Gaurkoan gurekin Leire Martin eta Maider Redin dauzkagu gurean, biak, igerilariak; bata Bidasoa XXI taldekoa, eta bestea EASWIM taldekoa. 🚀
Kapitulu honetan, bi hauek beraien hasieren inguruan hitz egingo digute, baita beraien egunerokoaren zein exitorako bide horren prozesuaz ere. 🌟
Kontuan izan behar dugu, Leire Martin, bere ahizpa Ainhoa Martinekin batera, egun AEBetan daudela ikasten eta entrenatzen, hortaz, Martinek, bertako zein hemengo errealitateen konparaketa bat egingo digu; ohiturak, errutina ezberdinak... 🤔
Redinen kasuan, joan den astean ospatu zen Gabonetako Sari Internazionalaren inguruan hitz egingo digu, berak igeri egiteaz gain, txapelketa antolatzen jardun baitu. 🤭
Hori guztiaz hitz egiteko, gure gonbidatuez gain, Alex Ojanguren izango dugu gurean, gure patroiei laguntzen, Mikel Unanue zein Ion Mugika moderatzaile gisa, eta Markel San José teknikari gisa. 🙈
Eta nola ez, gure galdera tipikoa egiteaz gain, atal honek, urte berriak berarekin dakartzan berrikuntza ugari ditu, hala nola, hemendik aurrera bideopodcastak izango dira, hau da, gonbidatuei bideo bidez ikusteko aukera izango duzue. 🎥
Eta ez da hori aldaketa bakarra, hemendik aurrera, kafearen galdera egiteaz gain, gonbidatu guztiek aukeratzen dituzten abestiez osatutako Spotify-eko playlist bat sortuko dugu!! 🎶
Hortaz, zein izango dira Redin eta Martinen kaferik zein abestirik gustukoenak? Aldez aurretik abixatzen dizuegu, Martinen kafe gustukoenaren izena ez dela oso erraza ahoskatzeko 😳