تجربة تفصيلية هيونداي كونا 2024 الجديدة
ฝัง
- เผยแพร่เมื่อ 4 ต.ค. 2024
- ايميل القناة
motorvlogs94@gmali.com
أتشرف بإضافتكم
snapchat سناب شات
/ mv94s
tiktok تيك توك
/ mv94s
instagram انستقرام
/ mv94s
ـــــــــــــــــــــــــــــــــــــــــــــــــــــــــــــــــــــ
السلام عليكم , انا شريتها السيارة لكن خذو كوب قهوة لان بسرد لكم تجربتي الي دامت 6 شهور مع السيارة
جاهزين؟
هيا لننطلق :]
السيارة الي انا اخذتها نص فل فئة البانزين 2 ليتر وقيرها CVT زي حقت الالنترا الجديدة اعتبرها النترا جيب اصلا , السيارة لي معاها 6 شهور تقريبا للأمانة السيارة بطلة طبعا للحين ماشفت مشاكلها او عيوب كبيرة
طبعا يتوفر منها 4 فئات كلهم يجون بنزين او هايبرد مابين البنزين والكهرب
الفئات كذا ترتيبهم
1- فليت ( ستاندرد)
2- سمارت ( نص فل)
3- كمفورت ( اقل من الفل بدرجة)
4- بريميوم ( فل كامل)
اكثر ماعجبني في السيارة من التجربة
(اقتصاد البنزين) السيارة الي انا خذتها بنزين فأعتبر اقتصاديتها جيدة جدا مو ممتازة لانها الي موجود على زجاجة السيارة مكتوب توفر 17 كيلو للتر الواحد لكنها تختلف في طبيعة الحال مع السواقة المختلفة من شخص لشخص لكنها ماتستهلك بشكل كبير انا دوامي في الخبر وسكني الاساسي في الاحساء اقطع الطريق 150 كيلو تقريبا لكن مو بشكل يومي بشكل اسبوعي امسك الخط يعني ويك اندات بس ومشواري للدوام من سكني للدوام ربع ساعة تقريبا مايزيد عن 5 ل 7 كيلو طبعا تدوم معي اسبوع كامل اعبيها مرة 1 البنزين يوصل 90 الى 100 ريال كذا تمشيني 500 كيلو او اقل بشوي طبعا ذي الحسبة مع طلعة مشاويري بعد الدوام في الفترة المسائية اروح كم مشوار وغيره يعني لو ماطلع ممكن تختلف الحسبة و اتوقع لو عندي هايبرد بيختلف الوضع في الاقتصاد خصوصا داخل المدينة يمكن بتكون توفر اكثر بكثير.
(المكيف): المستخدم فيها مكيف مثل حق تويوتا مكيف دينسو وبارد الصراحة في الصيف وفي الحر خصوصا في عز الظهر اخر شي وصلته 4 حبات وهو فيه يمكن 8 حبات او 9 تقريبا وهذا في عز الحر لكنه برودته زينة بس بالليل احط حبة 1 واتجمد بعد هذا المكيف وفيه ميزة وقت التشغيل عن بعد يشتغل معاك التكيف تلقائي AUTO .
(الرساوة) اما بنسبة للرساوة تعتبر ممتازة مو بطلة يعني لاتتوقع تكون ادائها رياضي مرة لكن ادائها يعتبر كويس وصالح للمدينة .
(الهدوء والعزل )هدوء مقصورتها جدا جميل لانه السيارة فيها مواد مبطنة في الرفارف وعلى الابواب وكذلك على الكبوت ف ماراح تسمع ازعاج ماكينة السيارة وبنسبة للعزل حقها فوق متوسط لانه الزجاج طبقة وحدة ولكن بسبب انه الباب والرفارف مبطنة ماراح تسمع صوت تنسيم هواء راح تسمع صوت هواء خفيف عند سرعة 120 كذا, بس العزل الارضي اعتبره اقل من المتوسط تسمع شوي ضوضاء واحتكاك الكفر وغيرها لكنه مو سيئ ومع العلم جربت يارس 2024 وسويت مقارنة بسيطة بينها وبين الكونا , اليارس اذا وصلت السرعة 100 تسمع صوت تنسيم هواء يشق اذنك من الازعاج و صوت المكينة يحن في اذنك وخصوصا انها قير سي في تي تسمع حنة متواصلة وجربت سوزوكي بالينو النتفة طلعت افضل من اليارس في العزل والرساوة تصدقون عاد ؟ D:
(التصميم الداخلي) رايق ومميز مثل السوناتا الجديدة والمواد المستخدمة لابأس بها طبعا مافيها تخشيب ولا جلود الفئة الي عندي كراسي مخمل وتحكم يدوي والطبلون بلاستيك لكن تصميم الشكل جذاب جدا زي ماشفتو بالفيديو والقير حق سيارتي ارضي مو خلف الدركسون ذي ماتجي الا في فئة الهايبرد او من الكمفورت والبريميوم بس وحامل الاكواب يختلف الي عندي عن الي في الفيديو يجي اعرض شوي والاكواب متعاكسين اما الباقي نفسه بالضبط.
