Top Channel/ ‘The Guardian’: Përse Sunak e çoi Britaninë papritur në zgjedhje?

Vendimi i papritur i kryeministrit britanik Rishi Sunak për mbajtjen e zgjedhjeve të përgjithshme në 4 korrik, duke shpallur një fushatë 6-javore që mund ta çojë partinë e tij Konservatore drejt humbjes së pushtetit pas 14 vjetësh, ka ngritur shumë pikëpyetje. Mbretëria e Bashkuar sipas Sunak, ka filluar të dalë nga “kriza e kostos së jetesës” që solli rritja e ndjeshme e cmimit të mallrave thelbësore kur Rusia pushtoi Ukrainën dy vjet më parë.
Mesazhi i kryeministrit për vendin ishtë se ekonomia është në rrugën e duhur dhe se vetëm partia e tij mund të sigurojë stabilitet. Mjaft analistë prisnin që zgjedhjet të mbaheshin në vjeshtë, ndoshta në tetor ose nëntor, shkruan The Guardian. Por Sunak sipas prestigjozes britanike, beson se perspektivat për partinë e tij nuk kanë gjasa të përmirësohen dhe mbase ka dashur të përfitojë nga elementi i befasisë, që mund t`i lejojë atij t`ia vjedhë startin partisë opozitare Laburiste, të udhëhequr nga Keir Starmer.
The Guardian shpjegon se Sunak ka marrë lejen e mbretit për të “shpërbërë parlamentin”, një e drejtë që e mban zyrtarisht monarku britanik, megjithëse në fakt është një vendim i kryeministrit. Pas 30 majit, parlamenti aktual do të reshtë zyrtarisht së ekzistuari dhe deputetët do të bëhen kandidatë, të cilët do të duhet të bindin votuesit për t’u rizgjedhur.
Nëse sondazhet rezultojnë të sakta, atëherë partia e tij edhe mund të humbasë, teksa laburistët kanë ruajtur një epërsi të konsiderueshme ndaj konservatorëve për muaj të tërë. Megjithatë, ndonjëherë fushatat mund të ndryshojnë rezultatin, vazhdon shkrimi, sic ndodhi në vitin 2017, kur kryeministrja konservatore Theresa May thirri zgjedhjet teksa kryesonte në sondazhe, por humbi pas një fushate katastrofike.
Departamenti i Informacionit, më i madhi, më kryesori në Top Channel, i cili shënoi fillimin e televizionit me edicionin e lajmeve në 20 dhjetor 2001. Përmes informacioneve të shpejta, të sakta dhe të thelluara, reportazheve dhe rubrikave të tjera informative, Top Channel është kthyer në burimin kryesor dhe me prestigjioz të informimit të të gjithëve në Shqipëri, në hapësirën mbarëshqiptare dhe kudo tjetër në botë ku shqiptarët jetojnë. Top Channel është i pranishëm me kamerat dhe gazetarët e tij në të gjitha ngjarjet më të rëndësishme të vendit dhe në botë, me edicionet e tij informative.
Për më shumë vizitoni: top-channel.tv/
Subscribe to "Top Channel" on TH-cam Channel for NEWS and TV
Shows HERE: bit.ly/2Y15KwK
For more content from click HERE: www.top-channel.tv
Like Top Channel on Facebook HERE: bit.ly/2FglWTs
Follow Top Channel on Instagram HERE: bit.ly/2uaYG2U
Follow Top Channel on Twitter HERE: bit.ly/2TJndeH
#RishiSunak#England#TopChannelNews