BSDP-ទំនាស់ដីធ្លីប្រជាពលរដ្ឋ៧គ្រួសារជាមួយនឹងអាជ្ញាធរមូលដ្ឋាន

នៅព្រឹកថ្ងៃចន្ទ ១កើត ខែកត្តិក ឆ្នាំកុរ ឯកស័ក ព.ស ២៥៦៣ ត្រូវនឹងថ្ងៃទី២៨ ខែតុលា ឆ្នាំ២០១៩ ប្រតិភូគណបក្សសំបុកឃ្មុំសង្គមប្រជាធិបតេយ្យនៃឧត្តមក្រុមប្រឹក្សាពិគ្រោះ និងផ្តល់យោបល់ ដឹកនាំដោយ ឯកឧត្តម ម៉ម សូណង់ដូ ប្រធានប្រតិភូ និងលោកជំទាវ ហួន ផាន់ណារី អនុប្រធានប្រតិភូ ព្រមទាំងសហសេវឹក និងមានការចូលរួមអ្នកសង្កេតការណ៍ចំនួនពីររូបតំណាងលេខាធិការដ្ឋានឧត្តមក្រុមប្រឹក្សាពិគ្រោះ និងផ្តល់យោបល់ បានចុះទៅសិក្សាប្រមូលព័ត៌មានដល់មូលដ្ឋានផ្ទាល់ករណីទំនាស់ដីធ្លីរវាងប្រជាពលរដ្ឋចំនួន ៣គ្រួសារ តំណាងឲ្យប្រជាពលរដ្ឋចំនួន ៧គ្រួសារ ជាមួយអាជ្ញាធរមូលដ្ឋាន ស្ថិតនៅភូមិតាំងស្រី និងភូមិទួលត្រង់ ឃុំមេព្រីង ស្រុកបាធាយ ខេត្តកំពង់ចាម។
ក្នុងការចុះប្រមូលព័ត៌មានរបស់ប្រតិភូគណបក្សសំបុកឃ្មុំសង្គមប្រជាធិបតេយ្យ បានធ្វើការពិភាក្សាជាមួយប្រជាពលរដ្ឋមានវិវាទនោះបានលើកឡើងថា ពួកគាត់បានមករស់នៅ និងបង្កបង្កើនផលទីតាំងនោះជាច្រើនឆ្នាំមកហើយ ដោយខ្លះមករស់នៅក្នុងឆ្នាំ១៩៩៣ ខ្លះឆ្នាំ១៩៩៨ និងខ្លះទៀតមករស់នៅក្នុងឆ្នាំ២០០០ជាដើម។ ក្រោយមកនៅឆ្នាំ២០១៤ អាជ្ញាធរមូលដ្ឋានមានលោកស្រីមេឃុំឈ្មោះ ហៀង សុផល បានចុះវាស់ដីនោះចំនួន ១៣ហិកតា យកប្រគេនទៅឲ្យវត្តឈ្មោះគីរីជោតនារាម ហើយហាមពួកគាត់មិនឲ្យសាងសង់អ្វីបន្ថែមទៀតនោះទេ និងហាមមិនឲ្យធ្វើស្រែចំការទៀតផង។
បន្ទាប់ពីបានចុះដល់មូលដ្ឋានដីមានទំនាស់ និងបានសួរប្រជាប្រជាពលរដ្ឋទីនោះរួចមក ប្រតិភូគណបក្សសំបុកឃ្មុំសង្គមប្រជាធិបតេយ្យ បានបន្តដំណើរទៅសាលាឃុំមេព្រីង ជួបជាមួយលោកស្រីមេឃុំ ហៀង សុផល ដោយមានការចូលរួមពី ជំទប់ឃុំ ក្រុមប្រឹក្សាឃុំ និងប្រជាពលរដ្ឋមួយចំនួននៅមូលដ្ឋានផងដែល ដើម្បីសិក្សារកតំរុយព័ត៌មានជាក់លាក់ពាក់ព័ន្ធករណីនេះ។ ប្រតិភូគណបក្សសំបុកឃ្មុំសង្គមប្រជាធិបតេយ្យ បានពិភាក្សាជាមួយលោកស្រីមេឃុំ បានទទួលនូវឯកសារដ្ឋបាលមួយចំនួន ម្យ៉ាងវិញទៀតបានដឹងនូវដើមចមនៃបញ្ហានេះ គឺ៖
ក្នុងឆ្នាំ១៩៩៣ ដល់ឆ្នាំ ២០០០ គឺជាកន្លែងដែលប្រជាពលរដ្ឋបានសង់លំនៅឋាននៅតំបន់នោះ រហូតដល់ឆ្នាំ២០១៤ ទើបអាជ្ញាធរមូលដ្ឋានវាស់ដីទំហំ ១៣ហិកតា ប្រគេនទៅឲ្យវត្តគីរីជោតនារាម ដូច្នេះហើយបានជាលំនៅដ្ឋានរបស់ប្រជាពលរដ្ឋត្រឡប់ទៅនៅក្នុងបរិវេណរបស់វត្តទៅវិញ ដែលធ្វើឲ្យមានបញ្ហាទំនាស់ចាប់ពីពេលនោះរហូតមកដល់សព្វថ្ងៃនេះ ។
ការពិភាក្សារវាងប្រតិភូគណបក្សសំបុកឃ្មុំសង្គមប្រជាធិបតេយ្យ ជាមួយលោកស្រីមេឃុំរួចមក លោកស្រីមេឃុំបានអនុញ្ញាត្តឲ្យប្រជាពលរដ្ឋដែលមានវិវាទនោះបន្តរស់នៅលើទីតាំងដីនោះដ៏ដែល និងនៅរង់ចាំការសម្រេចរបស់តុលាការក្នុងវិវាទរវាងគណៈកម្មាធិការវត្តជាមួយប្រជាពលរដ្ឋ
ចំណែកដីស្រែវិញអាចបន្តធ្វើ ប៉ុន្តែត្រូវធ្វើកិច្ចសន្យាជាមុនសិន។
នេះជាជោគជ័យក្នុងជំហ៊ានដំបូងដែលប្រតិភូគណបក្សសំបុកឃ្មុំសង្គមប្រជាធិបតេយ្យបានចុះសិក្សាប្រមូលព័ត៌មានដល់មូលដ្ឋាន ហើយប្រតិភូគណបក្សសំបុកឃ្មុំសង្គមប្រជាធិបតេយ្យនឹងបន្តតាមដានបន្ថែមទៀត៕

[@user-uh3dq1qk7n]

អ្នកស្រីមេឃុំនិយាយបានល្អ

[@youyou1193]

លោកក៍ក្រោយប្រជាពលរដ្ថត្រូវអោយប្រប្រជាពលរដ្ថ

[@chanthea5554]

o

[@hehehong7442]

ដកយកដីគេទៅចែកអោយស្មើគ្នា

[@saina6031]

ដិីកនែ្លងណាក៍ដីរដ្ឋដែរលោក

[@koarithy5216]

ខ្ញុំ👍តាំទ្រលោកមេឃុំ១០០%