Ali Aliyev& Amina Shirin - Hec Bilmirem Men Seni (Seir)

#alialiyev #aminashirin #ramizrovshen #itirdim
Sair:Ramiz Rovshen
Instagram:@alialiyevofficial
Heç bilmirəm mən səni
haçan, harda itirdim?
Yağış yudu,
yoxsa ki, külək apardı səni?
Bu sevgi nağılını
mən biryolluq bitirdim,
Axtarmıram -
axtarsam, yəqin, tapardım səni.
Dünyada bircə qorxum
səni itirmək idi,
Sən yoxsan -
bu dünyada daha mənə qorxu yox.
Amma sənsiz elə bil
hər şey şikəstdi indi;
Saatımın əqrəbi,
çaynikimin qulpu yox.
Yel vurduqca yellənir
pencəyimin ətəyi,
Pencəyimin sonuncu
düyməsitək qopmusan.
Barı çoxdan sovulmuş
ağacın üsündəki
Ən sonuncu, ən şirin
meyvəsitək qopmusan.
- Dərdlilər öz dərdini
suya deyər, - deyiblər.
Yaxşı ki, su da gəldi,
dərdimdən azad oldum.
- Armudun yaxşısnı
ayı yeyər, - deyiblər.
Getdin, hansı ayının
damağında dad oldun?!..
Sənsiz, elə bilmə ki,
kefə baxıram, kefə,
Sən yadıma düşəndə
darıxıram hər gecə.
Uşaq vaxtı, haçansa,
ömrümdə bircə dəfə
Pişiyimiz itəndə
darıxmışdım beləcə.
Daha uşaq deyiləm -
hər itənə ağlayam.
Rahat yatıram daha,
yuxum div yuxusudu.
... Kimdi bu gecə yarı
qapımı cırmaqlayan?
Bu nə səsdi?
Deyəsən, pişik miyoltusudu...
Müəllif hüquqları "Baku Cms Media" tərəfindən qorunur.
[e-mail] / www.bakucms.com
#AliAliyev #AminaShirin

[@nuraymemmedli9529]

ÇOX SUPER ŞEİR. SƏSLƏNDİRMƏDƏ ƏLAAAA. AĞZINIZA, ÜRƏYİNİZƏ SAĞLIQ.

[@amandasilva32144]

I HEAR USING MY ESTAR eu ouço usando meus ouvindo só estou muito bem 👍🕊🙏🙏😊

[@ElnurAliyev-s4c]

Super❤