法性講場 第96集 娑婆訶

好多人問漢傳佛教嘅佛弟子無論係讀《大悲咒》、《七佛滅罪真言》、《往生咒》時，經常都有 「娑婆訶」呢三個字，究竟「娑婆訶」係指向咩？今個星期就嚟講吓。
「娑婆訶」係由梵文Svaha翻譯而來。係《大悲咒》入面起碼可以搵到十四個「娑婆訶」。係以前比較避忌談及死亡嘅年代，好多老居士都會用：「某某已娑婆訶了」嚟形容某位前輩或同修已經往生。於是好多人就以為係梵文當「娑婆訶」呢三個字出現嘅時候，就代表完結或者句號。
其實「娑婆訶」有六種意思。頭三個係「圓滿」、「吉祥」、「成就」，代表事情已經完成，功德圓滿。其次係「增益」，因修持得到十方諸佛菩薩嘅加持，所以修持有所提升。另外仲有「息災」嘅意思，指滅除惡業、災難。最後係「無住」，「無所住而生其心」，「無住生心」係《金剛經》中經常出現嘅詞語，係咒文中係指我沒有任何執著，但係當中我係行緊善或者依住呢位佛菩薩、法門，去令自己增益善資糧。
所以我哋可以好清楚知道凡係唸咒唸到「娑婆訶」呢三個字時，我哋嘅理解為功德圓滿、成就、吉祥！而不是指向離世。
===========
想睇返上集內容，可到：
【法性講場】第95集 圓寂vs往生
dn-ph.org/GvHLpUa
【法性講場】第94集 辣椒？咖啡？芫茜？
dn-ph.org/x36k9ZZ
【法性講場】第93集 五辛
dn-ph.org/4vZMfgX