(مواصفاتها) الي عجبتني والي تفيد كل السائقين من اقل الفئات الانوار كلها ليد من اقل فئة وشاشتين او شاشة وسطية وعدادات رقمية ( تعتبر فئة الاستندرد والنص فل مو شاشة بس عداد رقمي يعني ماتتغير تكون ثابتة تبين لك سرعة السيارة وتتغير لونها اذا حطيت وضعية ايكو او سبورت او نورمال مثلا و يتوسطها شاشة صغيرة حق عداد الرحلات تقدر تعرف الكيلو مترات و الساعة و حرارة الجو الخارجي و مدى البانزين و الرسائل التحذيرية الي تجي من السيارة وغيرها الفل تجيك شاشتين) فيها مثبت سرعة تفيدك للخط ومريحة في الخط ماشكيت منها صراحة وفيها مكالمة بلوتوث والسماعات صوتها جبار صراحة طرب مع هدوء المقصورة تسمتع بالاجواء في السيارة فيها مكيف خلفي وفيها منافذ شحن لكن عيبها كلها يو اس بي المداخل فضطريت اشتري لي سلك مدخل يو اس بي وشاحن الي ينحط بمنفذ الشحن حق الي ماعندهم شاحن يو اس بي ( اهلي مثلا ولا اصحابي كلهم اشتكو من عدم توفر المدخل القديم ) لكن ميزة الشاحن انه سريع اسرع من القديم هذا غير الشاحن اللاسلكي بسيارة لكن ماحسيته شحنه سريع يعني ~.~ مو لهناك و طبعا الفئة الي عندي بدون فتحة وبدون شنطة كهرب وكاميرة خلفية وحدة في الفل تجي 4 كاميرات تساعد على الركن خصوصا للسيدات تفيدهم هالميزة انا تكفيني 1 وفيها 4 حساسات امامية وخلفية و مراية صفط وتشغيل عن بعد مع انه سيارتي نص فل بس فيها تشغيل عن بعد من افضل المميزات الي عجبتني لاني وقت الدوام او وقت الحر اشغل السيارة ويشتغل معاها المكيف فأجي السيارة وهي مكيفة على الاقل ومن مميزاتها تعطيك تحذيرات الامان وقت نسيت شي في السيارة مثلا تجي رسالة في الشاشة تذكرك انه في شي نسيته في السيارة والحلو فيها انها مترفعة عن الارض فماراح تنزعج من سالفة المطبات والحفر .
(من عيوبها) الي اشوف المفروض تتوفر مافيها سنتر لوك للراكب فيضطر الي جمبي ينط عشان يقفل السيارة وقت اطلع انا منها وهي شغالة ومن عيوبها بس ايرباقين في فئة الي عندي الفل تجي 6 ارباقات ومن عيوبها احينا تحس بقساوة الكفرات في الحفر او عيون القطط لكنها في المطبات مريحة.
