【賽後檢討】5月22星期三快活谷夜賽

（ 賽後檢討 ）快活谷 Epic 075 22 May 2024 (Wed)
各位網友大家好, 今集“賽後檢討”同大家回顧返今晚分享咗嘅四匹馬匹嘅表現，呢四匹馬包括“新幹線、神速馬車、星運皇爵、銀騰”....
先講講今晚C+3跑道形勢， 今晚九場馬嘅時間除咗頭場之外普遍都係畀標準慢少少， 前領馬以及一檔貼欄非常有利， 華人練馬師最犀利贏晒九場，跟住大家睇片就會發現到呢個情況....
先睇第二場 四班千二米 4號“新幹線”、“董明朗”騎122磅排6檔起步.....
起步放頭: 儀琪之寶、新力、生生勝利、九秒九、馬有運、加州一寶、新幹線、快樂老撾、精英至尊、旅遊高球、利衍天下、九尾狐.....
今場頭兩段步速47.10， 畀標準時間慢7線，“新幹線”出閘順利跟喺中間轉彎有少少失位，直路要追今晚形勢就唔係咁合適，返到嚟輸三又四分一身位跑第七， 快活谷賽事就係講形勢、講檔位，亦都冇辦法....
“新幹線”今季跑咗九場，今場輸咗應該會減兩分去到44分回復季初評分，睇下“韋達”會唔會拎佢過沙田搏一搏，其實千四米一樣好.....
第四場四班千二米，11號“神速馬車”、“艾兆禮”騎119磅排7檔起步.....
起步放頭: 精益大師、東來欣賞、精選威、真感、精妙星、進優自在、歡樂老撾、銘記知友、神速馬車、超旺財、財駿、漣心聲.....
今場頭兩段步速46.47， 畀標準時間快0.3線，“神速馬車” 沿途不願展步，直路催騎亦有啲內閃，同隔離馬友碰撞、走勢非常唔穩定，最終輸四個身位跑第七....
“神速馬車”今季跑咗六場，按血統呢匹馬應該跑要增程跑千四以上會更合適....
第五場四班千1650米, 11號“星運皇爵”、“艾兆禮”騎122磅排4檔起步.....
起步放頭: 年年歡呼、包裝至善、龍船快、蟲草之鳳•、星運皇爵、旋風飛颺、綠色好運、金德義、極速滿貫、架勢奇爸、獎星、競駿翩翩....
今場頭三段步速1.15.20， 畀標準時間1.16.10快秒一，“星運皇爵” 沿途跟前其實係非常吃虧，返到嚟隻馬仲唔斷，跑呢個第五其實一啲都唔簡單，值得跟進.....
“星運皇爵”今季跑咗六場，“浪漫勇士”一族就比較早熟，照計佢已經踏入成熟期.....
第八場三班 1650米 7號“銀騰”、“希威森”騎120磅排2檔起步.....
起步放頭: 瑰麗人生、英雄本色、銀騰、波爾多、赤兔猴王、赤馬雄風、浪漫老撾、跑得好快、華美之威、大學生、本領非凡、銀進....
今場頭三段步速1.15.74， 畀標準時間1.16.10快4線，“銀騰”排內檔跟前其實冇乜著數，返到嚟直路衝刺麻麻地，最終輸二又四分三身位得第六，初次轉馬房跑快活谷表現一般....
“銀騰”今季跑咗六場，今場輸馬評分可能會減兩分去到62分，接近四班落邊緣，未來要睇下成哥點樣部署....
好快同大家回顧返今日四匹分享馬出賽嘅表現，大家可以做做筆記，睇下有咩馬值得跟進，今集講到呢度，我下次再見，拜拜.....

[@rockyhon4940]

想請問一下！鄭欠2塲！新馬賽計唔計的？？

[@alisha0125]

Rocky哥🌒晚安🍒🍪☕
新馬賽頭馬等同三班頭馬， 星期日佢嘅"東昇鉞"....搏命呀😁

[@rockyhon4940]

@@alisha0125 肯定！上次快走速都唔斷！嬴馬二隻又重磅！排檔又差過佢！其他對手又弱！😂😂😂！不過就熱到$28！！值唔值博的問題！

[@tzeyuen5461]

跟你買、今次無隻得

[@alisha0125]

源兄🌥早晨🍞🧀🌮☕
尋晚分享表現真係非常差勁，令你失望抱歉、抱歉🙏
星期日我哋有好多隻"跟進馬"出場，我一陣會分兩條片出，希望可以幫你贏返星期三嘅錢🤗
❤感謝你嘅支持💜㊗你星期日🏇好運💰🀄💰🀄💰

[@Stanley910]

銀騰刪除跟進馬嗎？

[@alisha0125]

Stanley⛅早晨🧀🍞🍮☕
今場只不過係轉馬房第一次跑快活谷，賽績可以抹咗佢，返沙田要留意👌

[@rockyhon4940]

新龫線你話係開盤手勁唔勁？騎師開125賠！一早知道受阻同失蹄？😂😂😂😂

[@alisha0125]

Rocky哥， 點到你唔服😁