I have worked on a CUHK construction project in HK and the site contains part of this old railway line. Thanks for this video and now I know more about the history there.
Thanks for watching the video. Please also read the article on my website too. A construction site now? Let me guess... it is outside the Graduate Study Dom?
我有份做樟樹灘拉宜線路段。一晚時間頭尾路軌接駁，翌日開通，約省回二分鐘車程。
我有一「餅」VHS錄影帶，是當年承建商工程師拍攝，記錄了你地通宵趕工的過程，可能影到你入鏡。
影片唔出得街，我只能用文字寫番當晚時序，你有興趣可睇番：
photomarket.hk/forum.php?mod=viewthread&tid=7930&fromguid=hot&extra=&mobile=2
其實因為做覆線令好多隧道要挖通頂，所以好多隧道道己經成為路塹，另外，昔日漳樹灘由於彎度急，尤其北行入大埔滘隧道要特別減速，我記得個黃牌最高係60，但拉直咗就升到90。
同時行漳樹灘彎位亦可觀察到如果有架巴士在吐露港公路同火車平排前行，當火車入舊線慢行，巴士沿吐露港直行，最後到大埔滘入隧道前會一同相遇。
你嘅「同巴士鬥快」我以前都試過呀！
I have worked on a CUHK construction project in HK and the site contains part of this old railway line. Thanks for this video and now I know more about the history there.
Thanks for watching the video. Please also read the article on my website too.
A construction site now? Let me guess... it is outside the Graduate Study Dom?
@@KayWong Close to the existing lab building.
真的多謝你們，樟樹灘係我細個七八十年代住的地方，每天睇住火車駛過龍霞靜苑，依稀記得附近火車路軌起喺條河上邊，成日去條河道捉蝦捉魚，我爸爸讀樹仁學校😅
咁你有冇聽過或去過「了哥籠」?
@@KayWong 喺樟樹灘近火車路一個地方，經常有了哥出沒，有人不時放籠去裝，所以得名，大概位置應該喺…點講呢，就當龍霞位置，當你喺大埔公路大斜路落樟樹灘，一落到大堂左轉條路落龍霞，未到龍霞之前有間士多，就喺士多附近擺籠，樹仁後面都有
另一位村民指是近大學站嘅山洞，我近日查了1907年興建九廣鐵路的圖則，山洞（了哥籠）是當時鑿走座山時用嚟施工的山洞，稍後我網站有更新
抵港貨物更是包羅萬有，糧油、生果、雜貨、海味、豬羊牛等牲口，運到紅磡貨場一個叫「大包米」的地方落貨後，貨運公司再用貨車分批運走[3]。1987年是鐵路貨運量的高峰期，年運量折合計算為二十萬個20呎標準貨櫃箱[4]。
