XXIV Xornadas de Historia Local - Carlos Pereira Martínez A Masonería na Mariña, séculos XIX e XX

Nesta palestra, o historiador coruñés Carlos Pereira Martínez fálanos sobre a masonería na Mariña nos séculos XIX e XX. Pereira Martínez, unha das voces máis autorizadas no ámbito dos estudos sobre a masonería, comezará o seu percorrido pola masonería na Mariña reparando nas agrupacións de masóns que funcionaron nas últimas décadas do século XIX con diversas loxias operando nas localidades de Ribadeo, Viveiro e Mondoñedo, onde se significaría o medico e escritor Manuel Leiras Pulpeiro. Os núcleos masónicos existentes no período republicano antes de que o franquismo iniciase unha persecución brutal do mesmo serán tamén obxecto da charla de Pereira.