اعتذر على الاطالة بس هذا ملخص تجربتي الي دامت 6 شهور مع هذي السيارة وسلامتكم
شكرا على المشاركة الرائعة تم تثبيت ليستفيد الجميع
@@MV94 الله يعطيك العافية بو خالد ماكتبت هالتعليق الا للأفادة وتبي الصراحة سبب من اسبابي شراء السيارة هي اني شفت كم فيديو عنها في اليوتيوب قبل ما اشتريها من ضمنها هذا الفيديو عشان كذا رجعت هنا وعلقت في الفيديو تقبل مروري وتحياتي وشكرا لك على المعلومات الطرح الرائع للسيارة ومواصفاتها
في بعد شي حبيت اضيفه < تحمست شوي هههه بس صحيح لازم اتطرق لهذا الموضوع عشان وقت شراء السيارة الناس تعرف كل شي وتحسب له حساب الي هو
( نوع اضائة السيارة ومكان الاضاء) اضائة السيارة كلها ليد سواء استاندرد او فل لكن في اختلاف في نوعية الاضائة من فئة الكمفورت والبريميوم الي فيها عدسات والغماز ليد اما الفئة الي عندي والاستاندرد تكون شرايح ليد ( الاضائة المفتوحة زي حقت الهيلوجين مو العدسة) والغماز هيلوجين عادي مو ليد بنسبة للأضائة في الليل كويسة لكن اتوقع العدسات بتكون الاضائة احسن بكثير لان العدسات توجه الاضائة اما الشرايح بتكون الاضائة موزعة وبنسبة لمكان الاضائة بصراحة هنا يعتبر عيب لان مكانها نازل للأسفل وفي اطراف الصدام او زاوية الصدام وهالشي ممكن يسبب لك مشكلة وقت انحك الصدام لان وقت اذا احد حك الصدام اول شي بتجي الحكة على المصابيح وممكن تنكسر وراح تكلفك قيمة اصلاح غالية فلازم الي بياخذ السيارة يكون منتبه جدا من هذي الناحية .
وفي شي ثاني الي هو مكان الغماز بعد تحت مع الاضائة ساعات اذا بشغل عن بعد وانا بعيد ماقدر اشوف هل هي اشتغلت السيارة او لا بسبب انه الغماز اضائته تحت وانا اكون مثلا في مكان مرتفع (شقة مثلا ) او بعيد عن منظر الغماز شوي وانا امشي رايح للسيارة مثلا فلازم اصير في مكان قريب او واضح الرؤية عشان اعرف انه الغماز غمز عشان اعرف انه السيارة اشتغلت عن بعد 😅 هو احينا تسمع صوت السيارة اشتغلت لكن بعض الاحيان يكون ضوضاء في الشارع فماتقدر تعرف انها اشتغلت الا بهذ الطريقة الي هي انه الغماز يضوي لك 3 مرات فهنا تعرف انها السيارة اشتغلت وهذا هي وسلامتكم < بنسبة لي انا تأقلمت مع الوضع
ابو خالد . انت الوحيد الي تشرح بتقينه عاليه ,, وحترافيه الله يوفقكك
ياخي يعطيك العافيه
١٦ د ما حسيت فيها... اسلوبك ما شاء الله تبارك الله رائع في الطرح و الاميز انك ما تستخدم موسيقى
اول مرة اكتشف القناة هذه والحمدلله اني شفتها، اجمل شرح لسيارة شفته الى الان… كمية المعلومات والاسلوب السهل الوافي والجميل بكل التفاصيل… شكرا على الفيديو هذا
يعطيك العافية على التقرير الوافي والشامل
واكثر مالفت نظري...اسلوبك وطريقة شرحك وسهولة وصول المعلومة...
احلى لايك واشتراك بالقناة...
افضل شخص يسوي مراجعات للسيارات
احلى شيء أنك مرسم واليوم ثاني العيد كل عام وانت بخير موفق ياحلو
شفت السيارة في معرض في القطيف. رهيبة. شكرا على التغطية.
ياليت تسوي تغطية على فئة السمارت محرك البنزين 💔 الكل مغطي لنا عن الهايبرد
شركة هونداي صارت إبداع
مراجعة ممتازة شكرا لك 👍🏻
اجمل القنوات اللي م يمزح بالتقد يعطيك زبد الزين و الشين موب بس كلها مدح مدح و يوهق الناس م يدري انهم برقبته و يتحاسب ع الكلام و المدح للسياره ع كذب علشان شوية قروش لكن الله يعطيك العافيه م قصرت نقصك تعلمنا سعرها بي واعطيك لايك و شير
شكرا على مجهودك و شرحك و تفصيلك للسيارة غطيت كل شي ما شاء الله عليك و تصويرك جدا رائع و سهولة توصيل المعلومات.
الي حاب يعرف سعر السيارة في المجدوعي أنا رحت لهم للهايبرد اعلى فئة متوفرة الكموفرت بي 116000 ألف،
و بالنسبة لي المكينة 2.0 فئة البريمير للكاش نفس السعر بي 116000 بس أنها طلبية و تأخذ وقت إلى شهرين. الغريب أنهم نفس السعر و فرق الموصفات شاسع
فيه فئه ان لاين..داخليه اسود وسقف..هل راح تتوفر عندنا بالسعوديه؟
مشاء شرح جميله بمعن الكلمه شكرا خاص الك ١٠من 10ممتاز كم سعرها تقريبا
شكرا ليتك تكلم عن الدركسون اكثر بنسبه لنا يالبنات
السياره ماشاء الله بطله بس المشكله تقيم البنزين المفروض يكون ممتاز بلص 19
من افضل التغطيات الي مرت علي .. يعطيك العافية..
