តំបន់ទេសចរណ៍នៅខេត្ត កំពង់ឆ្នាំង
ฝัง
- เผยแพร่เมื่อ 15 มี.ค. 2021
- តំបន់ទេសចរណ៍នៅខេត្ត កំពង់ឆ្នាំង
រមណីយដ្ឋានភ្នំនាងកង្រី ស្ថិននៅឃុំ២ គឺៈ ឃុំពោធិ និងឃុំត្រងិលក្នុងស្រុកកំពង់លែង វានៅទិសខាងជើងប្រហែលជា ១៤ គ.ម ពីក្រុងកំពង់ឆ្នាំង ។ ភ្ញៀវទេសចរទៅទស្សនា ទាំងរដូវប្រាំង នឹងរដូវវស្សា ប៉ុន្តែគឺត្រូវឆ្លងដងទន្លេសាបតាមកំពង់ផែទេសចរណ៍ ដើមពោធិ៍ផ្សារក្រោម ។ ភ្ញៀវទេសចរធ្វើដំណើរទៅដល់ចំណុចកំពង់ហាវ ឬកំពង់បឹង យើងត្រូវបន្តដំណើរឆ្លងកាត់ភូមិ៤ គឺ ភូមិពោធិ៍អណ្ដែត កំពង់បឹង កែងតាសុក និងអណ្ដូងរនុក ដែលកាត់តាមច្រកភ្នំត្របែក ទៅដល់ដើមពោធិ៍ធំមួយដើមឈ្មោះថា”ពោធិ៍ដំណាក់ ” បត់ឆ្វេងដៃដើរកាត់តាមវាលស្រែចម្ងាយប្រមាណ ៧គ.ម ទើបដល់ភ្នំនាងកង្រី ។ ភ្ញៀវទេសចរកម្សាន្តទេសភាពនៅជើងភ្នំដ៏ស្រស់ត្រកាល អាចហែលទឹកកម្សាន្ត និងមើលទេសភាពថ្ងៃរាប លិច។
រមណីយដ្ឋានភ្នំក្រាំងដីមាស ស្ថិតនៅក្នុងឃុំស្វាយជ្រុំ និងឃុំស្រែថ្មី ស្រុករលាប្អៀរ ខេត្តកំពង់ឆ្នាំង។ លាតសន្ធឹងតាមបណ្តោយផ្លូវជាតិលេខ៥ ក្នុងទិសដៅពីទីរួមខេត្តឆ្ពោះទៅខេត្តពោធិ៍សាត់ លើផ្ទៃដីប្រមាណ ២៨៨ហិចតា។ ភ្ញៀវទេសចរជាតិ អន្តរជាតិ បានមកទស្សនារមណីយដ្ឋាននេះរៀងរាល់ថ្ងៃ ដោយឡើងទៅលើកំពូលភ្នំតាមផ្លូវបេតុង។ នៅលើកំពូលភ្នំ ភ្ញៀវទេសចរនឹងបានឃើញ និងទស្ស-នា វត្តធម្មវ័ន្ម ដែលវត្តនេះជាទីនិយមសម្រាប់ពុទ្ធបរិស័ទជិតឆ្ងាយ និងភ្ញៀវទេសចរយ៉ាងច្រើនកុះករ។ ក្រៅពីធ្វើបុណ្យទានតាមព្រះពុទ្ធសាសនា ភ្ញៀវទេសចរក៏អាចដើរកម្សាន្ត និងគយគន់ទេសភាពដ៏ស្រស់ត្រកាល នៃវាលស្រែពណ៌បៃតងស្រស់ ដើមត្នោត ផ្ទៃទឹកទន្លេសាប ភូមិឋានប្រជាពលរដ្ឋក្រុងកំពង់ឆ្នាំង និងស្រុករលាប្អៀរ ពីលើកំពូលភ្នំ។បន្ថែមពីនេះ ភ្ញៀវទេសចរអាចជិះកង់កម្សាន្ត គយគន់ ទេសភាពតាមដងភ្នំក្រាំងដីមាស ទិញវត្ថុអនុស្សាវរីយ៍ និងទស្សនាការផលិតវត្ថុអនុស្សាវរីយ៍ផ្សេងៗផលិតពីដីឥដ្ឋ នៅភូមិអណ្តូងឬស្សី ឃុំស្រែថ្មី ស្រុករលាប្អៀរ ខេត្តកំពង់ឆ្នាំង។ក្រៅពីនោះ នៅភូមិទ្រា ឃុំស្រែថ្មី ស្រុករលាប្អៀរ ខេត្តកំពង់ឆ្នាំង ដែលនៅមិនឆ្ងាយពីភ្នំក្រាំងដីមាស ភ្ញៀវទេសចរអាចធ្វើដំណើរតាមរថយន្ត និងម៉ូតូកងបី ទៅទស្សនាប្រជាពលរដ្ឋឡើងត្នោត ដើម្បីយកទឹកត្នោតរម្ងាស់ធ្វើជាស្ករ ឬល្ងូ។
