猶太人可以話係世界上最富有嘅民族。佢哋佔全球人口嘅唔夠0.25%，但係就佔據福布斯富豪榜嘅20%，當中排名前40個富豪裡面，猶太人就佔咗一半。好多今日舉世知名嘅企業，都係猶太人創辦嘅，例如摩根大通、高盛同花旗等等。連索里斯、前聯儲局主席伯南克同耶倫等等嘅猛人都係猶太人。學術方面，諾貝爾獎有20%得獎者係猶太人，即係1901年以嚟，800個諾貝爾得獎者當中，猶太人就佔咗160個。猶太人點解咁厲害嘅呢？從佢哋嘅經典《塔木德》裡面，我哋可以搵到好多啟發。尤其係對財富嘅態度方面，《塔木德》有好深刻嘅論述。猶太人自細讀《塔木德》，相信係佢哋能夠取得咁大成就嘅一個好主要嘅原因。