Аршын Жолдасхан - Мен туралы ойландыңба бақтарда

Аршын Жолдасхан - Мен туралы ойландыңба бақтарда
Әні : Асхат Әбілахат
Сөзі : Мұхтар Шаханов
Мен туралы ойладың ба,
Бақтарда
Құстар әні күйше шалқып жатқанда?
Ойладың ба мені келіп қалды-ау деп,
Бір жолаушы есігіңді қаққанда.
Ақша бұлттар жүзсе көкте сенделіп,
Бұрымыңды сипап өтсе жел келіп,
Қара жолға қарап ұзақ тұрдың ба,
Тәтті үміттің құшағында тербеліп.
Жырақ қалған жылды еске алып ілгергі,
Мені ойлаумен өткіздің бе түндерді?
Жазғы кеште қырға жалғыз шықтың ба,
Маған арнап үздің бе сен гүлдерді?
Төзіміңді тауыстың ба, біттің бе?
Ұмытпаса бір келер деп күттің бе?
Оңашада жеңешеңнен жасырып,
Маған арнап қол орамал тіктің бе?
Ұмытпаспын, қайда жүрсең бол есен.
Кешірім ет, нәзік нұрға бөлесем.
Маған арнап тіккен болсаң орамал ,
Хатқа салып жібермедің неге сен?
Үмітіңді азық етіп көп күнге,
Әлде мені ынжықсың деп сөктің бе?
Әлде менен үміт үзіп, басқаның,
Тағдырына тірек болып кеттің бе?
Қанатыңа қайрат жалғап бір аршын,
Бәлкім, бәлкім, іштей ғана тынарсың.
Білсем еді-ау, ойландың ба мен жайлы
Бәлкім, тіпті ойланбаған шығарсың.
Шынымен-ақ, ұмыттың ба солай сен,
Сырыңа ортақ етіп ең-ау талай сен.
Саған адал емес пе едім соншалық,
Мені, аяулым, ұмытасың қалай сен?!
Бәрі мүмкін.
Емес мұным кінәлау.
Мүмкін, тағы, ұнап жүріп ұнамау.
Бәрі мүмкін, ал бірақ мен жайында
Ойланбауың, мүмкін емес шығар-ау!
★ Zhuldyz TV - ән мен әнші, бейнебаяндар мен музыкалық жобалар, тұсаукесерлер!
Instagram: / zhuldyz.tv
Vkontakte: zhuldyztv
Facebook: / zhuldyz.tv.kz
Twitter: / zhuldyztv
Мой Мир: my.mail.ru/mai...
Одноклассники: ok.ru/zhuldyz....
☎ [phone] [e-mail] || [e-mail]
#zhuldyztv #АршынЖолдасхан #МенТуралыОйландыңбаБақтарда