احمد الناصر الشايع ومستور العصيمي ( اول محاورة بينهم ) العيينة ١٣٩٩ هـ

أحمد:
سلامي على آل سعود واللي حضر منّي سلام
تحيّه مع أهل اللعب ما هي بِتَمْشِيْ حالها
نبا السالفه تمسي وتصبح على سَلْمْ ونظام
وكل العباد مجوّده يالعصيمي مالها
مستور:
هلا مرحبا بك في محل الكريم إبن الكرام
من الهاجس اللي لو حموله ثقيله شالها
سباع الخلا ياأحمد تبي تسري الليل الظلام
ترى العارفه فهمان في دِقَّهَا وِجْلالَهَا
أحمد:
أنا من ثلاث سنين لي فيك مقصود ومرام
أباخذ معك مشوار والمسلمين بفالها
ولا بيننا ميراث ميّت حلال ولا حرام
وبعدين لا جاء مشكله جاء لها حلاّلها
مستور:
عسى خير مقصودك وش اللي حلمت من الْحَلامْ
ياراعَى المثل جينا وجاء للحمول جْمَالَهَا
لِيَا بانت الطمعات ياصاحبي شرقٍ وشام
ترى كل رَجْلٍ شال حَيْلِه وجاء يسعى لها
أحمد:
أنا شفت طيرٍ بالسماء ياعميل الخير حام
وربك يجازِ الناس في شغلها وأعمالها
عسى عَوْدِكْ اللي مات في رحمةْ الله للرحام
لقيتك تعدّي فالطويلةْ وشفت ظلالها
مستور:
تبيَّن نهار الحرب للحرب وإلبس لك وسام
وهاك السنةْ محسوبه أيامها ولْيالها
ألا ياأحمدالناصر حزام الرَّجِلْ فوقه حزام
تبان النتيجه وإذْرَعْ قصارها وطوالها
أحمد:
أنا ضاريٍ للحرب فالنور وإلا فالظلام
بوضح النقاء المجرود والخيل من خيّالها
أكافح وأجاهد لين أعرف الغوارب والسنام
تسير الجمال بدربها في سَنَعْ جَمَّالَهَا
مستور:
وأنا ما بغيتك تسعد إبليس ملعون الرسام
لحيث أنت في دارٍ ببيبانها واقفالها
بساعه قصيره باعني رفقته عشرين عام
وهذي تراها مشكله من يحلّ إشكالها
أحمد:
عيونك تنام وعين ربك تراها ما تنام
كفيل الضعوف برزقها مع صغار عيالها
لقيت الظوامي واقفاتٍ على الطيّه حيام
وأنا عارفٍ ميزانها العدل مع مكيالها
مستور:
عسى بيت ما يحمي دخيله وضيفه للهدام
تِمِدّ المعاني والمعاني طوال حبالها

[@TURATH_ALJAZIRAH]

السلام عليكم، هذه أول محاورة تجمع بين الشاعرين القديرين: احمد الناصر الشايع ومستور بن تركي العصيمي
وكانت بحضور الأمير: عبدالرحمن بن عبدالله بن عبدالرحمن ال سعود، في العيينة عام ١٣٩٩ هـ

[@راعيالخير]

بيض الله وجهك
شعراء كبير

[@alasoofalasoof9790]

شكرا لك ياراع القناة من زمان ماانطربنا في لعب المعاني السامية والطروق

[@AL-OTaibi-511]

رحمهم الله وغفر لهم
مستور مستور

[@الأجدل-س3ق]

ياسلام هاذي النوادر اللي نبغاها 👏

[@khalidaloutibi7238]

الله يرحمهم ويغفرلهم

[@MUTLq511]

أشكركم ياتراث الجزيره على هاذي المحاوره ومبدعين دايم

[@عابرسبيل-ه4غ]

اشكرك ياصاحب القناه والله يرحمهم برحمة لابرار

[@omaraidosari1762]

يامال الجنة 💔

[@ضيفاللهالثبيتي-ح9ب]

الله يرحمهم ويغفر لهم ويحسن لنا الختام

[@زيدالمقاطي-ن1ذ]

رحمة الله عليهم

[@HAMAD_ALMAZROUEI]

*جزاك الله خير* 🌹

[@mohmadmo3341]

الله يرحمهم ويغفر لهم ويتجاوز عنا وعنهم واموات المسلمين

[@البرنس-ذ3ت]

قبلة على جبينك ياتراث الجزيرة ،أتحفتنا بهالنوادر

[@JonAlix-jo3ok]

يمال الجنه يا احمد

[@ابومازن-ذ4ع9ل]

‏الله يرحمه ويغفر لهم كلهم جميع أموات المسلمين

[@abo.ariyadh9561]

الله يجعلهم بالجنة جميع ،
صرف ذهب من عيار ٢٤
هالبيتين لو قريتهن بالعراق ابعرف انها لاحمد جعله بالجنة ياقو بيوته وجزالتهن ولا يهون مستور
انا شفت طيرٍ بالسماء ياعميل الخير حام
وربك يجازِ الناس في شغلها واعمالها
عسى عَوْدِكْ اللي مات في رحمةْ الله للرحام
لقيتك تعدّي فالطويلةْ وشفت ظلالها

[@لاإلهإلااللهمحمدرسولالله-ق4ج]

أكافح وأجاهد لين أعرف الغوارب والسنام
تسير الجمال بدربها في سنع جمّالها

[@hazzal-mutairi4203]

صح لسانك.

[@محمدعبدالله-ب5ث4ظ]

من البيت الثاني تمهيد للمعنى
.نبا السالفة تمسي وتصبح على سلم ونظام
.وكل العباد مجوده يالعصيمي (مالها)
ويظهر أن مستور لم يعرف المقصود ودارت الأبيات في مجال الفتل والنقض واثبات الوجود ثم قال في بيته السابع (تبيّن نهار الحرب للحرب والبس لك وسام) بمعنى وضح المعنى.
فقال أحمد الناصر:
(أكافح وأجاهد لين أعرف الغوارب والسنام
تسير الجمال بدربها في سنع جمالها)
معنى هذا البيت يوحي بالسيطرة
ومن بعده ساروا على المعنى المرسوم في ثاني بيت
ويتضح بقول مستور: (بساعة قليلة باعني رفقته عشرين عام
وهذي تراها مشكلة من يحل شكالها)
فقال أحمد:(عيونك تنام وعين ربك تراها ماتنام
كفيل الضعوف برزقها مع صغار عيالها)
(لقيت الضوامي واقفاتٍ على الطية حيام
وأنا عارفٍ ميزانها العدل مع مكيالها)
بمعنى أن الله سيغنيك عن الشخص المقصود
قال مستور: (عسى بيت مايحمى دخيله وضيفه للهدام
تمد المعاني والمعاني طوال حبالها)!

[@zahwah1001]

العيينه اللي في الرياض او منطقه ثانية

[@ابومازن-ذ4ع9ل]

منطقه ثانية