حبيب : سلامَ الله سلامٍ نسوقه سَوقِ فنجال على اللّي يشربَ الكيف مِن صِفرَ الدّلالي انا قِضيتِ لِي فالحجاز ايّامِ وِاِلْيال وكم مِن ليلةٍ خالفت باق اللّيالي مستور : اَلاَ يا مرحبا في محلٍ يشرح البال هلا يا مرحبا بالرّجالِ اِمعَ الرّجالي قِضيت اَيّامِ وِاِنقولِ يا الله تستِرَ الحال ترىَ الايّامِ ما بين مَيلٍ وِاِعتِدالي حبيب : تبىَ تتعب لو اِنّ الدّروب اِعراضِ وِاِطوال لا بدّ اِتقاصَرَ الجار الاقصىَ والموالي انا خيّالِ وَارهِي على رِجلي وخيّال ولو ضاق الجنوبي ولو ضاق الشّمالي مستور : لِيَا جا البيع والمشترى وريالِ بريال اَبىَ اعرف راسِ مالِك وبَ اَعرِف راسِ مالي وَلاَ يا صاحبي لا تصير اَعوَر ودجّال ترىَ مَحدٍ يخلطَ الحرامِ اِمعَ الحلالي حبيب : لِيَا كبرَت ونشبَت يجي لَلعقدِ حلاّل ونعطيك الاجابه على قَدّ السّوالي انا حصّلت لِي في طريق السّيلِ تِمثال وفوقه ناصِبين العِمامه والعِقالي مستور : انا ما اشوفِ غير الدّلُو يَضرِب على الجَال ومَرّ اِيجيبِ مُرٍ ومَرّ اِيجيبِ حالي لِيَا حصّلتِ تِمثالِ يضرَب به فالامثال تبىَ تقعِد تِسولِف معه عن كِلّ حالي حبيب : شوي اتشوف جمال سارٍ اله بجمال علوم طيبه مير فيه اول وتالي سموعي ما تسمع كلام القيل والقال وقلبي صخرةٍ من عسيرات الجبالي مستور : اسولف مع حبيب وَ اَلِدّ اِيمين واشمال ولو حصّلتِ لِي قِردِ خلّيته غزالي بغينا يا العتيبي نعّرّضه اشهب اللاّل وقصّبنا رشاها ونزّلنا المحالي حبيب : تسولف والسوالف لها مخرج ومدخال ولا ادري وش غدا لك ولا ادري وش غدا لي احد يبذل لها الحال و احد يبذل المال و احد يركض مع الشمس ويكب الظلالي مستور : اثر بعض المحايل تضيع كل محتال ترى ما هي سوالف على حمر الزّوالي ليا واسيتني يا عريب الجد والخال ابنسى كل ما صار واترك لك مجالي حبيب : صبرنا لين شفنا علاكم صبرنا طال وقام اذياب يقرب لابو زيد الهلالي ليا حطيت معدالنا حطيت معدال وحلينا القضيه وقصرنا الجدالي مستور : صبرنا ما صبرتوا ومنا الصبر لا زال يخيب اللي بناها على الجرف الهَيَالي تراها يا حبيب على مقفى ومقبال يا شين اِعيونها لو تكحّل بالدّلالي حبيب : نزلتوا ما لكم في هذاك الارض منزال لكن اليوم شدوا قبل شد الرّحالي على شان ابن هذال سلّمكم لهذال زِعِلتوا وان زِعِلتوا رِضىَ يا همّلالي مستور : ولا يا الشاعر اللي لويت احبال ب احبال تحرص لا تلوى حبالك مع حبالي ليا ثقلتها يا حبيب كيف تنشال تبى تاقف لحالك وانا ب اقف لحالي حبيب : حبالي ما تلوى على مستور لو قال كبنه رجل غالي ولا ارخص كل غالي
![HIWWHEE | OHM [Official MV]](http://i.ytimg.com/vi/OJJLtTLqLag/mqdefault.jpg)
الله يرحم مستـور القصير .. ولله يطول بعمر مستور و حبيب ويمدهم بالصحة والعافية .
وشكراً لمكتب القصير على مجهوداته ..
