Sentiljana zgjodhi Shqipërinë

Sentiljana nuk e ka braktisur fshatin e lindjes në Vaun e Dejës edhe pse shumica e shokëve të saj të fëmijërisë e shkollës kanë emigruar jashtë vendit.
Ajo ka zbuluar një pasion të ri në kultivimin e mjedrave, që lindi si nevojë për më shumë të ardhura ndërkohë që ambicia e saj është zgjerimi i biznesit dhe punësimi i banorëve të zonës.
Teksa rrëfen se përballet me shumë vështirësi, Sentiljana nuk është dorëzuar për asnjë çast po ka ecur para me këmbëngulje dhe durim.
Pavarësisht se ka hasur në paragjykime e diskriminim, e reja është e vendosur të vijojë kultivimin e mjedrave, të rritet në biznes e të qëndrojë pranë familjes, që ka qenë njëherazi shtysa dhe forca e saj më e madhe.
Sentiljana thekson se nëse nuk dorëzohesh, objektivat dhe dëshirat mund të arrihen.