|| ABHILAASHHASHATKAM ||
|| અભિલાષષટ્કમ્ : ||
પૂ. શ્રી રચિત “રંગ-હૃદયમ્”ના ૧૨૫મા પાના ઉપરનું ૧૬મું સ્તેાત્ર તે અભિલાષષટ્કમ-ઉચ્ચ અભિલાષાઓ વ્યક્ત કરતું ભાવપૂર્ણ ચિંતનસભર ભક્તિ અને જ્ઞાનના સ્રોત સમું છ શ્લેાકનું સ્તેાત્ર, એને ઢાળ આદ્ય શંકરાચાર્ય વિરચિત નર્મદાષ્ટકમ્- સબિન્દુસિન્ધુ જેવો. આ છ શ્લોકો માં નર્મદાને ઉદ્દેશીને નથી લખાયા પણ એના સંબંધ મા નર્મદાની સાથે જ છે.
પૂ. શ્રીનો મુકામ એક વેળા ટોટીદ્રા પાસેના અરણ્યેશ્વરમાં હતો. તેમની સાથે સેવામાં સરખેજના સ્વ. શ્રીરતનલાલ (મહાત્મા) હતા. મા નર્મદાની ગોદમાં પૂ. શ્રી બિરાજેલા એટલે સર્વત્ર આનંદ જ આનંદ હતો. પરંતુ એ જગા ઉપર નર્મદાનાં પાણી ઘણીવાર ફરી વળતાં. પાણી વધવા લાગે ત્યારે મહાદેવના પૂજારી વગેરે સ્થળાંતર કરીને જતા રહે અને પાણી ઉત્તરે પછી આવે. પૂ.શ્રી રહ્યા હતા ત્યારે પણ પાણી ચઢવા લાગ્યાં. ટોટીદ્રાના માણસોએ જોયું કે મંદિરના પૂજારી વગેરે આવ્યા છે. પણ ત્યાં એક બાવા છે તે અને તેની સાથેના માણસ આવ્યા નથી. ગામના માણસોએ પરિસ્થિતિ સમજાવી ગામમાં આવવા પૂ. શ્રી ને કહ્યું પણ પૂ.શ્રીએ કહ્યું કે હું તે અહીં જ રહીશ. શ્રી રતનલાલને કહ્યું કે મહાત્મા તમારે જવું હોય તો જાવ. પાણી ઉતરે ત્યારે આવજો. જો કે મહાત્માનું તો પાણી ઉતરી જ ગયું હતું. પણ પૂ.શ્રી ન જાય તો એ કેવી રીતે જઈ શકે ? બંને ન ગયા, ટોટીદ્રાના માણસોને આ ‘અલ્લડ બાવાને’ સમજાવવાનું વ્યર્થ લાગ્યું એટલે તેઓ ગયા.
આ તરફ પાણી વધવા લાગ્યાં. શ્રી મહાત્માએ ફરી એકવાર પ્રયત્ન કરી જોયો અને તેઓશ્રીએ અવધૂતી બેફિકરાઇનું એક દર્શન એના રૌદ્ર રૂપ સાથે કર્યું અને હવે તો ‘ગૃહીતકેશેષુ મૃત્યુના,-મૃત્યુના હાથમાં જ પેાતાના વાળ હાય એમ જે તે જોયા કર્યા વિના કોઈ આરો નથી એવું વિચારી ત્યાંજ એક ટેકરી જેવી ઊંચી જગા ઉપર બેસી રહ્યા.
વાતવાતમાં પૂ.શ્રી. મહાત્માને કહ્યું કે રતનલાલ ! ગભરાવાનું કંઇ કારણ નથી. આ તો માજીની (મા નર્મદાની) મેં પરિક્રમા કરી હતી ને, તે માજી આજે મારી પરિક્રમા કરવા આવ્યાં છે ! પરિક્રમા કરશે અને એને સંતોષ થશે એટલે ચાલ્યાં જશે. પૂ.શ્રી આમ શાંત ચિત્તે માજીની ભાવતરંગ સાથે તાલ મિલાવી ગાતા રહ્યા : ‘કદાનુ રંગ-રંગમુક્તમંગમુક્તમાશ્રયે !' પાણી ખરેખર એટલાં બધા વધ્યાં કે ટેકરીની આસપાસ ફરી વળ્યાં-જાણે પ્રક્ષિણા જ ન કરતાં હોય ! પછી ધીરે ધીરે પાણી ઊતર્યાં. ગામ લેાકોએ તો માનેલું જ કે બાવો તણાઇ ગયો હશે, ઉલ્ટુ પોતાની સાથે પેલા બીજાને પણ તાણતો ગયો હશે. પણ તેમના આશ્ચર્ય વચ્ચે બંન્ને સહિસલામત બેઠેલા જણાયાં ! અને તેઓ તેમની ભક્તિમાં ડૂબ્યા.
સંદર્ભ : નારેશ્વરનો નાથ
લેખક : શ્રીઅમૃતલાલ ના. મોદી
+=+=+=+=+=+=+=+=+=+=+=+=+=+=+=+=+=+=+=+=+=+
આગામી પુષ્પ : ( ગુરુવારે સવારે ૦૮:૩૦ વાગ્યે )
+=+=+=+=+=+=+=+=+=+=+=+=+=+=+=+=+=+=+=+=+=+
Om Prem
Linch
અવધૂતચિંતનશ્રીગુરુદેવદત્ત
#ShreeRangSahitya, #ShreeDattSahitya, #VasudevanandSahitya, #OmPrem, #Linch, #Nareshvar, #Nareshwar, #દત્ત, #Datt, #Dutt, #DuttaStotram, #ShreeDattStotram, #Prarthana, #अभिलाषषट्कम, #RangAvdhootMaharaj, #અભિલાષષટ્કમ