以前紅磡站經常見到運豬，依家同樣場面就搬咗去上水。
謝謝介紹，留下許多回憶，記得以前去大埔搭火車經過海邊無左，原來有咁的故事。
當年日日搭火車出入就會好留意到，因為當年未有手機 / 低頭族，好多乘客都會留意窗外。
非常詳盡的介紹，尤記得小時候搭火車出市區的情景。想當年搭火車時常常心想：日後如有機會在這所大學讀書就好了！時光一轉，已畢業多年，已成人父，火車載滿的都是我這個「新界仔」的回憶！
我當年JUPAS都係第一志願（藝術系），不過最後唔收我，哈哈。
我以前成日搭，果時火車車廂有告示板話新拉直既線，會比舊灣線縮短10分鐘行車時間！
邊有十分鐘咁誇張呀，哈哈。我影片裏節錄了當年的新聞報導，有報導慳咗幾多時間~~~
你係咪睇錯，其實係「下一班車10分鐘」？果個年代非繁忙時間要10-15分鐘一班車。
拉直左之走線，縮短了約一分鐘行車時間
( 有網友記錄縮短了約45秒)
@@felixhonwai 另一個重點是，班次能加密啲。
仲有大學站月台尾(向上水方向)有瀑布,有樓梯落去，我仔時，常常去玩水。
依家瀑布仲響度，不過要大雨先有大水。我中學時都玩過一次水！
細個由沙田搭火車去大埔返學， 最記得條好深嘅轉彎走線
同沙頭角及和合石支線不同，樟樹灘係好多人的回憶！
介紹10分詳盡和有趣
謝謝分享👍
謝謝，都係基於歷史啫~~~
第一次知以前路軌係夏爺同蘇苪首車站 多謝分享
等我搵番個mtv睇吓先
樟樹灘我在初中時學校的旅行去過，在這石灘可以觀望到船湾淡水湖和今天成為地質公園的馬屎洲。
今天，若從大埔站往大學站，出入隧道前後，都能夠見到船灣的，只係去到科學園就變了大廈景。
😎哈！當年坐火車入新界係一種遠程旅行！未有大學站，祗有"馬料水站"！"大埔墟站"都一樣改左位置！而最記得又改得緊要都算係尖沙咀"九龍站"啦！搬左去紅磡，而早期"貨卡"就祗係去到旺角，到後期中港貨櫃取代而停止了！
我出世已經響新界住，仲要出九龍返學，日日都搭
@@KayWong 🙃吓！同依家挎境學童一樣！😲粉嶺出九龍要成2粒鍾喎！
以前要睇住火車時刻表，夠鐘先行出火車站（初期電氣化都係咁），一個鐘多啲
@@KayWong 😎哦！已經電器化年代... 🚝
@@joerover 我小學時是柴油年代，中學是電氣化，不過，電氣化初期，班次唔多，大約一小時六、七班，所以都係要睇時刻表（沙田開出班次多好多，所以如果你響旺角睇火車，就會覺得好多班次），而車站外有個好大嘅牌，張貼了時刻表。
以前坐電氣化火車行到呢度因為灣多所以速度會慢啲，見到吐露港連貨車同巴士都會快過佢，諗起當年好似三菱定五十鈴有個貨車廣告係影住架貨車行得快過架火車
依家有時火車都係慢過吐露港公路嘅車。東鐵車速最快應該係太和至粉嶺一段。
@@KayWong 大埔墟-大學只有南行先至可以同粉嶺-太和一樣行到最高速度，可能因為訊號系統覺得北行解除90公里限速之後距離唔夠加速/令乘客唔舒服，所以先怠速行到大埔墟站，但南行就冇問題可以行到120 km/h
紅磡站至旺角東段，嘅，拉宜綫路段，拉直前嘅港鐵東鐵綫何文田至紅磡站嘅舊月台路軌嘅走綫，拉直左港鐵東鐵綫何文田至紅磡站， 供東鐵過海段嘅新地底月台。，新港鐵東鐵綫路軌嘅拉直后嘅走綫， 2021年1月至11月嘅10個指定星期日。
係
繼續 努力 拍得好好
以前拜龍母媽,會喺海棠淨苑住宿,火車喺正前面經過.
