ଦୂତିପଡା ଜଗନ୍ନାଥ ମନ୍ଦିର ଠାରେ ବ୍ଲକ ପ୍ରଶାସନର ଲୋକାର୍ପଣ କାର୍ଯ୍ୟକ୍ରମ ।
ଆଜି ଅତି ପବିତ୍ର ଦିନ ପୌଷ ମାସରେ ଜଗନ୍ନାଥ ମନ୍ଦିର ପରିକ୍ରମା ଲୋକାର୍ପଣ କାର୍ଯ୍ୟକ୍ରମ ସମ୍ପାଦିତ ହୋଇଛି ।ରାଜ୍ୟ ସରକାରଙ୍କ ନୀତି ନିର୍ଘଣ୍ଟ ଅନୁସାରେ ଶଙ୍ଖ କ୍ଷେତ୍ର ,ତୀର୍ଥ କ୍ଷେତ୍ର,ଶ୍ରୀକ୍ଷେତ୍ର ପ୍ରଭୁ ଜଗନ୍ନାଥଙ୍କ ଜନ୍ମ ଭୂମି ପୁରୀରେ ଗଜ ପତି ମହାରାଜ ଯଜ୍ଞରେ ପୂର୍ଣ୍ଣାହୁତି ଦେବା ପରେ ମୁଖ୍ୟ ମନ୍ତ୍ରୀ ନବୀନ ପଟ୍ଟନାୟକ ଜନସାଧାରଣ ଙ୍କ ଉଦ୍ଦେଶ୍ୟରେ ଶ୍ରୀ ମନ୍ଦିର ପ୍ରକଳ୍ପ ପରିକ୍ରମା ଲୋକାର୍ପଣ କରିଛନ୍ତି ।ଏହି ପରିପ୍ରେକ୍ଷୀରେ ଖଜୁରୀପଡ଼ା ବ୍ଲକ ଅନ୍ତର୍ଗତ ଦୂତି ପଡା ଠାରେ ଥିବା ପ୍ରଭୁ ଜଗନ୍ନାଥଙ୍କ ମନ୍ଦିର ବ୍ଲକ ପ୍ରଶାସନ ଦ୍ବାରା ଲୋକାର୍ପଣ ହୋଇଛି।ରାଜ୍ୟ ସରକାର ଏହି ମନ୍ଦିର ର ଉନ୍ନତି କରଣ ଏବଂ ନବୀକରଣ ପାଇଁ ୧୦ ଲକ୍ଷ ଟଙ୍କା ଆର୍ଥିକ ରାଶି ପ୍ରଦାନ କରିଥିଲେ।ବହୁ ସୁନ୍ଦର ଭାବେ ମନ୍ଦିର ନବୀକରଣ କାର୍ଯ୍ୟ ବ୍ଲକ ପ୍ରଶାସନ ଦ୍ବାରା ସମ୍ପାଦିତ ହୋଇଛି।ପୁଷ୍ପ ଗଛ ,ପୁଷ୍ପ ମାଳରେ ମନ୍ଦିର ସୁସଜ୍ଜିତ ହୋଇଛି,ସୁଗନ୍ଧ ମୟ ବାସ୍ନାରେ ମନ୍ଦିର ମହକୁଛି,ଭକ୍ତ ଶ୍ରଦ୍ଧାଳୁ ଙ୍କ ସମାଗମରେ ଜୟ ଜଗନ୍ନାଥ ଶବ୍ଦ ରେ ଚତୁର ପାର୍ଶ୍ଵ ପ୍ରକମ୍ପିତ ହୋଇଛି,ନାମ ସଂକୀର୍ତ୍ତନ ହରି ନାମ ଶବ୍ଦ ରେ ପରିବେଶ ଆଧ୍ୟାତ୍ମିକ ସୃଷ୍ଟି କରିଛି,ମୃଦଙ୍ଗ, ଖୋଳ, ଝାଞ୍ଜ ,ଗିନି ଶବ୍ଦ ରେ ମୁଖରିତ ହୋଇଛି ଶ୍ରୀ ଜଗନ୍ନାଥ ମନ୍ଦିର। ପୂର୍ବ ପ୍ରସ୍ତୁତି ଅନୁଯାୟୀ ଗୋସେଇଁ ସୁବାସ ଚନ୍ଦ୍ର ଦାସ ଙ୍କ ଦ୍ଵାରା ସୂର୍ଯ୍ୟ ପୂଜା ,ଧରିତ୍ରୀ ପୂଜା,ଗୋପୂଜା, ସଲାପ୍ରବେସ,ପଞ୍ଚକର୍ମ,ମଣ୍ଡଳ ପୂଜା ହବନ,ଆରତୀ,ପୁଷ୍ପାଞ୍ଜଳି, ପ୍ରଦକ୍ଷୀନ ସହ ଦିନ ତମାମ ଜଗନ୍ନାଥଙ୍କ ମନ୍ଦିର ରେ ଚାରିଦ୍ଵାରରେ ବେଦ ପରାୟଣ ସହ ନାମ ସଂକୀର୍ତ୍ତନ କରାଯାଇଛି ।ଭକ୍ତ ଶ୍ରଦ୍ଧାଳୁ ନିମନ୍ତେ ଅନ୍ନ ପ୍ରସାଦ ସେବନ ବ୍ୟବସ୍ଥା କରା ଯାଇଅଛି ।କାର୍ଯ୍ୟକ୍ରମରେ ବିଡ଼ିଓ ଜର୍ଜ ଡୁଙ୍ଗୁ ଡୁଙ୍ଗୁ,ସହକାରୀ ଯନ୍ତ୍ରୀ ସୁଭସ୍ମିତା ନାଥ,ଯନ୍ତ୍ରୀ ରବିନାରାୟଣ ଲେଙ୍କା, ସନ୍ତୋଷି ସାହୁ,ଅଧ୍ୟକ୍ଷା ଅନୀମା କହଁର,ଉପାଧ୍ୟକ୍ଷ ଅମିତ୍ କୁମାର୍ ଦିଗାଲ ସମେତ ସମସ୍ତ ସରପଞ୍ଚ ଉପସ୍ଥିତ ଥିଲେ ।