غمضتي العين
الرادود: #عبدالهادي_البطيان #ميرزا_مظاهر_الشناف
الشاعر: #رضا_بالعيس
#حكاية_مسمار
#الليالي_الفاطية #يازهراء #فاطمة_الزهراء #عزاء#باسم_الكربلائي#ياحسين #عاشوراء #محمد_بوجبارة
من رحتي امن الدار.. بتُراب بتُراب
حاطتني الاكدار.. و عذاب عذاب
من غمّضتي العين.. و غالچ سهم البين
ضيّعتي الحسنين.. و صار بغربة الدين
___________________________
(١)
يا بعد الروح.. فتّ قلبي النوح
هازم الاحزاب.. حيدر مجروح
حزني مفضوح.. ما رايد بوح
مصابچ كل يوم..بعيوني يلوح
الكتايب چنت افرقها.. بحسامي و ما يهموني
و من فرّقنا يوم الدار.. انعمت من البچي عيوني
خلّيتي الكرار..ينوح ينوح
صوّبني المسمار.. بجروح بجروح
و ذوّب لي الدلّال.. بدّل منّي الحال
عشت بهمي سنين...وصار بغربة الدين
___________________________
(٢)
كلّي مأساة.. تحفني العبرات
وانا القرآن.. الدافن آيات
من المصلاة.. اسمع ونّات
و تراب الدار.. يشكي اللوعات
كئيبة الدنيا يا زهره.. صفت سجني من اغيابچ
التشهد بالمآذِن صار.. "نعي" ايذكرني بمصابچ
صوت التكبيرات.. سِهام سِهام
يذكرني بصيحات.. اللئام اللئام
من نادوا عالباب.. عصروا ام الاطياب
و سقطوها الجنين.. وصار بغربة الدين
___________________________
(٣)
اندارت الايام...انضام الضرغام
يصحى اعله الآه.. و عالدمعه ينام
تصوّبني سهام.. كثره او آلام
لو جنّ الليل.. و فزت الايتام
بلا ام المكان يصير.. قبُر عالعايله و اظلم
بحنين الطفله و الحسنين.. عليّ الدنيا چالماتم
بالكسره ايتاماچ.. تنوح تنوح
من تصد لمصلّاچ.. يلوح يلوح
خالي من التسبيح.. حوله تقوم، تطيح
و تندب "امنا وين؟".. صار بغربة الدين
___________________________
(٤)
يا نور البيت..بعدچ ظلّيت
حي بين الناس.. و بالواقع ميت
للبير احچيت.. دمعي صبيت
و من قد مبچاي.. صوتي بحّيت
تطول ايامي من دونچ.. أكبر هم سطى بقلبي
بلا خير الحياة تصير.. و يلوّع مهجتي تعبي
نفسي تفارقني.. اريد اريد
اقضي بقد ونّي.. شهيد شهيد
الدنيا اعلي تابوت.. غيابچ يسوى الموت
مالي عليه امعين.. صار بغربة الدين
___________________________
(٥)
يا ضي عيناي.. تيّهت الراي
يالبُعدچ داء.. و ملقاچ دواي
لا صحبه اوياي..وحدي وي اعداي
يا أم الدين.. اظلمّت دنياي
مصاب الباب، يوم الدار.. عليّه افراقچ ايزيده
يـ من ما وصّل العشرين.. عمرچ، عمري ماريده
ما وقف مبچاي.. كسير كسير
عيني ابقد بلواي.. ادير ادير
وِردي صار النوح.. واتلفت مجروح
آه يا سهم البين.. صار بغربة الدين
___________________________
رضا عبدالمحسن بالعيس | جمادى الأولى ١٤٤٦هـ