大約幾多年前嘅事？
@@KayWong 40幾年前囉，果時龍母廟海邊，水退可以行出好遠，而家已經填晒海。
我有另一篇文寫了搭柴油火車的經驗，有時間睇睇：www.eggstudio.com/退役九廣鐵路柴油火車頭/
請問拉直工程影片有冇link 可以俾大家睇下。唔該晒。
唔好意思，拉直工程影片是九鐵內部影片，不能公開的。我只能從影片抄出當時的時序，有興趣回味一下：
photomarket.hk/forum.php?mod=viewthread&tid=7930&highlight=%E6%A8%9F%E6%A8%B9%E7%81%98
想問問 由現有路軌分叉出去原有樟樹灘走線個位 仲有冇曾經係路軌遺跡睇到？同埋上網有人影過唔用樟樹灘走線後 路基上仲有兩條大坑係曾經路軌走線 而加仲有冇？
有，我影片有拍㗎~~~ 簡單形容，整條廢棄走線有一半仍保留了路基，另一半變成馬路及建築物。
我仲記得拉直前一晚 路過見到啲人通霄駁返直條新線
每次火車行過呢個彎 望到同車路分開 就成日話要快過架車到大埔
我有個當晚的 run down，有興趣可回味吓：
photomarket.hk/forum.php?mod=viewthread&tid=7930&highlight=%E6%A8%9F%E6%A8%B9%E7%81%98
以下粵語長片曾出現鐵路鏡頭：
黑玫瑰 (第一套) 片尾、謝賢主演
追蹤 (片頭、謝賢主演)
義犬神童 (片頭、馮寶寶主演)
可否知道當時片中火車頭的現時大慨位置？
我睇睇，睇完話你知！
@@KayWong 有關義犬神童的火車路軌取景，有網友說是大埔九龍坑
即是現在的龍山隧道出入口附近
不知是否真？？有待查証 😂😂
不過當年 1961 年的火車景，行人可以橫過，而且顯示是蒸氣火車頭 👍👍👍
而且片中顯示有 "行駛中" 載貨的貨卡，與演員十分近！😂😂😂
未睇粵語長片，睇完回答你。
電氣化之前，路軌是可自由行上去的，我細個時（柴油火車年代）試過從大埔站行路軌去粉嶺站。（橫過路軌係基本動作，日日出入村口都做）
先答你「義犬神童」，位置是九龍坑平交道，現在變了行人及單車天橋，50年代「火車撞坦克」就係呢個位置發生。平交道旁的小建築是軍人站崗的地方，遠處的山是 嘉道理農場山頂，今日仍能見到相同的山脊線。
我寫緊另一篇文章，會介紹呢度，稍後留意我網站~~~~
記得個大學山洞,樟樹灘村民叫(了哥籠),我爸話當年說是有人入去避難的,逃避日軍追補
又多一個人見過呢個山洞！我問過好多新界人+火車人，得幾個見過，絕大部分都話冇見過（包括大埔墟站的山洞），我曾懷疑自己記錯或發夢！
根據N38 的資料，及比較大埔墟站的山洞，三個洞應該是當年開山時的勘探洞，詳細睇我文章有介紹！
知唔唔點解叫「了哥籠」？
有人話係防空洞，
@@jameschan848 我都有讀者有咁諗法，但從位置、歷史及構造，唔符合防空洞的條件，而是興建九鐵時，鑿走座山時用的勘探洞。（可參考文章內關於 N38 的分析）
我老人記得龍潭靜宛門囗就是鐵路?當年火車車廂是開放有門與門在上落樓級?當年喜歡坐梯級ㄧ入隧道會漆黑ㄧ片?中文與赤泥坪以前有樹林現在大量建築物?
是「龍霞靜院」嗎？佢門口就係鐵路了，今日門口是路基，好清晰的，一睇就睇得出！
以前頭等車卡是有門，二等三等都有到膝頭哥高少少嘅鐵閘，不過真係冇見過閂閘。
早年喺山上面間中學望落去係見到有一忽啲草/樹係零零舍舍矮啲嘅唔知嗰忽係唔係舊線走線呢？
咁講又真係估唔到喎。大約是邊一年？記憶上走線拉直後，舊路基之後幾年都冇工程，好多年之後先有優景里及旁邊的運動場。
@@KayWong 印象中應該 05、06 左右？我 03 - 07 喺嗰到讀書望過去就係見到咁嘅嘢囉 😄
05，06年路基已經變成優景里了，所以若你從山上望，最大可能性是影片 05：14 的草地（你認認係唔係果度？）該路基到今日都未發展，保持路基及走線原貌。
@@KayWong 我記得冇咁遠…
咁你讀邊間中學？我行去望一望就可以肯定回答你
1962年颱風温黛襲港, 有艘叫 "VINKON" 的貨輪擱淺在樟樹灘海岸附近, 小時候搭火車經過看得很清楚, 大家有印象嗎?
