19.02.1951 - Tiranë, një dhuratë Stalinit

60 vjet më parë Enver Hoxha u tronditë nga një mjet shpërthyes që u gjuajt në oborrin e Ambasadës sovjetike në Tiranë. Jo se kishte të vdekur, jo se u thyen ca xhama rrotull, por që u godit miqësia sovjetike e cila vetëm sa ishte ngjizur. Për të shëruar plagët e kësaj goditje të 19 shkurtit të vitit 1951, do të kujdeset mendja e errët e Enverit dhe dora e përgjakur e Mehmetit, edhe pse ishtin ditët e lumtura komuniste kur asnjë njeriu në Shqipëri nuk do ti shkonte nëpër mend se ka qytetar shqiptar që do të mund të sulmonte përfaqësinë sovjetike në Tiranë. E aq më pak, pas vizitës së Enver Hoxhës në Moskë, kur vet Stalini zgjati dorën e miqësisë së thellë për shtetin shqiptar i cili kishte filluar me ftohjen ndaj Jugosllavisë. Madje pas ankesave të Enver Hoxhës gjatë takimit me Stalinin e madh në kryqendrën e Bashkimit Sovjetik, ky i fundit u kërkon edhe llogari jugosllavëve. Nuk dihet se pse Enveri filloi të heqë dorë nga Beogradi dhe për më pak se dy vjet të lidhë aleancë të fuqishme me Moskën dhe Stalinin, por jeta politike në Tiranë do të pësoj ndryshime të dukshme duke kulmuar me incidentin në Ambasadnë sovjetike, i cili ndodhi në kohën kur dora serbe zyrtarisht nuk ishte prezente në Shqipëri.