"Həkimlər və Təbib Tələbələr" İctimai Birliyinin İctimai Sağlamlıq üzrə Daimi komitəsi (SCOPH) tərəfindən "Ümumdünya Əlilliyi olan insanlar günü" çərçivəsində hazırlanan video, bu mövzuda məlumatlılığı artırmaq və daha anlayışlı cəmiyyət qurmaq məqsədi daşıyır.
Psixi sağlamlıq problemləri ilə yaşayan insanlar cəmiyyətdə tez-tez stiqma, ayrı-seçkilik və anlaşılmazlıqla üzləşirlər. Bu videoda Azərbaycan Tibb Universitetinin Psixiatriya kafedrasının Həkim-rezidenti Elvira Əliyeva, psixi əlilliklərin mahiyyətini, bu insanlara qarşı mövcud olan stereotipləri və onların gündəlik həyatına təsir edən çətinlikləri izah edir. Psixi əlilliklərə qarşı stereotiplər tez-tez yanlış inanclara əsaslanır, məsələn, belə insanların zəif, təhlükəli və ya iş qabiliyyətsiz olduğu düşünülür. Bu kimi yanaşmalar onların cəmiyyətə inteqrasiyasını və dəstək almasını çətinləşdirir.
Unutmayın, dəyişikliyin başlanğıcı məlumatlılıqdır. Daha məlumatlı və aydın bir gələcək üçün ilk addımı indi atın - videonu izləyin və paylaşın!