شيلة زواج الشاب محمد بن علي بنان اليزيدي كلمات عبدالرحمن حتيحت اليزيدي اداء المنشد ( جمعان المالكي)

شيلة زواج الشاب ( محمد بن علي بنان اليزيدي ) كلمات ( عبدالرحمن حتيحت اليزيدي) أداء المنشد ( جمعان المالكي)
ــــــــــــــــــــــــــــــــــ
مرحبا والتحية قدرها غالي
عند من قدم الغالي لضيفانه
مرحبا رحب طول الدهر ما مالي
عند شيخا ً موثق جدر سيسانه
ابو راشد وله في الطيب منزالي
ماقفل عن وجوب الضيف بيبانه
مرحبا رحب مثل الغيث همالي
من سحاباً يغيث الأرض هتانه
بسم دعوى الرشيدى قول وافعالي
فعلهم بالوفا يرجح بميزانه
ولدهم لا وقف مادور اظلالي
في نهاراً تلضت فيه نيرانه
شروا من يُعتَزا به سلم و قتالي
( محمد ابن علي بنان ) واخوانه
اشهد انه شجيع معرب الخالي
بالفخر بين ربعه معتلي شانه
منسبه في القبيلة منسباً عالي
مستمدة من اخواله وجدانه
ال مران منبع طيب وابطالي
بيت ثابت على الامجاد بي اركانه
وان ذكرنا ( علي ) فالحق ينقالي
من بتوفي ( علي بنان ) قيفانه
سمعته كنها الا النايف العالي
والفخر نال بين الناس تيجانه
جنبه ارجال عز ومضرب امثالي
تنذكر في نهاراً ثار بركانه
راشد اللي علومه كلها اجزالي
سابقاً بالمراجل كل عدوانه
وان تعزوى( وليد ) بكل الاحوالي
كل علماً يجمل يكسب ارهانه
من رجالاً لها تاريخ ما زالي
والكتاب انعرف من خط عنوانه
الرُشيدي يوفي كل مكيالي
عزوتاً تردع المخطي في ميدانه
ذكرها في جنوب الدار وشمالي
مشتهر يوم كلاً يسرج حصانه
درع شيخا ً ماخابت فيه الامالي
( بن بنيه ) علو المجد عنوانه
شيخ مبدأ وجاه وعز واقبالي
جل من هو عطاه الجاه سبحانه
والتهاني تقدم با اول وتالي
مع شذا الورد وازكى طيب ريحانه
الف مبروك يامحمد وتنقالي
لك من القلب وعروقه وشريانه
جعل فالك سعيد وخير همالي
والله يكفيك شر الوقت واحزانه
وانت عانيت رجلاً يومن الجالي
لاحداه الزمان وحد نيبانه
شروا حامد محمد طيب الفالي
ماشنا الضيف من ربعه وجيرانه
عزوته كنها الا السم قتالي
من طمع في العظيمي خاب نيشانه
وختم قولي بذكر الهادي الوالي
وصلاته على محمد ورضوانه