(يابحر الوفه) للشاعر حسن ألموالي الفاطمي بصوت الرادود ابو هاشم الربيعي ليلة ولادة الرسول ص والصادق ع

[@الرادودابوهاشمالربيعي]

يابحر الوفه. .. رِقه وعاطفه
نورك ماطفى .. يابو الزچيه
.
ـــــــــــــــــ ❁ ❁ ❁ ـــــــــــــــــ
.
بدرك كمل يالمصطفى بوجه السمه أزهر
هاي المسيه ابمولدك فجر الهدى أسفر
اعلن تسابيحه العرش. للباري اوكبر
من عطرك. النادر اجت الجنه تتعطر
.
عندك بالمهد .. مكتوب العهد
بس حيدر سند .. بعظم قظيه ..يابو الزچيه
.
ـــــــــــــــــ ❁ ❁ ❁ ـــــــــــــــــ
.
نور الولايه ينبعث من جذوة احساسك
خدر الزچيه ابنظرتك چي هيه نبراسك
بخدك شفت وجه الحسن متعطر ابياسك
أسم الحسين اتردده كل شهگه بنفاسك
.
ليلة مولدك .. كل طاغي هلك
فرحان الفلك .. وانت الهديه .. يابو الزچيه
.
ـــــــــــــــــ ❁ ❁ ❁ ـــــــــــــــــ
.
بالكعبه عبد المطلب ماعنده كل حيله
جدك يشاهد ابرهه يهجم أجه ابفيله
ينخى العظيم أبمولدك أعلن تراتيله
الباري ارسلك مدد طير من أبابيله
.
جيش من السمه .. الوالد فاطمه
لجل الحاطمه .. والناصبيه .. يابو الزچيه
.
ـــــــــــــــــ ❁ ❁ ❁ ـــــــــــــــــ
.
خاتم رسالات. السمه كلهم يعرفونك
تدري النصارى ابمولدك أحمد يسمونك
حتى اليهود اهل الغدر چانوا ينطرونك
رادو يهودي. تنولد حتى ينصرونك
.
همك ينجلي .. صوتك يعتلي
منصور ابعلي .. من الجاهلية .. يابو الزچيه
.
ـــــــــــــــــ ❁ ❁ ❁ ـــــــــــــــــ
.
بس الله وي حيدر فقط العرفوا الطافك
كل كلمه الفظها ولا تستوعب اوصافك
اسمع وصيتك وافتهم كل كلمه بشفافك
المايوالي المرتضى يالمصطفى عافك
.
والعاده الذخر. .. تايه بالحشر
بيمن ينتصر .. يوم الرزيه .. يابو الزچيه
.
ـــــــــــــــــ ❁ ❁ ❁ ـــــــــــــــــ
.
صادق وأمين وهم كمل بيك الكرم كله
أسمك دوه بي يالنبي تتشافه كل عله
اتمنى أنظر يوسفك سيف الهدى ايسله
يرفع لوائك بالنصر و الطاغيه أيذله
.
يبني دولتك .. ينشر دعوتك
تشمل أمتك .. كل البريه .. يابو الزچيه
.
.
ـــــــــــــــــ ❁ ❁ ❁ ـــــــــــــــــ
.
الشاعر حسن الموالي الفاطمي
ليلة ١٧/ربيع الاول /١٤٤٦هجري
السبت 21 \9 \2024 ليلة
ولادة الرسول ص والصادق
عليهم السلام في مسجد
الإمام علي ابن موسى الرضا
عليه السلام حله محلة جبران
#قصائد1446
❤❤❤❤❤❤❤❤❤❤❤❤❤❤❤❤❤❤

[@أحمدمحمود-ث8ه2ث]

متباركين مولد النبي صلى الله عليه وسلم طيب الله انفاسك ابو هاشم الربيعي

[@الرادودابوهاشمالربيعي]

@@أحمدمحمود-ث8ه2ث الله يقضي حوائجكم وحوائجنا بحق سيدي ومولاي الرسول الأعظم ص والإمام جعفر الصادق عليهم السلام ومتباركين لنا ولكم هذه المناسبه العطره

[@opomhme7d]

ها استاذ طبيت

[@الرادودابوهاشمالربيعي]

@@opomhme7d الحبيب والمخلص ربي يحفظك