Banjara dawali album !! दने दवाळीरो सण ये साथळो गोर कवी राहुल नारायण भुकिया by Mahi banjara song
ฝัง
- เผยแพร่เมื่อ 26 ส.ค. 2024
- jai gor jai sevalal
गायक व गीतकार
गोर कवि राहुल भुकिया
गायीका
मंजुताई राठोड
ये गीदेन कोई बी डी जे म मत बळावजो अन्यता स्ट्राईक मारेम आई
⚫⚫काळीमावस (दवाळी )⚫⚫
💐लेख मोठो छ पण गोर हितेर छ💐
गोर वयीवाट धेनेम लिदेतो. गोर वयीवाटेम नाळी नाळी नकता, रिती रिवाज, सन तेवार आवच वोमायीरच येक तेवार कतो दवाळी(काळमावस) गोरुम मणायम आवच. गोर ये काळीमावसेन सालेर सबेती काळ रात आन काळमावस मानच. गोरमाठीम काळमावस नामेरो तेवार दि दाड चालच पेले दाड कतोच जे दाड लोक लक्ष्मी पुजा करच. वु दाड मणजे गोरूर काळमावसेर दाड वो दाड गोरमाठी रातेर सुम काळ पाट काटतेते. आन से वेन येक तो हिसा पाडलेतेते नितर येक जाग लंघाण राधन खातेते. खाणो पिणो वेयेर बांधेम तांडे मायीरी हामारी तरूण छोरीय(हरपंणी) हातेम ढाकणीम दिवो लेण तांडेम घर घर मेरा मांगतीती. आज भी गोरमाठीर तांडेप यी रित जतन छ आज भी छोरीय हाक्केती घर घर जान मेरा मांगच आन मेरा मांगेन जातु जातु गिद बोलच क.
रात अंधेरी ये दिवलो बाळलीजो,
पाणीरो तोटो ये झारी झकोळ लिजो,
वाटेप कतरा ये हाड हाड करदिजो
आसे तरार गिद बोलतू बोलतू जाण पेले नायकेर घर मेरा मांग पच तांडेर घर घर जाण मांग आण मेरा मांगेर वना गिद बोल क.
वरसे दनेरी कोट दवाळी मरीयामा याडी तोन मेरा,,
वरसे दनेरी कोट दवाळी सेवाभाया तोन मेरा,,
वरसे दनेरी कोट दवाळी नायक नायकन तोन मेरा,,
वरसे दनेरी कोट दवाळी गराश्या तोन मेरा,,
वरसे दनेरी कोट दवाळी बापू तोण मेरीया,,,,,
आसे तराती मेरा मांग जना पच वो छोरीवुर ढाकणीम कोयी गोळ नाक, तो कोयी रपीया नाकतेते. पच वु रात डगर जायर बाद दूसरे दाड. दन निकळतेके साथ गोरमाठी हांगोळी पाणी न करता छादळा आन कडची लेन छादळा ठोकतेते आन येक वात केतेते क.
"आळस निकळ लार बेस,"
"वुठ रंडी बार बेस"
आन पच वोर बाद तांडेरी से छोरीय येक जाग भळण से तांडेम घर घर जान गोदण करतीती आण गोदन बणायेर नंतर पच से तांडेरी छोरीय बरू लेय वासु जंगलेरी वाट झललेतीती आन वाटेप जातु जातु गिद बोलतीती क....
1) दने दवाळीरो सन ये सातणो बरू लेयेन जावाये आज,
छेळीरो छेळक्या ढोरुरो ढोरुक्या बरुरी खबर मण केदोरे आज
दने दवाळीरो सन ये सातणो बरू लेयेन जावाये आज,
2) काळीर वावार छ खेचडीरो झाड छ,
ये वोरे हेटं विरेणा सुतोच ये आज,
हातेम झारी पाटलीम चुमरो,
चली जारीये विरेंणारे खबरेन,
वूठ रे विरा हात मुंडो धोलं,
मूठी येक चुरमो खालरे विर,
झारी झकोळो पाळी पिलरे विर,
3) वारारे दामळेती छुटीये बाळदा
बाळदा डुंगरेती हाल सो मोर
कायी खावच विरा डुंगरेती बाळदा
खावचं रे हारीया ये घास
कायी पिवच विरा डुंगरेती बाळदा
वो पिवरे गंगारो ये निर
कुण वजायो रंगी वासळीये भुरीया
ये भुरीया वरती आवं ये झुल
कुण सिडायो तारो ढाबळो ये लामडी
ये कुणे लगायो लांबी डोर
आसे तराती गिद बोलती बोलती याडी भेणे बरू लेयन जाव आन वत लांबडी तोडतु वना भी याडी भेन एक गिद बोल.
