Jeta ndalon në Sinaloa, luftë mes besnikëve të El Mayos dhe Los Chapitos / Cartel, në Top News

Banorët e qytetit meksikan të Culiacánit janë mbërthyer nga frika dhe pasiguria, si pasojë e carjes së kartelit Sinaloa, që ka lënë pas gjurmë vrasjesh, zhdukjesh dhe bllokadash.
Të paktën 39 persona janë vrarë vetëm në dy javët e shkuara në shtetin verior të Meksikës, Sinaloa, ndërsa fraksionet rivale të kartelit të fuqishëm vazhdojnë të përleshen mes tyre. Sekretari meksikan i Mbrojtjes Luis Cresencio Sandoval konfirmoi të martën se vdekjet përfshijnë edhe dy pjesëtarë të ushtrisë.
Lufta nisi më 9 shtator, pavarësisht pranisë së më shumë se 2000 forcave të sigurisë në zonë.
Dhuna u rrit pasi Joaquín Guzmán López, djali i ish-udhëheqësit të kartelit Sinaloa, Joaquín "El Chapo" Guzmán, mbërriti në SHBA më 25 korrik. Ai zbriti nga një avion në El Paso të Teksasit, së bashku me Ismael "El Mayo" Zambadën, një nga dy themeluesit e kartelit. Zambada, pas arrestimit të tij, pretendoi se ishte rrëmbyer nga Guzmán López dhe ishte dërguar në SHBA kundër vullnetit të tij.
Tani, një luftë për pushtet duket se po shpaloset midis djemve të El Chapos, të njohur si "Chapitos" dhe besnikëve të Zambadës. Dhuna në Culiacán, kryeqyteti i Sinaloas, ka paralizuar qytetin. Shkollat janë mbyllur, bizneset janë mbyllur dhe transporti është thuajse i paralizuar pasi banorët kanë frikë se do ta gjejnë veten në mes të zjarrit.
Përplasjet e fundit janë vetëm një shembull i dhunës në rritje në Meksikë. Kartelet kanë adoptuar taktika më të avancuara luftarake, duke përfshirë përdorimin e bombave në rrugë, llogoreve, automjeteve të blinduara artizanale dhe madje edhe dronëve të aftë për të lëshuar bomba.
Që nga java e kaluar, Culiacáni ka parë një valë frike dhe kaosi. Guvernatori Rubén Rocha urdhëroi mbylljen e shkollave dhe anuloi festimet e Ditës së Pavarësisë së Meksikës gjatë fundjavës. Shkolla ndërkohë, u rihap të martën në Culiacan, por tensionet mbeten të larta.
"Askush nuk zgjohet një ditë dhe vendos të bëhet një trafikant droge. Këto vendime merren pasi kanë ndodhur një sërë ngjarjesh në jetën e dikujt."
Kështu e përkufizon botën e drogës një nga narkotrafikantët më të mëdhenj të botës.
Jeta e tyre është e mbushur me krime, trafiqe, vrasje, tradhti, bëma dhe mite.
Një seri dokumentarësh vjen në Top News, mbi lordët famëkeq të drogës.
Cartel
Çdo të dielë
Ora 21:00
Për më shumë vizitoni: top-channel.tv/
Subscribe to "Top Channel" on TH-cam Channel for NEWS and TV
Shows HERE: bit.ly/2Y15KwK
For more content from click HERE: www.top-channel.tv
Like Top Channel on Facebook HERE: bit.ly/2FglWTs
Follow Top Channel on Instagram HERE: bit.ly/2uaYG2U
Follow Top Channel on Twitter HERE: bit.ly/2TJndeH
#Cartel #TopChannel #TopNews

[@tonitoni4831]

20 dit luft mes dy karteleve..