Top News/ Pesë avionë rusë drejt NATO-s / Ndjekje në qiell, ngrihen Eurofighter-at për t’i kapur

Avionët luftarakë të NATO-s u ngritën në fluturim për të kapur pesë avionë ushtarakë rusë që fluturonin mbi Detin Baltik pa plane fluturimi ose me transponderë të fikur, konfirmoi Forca Ajrore Letoneze. Avionët rusë u identifikuan në dy raste të ndara, të premten dhe të shtunën, duke nxitur një reagim të shpejtë nga misioni i policimit ajror të NATO-s mbi Baltik. Sipas Forcave Ajrore Letoneze, avionët rusë u zbuluan duke fluturuar në hapësirën ajrore ndërkombëtare pranë shteteve baltike, por nuk kishin aktivizuar transponderët e tyre, një sistem elektronik që ndihmon në ruajtjen e kontrollit të sigurt të trafikut ajror. "Avionët rusë hyjnë rregullisht në hapësirën ajrore mbi Baltik me transponderë të fikur, me gjasë për të testuar reagimin e shteteve të NATO-s," raportoi The Kyiv Independent, duke cituar raste të mëparshme të aktiviteteve të ngjashme nga avionët rusë. Mes avionëve të ngritur nga aleanca ishin Eurofighterat e vendosur në Letoni, të cilët edhe shoqëruan avionët rusë. Forca Ajrore Gjermane, e cila merr pjesë në misionin e patrullimit ajror të NATO-s mbio baltik, i identifikoi avionët rusë si një grup i përbërë nga një Sukhoi Su-35 dhe katër Sukhoi Su-30MKI. Ky incident është më i fundit në një varg në rritje të përplasjeve të ngjashme midis NATO-s dhe avionëve rusë mbi Detin Baltik. Në një incident të veçantë të martën, sistemet e radarëve letonezë kapën një objekt të paidentifikuar pranë kufirit me Bjellorusinë, duke shkaktuar një tjetër ngritje në fluturim të avionëve të NATO-s. Avionët luftarakë nga baza ajrore e Lielvarde u nisën për të hetuar, por nuk gjetën objekte të dyshimta në hapësirën ajrore të Letonisë. Më vonë, Ministria Letoneze e Mbrojtjes konfirmoi se objekti i paidentifikuar kishte qenë thjeshtë "një tufë zogjsh". Riga tha se forcat e saj ajrore, në bashkëpunim me aleatët e NATO-s, kanë rritur monitorimin e hapësirës ajrore pas një incidenti më herët në shtator, kur një dron rus i tipit Shahed hyri në hapësirën e saj ajrore.
Pamje:AFP
Top News është televizion informativ, i hapur në shkurt të vitit 2007. I konceptuar si format news, prioritet i saj është informimi i publikut përmes lajmit të fundit. Lidhje live për politikën, aktualitetin, kronikën, ekonominë, rajonin, botën, sportin, teknologjinë dhe show biz-in. “ Informohu i pari” , slogani për 24 orë lajme . Sjellim ndryshe realitetin mediatik në Shqipëri, ofrojmë një burim informacioni të saktë, të shpejtë, të besueshëm dhe të thelluar.
Për më shumë vizitoni: top-channel.tv/
Subscribe to "Top Channel" on TH-cam Channel for NEWS and TV
Shows HERE: bit.ly/2Y15KwK
For more content from click HERE: www.top-channel.tv
Like Top Channel on Facebook HERE: bit.ly/2FglWTs
Follow Top Channel on Instagram HERE: bit.ly/2uaYG2U
Follow Top Channel on Twitter HERE: bit.ly/2TJndeH
#TopNews#Avionet#NATO