të cilave u martua dhe solli në jetë 8 fëmijë, pavarësisht se ligjërisht njihte vetëm 3.
Pamje: AFP
Departamenti i Informacionit, më i madhi, më kryesori në Top Channel, i cili shënoi fillimin e televizionit me edicionin e lajmeve në 20 dhjetor 2001. Përmes informacioneve të shpejta, të sakta dhe të thelluara, reportazheve dhe rubrikave të tjera informative, Top Channel është kthyer në burimin kryesor dhe me prestigjioz të informimit të të gjithëve në Shqipëri, në hapësirën mbarëshqiptare dhe kudo tjetër në botë ku shqiptarët jetojnë. Top Channel është i pranishëm me kamerat dhe gazetarët e tij në të gjitha ngjarjet më të rëndësishme të vendit dhe në botë, me edicionet e tij informative.
Për më shumë vizitoni: top-channel.tv/
Subscribe to "Top Channel" on TH-cam Channel for NEWS and TV
Shows HERE: bit.ly/2Y15KwK
For more content from click HERE: www.top-channel.tv
Like Top Channel on Facebook HERE: bit.ly/2FglWTs
Follow Top Channel on Instagram HERE: bit.ly/2uaYG2U
Follow Top Channel on Twitter HERE: bit.ly/2TJndeH
#Delon#Samurai#TopChannelNews