有，假如你查看1963年的航空圖，會見到隻船。（溫黛時我未出世）
3:30為何蒸氣柴油同電氣化走線唔同？你點知？
我響新界長大，細個時搭柴油火車出入，電氣化及雙軌化時，睇住吐露港填海及鋪新路軌，現在中大的環迴北路是當年的火車軌。
我網站有當年的航空圖，你可睇到柴油火車同電氣化火車的走線是不同的。
感謝分享，我係中大學生，次次行經過環迴北路都唔知果舊係咩來，依家終於知道
邊舊？坡度牌定石拱？（話時話，環迴北路冇乜人行，我拍嘢當日，半日得一兩個人得過）
@@KayWong 坡度牌，係啊冇咩人行，我都係坐校巴返宿舍先經過果條路
咁除了坡度牌外，留意埋石拱啦
6:46草下面石仔，係咪舊路基遺物？
不是，只係排水渠渠蓋，但6：46開始（我行路果段）就是路基，非常明顯，保存良好。
6:46 搞邊科
9:15 的石拱, 最近看到有變化, 整個石拱好像被大石封住了
「最近」指幾時？我平時搭車經過都會望望，唔覺有工程。
@@KayWong 我今天看到石拱中間的空位好像被石塊封住了
我聽日不搭車，後日搭車時望望先！我拍攝時（大約是半年色前，果度啱啱做完工程，之前有工程，石拱大約被封了幾年）
啱啱搭車經過，石拱冇被封住，你係唔係認錯位置？
@@KayWong 我意思是石拱原來的拱型是中空的, 但我見到的不再是中空, 而是中間填滿石塊, 整個石拱成為長方型了, 不知有冇看錯
好睇, 希望您做多啲呢類節目
仲會做多一個，從大埔墟至粉嶺，但之後應該冇乜題材諗到（經歷過），你有冇提議？
之前有《沙頭角》及《和合石》支線，睇咗未？我網站仲有其他香港國內國外鐵路嘢，記得睇埋！
想問白石角拉直路軌係邊日俾火車正式行？
24-9-1995 南行拉直，通車；
8-10-1995 北行拉直，通車。
我有一段九鐵的內部影帶，關於整個工程，但不能公開，所以我將工程的時序寫在香港大笪地網站內，有興趣可睇睇！
www.photomarket.hk/forum.php?mod=viewthread&tid=7930
@@KayWong 謝謝資料！因為坊間對確實日期都唔清楚 好多更加話係聖誕節先通車
當年唔太多媒體報導，加上南北行是於不同日期通車，所以大家唔知係好正常，你有興趣就睇埋上面嘅時序表。
唔講唔知有條舊路,感謝分享
其實好短，一分鐘多啲就行完，若你響新界住先會留意到。
多謝分享，日後白石角站點建立就睇港鐵公司決定囉！
我認為唔會起白石角站，因為與大學站距離太短，會嚴重影響行車時間及班次
同意
有人建議起好似馬場嘅支線或者欣澳嘅側線，邊個方案好啲？
@@bsau145a6 個人餘見，以白石角的人口和需要使用鐵路的需求，用接駁巴士連接大埔墟站和大學站已足夠，不需要新增車站或支線。
@@KayWong 無錯
請問遊畢上述景點後，能否由中大環迴北路，經夏鼎基運動場外圍，行到大學站？
我是分開幾日拍片的，中大入面的「景點」當然要先入中大（登記+針卡），之後經過夏鼎基運動場，然後沿環迴北路，就會經過坡度牌、石屎路枕、路基，最後去到研究生宿舍。睇完後原路折返。
@@KayWong 能不能由樟樹灘進入中大？
唔得，最近就響二號橋入，都係要登記及針卡。（樟樹灘果面冇入口）
明白，唔該晒
@@yiulungho6964 祝你旅程愉快~~~
好似我二千年頭咁上下讀初中時，火車仲會轉入鹿茵山莊下面經過，每次經過都會望到一間白色村屋，然後好快就話拉直了~
「白色村屋」唔通是龍霞靜院？
