#لايك_على_دربك
#قروب_FN #ععذرناك
لـلانـضـمـام لـمـجـمـوعـة [ FN ] تواصل معي سناب
حـسـابـاتـي عـلى الـتـواصـل الأجـتـمـاعـي⬇️
سـنـاب شـات ⬇️
www.snapchat.com/add/ur-8u
الأنـسـتـقـرام ⬇️
ur_8u?r=nametag
بـنـتـرسـت⬇️
pin.it/1E9vEjo
كلمات : محمد النخيش
خوي الجنب دور لي خلاٍ خالي وجوٍ زين
نبي نبعد عن الناس ونبي نبعد عن الديره
انا في حاجة استكنان حول اسبوع واسبوعين
ادله خاطري واعطيك من ذوقه وتعبيره
هموم القلب لو قامت توارد كل وقت وحين
ترا السجه طبيبٍ ينعرف فحصه وتقريره
ابسج القدم واغيب فتره واكسر الروتين
اشوف السجه علاج العنا والهم والحيره
ليا من ضاق بالك سج رجلك والامور تزين
ترا من طاح لهموم الزمن يدفع فواتيره
ولا تسمع ضعيف الراي في بكره وفي بعدين
ضعيف الراي نعرف نكبته من قل تفكيره‏
لاشاف الطيب المطنوخ كنه طاح في نارين
تشب النار في صدره وتاكل قلبه الغيره
ومهما قال فالناجح ترا الناجح طويل يمين
يحسب انه ينقص من مقامه يالله الخيره
عيونه للسماء ماهوب يم العالم الفاضين
نعرف متابع الفاضين مايقطع مشاويره
انا يعجبني اصوك راس وابيض قلب واحمر عين
رفيقٍ سيرته عز وفخر ياحي هالسيره
حسام النادر اللي مثل حد السيف ابو حدين
على اسم السيف يوم السيف له فعله وتقديره
حزام الجنب لامنك بغيته فالعسر واللين
لقيت حزام جنبك بينٍ وقعه وتأثيره
حفيد شيوخ وسلاله على نهج الفخر ماشين
هم اهل المجد والتاريخ ودهاته واساطيره
وابوه الوافي الطيب ورجل المعرفه والدين
كريم ومنهج الاكرام مايحسب مخاسيره
على لسانه هلا يامرحبا ياطيب الجدين
وتلقى المجلس المعمور ماتفضى مساييره
ابن مسعد حزام ودرع للاقصين والادنين
ليا ضاقت على المكروب ماسند على غيره
وجب ذخر الرجال اللي على فعل الكرم ضارين
رجالٍ يحفظون الطيب والتقدير والجيره
ذوي مسعد هل الوقفات لاجار الزمان الشين
على العلم المجمل والمكمل شبو النيره
مقادم روق اهل فعلٍ يسر القلب قبل العين
من دهاة الرجال ونجد ماتجهل مغاويره
نعرف الدلبحي دون الجمايل مايجنب لين
يجيب اعلى مراتب فالجمايل حسن تدبيره
ياحي الدلبحي لامن نخيته فاللزوم يبين
يموت ولا يشوف الدلبحي ضعفه وتقصيره
من عتيبه مقر المجد من ماض الزمن للحين
تروح اكبر مهمه عندهم لو كبرت صغيره
اهل مجدٍ عظيمٍ لو نحطه جنب سور الصين
بقى السور المشيد مايساوي حبة شعيره