شيله مهداه الى مشعل صالح الجنفاوي الشمري-طلال العارف(حصرياً)
كلمات:سلطان نواف الشمري
اداء:طلال العارف
تصميم:الأسلمي
الكلمات
-_-_-_-_-_--_-_-_-_-_--_-_-_-_-_-
طوى الليل بشته ولابقى فالمساري عون
وانا ودّي مْن الغيمه وسمه وودّانه
لو الليل الأكحل يخلف الشاكر الممنون
شفوفة على طرقه و حبكته و إيمانه
لاشحت الأراضي وانبهت كل شكل ولون
لا تشرّه على رجّال لا راجع أحزانه
يدور الزمان و باقي الكون هو الكون
مثل مانعرف الطيب بـ شكره و عرفانه
سلامي على من فك قيد و فرج مسجون
بعد عون رب الخلق.. عونه و سفطانه
ثلاثين عام وموقف مْجمّل .. و مرهون
على عين من ترجي وقوفه و برهانه
يسابق كلامه فعله الواضح المضمون
تدل الأوادم مكتبه مثل عنوانه
لاضاقت بي الدنيا ولا عيّنت لْي مركون
ادلّ الطريق الي يودي لِـ ديوانه
تنصّيت -مشعل صالح- الوافي الدندون
ابو تم و ازهل والمواقيف مليانه
ابو الفزعه العجله وابو مقضي المديون
ليا منه تلاقى كل داين بديّانه
ايادي تداوي جرح وتعفف المصيون
هذا شاف شيبان العرب مثل شيبانه
فتح له مراكز طب ويرهي بفوق ظنون
لـ ربّي -تعالى- مايبي غير غفرانه
مشرّع لك البيبان ولا ياخذ العربون
ويروي لك الفزعه من عروق ضميانه
بني عمّي اللي ماتواطو لـ اهل الدون
مراميّهم ماتفلك الا بـ حجّانه
ولاربعي الجفنا ماتعرف ياهون الهون
يانوماس شمّر مشعل وصكّر الخانه