@@KayWong 睇你條片就應該係～因為寧寧舍舍有間屋係轉彎位，所以好有印象～
以前搭火車經過時我都留意龍霞靜院，但當時唔知佢叫乜名，留意佢因為沿海得佢一間屋。
我記得以前大埔去大學會見到條瀑布，唔知有無記錯
你所指的瀑布，應該是火炭站至大學站，未到大學站前的十七號橋的瀑布，今天仲有，你搵次落完大雨就會有瀑布！
下次可唔可以講下地鐵臨時車廠？
呢個難搞，因為自己冇經歷過（我是搭火車大，不是住九龍，哈哈）
那冇所謂
@@KayWong希望大量考古九鐵遺址
下次會做某兩個站之間，都有少少得意嘢，賣吓關子先，記得捧場~~~
19號橋
黃生 ：有沒有上來大陸對廣九路線的許多遺跡分段磡探 及收集流落在民間 涉及鐵路范圍所謂文物的 如廣九鐵有關輝章招牌 飱車上飱具或車飛等⋯⋯⋯
我對國內的鐵路探索只屬皮毛，曾探索粵漢鐵路、滇越鐵路，有幾條舊鐵路已計劃，但礙於封關，未有得去。（兩條鐵路的文章可睇我網站~~~~）
我對研究鐵路 及鐵路歷史 遺跡都很愛好 曾對故鄉台山新寧铁路（一個台山華僑自己創辦）非常感興趣 但移民排期已到 只好離開 每逢假期回 一有机會 都打聽有關消息 可惜 收獲甚少 無耐只好作罷 ⋯⋯
好，我抄低「新寧铁路」，台山咁近，通關後揸車去望望。有冇新寧鐵路嘅背景資料？
黃生：新寧鐵路是中國第一條民營鐵路 由台城（車站大樓仍在）經台山斗山 （創辦人旅美华桥陈宜禧先生家鄉 故居等）到江門 准備通去澳門 北向通往台山白沙 （可能还有一点路基）等地 現高鐵台山站（公益）大樓也取原台城鐵路大樓為藍本建設 60年代 我回乡曾参观台城铁路大楼 仍看到铁路火車头转换线路的大园盘 非常壮观 到台山后可与台山侨委 台山风釆杂志 或江門大學等部门联系 此条鉄路 虽已取消多年 特别经历日冠侵占 及文革破四旧 许多面目全非 但这是台山人的骄傲 老一辈都知道 如初打探一下 估计用時5～6天左右 只有心 相信你會有很大收獲的
@@lungyee9130 非常感謝你提供，我會待通關後去看看。通關前我會聯絡國內的鐵路朋友及單位，看看有甚麼情報！你方便的話，留個電郵或聯絡給我，我去台山前後就給你報告一下，我電郵是 kayw@eggstudio.com，再次謝謝你~~~
好詳細
謝謝支持，記得睇埋其他片~~~
冇4號隧道的
依家冇，以前有，看我網站文章，有圖有真相
@@KayWong 以前無現在都無，隧道編號如下，1號為旺角站北的一段約70公尺隧道，現以移除，1A隧道為何文田的人工隧道，2號為九龍塘與大園，3號為狗肚山與大學站的的100公尺隧道，以移除，5號為大埔窖與白石角的隧道，平行的是5A，因4是中國人不吉利，所以冇4號隧道，這是根據2080年前的KcR rule book. 及前老員工說的。
更正是2008年
我在文章裏多次引用《Kowloon-Canton Railway Progress Plans & Sections》，是九廣鐵路英段興建的官方圖則，裏面清楚標示大學站以北的隧道是「Tunnel No 4」。
此外，1914年出版的《The Far Eastern Review》亦有圖文並茂，報導四號隧道的興建過程。
你只講「狗肚山與大學站」之間的 3號隧道，為甚麼不提大學站以北的隧道呢？你的前九鐵員工係咪假㗎？
@@KayWong 我少年時曾穿過這隧道多次去馬料水泳棚游水，該隧道在現大學站以南，但已移除了。我也是九鐵前僱員，員工手冊都有寫隧道編號，可能是英國的則師和後來的九鐵編劇地圖時有所不同。
中大孖子徑可能冇?
