BE 251 NA MONANG I DO

#be251
BE 251 NA MONANG I DO
Na monang i do na muse manganhon
parbue ni hau hangoluan i.
Ndang jadi idaonna hamagaoan
nang hamatean paduahon i.
Ai Debata na papos rohana
mambaen langkana tongtong tiur,
mambaen langkana tongtong tiur.
Na monang i ndang tupa hahuaon
ni hamatean paduahon i.
Sai jongjong do ibana maradophon
bohingku di banua ginjang i.
Sai idaonna disi Tuhanna
ro di donganna na monang i,
ro di donganna na monang i.
Na monang i do lehononku mangan
di surgo manna na buni dope.
Pangalahona do tongtong ingoton
margoar na imbaru do muse.
Na sinurathon tu batu intan
tongtong martua panjalo i,
tongtong martua panjalo i.
Na monang i marnida pambaenanku,
i do na marmahani bangso i.
Pasahatonku deba sahalangku
tu tangan ni sude na monang i.
Sai rosahanna muse alona, patunduhonna do musungki,
patunduhonna do musungki.
Na monang i do na manjalo ulos
na saksak di banua ginjang i.
Goarna i do na so jadi mosos
sian pustaha hangoluan i.
Taringotanku di Debatangku,
sude donganku na monang i,
sude donganku na monang i.
Na monang i do ingkon gabe tiang
di bagas joro ni Debatangki.
Di bagas i tongtong ibana mian jumujung goar ni Jahowa i.
Uhirhononku tusi goarhu,
Sijujungonku di surgo i,
Sijujungonku di surgo i.
Na monang i do hundul raphon Ahu
di habangsangKu na di surgo i.
Tudoshon Au di lambung ni Amangku,
partohap do di hasonangan i.
Na maradian di hasonangan
sude na monang na burju i,
sude na monang na burju i.
Urupi au o Jesus asa monang
au maralohon angka musungki.
Portibi on, sibolis nang pamatang
do na manaiti au tu dosa i.
Pasangaponku tongtong goarMu,
di ingananku di surgo i,
di ingananku di surgo i.
Musik by Tim Musik Box Gereja
Kindly Subscribe-Like-Comment.
Terima kasih banyak.
🙏🙏🙏

[@martinasihombing7607]

Amen
Mauliate godang Amang Inang kami tu Ende na mambaen haporseaon gabe lam togu tu Debata sitolusada
🙇🙇🙇😢😢😢

[@jesusisthesavior2110]

Tadi pagi pas bangun tidur, pujian ini terus bergema di hatiku. Maranatha❤

[@lilistogatorop5527]

Aku datang ke chanel ini gara" aku mimpi be no 251

[@panduanmenyanyikanbukuende8484]

Marsangap ma Tuhanta ito.
Mauliate godang.
🙏