ممكن اذا حد عنده معلومة ايش الفرق بين مواصفات الكمفورت الهايبرد الي موجودة في الفيديو وبين النوع الثاني الي هو محرك 2.0 الفئة البريميم ؟
شكرا على التغطية مرحبا بس الون الأحمر مايصلح
النظام السمعي مهم في استعراض اي سيارة
روعة ❤
يا ليت لو نزلوها بمحرك ١٩٥ حصان ، السياره ١٠/١٠ بس ما حبيت حركة التكايه مفتوحه عالكونسول الوسطي مره لا
اخوك طارق النوفل ؟👀
ما بين الكونا ٢٠٢٤ (بنزين، محرك 2.0) و التوسان ٢٠٢٣ (محرك 2.0، دفع رباعي)، وش شوركم؟
التوسان وانت مغمض
جميله جداً❤
انا شاهدت فديو اخر لها
اللتر الواحد يمشي ٢٧ كيلو
هيابرد ماادري اي فئه
ال1600 سي سي
هل صحيح الكير cvt
ماشاء الله .. تنصحوني فيها او ب جيلي كولراي 24 مع ان الجيلي ارخص ب تقريبا 10 الاف ريال عندنا
@@Ali.086 حلوة ولكن سعرها يبتدي من 110 الاف :/
@@Ali.086خياس عفن غاليه ما تسوا وضعيفه مره
خلك على الكوري اسلم
@@raghadsmf بدلت الكادينزا ب جيلي .. فرق والله قوة وثبات ومتعة الكادي :(
اكو سمارت بانزين عادي وكير عادي بليز رد ؟؟
الاسعار وين . لا كذا نزعل منك
اللهم صل وسلم على سيدنا محمد
١٠٤ الف ريال تقريبا
كم سعرها
وفيت وكفيت 👍
لاهنت جرب لكزس is الشكل الجديد
يا جماعة هيونداي داعمة للاحتلال، يدعمون من يؤذي أهلكم وإخوانكم في الدين! أدبوا هؤلاء بالمقاطعة احتراما لدينكم وأهلكم في فلسطين بارك الله فيكم
القسط الشهري كم
الناغي مسوي عليها عرض 1149
عمليه درجه اولا
اظن في خطأ بالفيديو لانه قريت انها تقطع ١٦ كيلو بالليتر بينما هي تقطع حوالي ال ٢٦ كم
th-cam.com/users/shortsoNglRTKx7iU?si=TB_TQJd8_giY_oZh
الاسعار لو سمحت
فئات البنزين الى الان ما وصلت كامله لكن تبدا تقريبا من ٨٩ او ٨٦ الف و تصل ١٢٥
هي صناعة ايه
كوريا
هيا ولاتوسان
هايبرد واللتر ١٦ كيلو فقط !!! الكورلا كروس اتوقع ٢٤ كيلو
وانت مصدق أرقام تويوتا في البنزين ترا كلها كذب ولا تقعد تطبل كورلا كروس تمام
ياخي الفديو ربع ساعه لو زدته خمس ثواني وقلت الاسعار
الفل كامل 127000
السعر طيب 🥲
١٠٤ الف ريال تقريبا
مين جربها بلله ؟ يقو العيوب؟
japanese car honda vizel or yaris cross tyota is much better market value
للامممممممممانه افضضضضضضضضضل شششششخص مر علي من ناحية التغطية الششششششامله
المجدوعي افضل من الوعلان
وناغي طيب؟؟ يقولون هم اللي يوردون للمجدوعي والوعلان مدري صحيح
ليش
احس كرولا كروس افضل ب الأداء ❤❤
في احلامك بس
😂❤
لانها تيوتا وسعره مرتفع شوي لاكن إذا تبي سياره صغيره بين السوناتا والالنترا كونا حلوه
وكريتا
استأجر وجرب وراح تغير رايك
استراجت الكونا رهيبه
هايبرد والاستهلاك 16 كيلو للتر.. ماتستاهل الصراحة
اترك الارقام وكلام الفاضي
استهلاك ٢٧
اعلان فيه زيف ولعب على العقول خاف الله من اعلان التسويق
لم أرى ابشع من هذا التصميم .