你指中文大學嘅乜嘢可能？
唔怪得我印象中以前坐柴油火車經常會捐山龍啦，原來係拆咗。因為一入隧道要關窗，對哩個動作比較有印象。
柴油轉電氣化，因為單軌變雙軌，隧道唔夠位，因此畢架山要掘過新隧道、三號及四號隧道要拆，五號隧道掘多條……所以隧道數目少咗。
仲有一處地方因為雙軌化而改咗少少走線，估吓邊度？下集會介紹！
當年人太多,班數小,入唔到車廂,企在卡尾梯上,直穿隧道,無燈全黑,現在想返知危險.
@@ryanchan2818 我最鍾意就係企樓梯位！
@@KayWong 當年還係𡃁仔,唔識死,全程都企响個梯級,現在只有走去舊站愽物館,企上個車卡梯級摇下個身,幻想下.當年還有係光顧個廁所,留番堆念紀品落路軌.五十年啦.
唔同年代嘅人有佢年代嘅記憶，今日嘅 80 後就會有搭黃頭時去廁所或企行李卡的記憶。
請問可以點樣去到路波牌？
大學站落車，入中大，然後沿環迴北路行就搵到，在路邊，好易見到。
@@KayWong 現時中大係唔比外人進入，想去看下都沒有！
@朗仔香江世界LONGHONGKONGWORLD 我咪入咗去拍嘢囉~~必須登記、入校目的及出示針紙。（中大網站有講）
為什麼大學站急彎沒有被拉直？
我估計，因為大學站是車站，列車必須停站，所以不需考慮車速因素。
既然你講起，不妨分享一個內部傳聞，香港起高鐵時，曾考慮讓動車組行東鐵線（可能是代替現時的直通車），最終因為大學站太彎，動車組轉唔到彎，所以和諧號冇得行東鐵線。
當年的走線我都好印象深刻
我都係，搭到大學畢業
當年大人帶我哋去馬料水扒艇時，記得到火車站前有個好短嘅隧道，可以望穿到另外一邊🤔🤔
如果你從大學站 / 馬料水站望得到 / 穿，應該係「三號隧道」- 電氣化後拆咗，依家剩下護土牆。
@@KayWong 應該係呢個隧道，依稀記得有個廣告喺呢個隧道拍🤔🤔當時坐嘅火車窗可以趟低，一入隧道前啲人就要趕著拉高車窗😂😂
我有另一篇文章及影片《四十年後的和合石支線》，介紹一齣電影，有拍到大學站的隧道，不妨重溫！
@@KayWong0:34果條隧道唔知係咪就係呢條，另外條橋我估計應該係大學站前的UB17橋
th-cam.com/video/vCpMae60W5o/w-d-xo.html
@@吳好堤 係，官方叫三號隧道，如果你企響南行線月台最前，係可以見到隧道另一邊。呢條隧道響雙軌化時拆咗，隧道口與大學站之間就是今日都仍用緊嘅十七號橋，旁邊是瀑布，大雨仍然水湧湧的。
最好有D人行去的路線圖.我可以自己去行下
你搭車去科學園或樟樹灘村，好易行，四圍都係人。
11:42 應該係11億？
謝謝提醒，已改番做 11 億~~~
下許多回憶，
當年冇手機，所以好多乘客都會有留意，如果發生響依家，拉直咗都冇人知
重以為廿幾年唔會變化太大
香港仲有冇其他支線被荒廢
九鐵仲有，係小規模改道（類似樟樹灘拉直），下集會介紹，賣吓關子先~~~~
地鐵仲多（例如藍田站過海），不過入唔到去拍。
@@KayWong OK
相信88年意外而導致路段於7年後拉直！
你可睇睇我文章，介紹了白石角/樟樹灘拉直是「列車自動保障系統」其中一部分，並不是與出軌意外有因果關係。
😮
入灣前要加速
你指南行定北行？
南行出九龍 三座位卡出現掘掘掘 加速聲音
