قصيدك ليل بدر بن عبدالمحسن |تصميم روح البدر

قالت قصيدك ليل سودٍ معانيه
رويانةٍ بالدمع وامدادها دم
الى متى يا شاعر الهم تخفيه
والى متى تحنى ضلوعك على هم
قلت البكا صعبٍ عليه وأنا بيه
لا واهني اللي بكى وما تندم
لي عبرةٍ يلعب بها الحزن والتيه
ولي صرخةٍ واتعبت ابلقى لها فم
لا ما كتبت الشعر لحدٍ بسليه
ولا نيب مداحٍ ولا باترنم
احساس لابيعه ولانيب شاريه
مرٍ يجي شهدٍ ومرات علقم
الى لمحتي دم جوفي اف خليه
على الورق لا صار روحك تالم
قلت الشعر يوم إن لي راحةٍ فيه
وحزين أنا إلى متى الله يعلم
_
#البدر #بدر_بن_عبدالمحسن
#وحيد_الشعر #شعر #قصيد
#قصيدك_ليل #ليل

[@ABDULLAH-lk7uz]

اسال ان يجعل قبره أولى مساكن الجنة.. عزتي على من تعود على شوفته كل يوم وفقده والله ان فقدته من كثر ما حبيت شعره وشخصيته .. والله فقيده

[@aalmosabi6818]

الله يرحمه 💔

[@user-nr4mh6on9f]

الامبرطور أسطورة القمر المكان
عنوانه السيد الفاضل المعروف

[@user-fh3xl9ps1r]

لا ماكتبت الشعر لاحدن بسليه
نعم لكن اختصرت علينا الكثير ممانريد ان نقوله ولانستطيع التعبير عنه حفظك الله ومتعك بالصحة والعافية يابدرنا

[@user-ce3sz4fm4j]

ولي صرخةٍ واتعبت ابلقى لها فم 😴😴😴

[@SARA-cj1jy]

لي عبرةٍ يلعب بها الحزن والتيه ولي صرخةٍ .. واتعبت ابلقى لها فم
لا ما كتبت الشعر .. لحدٍ بسليه ولانيب مداحٍ .. ولا باترنم