लांबडीये लांबडीय
तारी काडु चांबडी
वो चांबडीम भेळुये सिंदीया नुण
वोरे नंतर याडी भेन बरू लेन होटो आव आन बरू लायेर नंतर जे छोरीय परभाती तांडेमायीर घर घर गोदन बणायी ती वोन वो गोदनेन तिसरेक पोर बरू लामडी नाकन पुजतीती जना वोन पुजेर गिद बोल क.....
खेवडीया मेवडीया, रींढी सोटरी, बांडीया बूचीया घोडेरी घसाळे, हूटेरी कटारे, लांबी लारे, धोळी हारे, पीळी फोजे, वाड कूंदिया, दामळी तोडीया टोकळीस मातेर, छादळास कानेर, डोडीभरी गावडी तलावडी भरो छाच ,कूडाभरो घी अन, धन, दूध, पूत लावलसकर घळ घळ देसये दवाळी माता नंगरीन हारो भरो रेयेदेश ये दवाळी माता, मारे विरारी टांगे रूची करेस,,,
आन पच छेळी बोकड्या आन मिंगणी भी पुजतीती आन पुजतु पुजतु यी गिद बोल
हार हार करतु मुंडो सुकावे
तिर तिर करतु टांगे सुकावे
मान्या बोकड्या माॅव माॅव
घळ घळ देशे दवाळी माता
मारे विरारी टांगे रूची करेश
गोदन आन मिगणी पुजनागेकी गोरूर दवाळी(काळमावस) नामेरो नकता सन तेवार आतच खतम वेजातोतो. आन आसे परकारेती गोरमाठी दि दनेर दवाळी(काळमावस) मणातोतो. भियाव पण आज हामारच कायी सिकेसाके वेल काॅलीफायीड आनपड लोक पेनार संस्कृतीन गोर वेयीवाटेन विरोध करेन लगगे. गोर संस्कृती कतो आपन जलम देता याडी आपन सिकगे, मोठे वेगे, करण आपण आपणी याडीन भुलजाया कायी. अरे कायी लोई क तो कच की भा तम जुनी वाते केरेचो वोन मार केणु छ क भिया आपण याडीर वय वेगी वु जुन वेगी तो वोन भुलजावचा कायी रे. गोर वेयीवाट येक याडी पेक्षा कमी छेयी भियाव पण आज वोन जाळंरे कोणी गोर वेयीवाट टकान रकाडेर पेलो प्रयोग हाम स्वतः 2016 यवतमाल जिल्हा मायीर मार तांडो धुळापुर आन पिंपळखुटा तांडेम किदे. आन लक्षीपुजा न करता काळमावसेर सुम काळ पाट काटन हाम से वेन मळवेटन लघांन राधन खादे हामेन विरोध भी वो सपोट भी मळो पण हाम केरी विचार न करता गोर वेयीवाट टकन रेणु करण किदे तो आज हामेन कोयी विरोधक छेनी. तो आवो गोर केन गोर वेयीवाटेन हातभार लगावा जै गोर जै सेवालाल.
लकेवाळो:- गोर रावूल भूकीया
रेयेवाळो:- तांडो धूळापूर ता दारव्हा जी यवतमाळ
बोलेर छ:- 7776021066
RECORDING STUDIO
GOR MAHI ASOLA
MO.8975121801
#GORSHIKWADITV
#GORMAHISTUDIOASOLA
#SONUBANJARASONG
#MAHIBANJARASONG
गोरमाटीरे इतिहास तारो मोठो.. राहुल तार आभार ई दवाळीर इतिहास तु मांडो.🏳️✊👍✌️💪🚩
Nice Bhiya
1 च नंबर भिया जय सेवालाल🎉❤
जय सेवालाल भाई 🌹🌹🙏🏽🙏🏽👏🏽👏🏽
Jai sevalal
Jay sevalal jay gor banjara
Mast 1 No chh bhai
जय सेवालाल भिया बंजारा दवाळीर हार्दिक शुभेच्छा
गोरूरो इतिहास मत भुलो........खरोच मस्त
Jay shevalal
Mast Bhai
1 number bhau 👌
Super 💖
जय सेवालाल🙏
एक नंबर राहुल जय सेवालाल
जय सेवालाल. घणो आ्चो काम किदे भिया.
आसेचं..गोरूरो इतिहास घडायेर गिद नाकतो जो माही.....आपंळ इतिहास घडायेवाळ लोक छा..............आपंळ जबाबदारी वटान काम करीया..तो सेवालालेर सपनो जरूर पुर्ण करीया..
NICE