仲有一個已消失車站 大埔滘站
係呀，我網站有講，記得睇埋！
@@KayWong 看了，會否建立考古隊，考古整個樟樹灘路軌殘骸
@@Sam-lu1hc 考咗啦，樟樹灘冇曬路軌，只剩下路基，大部分路基變成優景里及環迴北路，小部分仲可以睇到。影片有介紹，包括優景里旁邊的路基、龍霞靜院外、十九號橋對出至中大宿舍、網球場之後及四號隧道前，以上都係非常明顯的路基。
@@KayWong 斷斷續續？
@@Sam-lu1hc 如果你指嘅係「未發展，仲係沙泥地」嘅路基，就有 (1) 優景里旁邊、（2）龍霞靜院旁邊、（3）19號橋至中大宿舍、（4）中大宿舍網球場至環迴北路；及（5）四號隧道前。以上 (1)-(5) 我網站及影片都有提及，其餘路基已變了馬路。
下一集做尖沙咀鐘樓火車站吧！
尖沙咀站有難度，因為我嘅年代已經搬咗去「九龍車站」啦，而且除咗鐘樓外，真係乜都冇得淨！
不過下一個關於鐵路影片，將會是另一條改了走線的軌道，路軌就冇乜遺蹟，但附近有得意嘢，記得留意！
@@KayWong 粵語長片、大台資訊節目 "光影流情" 有記錄清拆中的尖沙咀火車站
還有消失中的油麻地火車站
@@ABC-fl5kw 尖沙咀站都仲有個鐘樓，呢個乜遺蹟都冇啦
@@KayWong 粵語長片中的 "糊塗福星" 可見當年 "油麻地火車站" 😂😂
舊版大富翁 (70年代 "石澳版" 大富翁)，顯示當年叫 "油麻地車站"，並非 "旺角車站"，後來改為旺角車站！
呢個我知，我細個時已經改咗名做「旺角車站」了。
當年睇住佢整直去路軌
當年大家搭火車時都睇住工程進度。我有九鐵的內部影帶，記錄了整個工程，但不能出街，只能用另一個方法分享（留意香港大笪地網站）
出面叫白石角，入面叫樟樹灘，其實無衝突
我文章有講由來，記得睇埋~~
賭神一開始，發哥跳火車嗰個位
大埔滘站其實除了冇咗果站外，變化冇樟樹灘果邊咁大
你出這片時已很少mlr行了
的確係，其實我分好多次拍，計計埋埋應該有幾個月。
呢個節目有關地政勘察發展但係牽涉到歷史佢就缺乏舊有現場圖片對照令人睇得好含糊😒
以前未有數碼相機，所以舊照片唔多。
我網站有新舊航空照片對照，應該係你想睇嘅嘢。
@@KayWong恐怕會興建石屎森林
已經起緊樓啦。
@@KayWong 石屎路枕要帶走
當年小學雞有用依單新聞做剪報🤣
有冇 keep低份功課？依家擺出嚟應該非常有趣！
@@KayWong 年代久遠，應該喺堆填區深處
后來拉直了
對哇，我網站有詳盡介紹！
有顯示樟樹灘走線的片段
th-cam.com/video/NNR4Tbc6XQk/w-d-xo.html
我細個果時好似坐過
只要係1995年前搭過火車去大埔，就一定曾經過樟樹灘。
@@KayWong 是呀由大學去大埔墟站會突然有一個急灣 就是那裡了
係，就係呢個彎，依家仲有路基，不妨去懷緬吓！
90後的表示除了黃頭其它印象也沒有
不同年代的人有不同的記憶，我就是柴油年代，冇蒸汽的記憶㗎！
@@KayWong 知道，你拍一集應該都做了不少功課，辛苦了🤝
算係咁啦，部分是自己經歷，只係寫番出嚟啫。
我 答問題 樟樹灘
唔怪得坐火車快左
快咗幾十年啦。
是不是HKR
乜嘢HKR？