كثرو من محاورات الارشيف والله يعطيكم العافيه
مرحبا بالرجال معالرجالي = مستور العصيمي (( ترحيبه فيها قوة فطنه وذكاء ))
حبيب :
سلامَ الله سلامٍ نسوقه سَوقِ فنجال
على اللّي يشربَ الكيف مِن صِفرَ الدّلالي
انا قِضيتِ لِي فالحجاز ايّامِ وِاِلْيال
وكم مِن ليلةٍ خالفت باق اللّيالي
مستور :
اَلاَ يا مرحبا في محلٍ يشرح البال
هلا يا مرحبا بالرّجالِ اِمعَ الرّجالي
قِضيت اَيّامِ وِاِنقولِ يا الله تستِرَ الحال
ترىَ الايّامِ ما بين مَيلٍ وِاِعتِدالي
حبيب :
تبىَ تتعب لو اِنّ الدّروب اِعراضِ وِاِطوال
لا بدّ اِتقاصَرَ الجار الاقصىَ والموالي
انا خيّالِ وَارهِي على رِجلي وخيّال
ولو ضاق الجنوبي ولو ضاق الشّمالي
مستور :
لِيَا جا البيع والمشترى وريالِ بريال
اَبىَ اعرف راسِ مالِك وبَ اَعرِف راسِ مالي
وَلاَ يا صاحبي لا تصير اَعوَر ودجّال
ترىَ مَحدٍ يخلطَ الحرامِ اِمعَ الحلالي
حبيب :
لِيَا كبرَت ونشبَت يجي لَلعقدِ حلاّل
ونعطيك الاجابه على قَدّ السّوالي
انا حصّلت لِي في طريق السّيلِ تِمثال
وفوقه ناصِبين العِمامه والعِقالي
مستور :
انا ما اشوفِ غير الدّلُو يَضرِب على الجَال
ومَرّ اِيجيبِ مُرٍ ومَرّ اِيجيبِ حالي
لِيَا حصّلتِ تِمثالِ يضرَب به فالامثال
تبىَ تقعِد تِسولِف معه عن كِلّ حالي
حبيب :
شوي اتشوف جمال سارٍ اله بجمال
علوم طيبه مير فيه اول وتالي
سموعي ما تسمع كلام القيل والقال
وقلبي صخرةٍ من عسيرات الجبالي
مستور :
اسولف مع حبيب وَ اَلِدّ اِيمين واشمال
ولو حصّلتِ لِي قِردِ خلّيته غزالي
بغينا يا العتيبي نعّرّضه اشهب اللاّل
وقصّبنا رشاها ونزّلنا المحالي
حبيب :
تسولف والسوالف لها مخرج ومدخال
ولا ادري وش غدا لك ولا ادري وش غدا لي
احد يبذل لها الحال و احد يبذل المال
و احد يركض مع الشمس ويكب الظلالي
مستور :
اثر بعض المحايل تضيع كل محتال
ترى ما هي سوالف على حمر الزّوالي
ليا واسيتني يا عريب الجد والخال
ابنسى كل ما صار واترك لك مجالي
حبيب :
صبرنا لين شفنا علاكم صبرنا طال
وقام اذياب يقرب لابو زيد الهلالي
ليا حطيت معدالنا حطيت معدال
وحلينا القضيه وقصرنا الجدالي
مستور :
صبرنا ما صبرتوا ومنا الصبر لا زال
يخيب اللي بناها على الجرف الهَيَالي
تراها يا حبيب على مقفى ومقبال
يا شين اِعيونها لو تكحّل بالدّلالي
حبيب :
نزلتوا ما لكم في هذاك الارض منزال
لكن اليوم شدوا قبل شد الرّحالي
على شان ابن هذال سلّمكم لهذال
زِعِلتوا وان زِعِلتوا رِضىَ يا همّلالي
مستور :
ولا يا الشاعر اللي لويت احبال ب احبال
تحرص لا تلوى حبالك مع حبالي
ليا ثقلتها يا حبيب كيف تنشال
تبى تاقف لحالك وانا ب اقف لحالي
حبيب :
حبالي ما تلوى على مستور لو قال
كبنه رجل غالي ولا ارخص كل غالي
كملها يابو نايف الله يعطيك العافيه
@@khalidaloutibi7238
*ابشر يا خالد وتراني احسب اني كتبتها كلها* 👍
@@khalidaloutibi7238
*تمت الكتابة*
@@abonaif628 الله يبشرك بالجنة وبيض الله وجهك
ابو نايف مسيت بالخير …( وقصبنا ) رشاها
الله يرحم مستور العصيمي 💔