𝟐𝟎𝟐𝟑 ཤེར་བསྟན་གྱི་གཞས་གསར། བོད་པའི་བུ་མོ། སྐུ་ཉིད་ཀྱི་རྣ་བའི་བདུད་རྩིར་འགྱུར་བར་སྨོན།

བོད་པའི་བུ་མོ་མེ་ཏོག་མ།།
བགད་ན་འཛུམ་ཡག་ཚིག་གི་ཨ་ལན་ཡག།
བོད་པའི་བུ་མོ་མེ་ཏོག་མ།།
གཤིས་ལ་བྱམས་ཡོད་སྙིང་གཏམ་ཆུ་མོ་དྭངས།།
མིག་གིས་རྩེ་དགའ་གླེང་རེད།།
འཛུམ་ཆུང་ལ་གཞས་ལེན་རེད།།
བོད་པའི་བུ་མོ།
པདྨའི་བཞིན་ཅན་ཡིན་རེད།།
ངང་བའི་མདོག་འདྲ་ཡོད་རེད།།
བོད་པའི་བུ་མོ།
ཨོ། པདྨའི་བཞིན་ལ་གཡོ་ལྡན་བུང་བའི་མིག།
ཨོ། དགའ་ལ་ཡེ་སིང་དགའ་ལ་ཡེ་སིང་གི་རོགས།།
མིག་གིས་རྩེ་དགའ་གླེང་རེད།།
འཛུམ་ཆུང་ལ་གཞས་ལེན་རེད།།
བོད་པའི་བུ་མོ།
པདྨའི་བཞིན་ཅན་ཡིན་རེད།།
ངང་བའི་མདོག་འདྲ་ཡོད་རེད།།
བོད་པའི་བུ་མོ།
ཨོ། པདྨའི་བཞིན་ལ་གཡོ་ལྡན་བུང་བའི་མིག།
བོད་པའི་བུ་མོ་མེ་ཏོག་མ།།
སོང་ན་འགྲོས་ཡག་སེམས་དང་བསམ་པ་ཡག།
བོད་པའི་བུ་མོ་མེ་ཏོག་མ།།
ཁ་ཡི་ཚིག་ཡག་བློ་ལ་ཁྲེལ་གཞུང་ཡོད།།
མིག་གི་དཀྲི་ག་ཡག་རེད།།
དུང་གི་སོ་ཕྲེང་ཡག་རེད།།
བོད་པའི་བུ་མོ།
སྨིན་མའི་ཚེས་རིས་ཡག་རེད།།
མཆུ་སྒྲོས་རི་མོ་ཡག་རེད།།
བོད་པའི་བུ་མོ།
ཨོ། མི་མོའི་ལུས་ལ་ལྷ་མོའི་འཇོ་སྒེག་ཅན། །
ཨོ། དགའ་ལ་ཡེ་སིང་དགའ་ལ་ཡེ་སིང་གི་རོགས། །
མིག་གི་དཀྲི་ག་ཡག་རེད།།
དུང་གི་སོ་ཕྲེང་ཡག་རེད།།
བོད་པའི་བུ་མོ།
སྨིན་མའི་ཚེས་རིས་ཡག་རེད།།
མཆུ་སྒྲོས་རི་མོ་ཡག་རེད།།
བོད་པའི་བུ་མོ།
ཨོ། མི་མོའི་ལུས་ལ་ལྷ་མོའི་འཇོ་སྒེག་ཅན། །
བོད་པའི་བུ་མོ་མེ་ཏོག་མ།།
གོས་ཀྱི་སུལ་ཡག་སྐྲ་ཡི་ལན་བུ་ཡག།
བོད་པའི་བུ་མོ་མེ་ཏོག་མ།།
ཚིག་གི་ཕྲེང་དག་ངག་གི་སྨྲ་བ་འཇམ།།
ལང་ཚོའི་འཇའ་རིས་ཡག་རེད།།
རྨ་བྱ་སྔོན་མོ་འདྲ་རེད།།
བོད་པའི་བུ་མོ།
ལུས་ཀྱི་སྤོས་དྲི་ཞིམ་རེད།།
དྲི་ལྡན་མེ་ཏོག་འདྲ་རེད།།
བོད་པའི་བུ་མོ།
ཨོ། ཀླུ་ཡི་བུ་མོ་མི་ཡུལ་བྱོན་པ་འདྲ།།
ཨོ། དགའ་ལ་ཡེ་སིང་དགའ་ལ་ཡེ་སིང་གི་རོགས། །
ལང་ཚོའི་འཇའ་རིས་ཡག་རེད།།
རྨ་བྱ་སྔོན་མོ་འདྲ་རེད།།
བོད་པའི་བུ་མོ།
ལུས་ཀྱི་སྤོས་དྲི་ཞིམ་རེད།།
དྲི་ལྡན་མེ་ཏོག་འདྲ་རེད།།
བོད་པའི་བུ་མོ།
ཨོ། ཀླུ་ཡི་བུ་མོ་མི་ཡུལ་བྱོན་པ་འདྲ།།