រមណីយដ្ឋានអតីតរាជធានីលង្វែក ស្ថិតនៅភូមិស្រះចក ឃុំលង្វែក ស្រុកកំពង់ត្រឡាច មានចម្ងាយប្រមាណ ៥១ គ.ម ពីក្រុងកំពង់ឆ្នាំង។ វត្តត្រឡែងកែងជាវត្តដែលមានវ័យចំណាស់ជាងគេនាយុគ្គសម័យលង្វែក ១៥២៥-១៥៩៥ មានឈ្មោះថា ព្រះវិហារមណ្ឌល កសាងឡើងក្នុងរជ្ជកាលព្រះបាទអង្គច័ន្ទរាជា ១៥២៥-១៥៦៧ ដើម្បីឧទ្ទិសដល់ជ័យជំនះរបស់ទ្រង់ ក្នុងការធ្វើសឹក សង្គ្រាមប្រឆាំងនឹងការគ្រងរាជ្យសម្បត្តិរបស់ស្តេច កន និងជ័យជំនះលើពួកបច្ចាមិត្តបរទេសដែលចូលមកលុកលុយប្រទេសខ្មែរនាសម័យនោះ។
សហគមន៍អេកូទេសចរណ៍ ទឹកធ្លាក់ថ្មក្រាល ស្ថិតនៅភូមិកោះក្ទម្ព ឃុំជៀប ស្រុកទឹកផុស មានចម្ងាយប្រមាណ ៥៧ គ.ម ពីក្រុងកំពង់ឆ្នាំង។ ភ្ញៀវទេសចរអាចទៅទស្សនាលំហែកាយ នៅពេលសម្រាកពីការងារ ឬថ្ងៃចុងសប្តាហ៍ ស្រស់ស្រូបអាហារជុំគ្រួសារ ឬជួបជុំមិត្តភក្ត្រ នៅក្រោមម្លប់ឈើដ៏ត្រឈឹងត្រឈៃ កម្សាន្តជាមួយនូវទឹកធ្លាក់ដ៏សែនត្រជាក់ លាងជម្រះនូវភាពនឿយហត់ តប់ប្រមល់ និងទុក្ខសោកទាំងឡាយឲ្យទៅតាមទឹក និងនាំមកវិញនូវសេរីសួស្តីត្រលប់មកវិញ។
សហគមន៍អេកូទេសចរណ៍ទឹកធ្លាក់ស្រែអំពិល ស្ថិតនៅភូមិក្តុល ឃុំក្តុលសែនជ័យ ស្រុកទឹកផុស មានចម្ងាយប្រមាណ ៥៨គ.ម ពីក្រុងកំពង់ឆ្នាំង។ ភ្ញៀវទេសចរអាចទៅទស្សនាលំហែកាយ និងងូតទឹកលេង ជាមួយទឹកធ្លាក់ធម្មជាតិដ៏សែនត្រជាក់ ។ ក្រៅពីនោះ ភ្ញៀវទេសចរអាចកម្សាន្ត នៅតំបន់ភ្នំដែលមានទេសភាពស្រស់បំព្រង និងមានដើមឈើតូចធ្វើឲ្យភ្ញៀវទេសចរមកកម្សាន្ត ម្តងហើយម្តងទៀតឥតឈប់ឈរ។
ដូចជាមិននិយាយពីបារ៉ាយកំពង់ឆ្នាំសោះព្រោះជាកំណើតរីកចម្រើននៃពាណទិត្យបុរៈ ក្នុងប្រវត្តិសាស្ត្រ
มาชมจ้า
ចុះមានបឹងទន្លេឬព្រែកទេ
អគុណដែលចែករំលែក ចង់ទៅលេងណាស់
មេនហើយកន្លែងនិងធ្លាប់ទៅតើសប្បាយណាស់បង
វីដេអូល្អណាស់ប្រូ
បាទសូមអគុណចំពោះការគាំទ្រ
@@somnangsoktourism3538 maintains made sense 👌 👏
ស្ដាយការអត្ថាធិប្បាយល្អរបស់ប្អូន បែរជារូបភាពមិនល្អសោះ ប្អូនប្រើកាមេរ៉ា មិនល្អរូបភាពមិនច្បាស់។
បាទបងបាទ!អរគុណច្រើនណាបងសម្រាប់ក្តីស្រលាញ់នឹងការផ្តល់កម្លាំងចិត្ត ជាពិសេសការផ្តល់ជូនសម្រាប់ចំណុចខ្វះខាត!
ទឹកជ្រោះ ថ្មក្រាល
បាទបងបាទ!អរគុណច្រើនណាបងសម្រាប់ក្តីស្រលាញ់នឹងការចូលរួមជាមតិយោបល់ណាបង!
មានផ្លូវឡានម៉ូតូទៅដល់ភ្នំនាងកង្រីអត់ប្រូ ខ្ញុំស្ដាប់ប្រូនិយាយដូចមានតែផ្លូវទឹក
បាទបងបាទ!ខ្ញុំធ្លាប់បានទៅគឺមានផ្លូទៅដល់បង!
ចង់ទៅលេងដែរបង😊
បាទបងបាទ!អរគុណច្រើនណាបងសម្រាប់ក្តីស្រលាញ់នឹងការផ្តល់កម្លាំងចិត្តណាបង!