ياهواجيس شعري والقصيد ارتجال
هات زين البيوت وغن بجزالها
هات زين البيوت النادرات الجزال
خلها تشوش العزوه بموالها
حان وقت المزاين وابتدا الكرتفال
في ذرى دولة التوحيد واظلالها
والطنايا تحرى والمواقف ثقال
والنواميس شمر دايم رجالها
خالد بن الغصيم كل ماقال طال
كل هقوه ليا منه وقف طالها
ابن جدعان وقفاته تهز الجبال
كل ماكبرت الحملات يشتالها
لا وقف باسم شمر محتمين التوال
المراكز الاولى شرب فنجالها
ابلجً ينطح القاله كريم الخصال
والنشاما ماتكبر غير ب افعالها
واللغيصم فعوله ماعليها جدال
من كبار الطنايا لا احتمى جالها
جاب وضحً نوادر ماحسب للريال
يوم بعض الاوادم تحفظ ريالها
المنافس ليا شافه يعود لحال
اركدو والجزيره نعرف جبالها
خل باشات شمر تعلن الاحتفال
في صياهد رماح وحيو اقبالها
كاملات الوصوف وضافيات السبال
تومي الريح يوم تهب ب اسبالها
كل نوطاً بها زود الحلا والدلال
فاهقً نيها والارض تختالها
يوم تقبل تبختر من ديار الشمال
والطنايا نهار العرض تبرالها
احذفو بالعمايم والغتر والعقال
حالة اللي ينافس عاد يرثالها