قصيدة للشاعر مصلح بن عياد في مجلس الأمير فيصل بن خالد ورأيه في شعر الغزل

قصيدة الشاعر مصلح بن عياد الشلوي في مجلس صاحب السمو الملكي الأمير فيصل بن خالد بن عبدالعزيز ال سعود مستشار خادم الحرمين الشريفين
‏ياتل قلبي على هاف الحشا تلي
تل السواني على مربوعة الجالي
عز الله اني بريٍ منك ياخلي
لك عدة أيام ما تطري على بالي
والله ماهوب كرهٍ لكن احسن لي
أتوب لله واعذّل على حالي
جهلت يوم الجهل ضلّى خويٍ لي
قطعى خويٍ يهين الحال والمالي
وشلون أجاملك وانا آصوم وآصلي
وآخاف ربي ودمع العين همالي
واليا ذكرت الجهل والا تخيل لي
أخذت ساعه وأنا في مخرمٍ خالي
اجاهد النفس واصلاها على الملي
واذكر مقام البشر في يوم الاهوالي
في يوم لاماء ولا ماوا ولاضلي
لاثوب لابشت لاغتره ولاعقالي
زريان عريان جسمي باديٍ كلي
انزف عرق وآترجا رحمة الوالي
والله لو انك بجنبي ماتعين لي
لو كان دمي ودمك سكرٍ حالي
مدام ذي آخرتها ليه ترسل لي
لاعاد ترسل ولا ياصلك مرسالي
ثوب الغلط ياعشيري مايفصلّي
ما هو مقاس علي ولاعلى امثالي
يازين ثوب الشرف ومعانق التلي
رجمٍ يعلّه من الهمال همالي
وضعيّف النفس مايصلح رفيقٍ لي
ماني مسميه لاعمي ولاخالي
لو تطلبه ما عطى من وزعته ملي
واليا طلب منك ماترضيه الاميالي
مصلح بن عياد